شبـــكة تـيـفـا نت - ابكيت من بيوت الشعر تلك

صباااااااااااااااح الخير
هذي بعض الابيات اتمنى انها تحوز على رضاكمـ ....

ابكتب من بيوت الشعر حزن(ن) يشتهي حرفـي

أبرسم داخل أحلامي صـور تحكـي معاناتـي

أبصرخ داخل الوجدان أبنـدب حظـيَ التّرفـي

بقطَع حفنةَ أوراق(ن) تضم احساس مـن ذاتـي

تعبت أشكي الم حزني تعبتَ أغضّ من طرفـي

عرفت اني إذا سامحـت تجـدد كـل مأساتـي

في هالعالم عجزت ألقى ضمير مّقدر(ن)ظرفـي

عجزت ألقى يد(ن)تمسح على حزني وعذاباتـي

كرهت الحب والاحساس وصار الكره من عرفي

أبرفـع للحـزن والخـوف والآهـات راياتـي

ولكني رفيعة راس أموت وما خضـع طرفـي

عزيزة نفس من يجهل صفاتـي ينظـر الآتـي

قوية باس ماعمري وطيـت بـدرب منحرفـي

وانا اللي لانظرت الكون تهز الكـون نظراتـي

أبوي اللي من الطيبة غرف من حوضها غرفي

وأخوية لانطق باسمـي تهـز الأرض هزاتـي

ولكني برغـم ذلـك أسيـر بـدرب منعرفـي

مثل كل البشر أخطي ...كثيرة حيـل غلطاتـي

تحياتي

الجمال الصامت