|
قصيدة عشان انت مصرى .. احمد فؤاد نجم
نقلا عن جبهة انقاذ مصر Download39547أحمد فؤاد نجم عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف |
طيب ما انت حلو اهوه ومش خواف ولا حاجة مش بتسيب الناس تكتب براحتها ليه !! Download47095 Download80447 Download47329 Download64094 Download78838 Download19518 |
اي والله يا عثمان يحلل لنفسه ويحرم علي غيره يا محمد خلي بالك يا حبيبي الحاجات دي مش لعبه |
اقتباس:
يانهار ابيض ليه كده الراجل ده |
قصيده جامده جداااااااااا
مشكووووووورررررررررررررر |
السلام عليكم
قصيدة حلو اوي اوي لان احنا المصرين حضارة من سنين مهما طال الزمن احنا المصرين هنعيش وهنموت احنا المصرين ومصر ام الدنيا شكرا يا webCraker على الموضوع الحلو ده تقبل مروري |
قصيده جميله وبتصور القلق اللى احنا عيشينه الضغوط حولينا كتير واحنا مش قادرين نعمل ايه ياناس نروح فينلازم نعيش الحياه بحلوها ومرها
|
:clap::icon26::clap: شعر جميل قوووووووووووووووووي بارك ربي فيك يا طيب تقبل مروري ومشاركتي بارك ربي فيك :ongue::icon26::ongue: |
اقتباس:
الشعر بيعبر عن حال مجتمع احنا عايشين فيه , , يعنى مفهوش أى حاجه ياخوانا ياللى بتقولوا بحرمه على الناس وبحلله ليا انا فاهم قصدك ياعثمان باشا بس خد بالك ان الكلام بعيد تماما عن السياسة مجاش فيه سيرة حد واخد بالك انت |
| الساعة الآن 03:52 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى