|
اوقفوا هذا الاعلان أو وفرولنا أدوية مكافحة الحمووووووضة
مفيش حاجة واجعه قلبى ومسببالى مغص فى ضوافر رجلى زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح .... تعيشها صح ... مستفزززززز جدا ..... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية والله متعديش حتى على الهنود ( على فكرة احلى تحية للهنود بتوع النووى ) :bm: احسبها صح ... تعيشها صح .... وعليه...... خدوا عندكم بقا.... هِيّا جت عليّا انا يعنى ؟؟؟!! .... توتى وفر فى فلوس المخدرات بتاعته وجاب عربية هامر جديده !! تحسبها صح .... تعيشها صح ..... نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !! تحسبها صح .... تعيشها صح ..... سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت! تحسبها صح .... تعيشها صح ..... حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !! عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !! :bm::bm: تحسبها صح .... تعيشها صح ..... عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !! تحسبها صح .... تعيشها صح ..... صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !! تحسبها صح .... تعيشها صح ..... طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !! تحسبها صح .... تعيشها صح ..... نداء الى اصحاب القلوب الرحيمة وجمعيات الرفق بالانسان والحيوان.... اوقفوا هذا الاعلان أو وفرولنا أدوية مكافحة الحمووووووضة :011: |
المفروض يقف من زمان
وانتة ياعم الحاج خليك سخى شوية وكبر الخط ولاتحسبها صح ........تعيشها صح |
ياسيدي لو علي الحموضه اشرب لبن رايب او لبن ساقع او لبن خالي الدسم اما عن الاعلان لتقفل التلفزيون لتبيعه لتجيبهولي :ongue: |
شوف الرقم اللى الشعب امصرى بيدفعه فى الموبايلات او اتصالات 0900 او السجاير او اى حاجه من الحاجات الهايفه اللى مش اساسيه فى حياته وانته تعرف الهدف معاك ان الدنيا مش بمبى لكن مننكرش ان فى تصرفات احنا بنعملها واستهبال اوقات بنعمله من غير قصد فى المعيشه محتاجه نحسبها صح الاول |
| الساعة الآن 06:56 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى