عندي سؤال في صيانة الكمبيوتر
 

السلام عليكم ورحمة الله وبركاته

في الحقيقة انا عندي مشكله في الكمبيوتر من فترة وهي ان الكمبيوتر بيقفل لوحده وبدأت معايا من فترة كبيرة وهي اما بشغل الكمبيوتر بعد فترة بيقفل لوحده ولو فتحته تاني بيطلع رسالة في البداية انه قفل بسبب الحرارة.

فغيرت مروحة البروسيسور عشان شكيت فيها بس للاسف نفس الحكاية وبعد شوية اتظبط تاني لمده شهر أو اكتر ورجع تاني فغيرت الباور سبلاي وبرضة اتظبط يومين ورجع تاني اسوء من الاول يعني دلوقتي مجرد اما افتحه يقفل قبل ما يحمل حتي الويندوز.

فحبيت استشيركم واخد رأيكم ممكن يكون فيه ايه

انت كدة مش هتخلص ! كل شوية هتحتاج تبدل قطعة

اشتري كمبيوتر جديد احسن

انا حصلت عندي نفس المشكلة و بدلت المروحة و برضة لسة مبيشتغلش

ركنت الكمبيوتر على جمب و اشتريت واحد جديد

يعني المشكله كده فعلا ملهاش حل؟
والله انا فكرت اغير البورده والبروسيسور بس انا عاوز اعرف المشكله منين سواء كانت من البروسيسور او المروحه او اي قطعه بالتحديد

ايه يا شباب هو مفيش حد عنده خلفية بالصيانه ولا ايه ولا شكلكوا كده في الامتحانات
ربنا يعينكوا

بسم الله الرحمن الرحيم ،،

أزيك يا درش أولاً ،،
إن شاء الله الخلفيه موجوده والحمد لله بس زى منتا قولت الناس فى إمتحانات وكده المهم يا حج
أنا كنت رديت عليك قبل كده على موضوع القفل ده ,ودا ردى القديم Here

بس دلوقتى الأمر إختلف تماماً وهو إن الجهاز بيقفل علطول بمجرد إنك تفتحه ،
علشان تكون عارف برضه ،، كده البروسيسور مفيش منه أى مشكله ولا فى منه أى خوف وكمان إنت بتقول إنك غيرت المروحه ،
يبقى كده تمام أوى ،،

بنسبه 100% المشكله هنا مشكله كهربا ،،
هطلب منك 3 حاجات أول حاجه إنك تاخد الباور صبلاى وتجربه على أى جهاز تانى وتشوف هيعمل معاك إيه ؟؟
تانى حاجه إنك تظبط الكهربا الى داخله للكمبيوتر وياريت يكون فى إستابلايزر ( منظم كهربا )
تالت حاجه شيل البطاريه الى فى البورده وإلمسها بلسانك شوف هتلسع ولا لا ؟
ولو ملسعش يبقى هات حجر تانى ،،

طيب فى حالة إنك عملت كل الحاجات دى وتأكدت إن كل حاجه تمام التمام
هتيجى على البورده وتفكها خااالص من الكيسه وتشيل منها كل الكروت الى راكبه يعنى مثلا لو فى كارت شاشه كارت فاكس كارت لان كل ده تشيله خالص وكمان تشيل كل وصلات الدتا والباور الى خارجه يعنى من الاخر متوصلش اى حاجه
وبعدين توصل باور بس للبورده وعشان تكون فاهم إنت ليه عملت كده ؟؟ إنت كده بتفضى شحنه الكهربا الى فى البورده ولو فى جمبر جمب الحجر هتشيله وبكده إن شاء الله يبقى كله تمام

هتوصل بقى كارت الشاشه وتركب الحاجات الاساسيه هنجربه والبورده خارج الكيسه أهم حاجه لان ممكن تكون البورده ملمسه مع الكيسه عشان كده بتعمل القفله ،،

وتجرب شوف الجهاز هيفصل برضه ولا لا ؟؟

وانا معاك إن شاء الله بس إنت رد عليا وقولى إيه الى حصل معاك بالظبط ؟؟

منتظر ؟؟

thanx alot 7amatto i will try to do this steps..
gazak allah khair
i will till you what will happen

Waiting ya Darsh