Download88787

نبدأ بسم الله :

الباترون :

Download10737

الطريقة :

1- نبدأ بعمل الدائرة .. ممكن بطريقة السلاسل وممكن بطريقة ( الدائرة السحرية ) وهي طريقة شاهدتها في أحد مقاطع الفيديو .. تخليلك الدائرة مغلقة تماما وهي كالتالي :

راح تلفي الخيط على أصباعك كما في الصورة بحيث تعملي شكل اكس طرف الخيط القصير من تحت والطويل (اللي موصول بالبكرة ) من فوق .. تمام ؟؟

Download72465

ثم تدخلي الصنارة من تحت الخيط القصير

Download39686

ثم تسحبي الخيط الطويل بالصنارة وتخرجي راح تتكون عندك دائرة على أصباعك ..

Download19018

بعد كدة تعملي سلسلة وتخرجي اصباعك وتبدأي تشتغلي داخل الدائرة 6 غرز حشو

Download60038

ثم تسحبي الخيط القصير وحتلاحظي انه الدائرة تنغلق :

Download70667

ثم تنهي بعمل غرزة منزلقة في أول غرزة في الدائرة ..

Download83042

تابع

2- علمي أول غرزة أو آخر غرزة بخيط لونه مختلف أو استخدمي طريقة العد .. راح يكون شغلنا حلزوني يعني مافي سلاسل بداية والعمل كله بغرزة الحشو

Download48368

3- أشتغلي فوق ال 6 غرز 12 غرزة يعني فوق كل غرزة غرزتين في نفس المكان زي طريقة القبعة بالضبط

4- اشتغلي فوق ال 12 غرزة 18 غرزة يعني فوق أول غرزة غرزتين وفي ثاني غرزة غرزة واحدة فقط وهكذا لنهاية السطر ( 2 1 2 1 2 1 )

5 - السطر اللي بعده 24 غرزة .. ( 2 1 1 2 1 1 2 1 1 ) غرزة توسعي وغرزتين لا

6- السطر التالي غرزة توسعي و 3 غرز لا ( 2 1 1 1 2 1 1 1 2 ) ويصير عددها 30 غرزة ..

7 - الآن راح تشتغلي بدون زيادة يعني فوق كل غرزة غرزة وحدة بس 30 غرزة

8- كرري السطر السابق مرة أخرى

1- خلصنا 7 أسطر .. في السطر الثامن راح نوسع تاني ... حتبدأي أول غرزة توسيع بعدين تتركي 4 غرز بدون توسيع ثم وحدة توسيع وهكذا ( 2 1 1 1 1 2 1 1 1 1 2 ) 36 غرزة

2- السطر التاسع تشتغلي كله بدون توسيع وحيكون عدد الغرز برضه 36 ..

3- السطر 10 - 11 زي التاسع تمام

4- السطر 12 نوسع كل 5 غرز .. يعني تبدأي أول غرزة فوقها غرزتين بعدين 5 غرز تشتغليها عادي فوق كل غرزة غرزة .. بعدين غرزتين فوق الغرزة اللي بعدهم ( 2 1 1 1 1 1 2 1 1 1 1 1 2 ) 42 غرزة .. واذا حابة تعملي لون الجسم مختلف عن الرأس غيري اللون الآن ..

5- السطر 13 الى 17 تشتغليهم بدون توسيع 42 غرزة

فاضلنا 5 سطور ونشطب .. تابعوني ..



Download52207

نتابع معا :

1- السطر 18 راح نبدأ بالتناقص عشان تنقفل البيضة .. أول غرزة وتاني غرزة تشتغليهم مع بعض غرزة تنقيص .. اللي هي تعملي غرزة حشو بس قبل لا تسحبي الخيط من الحلقتين اللي عالسنارة تدخليها في الغرزة الثانية وتشتغلي غرزة حشو .. فتصير عندك 3 حلقات على السنارة تسحبيها كلها مع بعض .. حتنقصي 6 مرات كل خمسة غرز مرة .. يعني الأولى والتانية تنقيص ثم 5 غرز عادية ثم تنقيص ثم 5 غرز عادي وهكذا لآخر السطر .. ويصير عندنا 36 غرزة ..

2- السطر 19 برضه حننقص 6 مرات نبدأ بغرزة تنقيص ثم 4 غرز عادي ثم تنقيص وهكذا حتى يصبح لدينا 30 غرزة في السطر ..

3- السطر 20 نفس الشي ننقص 6 مرات كل 3 غرز ويصير عدد الغرز 24

4- السطر 21 ننقص 6 مرات كل غرزتين ويصير عدد الغرز 18


نكمل مع بعض :

هذا شكل بيضتي عند السطر 21 :

Download49682

ومن الداخل :

Download31076

1- الآن راح نحشي البيضة .. في العادة بتكون الحشوة قطن .. لكن أنا أفضل القماش لأنه بيكون أقسى .. وبيعطي شكل متماسك أكتر .. جيبي أي قماش قديم وقصيه الى قطع صغيرة حتى ما تتكتل جوة :
Download24921

وابدأي بحشو البيضة بها .. احشيها لمن تكتمي أنفاسها :

Download63611

وكل ما حسيت انك خلصت افعصيها حتى تتأكدي انها اتماسكت تماما :

Download72250

لو انفعصت معاك معناته لسة تحتاج حشو أكتر ..

2- بعد الانتهاء من الحشو نشتغل السطرين الباقين عشان نقفل خلاص .. السطر 22 راح يكون 12 غرزة .. تنقصي مرة ايوة ومرة لا .. يعني غرزة تنقيص ثم غرزة عادية ثم غرزة تنقيص الى آخر السطر

Download51950

3- السطر الأخير راح يكون كله غرز تنقيص وتصير معاك 6 غرز فقط .. واذا ما انقفلت كملي تنقيص لحد ما تنقفل ..

Download53641

4- الآن ارسمي الفم بالقلم الأسود في السطر السابع .. وأحضري خرز أسود أو لولو أو زر أسود .. وألصقيه فوق الفم .. في السطر السادس أو الخامس .. واختيار شكل ومكان الملامح يؤثر على الشكل النهائي كثيييييييييييييرا ..

Download56693

وممكن تعملي حجم أصغر بتنقيص عدد من السطور :

Download34588

وممكن اضافة أي اكسسوارات أخرى مثل الوشاح أو الملابس .. واليدين عبارة عن خيط مربوط في طرفه خرزة لكن أنا مهي متوفرة عندي .. وممكن اضافة الشعر بطريقة سهلة اللي حابة تعرفها تخبرني وأنا انزلها ان شاء الله ..

طريقة إضافة الشعر :

1- قيسي طول الشعرة على البيضة

Download25182

2- ثم اثني الشعرة وقصيها ( يعني يكون طولها ضعف الطول المطلوب )

Download22288

3- الآن قصي الكثير من الخيوط بنفس الطول

Download81419

4- اغرزي السنارة في رأس البيضة

Download20239


5- لفي أحد الخيوط المقصوصة على السنارة من منتصفه تماما :

Download24768

6- اسحبي الخيط مع السنارة الى الخارج

Download81484

7- لفي طرفي الخيط على السنارة واسحبيهما بالكامل ( زي لمن تقفلي شغلك في الكروشيه )

Download29899

Download35938

8- شدي بقوة لتنعقد الشعرة .. وكرري هذه الخطوة على كل الشعرات

Download39743

9- أنا عملتها على جنبين وضفرتهم وربطتلها بكلة

Download45557

10- واذا تحبي تعمليلها غرة اعملي نفس الخطوات بس بخيط أقصر ومن الأمام ثم ساوي الأطراف

Download83259

مشكوره قمر الليل ع الورشة الجميلة دي وعمل رائع