|
Task Manager
بسم الله الرحمن الرحيم انا عندي مشكلة في الكمبيوتر " ادارة المهام " عندي معطلة و كل ما اشغلها بـ : Alt + Ctrl + Delete بيطلعلي التحذير دة Download10038 مع اني انا المدير ! و لما اجي اشغلها من : الزر اليمين + Task Manager مش بلاقيها موجودة ! : Download47825 فياريت حد يقولي اعمل اية ؟ ملاحظة : انا شغال على ويندوز XP |
شوف يا ليو باختصار ده فيرس اسمه win32 sality وهو الى بيقفل الtask manager وال reg editor والمشكلة الكبيرة انه بيقفل الانتى فيرس نفسه ده لو الانتى فيرس مش متحدث واكتشفه وكمان فى نسخ معينه من الفيرس ده بتبوظ اى ملف امتداده exe على الجهاز الحل 1- انك تشيل كل البرامج والالعاب الى عندك واى ملف امتداداه exe وتفرمت ال c وتنزل ويندوز وده صعب طبعا:bm::bm: فخليك فى الحل التانى وهوه : انته طبعا عادة مش مثبت انتى فيرس عندك ولو كنت مثبت هتلاقي الفيرس قفله فانته المفروض انك تعمل سكان بانتى فيرس الاول كويس بس هتقابلك مشكلة انك لو نزلت اى برنامج انتى فيرس وجيت تثبته مش هيتثبت معاك فقدامك حل واحد وهوه انك هتنزل انتى فيرس من عند اى حد صاحبك وتضغطه فى ارشيف win rar بحيث ان الفيرس مش يبوظه وتاخده على فلاشة او سيدى وبكده هيتسطب معاك بعد ما تسطبه الفيرس هيقفل الجارد بتاعه وبالتالى مش هتلاقى ايقونته فى ال system tray جمب الساعة فهتدخل تعمل سكان على بارتشن بارتشن من جوه بعد ما تخلص سكان لازم تتأكد ان جهازك دلوقتى نظيف من الفيرس فهتنزل برنامج اسمه autorun eater وظيفة البرنامج انه بيصلح الtask manager والريجسترى بالاضافه انه بيشيل الاوتو رن بعد ما تصلح الtask manager هيفتح معاك عادى لو جهازك نظيف من الفيرس هيفضل ال task manager يفتح معاك عادى لو لسه فى فيرس والانتى فيرس مش طلعه ال task manager هيتقفل تانى. فانته تاخد بالك من الاول انك تعمل سكان بانتى فيرس كويس ويكون على الاقل اخر تحديث ليه من شهرين بالكتير. انا هجيبلك لينك لبرنامج ال autorun eater ده قريب ان شاء الله حتى ممكن ابقى ابعتهولك على الميل.. |
ده لينك البرنامج يا ليو Download78315 والتعامل معاه سهل زى ما فى الصورة كليك يمين على ايقونة البرنامج واختار القائمة الى اسمها registry fix وبعدين اختار fix task manager Download16554 |
شكرا جزيلا لك يا عاشق على الحل
انا افضلي اني احط ويندوز جديد و خلاص :) اصل اللي عندي مهنق و تقريبا كل اللي عندي في الاقراص C , D , E , F , G , H ملهومش لزمة بس برضة هجرب الطريقة الثانية مع انها صعبة ( بالنسبة ليا ) |
الف شكر يا عاشق
الحمد لله اتصلحت ادارة المهام بدون فحص بالانتي فايرس او اي حاجة فقط عملت اصلاح بالبرنامج Autorun Eater و اشتغلت Download63468 Download68751 تم التقييم |
اقتباس:
طب الحمد لله بس على فكرة الtask manager اشتغل معاك بدون سكان بالنتى فيرس لان جهازك كده نظيف مش عليه الفيرس نفسه. على العموم الحمد لله ان كله تمام |
تسلم ايدك على الشرح يا برنس
|
لا كدا تمام بارك الله فيك |
| الساعة الآن 06:24 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى