|
إلى من يشكك بدور مصر ويجعلها من الخونة
إلى من يشكك بدور مصر ويجعلها من الخونة مصر تساعد فلسطين من قبل 48 و حتي يومنا هذا لولا مصر ما كان للمقاومه وجود حتي الأن الأسلحه التي تحاربون بها إسرائيل لم تسقط من السماء من تعب من محاوله التصالح بين القبائل الفلسطنيه حتي يعلموا من هم عدوهم بدلا من قتلهم لبعضهم البعض هم المصريين حاربنا أسرائيل في 73 و ضحينا و بأعز جنودنا و رئيسنا السادات الذي اتهمتوه بالتواطئ ! أتهمتوه بالتواطئ لأنكم أنتم أيها العرب لا تعرفون ما معني كلمه حرب التي نعاني حتي الأن من نتائجها أتهمتوه بالتواطئ لأنه طلب منكم الجلوس علي طاوله المفوضات و أنتم ياعرب منتصرين و الفارق كبير بين ان تتفاوض و انت منتصر و ان تتفاوض و انت مهزوم ! لكنكم أشهرتم العزه و الكرامه و قاطعتم ارض الكرامه لأنكم بكل بساطه لم تخسروا شيئا بالعكس حرب 73 صنعت لكثير منكم قيمه ! تأخرنا عن العالم كله بسببها و رغم ذلك ما ذلنا نساعد ! و لن نتوقف عن المساعده ! ......... ليس المصريين هم من قذفوا معبر رفح بالصواريخ بعد ان وافقت اسرائيل علي دخول المساعات عن طريق مصر للمعبر ليس المصريين هم من يفسدوا كل محاوله للسلام ......... قبل ان تتحدث عن مصر أعرف من هي مصر مقدما ! .......... إلي كل فلسطيني صدقني لن تجد من يحبك في العالم كله و يساعدك و يتمني ان يضحي بروحه في سبيل بلدك مثل المصريين الموضوع ليس له أي غرض غير الرد علي من يحاول ان يصنع من نفسه حاملا للواء العروبه بدون ان يقدم شئ ! ... مصر و فلسطين أخوان حتي يوم الدين .... و رد بسيط لكل من يسأل ماذا فعلت مصر غير المفوضات مصر سبق أن حاربت و انتصرت و أستردت أرضها كامله ! ماذا فعلت أنت؟ ! أليس لديك جيش؟ ! لما لا ترينا ماذا ستفعل ؟؟؟؟؟؟؟ ........... و لكل من يتحدث عن رئيس دولتنا مبارك مبارك حارب و انتصر و يعرف معني كلمه حرب بصرف النظر عن الفساد الداخلي فهو شأن خاص بنا نحن فقط كمصريين ! لكن مصر رئاسه و حكومه و شعبا ليست متواطئه و لن تكون يوما متواطئه من يوحي له خياله المريض ان مصر تواطئت مع اسرائيل لضرب غزه ما هو الا مريض نفسيا صور له كرهه لمصر هذا ليس ألا المسئولين الاسرئليين كانوا في مصر من اجل التفاوض علي فتح المعبر لدخول المساعدات المصريه لغزه للأطفال و الشيوخ و النساء المحاصرين لم يكونوا في أجازه أو في نزهه سياحيه ! هذه هي مصر ! ........ مصر تعلم دائما ماذا تفعل و متي تفعل لو رئيسنا و حكومتنا ضعيفه لما كان لما ترددت اسرائيل لحظه في الهجوم علي مصر .... الموضوع ليس تقليل من أحد نحن نحترم كل الأخوه العرب لكن الموضوع لكي نقول للجميع ان العدو واحد و قبل ان نعاتب بعضنا البعض يجب ان نفكر قليلا ! .... ليفني جاءت للقاهرة وهي تعلم أن غزة ستقصف وسبب زيارتها لتوقع مصر بالعرب حتى يظن العرب أن مصر كانت تعلم أن غزة ستقصف خطتك ياليفني معروفة والإيقاع بين حماس وفتح لن يتكرر بين مصر والعرب حتى وإن كانت هناك الشرذمة المحبي لتسويق إعلاناتهم في الإعلام يجعلون من هذا الموقف دليل على خيانة مصر ابن مصر |
:clap::clap::clap: بارك الله فيك والله قلت كل الى كنت عايزة اقوله العرب محتاجين يقرأوا فى التاريخ كتير عشان يعرفوا مين مصر وفضلها على العرب بوجه عام والفلسطينيين بوجه خاص ومن رأيي الأحوال مش هتنصلح الا لو الناس أفاقت من الغفوة دى وفهموا سياسة عدوهم اسرائيل ماشية بسياسة فرق تسد فرقت وفتنت بين العرب وبين الفلسطينيين نفسهم معقول لغايت دلوقتى مش فاهمين؟ |
والله عندك حق
بس متهيألي ان كتير عارفين من هم المصرين من هو الجندي المصري بشجاعته بشهامته بكبريائه وفي نفس الوقت عارفين ان المصرين قلبهم طيب ودايما واقفين في جانب الحق والمصري دايما بيفكر بحكمه وعقل ومصر دائما واقفه بجانب العرب في اي موقف يحدث لهم وربنا يحفظنا ويحفظ الامه الاسلاميه |
مصر تساعد فلسطين من قبل 48 و حتي يومنا هذا
اخي العزيز احنا بنتكلم على 2008 مش 48 بوضوع اكثر بنقول مواقف مصر طول عمرها مشرفه قبل الرئيس مبارك لولا مصر ما كان للمقاومه وجود حتي الأن على اساس المدافع الرشاشة اللي مغرقين بيها فلسطين ولا ايه بظبط ؟ متخليك واقعي يا امير :bm: الأسلحه التي تحاربون بها إسرائيل لم تسقط من السماء اخي من الغلط تنكر على حد حقة الأسلحة بتدخل فلسطين من سوريا و لبنان و بيدعم المقاومة بيها ايران عن طريق حزب الله و سوريا أما مصر هية من يمنع مرورها لفلسطين لأن معبرها محدود ومصر ايضا هية اللي كشفت الخنادق اللي كانت بتستخدم في تهريب الأسلحة اللي كان بيدفع ثمنها رجال أعمال مصريين لمساعدة الفلسطنيين يعني بردو مش الحكومة فسيبك انتا من حكاية السما مبتمطرش اسلحة احسن الناس تفتكر ان مصر بتبعتلنا حاجة :ongue: من تعب من محاوله التصالح بين القبائل الفلسطنيه حتي يعلموا من هم عدوهم بدلا من قتلهم لبعضهم البعض هم المصريين اساسا اللي مصر بتحاول تصالحهم على فصائل المقاومة اللي هما سلطة محمود عباس محدش بيحترمهم في كل الوطن العربي مش الفلسطنيين و بس و بوضوح اكثر محدش هيضيع كل اللي عملو من نضال و يسلم على واحد رمي نفسه في احضان امريكا و اسرائيل فاحنا اصلا مستغنيين عن الصلح ده حاربنا أسرائيل في 73 و ضحينا و بأعز جنودنا و رئيسنا السادات الذي اتهمتوه بالتواطئ ! انا مش عارف انتا ليه بتحاول تاخد من احداث زمان عشان تعدل بيها وضع مصر بعد جرائم الحكومة المصرية في 2008 متوريني عملت ايه اكثر من طرب كل اللي بيحاول يقرب من معبر رفح بالرصاص اثناء القصف الإسرائيلي أتهمتوه بالتواطئ لأنكم أنتم أيها العرب لا تعرفون ما معني كلمه حرب التي نعاني حتي الأن من نتائجها عمر العرب ما خافت من الحرب ولا عربي عاير عربي انه وقف معاه او ساعده الا في عصر السدات ومبارك اللي حطو السدات ودخولو لأسرائيل عشان حب ينهي المعركة بسرعة قبل ما تبدء تاني ليه لو كان منتصر فعلا و قسم ظهر اسرائيل مكان دخل رجع فلسطين بالمرة بقي وعمل فيها بطل الا صحيح هوة مدخلش ليه ؟؟؟؟؟؟؟؟؟؟ أتهمتوه بالتواطئ لأنه طلب منكم الجلوس علي طاوله المفوضات و أنتم ياعرب منتصرين و الفارق كبير بين ان تتفاوض و انت منتصر و ان تتفاوض و انت مهزوم ! لكنكم أشهرتم العزه و الكرامه و قاطعتم ارض الكرامه لأنكم بكل بساطه لم تخسروا شيئا بالعكس حرب 73 صنعت لكثير منكم قيمه ! تأخرنا عن العالم كله بسببها و رغم ذلك ما ذلنا نساعد ! و لن نتوقف عن المساعده ! على فكرة احب افكرك و انتا مصر على الكلام عن سنه 73 ان مشكلتنا مع مصر قصف اهلنا في غزة و مصر قافلة المعبر الوحيد لنجاتهم سنه 2008 مش 73 ليس المصريين هم من قذفوا معبر رفح بالصواريخ بعد ان وافقت اسرائيل علي دخول المساعات عن طريق مصر للمعبر مفيش اي حاجة من الكلام ده حصلت في 2008 خالص ليس المصريين هم من يفسدوا كل محاوله للسلام طبعا طبعا مصر اشطر ناس في الكلام ليل و نهار عن السلام في عز ما غزة بتنضرب و مصر تتكلم ليل و نهار عن السلام ......... قبل ان تتحدث عن مصر أعرف من هي مصر مقدما ! عرفناها كويس إلي كل فلسطيني صدقني لن تجد من يحبك في العالم كله و يساعدك و يتمني ان يضحي بروحه في سبيل بلدك مثل المصريين المصريين صدقت لاكن الحكومة المصرية محصلش ولا هيحصل الموضوع ليس له أي غرض غير الرد علي من يحاول ان يصنع من نفسه حاملا للواء العروبه بدون ان يقدم شئ ! ... مصر و فلسطين أخوان حتي يوم الدين انا معاك في ده و اعز اصدقائي مصريين و بيقلولي احنا بنعتذر عن رد فعل حكومتنا الغير مسؤل و رد بسيط لكل من يسأل ماذا فعلت مصر غير المفوضات مصر سبق أن حاربت و انتصرت و أستردت أرضها كامله ! محصلش .. ماذا فعلت أنت؟ ! أليس لديك جيش؟ ! لما لا ترينا ماذا ستفعل ؟؟؟؟؟؟؟ المقاومة ليس لديها جيش و مع ذلك رأي العالم كله مذا فعلت و لكل من يتحدث عن رئيس دولتنا مبارك مبارك حارب و انتصر و يعرف معني كلمه حرب صح يعرفها عندما تطلب منه امريكا ضرب العراق ولاكن عندما يستنجد به الاف العائلات في فلسطين يعمل نفسو مش واخد بالو بقي لأن العدو جامد شوية بصرف النظر عن الفساد الداخلي فهو شأن خاص بنا نحن فقط كمصريين ! لكن مصر رئاسه و حكومه و شعبا ليست متواطئه مصر كشعب ليست متواطئه اما حكومة ؟؟ .. متواطئة 100% و لن تكون يوما متواطئه من يوحي له خياله المريض ان مصر تواطئت مع اسرائيل لضرب غزه ما هو الا مريض نفسيا صور له كرهه لمصر هذا ليس ألا هية فكرة مستحيلة مهما تخاذل العرب مش ممكن توصل لدرجة انه مصري يتفق مع اسرائيلي بضرب فلسطيني ولاكن احيانا تطلع تصريحات مبالغ فيها زي دي بسبب الغضب الشديد المسئولين الاسرئليين كانوا في مصر من اجل التفاوض علي فتح المعبر لدخول المساعدات المصريه لغزه للأطفال و الشيوخ و النساء المحاصرين هذه هي مصر ! لم يكونوا في أجازه أو في نزهه سياحيه ! اليس من العار ان تستأذن مصر من اسرائيل لنجده المصابين وهم لديهم المخرج الوحيد الي هوة معبر رفح ........ مصر تعلم دائما ماذا تفعل و متي تفعل لو رئيسنا و حكومتنا ضعيفه لما كان لما ترددت اسرائيل لحظه في الهجوم علي مصر وهية اسرائيل ليه هتهجم على بلد بتاخد منه كل اللي هية عايزاه في اي وقت بالعكس نظام زي نظام الرئيس مبارك اسرائيل تدافع عنه مش تهاجمه دا زي ما يكون محافظ لأسرائيل في مصر في كل شيء الغاز و السفارة و السياحة عايز ايه تاني الموضوع ليس تقليل من أحد نحن نحترم كل الأخوه العرب لكن الموضوع لكي نقول للجميع ان العدو واحد و قبل ان نعاتب بعضنا البعض يجب ان نفكر قليلا ! .... ليفني جاءت للقاهرة وهي تعلم أن غزة ستقصف وسبب زيارتها لتوقع مصر بالعرب حتى يظن العرب أن مصر كانت تعلم أن غزة ستقصف خطتك ياليفني معروفة والإيقاع بين حماس وفتح لن يتكرر بين مصر والعرب حتى وإن كانت هناك الشرذمة المحبي لتسويق إعلاناتهم في الإعلام يجعلون من هذا الموقف دليل على خيانة مصر عمرنا ما اعتبرنا مصر في موضع الخيانة ولاكن كان عشمنا بمصر اكبر بكثير من تخيلاتنا للواقع ولاكن جت مصر حرقت كل شيء في لحظة عموما انا مش عاتب عليك بس لو عايز تعرف الحقيقة سافر و تعرف على شعوب اكثر |
:clap::clap::clap: بارك الله فيك والله قلت كل الى كنت عايزة اقوله العرب محتاجين يقرأوا فى التاريخ كتير عشان يعرفوا مين مصر وفضلها على العرب بوجه عام والفلسطينيين بوجه خاص الحقيقة فضلها باين علينا اهو في معركة غزة الحالية و شافها العالم كله فشكرا على التنبيه اصل الحقيقة انا مكنتش واخد بالي :ongue: ومن رأيي الأحوال مش هتنصلح الا لو الناس أفاقت من الغفوة دى وفهموا سياسة عدوهم اسرائيل ماشية بسياسة فرق تسد فرقت وفتنت بين العرب وبين الفلسطينيين نفسهم معقول لغايت دلوقتى مش فاهمين؟ معلش بقي مكناش فاهمين اصل كنا مستنيين مصر تجلنا على الجبهه تورينا فمجتش اتأخرت شوية على العموم زمانها جية :yawn: |
والله عندك حق
بس متهيألي ان كتير عارفين من هم المصرين من هو الجندي المصري بشجاعته بشهامته بكبريائه مختلفش معاكي فكده انا رأيي ده عن الحكومة فقط وفي نفس الوقت عارفين ان المصرين قلبهم طيب ودايما واقفين في جانب الحق دول المصريين مش الحكومة المصرية والمصري دايما بيفكر بحكمه وعقل ومصر دائما واقفه بجانب العرب في اي موقف يحدث لهم اختي يعرف الرئيس مبارك ازاي يضحك على شعبه بالكلام المعسول فمصر تقف ديما لجانب الحق الا في عهده لأنه جبن من مواجهة العدو وربنا يحفظنا ويحفظ الامه الاسلاميه رغم احتجاجي على كلامكم الا ان ردك كان نوعا منطقي اكثر رد ومفيهوش كثير مبالغات و بطولات محصلتش اشكركم على المناقشة الجميلة ولكم مني فائق الأحترام :009: |
احمد باشا حامد ابن مصر حبيب قلبى حلال العقد وبعد......... لك منى أفضل وردة فى بستان قلبى ياباشا حاسس من كلامك انك متعصب لا ياأبو حميد اوعى تزعل وبعدين هكذا هو الشعب المصرى يجود على الناس ولا ينتظر الشكر ولا رد الجميل الشعب المصرى دائما سباقا للخير مغلاقا للشر الشعب المصرى معروف على مر العصور الشعب المصرى لا ينتظر أبدا كلمة شكر من أحد إذا جئنا نتبع الجرح والتعديل فستجد العديد من الأخطاء ولكن لا نريد ذلك الآن الأهم أن ننظر إلى ما يحدث بعين الجدية ونبلغ العالم أجمع أن العرب والمسلمون أبدا يد واحدة ولا نريد أبدا ان نظهر بتلك الصورة المخذية أمام العالم أجمع دول تشجب وأخرى ترفض وأخرى تستنكر وأخرى تصمت فليفق الضمير العربى أولا وعندما نتحد ونصد العدو نعود إلى ما كان بيننا وستجد أننا أصحاب الفضل على مر العصور الشعب المصرى أخى أحمد أحبك فى الل وأهم حاجة ياحلال العقد تحل العقدة دى بس براحة وواحدة واحدة ولا تجعل الغضب يمتلكك أبدا وتذكر دائما " كن كالنخيل عن الأحقاد مرتفع ترمى بحجر فتؤتى بأطيب الثمر " لكى تحياتى أخوك وحبيبك وجارك أحمد عاشور سبيل الحياة |
أخي الحبيب سبيل الحياه رغم أني لست صاحب الموضوع الا اني اشكرك على كلماتك القيمة
|
السلام عليكم ورحمه الله وبركاته لفت نظرى رد اخى عبود لبعض النقاط الهامه التى يشعر بها كثير من الشعوب العربيه تجاه مصر لذلك وجب على ان اشير الى بعض النقاط الهامه فى الموضوع مصر لم تفعل اى شئ لغزه بالفعل منذ وفاه عبدالناصر سوريا وحزب الله هما اللى بيساندوا القضيه الفلسطينيه من دعم معنوى ومادى وعسكرى رهيب مصر تكره وجود غزه تحت سلطه حماس علشان حماس تتبع بشكل او اخر الاخوان المسلمين مصر منذ عهد عبدالناصر وفلسطين اصبحت شئ ثانوى فى السياسه الخارجيه المصريه الدول العربيه تساعد فلسطين واقلهم دعما مصر بسبب المعونه الامريكيه اللى مصر ممسوكه منها ومش قادره تعمل لفلسطين حاجه بسببها كل الكلام اللى فوق ده كلام فارغ تعالوا مع بعض نرجع مع بعض للهدف من المقاومه الفلسطينيه اهدافها الان اصبحت مجهوله زمان ايام 48 كانت الحرب حول وجود اسرائيل ولكن بعد حروب 67 و 73 اصبحنا نتحدث عن وجود فلسطين من الاساس فما هوا مبدأ المقاومه (حماس) هل استقلال فلسطين او الجزء المتبقى منها ام اختفاء اسرائيل من فوق كوكب الارض واريد رد منطقى من اى حد على السؤال ده قبل مبدأ اتكلم فى الموضوع الدعم العربى من هم اكبر داعم لفلسطين سوريا وحزب الله الله اكبر سمعت فى النشره عن الطائرات السوريه اللى اخترقت المجال الجوى الاسرائيلى او اخترقت اى مجال جوى ( اصل الصراحه مسمعتش غير عن طائرات اسرائليله تخترق الاراضى السوريه ) معلش سمعت برضه عن صواريخ من حزب الله تجاه اسرائيل من بعد اى انتفاضه او احداث فى فلسطين اه اه اه اسمع الكثير يقول مش لازم مباشر دا السلاح بيتهرب من تحت لتحت يعنى من غير محد يعرف يرف ياراجل امال انته عرفت ازاى ان السلاح ده من حزب الله ولا سوريا ولا هوا كلام وخلاص طب تعالوا كده نراجع الخريطه بتاع فلطسين هوا مش برضه سوريا ولبنان على حدود الضفه مش بيقلوا برضه ان قوه حماس فى غزه وزمان حتى قالوا غزه تتبع حماس والضفه تبع فتح طب احنا ننزل نجيب واحد من الشارع مصر حدود غزه والادرن وسوريا ولبنان حدود الضفه يبقى سلاح حماس جه منين اكيد من ال 3 اللى مع غزه ما شاء الله فطنين اسكتوا مش من كام شهر اسرائيل وامريكا بتعيط فوق مصر لوقف تهريب السلاح اللى شغال من سينا يا راجل دانا كنت فاكر ان اسرائيل بتشتكى من السلاح اللى بيتهرب من الضفه تلاقيهم بيمثلوا علشان يفهموا العرب ان السلاح بيتهرب من ناحيه مصر ساعتها انا فاكر لما مبارك طلع وقال مش انتوا بتشتكوا من الانفاق اقفلوها من عندكم لا خاين وعميل يا حسنى ازا تقولهم اقفلوا من عندكم انته بتتريق على اليهود اهم دمروا غزه يا مبارك علشان يقفلوها اه يا خاين يا وحش مش كنت تخليك فى حالك وتستنى لما الدنيا تخرب وتطلع تدى بيانيين جامدين الا صحيح يا مصر انتى بتعملى ايه دلوقتى وايه اللى جاب ليفنى القاهره اكيد تاخد الاذن بضرب غزه ما شاء الله عليكم فطنين بس التاريخ بيقول ان اسرائيل اعلنت الكلام ده من كام شهر ومصر شغاله تاجيل فى العمليه عمال شغاله مساعى دبلوماسيه بين حماس واليهود فى الاخر العمليه بدات مصر حاولت اجلت بس فى الاخر اليهود نفذوا اخوانا العرب انا متاكد طبعا لو اتوسطوا كانت اسرائيل هتبعت برقيه تهنئه لحماس من اول يوم ايه اللى دخل المصريين ولاد ال...... فى الحوار بين حماس واسرائيل المفروض يسيبوا حماس تتكلم لوحدها طب ودلوقتى يا عم الحج مصر عامله ايه مصر مش عامله مصر مجرد فاتحه المعبر تبعت ادويه لعلاج المصابيين وتاخد مصابيين يعالجوهم ومصر كانت قافله المعبر كل ده ليه يا عم الحج لان يا حضرات يا كرام لو المعبر انفتح على اخره زى منتوا عايزين يا عباقره الزمان اهل غزه هييسبوا غزه لحماس تحارب براحتها وهما هيسبوها وينزحوا على مصر (امن) اى انسان فى العالم عايز اسرته تعيش فى امن دى اولويته ف الحياه وهناك اهلهم او فى اى دوله وونسيب غزه لحماس لوحدها من غير سكان او شويه هيفضلوا علشان اسرائيل تعرف تسيطر ليها زيها زى الدوله بتاعتها حاليا والناس اللى فضلت تبقى عرب 2008 بدل عرب 48 دا اللى انتوا عايزينه طب متخلى مصر تدخل مساعدات حاضر يا عمو هنخلى مصر لما تيجى تهرب سلاح او تسيب بمزاجها تهريب السلاح او المعونات تطلع اعلان فى التليفزيون زى ما اخوانا اياهم بيعملوا فى مؤتمرتهم اللى شغاله على ودن دلوقتى سمعت واحد يقلك مصر لو كانت سابت المعبر مفتوح كانت حماس منعت القتل على اساس يعنى ان حماس هتجيب صواريخ باتريوت وتحطها تضرب الطيران الاسرائيلى زى معملت من كام سنه اصل لو مش واخدين بالكم المعبر مفتوح من زمان ومتقفلش الا من ساعه مقتل الجندى المصرى وبقى بيتفتح على فترات بالمناسبه صحيح هوا اه ل فلسطين مسلمين واهل العراق دول يعنى ولاد ........... اصل زعماء المؤتمرات اللى شغالين عويل على مصر لازقين فى العراق ايران سوريا قطر حضرتكم متعرفوش ان عدد القتلى بعد الاحتلال الامريكى يفوق عدد قتلى فلسطين فى اخر عقبه زمنيه بس اه اه اه دول بيمدوا المقاومه بسلاح بس سلاحها علشان يقتل العراقيين مدامت مصر لا تفعل شئ اذن فلننسحب من الحوار مع اليهود الان ليبدا الغزو البرى والمجزره الحقيقيه تحل ومبروك يا عرب يا اصحاب الميكروفانات يا جنود الكيبورد مبارك رجل حرب ضد العراق بالفعل ولكن عراق 90 ولس عراق 2004 من لا يعلم الفرق لايدخل فى نقاش حول هذا الموضوع معلومه اخيره عدد الفلسطنيين المقتولين من نيران بعضهم البعض اكثر اضعاف مضاعفه من الاسرائلين الذين قتلوا بايدى فلسطينين بالمناسبه تصحيح بخصوص المصابيين واتحدى حد ينكر ده موضوع دخول المصابيين بين معبر رفح كانت حماس بتنسق مع مصر على كيفيه نقلهم علشان حصل قبل كده ان لطول المسافه ناس كانت بتموت اثناء النقل علشان كده دخول المصابيين اتاخر فى النهايه نتاسف للشعب الفلسطينى عن كل وجع الدماغ اللى سببنهوله بالمؤتمؤات والمعهادات وجلسات الحوار الوطنى والمساعدات المعلوم منها والغير معلوم ولكن نطلب منه ان يدوس على نفسه ويستحمل كمان مساعدتنا للنايه معلش مجبر يتحمل تقل الدم المصرى ومساعدته على فكره للى بيقرا جغرافيه فلسطين مفتوحه على البحر ومياه دوليه مسمعتش يعنى عن سفينه من بتوع عنتر زمانه دخلت وفكت الحصار يعنى |
بسم الله الرحمن الرحيم ياأخوانى واحدة واحدة ومش كده سؤال ليكم ياجماعة كلكم :- احنا عاوزين ايه؟ عاوزين ننتصر ابقو قابلونى طول ما احنا بينا ضغائن وحقد وغل وكراهية والله ما احنا شايفين مكسب أبدل وبعدين ازاى نكسب واحنا بالطريقة دى وبعدين بصراحة ومن غير زعل كل رؤساء الوطن العربى والاسلامى ليهم أخطاء فى القضية الفلسطينية زى ما الفلسطنيين أنفسهم ليهم أخطاء المفروض علينا أبدا ما نجرحش فى بعض المثل العمى بتعنا بيقول ايه انا واخويه على ابن عمى وانا وابن عمى على الغريب بصرف النظر المثل صح ولا لاء المفروض كل انسان يشوف نفسه ويقتش جواه هيلاقى نفسه فيه أخطاء جسام وما فيش حد كامل إلا الله ياجماعة لازم نتحد ونبقى ايد واحدة ونرمى خلافتنا ورانا نفتكر بس الحاجات الكويسة اللى تساندنا وتدينا القوة اللى احنا بنعمله فى بعض دا الغرب مخطط له من زمان وعارفين من اين قدروا يحطمونا ويكسرو شوكتنا والله لن تقوم للدول العربية والاسلامية أبدا قائمة طول ما هيه كده الانقسامات بقت فى البيت الواحد ننتصر ازاى وفيه قنوات داعرة تابعة للمسلمين قنوات الاعانى والقنوات الهابطة وتحدث ولا حرج ننتصر ازاى وفيه ربا مالى البنوك العربية والاسلامية وربنا بتوعد بحربه للى بيتعامل بالرب ننتصر ازاى واحنابعيد كل البعد عن الدين ما احنا لو متمسكين بدينا ما كنا وصلنا لكده ابدا وبعدين الرؤساء دول من اين يعنى مستوردينهم ماهم من انا احنا ووالله لن يصلحهم الله لنا إلا بعد نصلح أنفسنا ياجماعة كفاية كفاية جدال النبى يقول " طوبى لمن ترك المراء ولو كان محقا " كفاية حرام كده فكروا ان احنا حتى ولو فى المنتدى بس نبقه ايد واحدة ونرمى كل الخلافات ورا ظهورنا ونتحدى لأعداء دين الله عمرنا ما احنا شايفين انتصار طول مافيه كورة وشكل وناس تموت عشان الكورة واللى يجيى له سكتة قلبية فى مباراة عمرى ما سمعت حد جه له سكتة قلبية عشان شايل هم الأمة والا احنا فعلا زى ما قال ماندووز شاطرين فى الكلام ما عدناش عاوزين كلام ما عدناش عاوزين تجريح وتفتيح فى بعض بجد عاوزين نبقى ايد واحدة عشان ساعتها ممكن نبقى الأمة اللى وعدها ربها بالنصر ممكن ولكم جزيل الشكر |
والله يا استاذ احمد عاشور كلامك سليم جدا الكل مقصرين بلا استثناء ولكننا معذورون فى انفعالاتنا المصريون ليسوا خونة والنبي عليه الصلاة والسلام شهد لهم بانهم خير اجناد الارض واكثر شعب أحب فلسطين وتعاطف معها هو الشعب المصرى ولذلك حدث ما حدث لذلك وقعت الفتنة الايدى الخفية التى تقف وراء الفتنة تهدف الى استفزاز المصريين بترويج تلك الشائعات لكى تتوقف عن مساندة ودعم فلسطين وطبعا ان شاء الله لن يحدث هذا ولكن لابد من جانب الاخوة العرب من النظر للمشكلة نظرة اكثر تعمقا المشكلة الحقيقية هى ان غزة تحت النار والفلسطينيون منقسمون ومتفتتون الى فصائل تتنازع على الحكم الضائع واكثر العرب سلبيون فاذن ماذا نقول فيمن يختزل المشكلة كلها فى ان معبر رفح مقفول؟ يعنى لو اتفتح المشكلة هتتحل؟ بالعكس والله هتزيد المعبر ده المفروض يستخدم كمدخل ليس كمخرج مدخل يدخل منه المدد والمساعدات الانسانية وليس مخرجا للهروب واختزال المقاومة الى صفر بل محوها وتسليم ارضكم لاسرائيل على طبق من فضة اعلم ان الجهاد والمقاومة موت ودم والم ولكنها اشرف من التخاذل والهروب وهى من رفعت قدركم فى قلوب الناس فان تنالوا احدى الحسنيين خير لكم من هذا واخيرا اعتذر ان كان ردى الاول انفعاليا ومبالغا فيه ولكنى اعتقد انه شعور طبيعى عندما تتهم كنانة الله بالخيانة واشكر للاخ عبود اسلوبه الجميل وسعة صدره للمناقشة |
الحقيقة لم اقبل منك اي شكر فأنت بعيد كل البعد عن الحقيقة فقط امثالك يحاول تضليل الحقائق بخلافات الفلسطنيين
انت تحاول التلميح للناس ان مشكلتنا مع الشعب المصري بينما مشكلتنا هية مع حكومة مبارك فقط و تلوح بأن مشكلت الفلسطنيين هية قفل المعبر فقط بينما نحن نتكلم عن الاف العيوب غيرها اي معبر الذي تتكلم عنه نحن ننادي بعمل بطولي من خير اجناد الأرض الذي تتكلم عنهم نحن نسأل اين ذهب المصريين الذي مجد فيهم الرسول صلي الله عليه وسلم هل هوة من يقف الأن امام العالم و يقول لا اريد ان افتح المعبر الا بعد حضور المراقبين الأروبيين ؟؟؟ هل هوة من يطلب من مجلس الأمن اليوم النجده والتحرك بتحالفاته لينقذ له غزة القائم موقعها على حدوده مباشرة من اسرائيل ؟؟؟ لا والله ما حصل مجلس الأمن الذي لا يتحرك الا بعد ان تحقق اسرائيل اهدافها او عندما تنتهي الحرب او عندما تقرر اسرائيل وقف العمليات للأسف الرئيس المصري هوة الرئيس الوحيد الذي يملك قرار رد العدوان او عدمه كدولة كبري كشعب كبير مجرد مظاهرة فيه يلتفت لها العالم كقوة عسكرية موضوعه على المجهر لا والله ماكان هذا هوة خير اجناد الأرض اللي وصي عليه رسول الله انت تنوه ان مشكلتنا مع شعب مصر بقولك شعب مصر هوة من فعل للفلسطنيين كذا و كذا ما تكلمت في حديثي عن اي شيء تجاه الشعب ابدا و كان كل كلامي عن نظام مبارك فقط اتكلم عن مسؤل مثل عمر موسي عندما يسأله صحفي و يقول له لما لا نعرض على الأسرئيليين يد ممدوده بغصن زيتون و يد ممدوده بالسلاح ولتختار اسرائيل ما تشاء فيرد المسؤل الوقور (( زهقنا بقي من الشعارات دي )) رد انتا بقي على المسؤل بتاعك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا اتكلم عن وضح حالي حتقرالي التاريخ كله ؟؟ انا اطلب من شعب مصر كله يتخطي حكومة تقتل على حدودها مئات من عائلات العرب و هية لا تحرك ساكنا و تنتظر المراقبين الأروبيين و انت تدافع ؟ يا اخي افهم الحكومة المصرية ما خلت عربي عنده قيمة قيييييييييييييييييييييييييمة اتفهم ما معني قيمة ولا لا طول الزمن و العرب بيحاربو مع بعض عمرنا ما شفنا واحد عراقي جاي يقول العراقيين ياما عملو للفلسطنيين عمرنا ما سمعنا عن واحد سوري يقول احنا عندنا الاف الفلسطنيين متملكين بيوت و عايشين في امان و كنا بنحارب معهم و حررناهم في عهد تدمر عمرنا ما سمعنا عن اي جنسية عربيه على مر التاريخ كلة تقول نحن من عمل للفلسطنيين كذا و كذا الا مصر فقط هية اللي ليل و نهال نحن من يهتم بالقضية نحن من يدعم الشعب الفلسطيني نحن نحن لما زهقتنا يا فخامة الرئيس زهقتنا بنحن بتاعتك بدل ما تقول احنا عملنا كذا تعلم اولا انه لم يكن من شيم العرب معايرة بعضهم تعلم ان هذه الأشياء واجبات علينا جميعا تجاه بعضنا وليست جمايل يا عربي تعلم و اقرء عن اخلاق العرب وشيمهم الحقيقية التي قالها صديقنا مساه الله بكل خير اقتباس:
انا مش هحاسبك على كلامك ولا هتناقش معاك هقول ايه بس لواحد بيدافع عن رئيس مستني بعثة المراقبين الأروبيين يحضرو على باب بيتو عشان يسمعولو يدخل قواتو لأنقاذ فلسطين هقول ايه لرئيس لسة منكسفش يطلع يخطب بعد ما خلي اطفال المدارس تهتف في البلاد العربية تسقط مصر و اسرائيل يا عم افتح التلفزيون و اقعد قدامه شوية بس من فضلك متحطش على قنوات مصرية خلينا واقعيين مبقلكش افتح التلفزيون عشان تتفرج على افلام ولا اغاني كلامي واضح افتح التلفزيون فقط حط على القنوات الأخبارية و بعد كدا حكم ضميرك و قرر بنفسك اذا كنت صح ولا غلط قرر ساعتها انا عايزك تفتح المعبر ولا عايز جندي مصري صح قال عليه الرصول خير اجناد الأرض الجندي اللي تحرك من مكانه في وسط الوف الجنود العرب لينجد النساء والعجزة في دولة المعتصم بالله اول ما سمع خبر احتلالها و قبل ما ياخد حتي الأمر من امير المؤمنين اني اطلب النجده من جند الله اللي لما ارسللهم المعتصم رسالة اذهبو مع جيوش العرب لنصره بيت الله الشريف و اهل القدس قالو كلمة شرفت العرب كلهم كلمة خلدتهم مئات السنين قالو نحن في الطريق يا امير المؤمنين يا للفخر على هذا القائد نحن في الطريق ؟ لو كان في عصرنا الأن كان قالو حسني مبارك ليه مقلتليش قبل ما تطلع انتا معزول انا مش جاي اتناقش في كلام فارغ مالوش فايده مع واحد جي يدافع عن حكومة بتعلن امام العالم انه منتظر موافقة الصهاينة لدخول سيارات المساعده والأسعاف للجرحي الفلسطنيين عشان ياخدهم يعالجهم يعني و كأن اسرائيل تقدر تمنعه في اي وقت طبعا محدش ينكر يعني اسرائيل دلوأتي بتقلنا عن طريق مصر انا اللي بقتل وبعور و انا اللي بسمح بالعلاج يبقي نحترم نفسنا بقي و نقعد مؤدبين بكل بساطة مش عايز اتناقش مع اي مواطن بيدافع عن انظمة عربية عقدو اجتماعهم بعد اربع ايام من ضرب بيوت غزة بالطيارات يعني بعد ما قتلو 400 واحد رغم انهم عارفين من اللحظة الأولي احنا في زمن 2009 و الخبر بيوصلك في ثواني و تقدر انتا كمان تكون هناك بكل جيوشك خلال ساعات مش ابعع ايام عشان بس تجتمع اربع ايام ؟؟؟؟؟ الله يرحم جمال عبد الناصر اللي مكانش عندو اسلحة خالص و مستناش لما اسرائيل حاولت تدخل لبعد سينا و ضرب و طردهم و حتي لو ما قدرش و ده اللي رجحوه العرب كلهم وقتها لأن سينا كان فيها قواعد اسرائيلية ومعدات متحلمش بيها العرب مش عارف بس الراجل ده مدعاش لعقد مؤتمر ليه بس الله الله يسامحك و يلعن الأنظمة اللي خلت الشباب بالبرود ده الله يرحم جدودنا اللي كانو بينتفضو حتي على اهليهم اللي مكانوش عايزين يخلوهم يطلعو المعارك عشان ضعاف امثال شباب بني هاشف ايام الإسلام الأن وصل بينا الزمن للشباب بيشوف و بيسمع بعينه القتل و الضرب على حدوده و جاي يقلي المعبر ميتفتحش عشان الفلسطنيين ميخلصوش صحيح ان لم تستحي فافعل ما شئت |
يأخ عبود أنت من إدارة المنتدى على عينا وعلى راسنا لكن الحق حق سياسة مصر الخارجية من أنجح السياسات والتي لم تجبر أي دولة على المساس بمصر وهذا شاهد لها ولشعبها وسياستها الداخليه أمر شخصي خاص بنا من فساد أو خلافه ولن نسمح لأحد بأن يماشي من يقولوا معاهم معاهم عليهم عليهم ونحن كمصريين موافقين على رأي الرئيس مبارك الذي ألقاه في خطابه امس ولانشغالي هو ما أجبرني على عدم الرد لما ذكرته أعلاه ولكني سأجد بكل تأكيد الوقت الذي يسمح لي بتفنيد كل ما ذكرته وإثبات بالدليل أن كلامك مغلوط وليس له أي أساس من الصحة ولي عودة |
يا اخ عبود بلاش الطريقة دى بلاش تقرا من الكلام اللى انت عايز تقراه وبس وتفسره التفسير اللى انت عايز تفهمه وبس لقد اعترفت ان ردى الاول كان انفعاليا بعض الشيء وده رد فعل طبيعى لاى انسان اتهمت بلده بالخيانة ولم اكن اقصد تعديد فضائل مصر او المعايرة على اى حال وقد اعتذرت عن ذلك الرد ورغم انى مقتنعة بكلام الاخ ابن مصر فى هذا الصدد اقتباس:
لكن انا مدافعتش عن الحكومة ولا عن النظام فى اى جزء من كلامى عشان تحكيلى الموشح الطويل ده وتطلع فى الاخر الحكومة المصرية هى سبب كل المصايب اللى فى الدنيا انا كلامى كان رد على اى لسان تفوه فى حق المصرين بكلمة الخيانة ولم اقل انك انت هذا اللسان ورغم كده لم اعفى احد من التقصير عايز تفهم الكلام بمعناه الصحيح افهمه عايز تحوره لمعانى تانية وتفهمه على مزاج حضرتك بردو انت حر لن يتغير شيء من الحقيقة سيظل المصريون خير اجناد الأرض ولم اقل ان الحكومة المصرية خير حكومات الارض وقبل ان تنادى بالعمل البطولى من شباب مصر فالاولى ان تنتظره من ابناء فلسطين المهاجرين المتفرقين فى انحاء العالم فهم احق بذلك العمل البطولى واكرر اننى لا ابريء المصرين او غيرهم من التقصير اما عن اسلوبك الحضارى جدا وتلميحاتك وتحويرك لكلامى وتوجيهك للاتهامات لن اشكرك عليها هذه المرة هقولك ايه... ربنا يسامحك ولكن احذر وانت تكتب "وإن عليكم لحفظين *كراما كتبين *يعلمون ما تفعلون" وياريت تاخد الكلام بحسن نية من اختك الصغيرة مش بالهجوم والفهم الغلط والشكل العدائى ده وان شاء الله اكون من المتبعين لما اشار اليه الاستاذ احمد عاشور من قول النبى صلى الله عليه وسلم " طوبى لمن ترك المراء ولو كان محقا " صدق رسول الله صلى الله عليه وسلم |
امر الرئيس المصرى الجيش الثالث بالتحرك تجاه عمق غزه مع تغطيه كافيه من القوات الجويه المصريه وتحرك بطاريات صواريخ مضاده للطائرات لترابض داخل الاراضى الفلسطينيه والان الى منظر قائد القوات المصريه عند حديثه مع خالد مشعل تحبوا نعمل ايه نمنع الغزو الاسرائيلى ولا نرمى اسرائيل فى البحر نرمى اسرائيل فى البحر وستجدوا الدول العربيه وراكم ثق من ده القوات المصريه تفك الحصار حول غزه وتضرب فى العمق الاسرائيلى وخسائر بالالاف بين صفوف اليهود اسرائيل اطلقت صاروخ نووى تجاه القاهره رد على هجوم مصر السافر على اسرائيل الاتحاد الاوربى يشين الهجمات المصريه والاسطول الخامس البريطانى يتحرك فى اتجاه شرق المتوسط الاسطول الامريكى يتحرك من دول الخليج ليرابض على السواحل المصريه والدول العربيه تستنكر ولكن ما باليد حيله ( زى محصل فى العراق) دمار وخراب يعم انحاء متفرقه فى مصر وملايين الارواح التى سلمت روحها الى بارئها تتسال لما كل هذا الجيش المصرى يتراجع نتيجه الخسائر الكبيره واسرائيل تضم عزه الى الاراضى الاسرائيليه وانهيار حركه حماس بعد نسف البنيه التحتيه للشعبالفلسطينى لان ببساطه اول ما الجيش المصرى اتحرك الشعب الفلسطينى نزح من غزه الى سيناء كما كان تريد جولدمائير عندما طلبت ان ينتقل الفلسطنين الى سيناء لانهاء الحرب ايه رايكم فى الفكر ده طب هوا ليه مصر سموها خير اجناد الارض تعالوا نشوف كده فى رحله صغيره مين اللى طرد الصبيبين ؟؟؟؟ مين هزم التتار مين اللى اللى ساعد على استقلال كل الدول العربيه فى منتصف القرن المنصرم متقولوا مين يكونش السوريين والعراقيين وانا ممعرفش بالمناسبه مسمعتش عن اى حرب خاضتها العراق او سوريا تجاه غزه اللهم الا فى 73 سوريا دخلت طلعت الجولان ونزلت منه تانى ياترى دلوقتى ايه رايها بمعاده كام دفيد وايه راى الفلسطنيين بيها هل هيا خيانه كما وصفوها ولا نصر دبلوماسى غير مسبوق وحاضر علشان عيون جنود الكيبورد هخلى مصر تحط اعلان فى الفطيره الاخباريه فى مؤتمر من المؤتمرات اياهم ان مصر ساعدت بسلاح او اى حاجه قطاع غزه بالمناسبه سؤال لجنود الكيبورد الفلسطننين اولا والعرب ثانيا يا سياده جندى الكيبورد الفلسطينى اين موقعك الجغرافى حاليا افهم اكتر ولا كده اتفهم وفهمتوا يعنى ايه اغلاق معبر رفح هوا مش جنود اكيبورد الفلسطنيين فى سن يسمح لهم بالكفاح والمقاومه ولا بلاش يعم خلينا نقعد امنين سالمين وحدثنا قلبونا بالشهاده قدام الناس وخلى المصريين يحاربولنا !!! اما جنود الكيبورد العرب فكلمه بسطيه اتفرجوا على حال بلادكم سياسيا وعلاقتها باسرائيل من اللى بيتظاههروا قدام السفاره المصريه لغايه اللى طالعين يهاجموا مصر بس احنا مش كده وعمرنا مهنبقى كده السبيل الوحيد اننا نفهمك سياسه مصر ان فلسطين تضيع او بالاصح قطاع غزه بالمناسبه سلملى على ال 12 عربيه اسعاف اللى انضربت حضرتك لو عايش فى غزه هتعرف انها فى ايد سرائيل ولازم مصر تخلى اسرائيل توافق على تعديه المساعدات من غير ما يضربوها ولا عايزهم يخشوا ينضربوا والناس تموت علشان سيادتك معترض على طلب مصر من اسرائيل يا اخى الكريم فى عهد المصطفى صلى الله عليه وسلم هل ذهب حجاج الى مكه قبل صلح الحديبيه ولا الرسول عليه الصلاه والسلام اتفق مع الكفار على كده فمش نكابر ونطلق شعارات احنا اخر من يستطيع قولها النالس بتموت ولو متصرفناس زى محنا بنتصرف دلوقتى ناس اكتر هتموت تدعى بان مصر شغال عويل للى بتعمله لان مصر هيا الدوله الوحيده اللى بتههاجم مسمعتش حد هاجم سوريا ولا الاردن ولا السعوديه وهما على الحدود مش برضه كان اولى بالسعوديه بامكانتها الماديه ان تساعد ام ننتظر من مصر ولو مصر معملتش تبقى بنت ...... وحشه ونهاجمها ونلقبهم بالخونه القناه اللى العرب بيتابعهوها سابت قتل الفلسطييين شغال وجايبه فى ناس تشتم فى مصر كان مصر رأس الشيطان ولازم نقطعه |
اخوانى المفروض مننساش محور الموضوع ونصب كلامنا على مصر وكل دوله وشعبها يقولوا مصر متواطئه "الكلام دا ااشاعه الموساد الاسرائيلى وانه اخد الموافقه من مصر بضرب غزه " وبعدين خلوا اللى بيكلموا دول بتوع حزب الله وايران اللى بيتهموا مصر يدافعوا عن غزه أو يضربوا حتى صاروخ واحد لردع اسرائيل ولا هو كلام وخلاص يبقى كده العمليه وضحت ان الغرض من الكلام الكتير ده ان العرب كلهم بقى يثوروا على مصر . ومن هنا تنشق الشعوب على القائد ويحدث ما يتمناه الأعداء وكانت هذه هى الحيله لدخول اى بلد عربى من قبل مثل العراق . اخواتى: مصر قائدها لن يوقع بنفسه فى حرب وهو يدرك معناها . ولو نفتكر ف 73 مش مصر بس اللى كانت بتحارب " العرب كلهم كانوا مع مصر يعنى السعوديه استخدمت سلاح البترول وكان فيه وحده عربيه " |
اقتباس:
يسلم بؤك تلك الخلاصة |
اقتباس:
اخي الحبيب يا ابن مصر البار يا غالي ما دفاعك عن وطنك ضد كلامي الا امر طبيعي من شاب اصيل هوة عنوان لبيت اصيل الشخص عنوان اهلة و من طبع الأصيل ان يغار على اي قول يمس وطنه لا شيء اسمه مدير وغفير انا اخوك و انت اخي و كلامنا في السياسة هوة امر طبيعي ما بين مؤيد ومعارض للوضع الحالي ايا كان من منا على خطء و صواب اكتب بقوة و بكامل حريتك ففي النهاية انت اخي ولن تهون علي وكرأي معارض لي في المنتدى انا لن أستغني عنه فإما اقنعتك أو أقنعني و في النهاية أصلنا واحد وهدفنا واحد وأدي كمان تثبيت لموضوعك القوي عشان تعرف اني مهما اختلفت معك بردو اخوك :009: لك مني ارق تحية |
ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه جاتك نيله يا مصر(( حكومه )) عشان انا بحب الشعب المصري الحقيقه موضوعكم مهم جدا للنقاش كان بودي اشترك معكم في النقاش لكن للأسف نقاشكم اتفه من اني اشارك فيه ما اتعودت اتناقش مع ناس جاهله او ناس بتجادل جدال مش نقاش وهادا اللي صاير معكم حاليا انكم بتجادلو جدال مش نقاش وجدالكم مبني على جهل عميييييييييييييييق هههههههههههههههههههههههههههههههههههههههههههههه الله يشفيكم وكمان يعفيكم من الكلب اللي حاكمكم حاليا حسني اللا مبارك الله لا يبارك فيه ويجحمه عن قريب يا رب قولو امين يا حلوين يا مصريين :ongue: سلااااااااااااااااااااااام يا جاهلين يا ريت ما تحكو كلام مبني على عدم فهم او على جهل عشان هيب يا بابا انت وهو والصراحه يسلم لسانك السيد المحترم عبود ويسلم لسانك السيد الأكثر احترام كمان سبيل الحياة هدول الأثنين بس اللي اتكلمو بالمنطق شوية اما التانيين والله ماهم عارفين كوعهم من بوعهم ولا هم عارفين الزنباع وين ينباع :thumb: واتمنى تكونو رجاااال وما تحذفو الرد وخلو الحوار مفتوح لو انحذف ردي يكون دليل على جبنكم سلاماااات |
شكرا على العضويه البديله او اقول العضويه صاحبه عضويه المهم ما علينا اذن رئيسنا ........ فبالتالى اقل حاجه باقى رؤساء وملوك واصحاب سمو وفخامات برضه اكيد ......... و......... و......... انا بس هسال سؤال واحد رايك ايه يا سيدى المحترم فى شخصيه مثلا زى اسامه بن لادن او معلش على الاطاله حسن نصر الله مستنى ردك يا سياده العضو ال.......... المحترم |
| الساعة الآن 03:06 AM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى