|
أراء المشايخ في الأخ عمرو خالد
رأي المشايخ في الأستاذ عمرو خالد الشيخ أبو إسحق الحويني ---- الشيخ وجدي غنيم الشيخ محمد حسان الشيخ محمد سعيد رسلان الطفل مسلم سعيد |
اهلا بيك يا ابن مصر عنوان موضوعك شدنى رغم انى عارفة محتواه من قبل مدخل اولا ده مش موضوع ولا قضية تستحق المناقشة راى العلماء فى عمرو خالد مش من قضايا المسلمين ولا تهمهم دى حاجة خاصة باصحاب الاراء دى وبس ومش مستحب انك تنشر خلاف بين علماء مسلمين عشان منبقاش فرجة للناس ثانيا رايهم فى عمرو خالد ده راى شخصي مش مرجع لينا احنا ووارد جدا انهم يكونوا مخطئين فى امور الدين فما بالك بامر دنيوى ثالثا فى تحامل كبير عليه من البعض معرفش ليه يعنى الراجل مقالش انا عالم ولا داعية كل اللى عمله حاجة جديدة محدش سبقه ليها التنمية بالايمان ربط الدين بالدنيا وعرف ياثر على الشباب وكان سبب فى هداية وتغير ناس كتير وكلامه وتفكيره طلع صح وقدر يفيد الاسلام مش بالكلام بس وحتى لو كان غلط فى حاجة او معلومة مش قضية يعنى مهو مش ملاك بردو بس ده مش معناه اننا نسيب الفساد والقضايا الحيوية اللى فى بلدنا وننزل دبح فى عمرو خالد رابعا العلماء دول كلهم قمم وعلى راسنا من فوق بس مش من حقهم يحكموا عليه بالقسوة دى من غير ميسمعوه ولا يدوله فرصة يرد على تساؤلاتهم وعلى فكرة بقى ممكن واحد يكون علمه مش كبير بس قدر يفيد الناس وناس علمهم غزير ومبيعرفوش يفيدوا حد بيه تفتكر ليه؟؟ اتمنى اشوفلك مواضيع تانية فى قضايا اهم من دى |
بصراحه موضوع جميل ومهم جدا لان الايام دى مشكله وهى كثره المشايخ وكل واحد ماشى مع الشيخ اللى يتماشى مع هواه بس العلماء اللى قالوا رايهم هم افقه اهل الارض
|
استر أخاك يسترك الله البيان النهائي للأستاذ / وجدي غنيم - في موضوع الأستاذ عمرو خالدوحذاري ممن يفضح ويشهر بأحد المسلمين انه لمهدرة للوقت أن نبدد الجهود في الكلام عن بعض الدعاةوالاساءة اليهم بدل التعاون معهم وابداء النصح المباشر لهم وحتى لو كان عمرو خالد خطّاء أفليست له نجاحات ومحاسن و مكارم و... اللهم اغفر للجميع... ولاتجعل في قلوبنا غلاّ للذين آمنوا آمــيــن كود:
|
بدون الدخول فى النقاش الذى مررت به كثيرا حول الخلاف الدائم بين اهل السنه والاخوان واتهامات كل جانب للاخر ولكن لفت نظرى فى الموضوع تلك الجمله الطفل مسلم سعيد الله اكبر الطفل مسلم سعيد اصبح داعيه اسلامى بل ويقول رايه فى الاستاذ عمرو خالد تصدقوا بجد موقف كهذا يثير الشفقه فى عقول من يحاربون الاسلام ولما لا فهم يرون العجب العجاب بين المسلمين بعضهم البعض لمن يرى الاعجاز فى الطفل مسلم عليه مراجعه حلقه البيت بيتك التى استضافوه فيها |
زي النغمه اللي كنت بسمعها في رمضان بين ناس بتقارن بين عمرو خالد وبين محمد حسان ده راجل مش بيفتي ولا بيقول فتاوي عمرو خالد راجل بيقلنا مواقف وقصص قرانية نتعلم منها راجل بيفيد الامة الاسلامية بحاجات جميله راجل بينزل للوااااااااااااقع ونزل وعمل حملة للعلاج من الادمان ربنا يتقبل منه ومنا |
وبعدين الراجل بيقلك ايه نجم الفضائحيات اللي هي قصده يعني الفضائيات سبحان الله امال عايزه ينشر معلوماته الدينيه وبرامجه فين سبحاااان الله اللهم اهدي الجميع |
السلام عليكم اولا الاستاذ عمرو خالد راجل محترم وعلي خلق وانا عن نفسي اتعلمت منو حجات كتير كتير قوي وانا منكرشي انوا اثر في شخصيتي كمان لكن انا مش بتعلم من الاستاذ عمرو دين وازاي اعبد ربناالاستاذ عمرو اليسمعوا كويس ويعرفوا عن قرب هوا يادوب بيمهم طرقك بينورك شمعه بيهدي ليك هديه عشان تتدخل للطريق الصحيح عمروا مااجحم نفسوا في مساله هوا عارف قدر نفسوا الاستاذ عمروا ممكن تسمعوا وانتا مضايق تسمع من قصه حكايه بس مش منهج مش طريقه انا بحبوا جدا وبختلف معاه في حجات كتير كتير لكن الراجل يشكر واليد العليا خير من اليد السفلي ياجماعه عمرو خالد ماشي في طريق معقول الي حد ما وانا متاكد انوا بسبب الخير الجواه ربنا مش هيسبو وانتا راجل محترم والامر امر دين ولازم نرد ونعقب علي اي حد ممكن يقول حاجه غلط او مش فاهم بس انا بزكركم بقول الله وادعوا الي سبيل ربك بالحكمه والموعظه الحسنه اقبلو اتحياتي عمر 85 |
اقتباس:
صح وفعلا هو طلع في برنامج وقال انا مش بفتي بس انا بحكي حاجات حصلت ومش من دماغي |
السلام عليكم ورحمة الله وبركاته اخواني وأخواتي الكرام أسعد الله أوقاتكم جميعا بكل خير وأنا بنزل الموضوع ده كنت عارف ومتأكد ان في ناس هتعارض كتير وناس هتأيد كتير وعلى الرغم من كده أنا نزلت الموضوع لبيان شئ معين الأخ عمرو خالد من الناس اللي بيمتلكوا أسلوب رائع في تقديم المعلومة وقد شدني أسلوبه الرائع هذا قبل أنا أعرف من هو الأستاذ عمرو خالد وان كنت أختلف معه فإني لا أحكم عليه لأني لست عالما وليس من حقي هذا لكن أحببت أن أوضح الدور القوي الذي يلعبه الأخ عمرو خالد لمساندة الإخوان في مصر ليجمع أكبر عدد ممكن نحوهم والأمر الأخر هو عدم دخول أي داعية إلى ساحة الدعوة إلا بعد موافقة عدد كبير من العلماء عليه فهل وافق العلماء على عمرو خالد الأستاذ عمرو خالد كل ما يتكلم عنه في الدين هو تجميع قصص من السيرة ويحكيها بشكل مؤثر كي يتم عرضها بطريقة درامية وللأسف فإن من خلال تجميعه لها لوحظ عليه بعض الأخطاء من قبل بعض المشايخ وليس مني وطالبوه بالرجوع عن ماهو فيه فرفض ذلك راجع ما يلي على الرابط التالي فحتى لا تكون فتنة بين المسلمين تم التوضيح من قبل الشيخ وجدي غنيم ثانيا في الوقت الذي تمت الإساءة فيه لنبي الأمة محمد صلى الله عليه وسلم قاطع علماء المسلمين في شتى بقاع الأرض الدنمارك وأفسدوا عليها اقتصادها يظهر لنا النجم الساطع الأستاذ عمرو خالد مصاحبا الشيخ الصوفي على الجفري ليقولوا نحن سنذهب لنعلمهم دين محمد وللأسف فرح الدنماركيون بذلك ووجدوا طريقا يحبطوا به المقاطعة دائما يظهر لنا الأخ عمرو خالد بكلمته المشهورة أنا لست مفتي وأنا لست شيخ وهل عندما طلب منه الممثل أحمد الفيشاوي اعتزال التمثيل رفضه اياه على هذا القرار ألا يعد هذا فتوى وماذا حدث للفيشاوي ..... في أول حادثة تنكر من ابنه وغيره من الممثلين والممثلات للأسف الأخ عمرو خالد يبحث دائما عن الشهر والمجد وأكبر فترة يعانيها الأخ الكريم هذه الفترة لظهور العديد من القنوات الدينية التي على حق وبزوغ نجمها وانطفاء نجمه ماتزعلوش مني ياجماعه الأمر خطير جدا أتمنى ان الأخ عمرو خالد يكون الداعية الاسلامي الكبير عمرو خالد نتمنى نستفيد منه لكن يتعلم أولا العلم الشرعي الصحيح على يد علماؤنا ويتجه إلى طرق الدعوة الصحيحة إلى الله عفوا للاطالة أخوكم في الله ابن مصر |
فى البداية احب اوضح لحضرتك ان الاستاذ عمرو خالد ليس تابعا للاخوان المسلمين وهو قد قال ذلك بنفسه فقد قال انه كان فالبداية واثناء سنواته الاولى فى الدراسة الجامعية كان لديه طاقة كبيرة فى بداية التزامه وارتبط بالاخوان لفترة معينة ثم انفصل عنهم وقرر الا يكون تابعا لاى جماعة اسلامية بعينها وده انا اتاكدت منه شخصيا عندما سالت شخصيات بارزة جدا فى الاخوان المسلمين واكدو لى ذلك اما عن موافقة العلماء عن دخوله فهو قال مرارا انه ليس داعية وانما شخص يريد ان يحدث نهضة فى هذه المنطقة من العالم وهو العالم العربى فلا نحكم عليه كداعية وان كان يخطئ فهذا شيئ وارد جدا ويجب على الدعاة ان يوجهوه ولكن لا ينتقدوه اما عن ذهابه للدنمارك فهو كان من المشجعين للمقاطعة وكان يدعو لها بشدة وليس معنى وجوده هناك انه يدعو للتعامل الطبيعى معهم ولكن اعتقد ان الايجابية بحد ذاتها هى ما فعله حيث انهم كانو فى امس الحاجة ان يتعلمو الدين الاسلامى وهذه فرصة كبيرة ان يتعلموه صحيحا منا بدل ان يلجأو لمن يعلمهم بطريقة خاطئة واعتقد كمان ان الاستاذ الفاضل عمرو خالد دائما لها مشاهدوه ومتابعينه ولم تؤثر فيه هذه القنوات وان شئت فاذهبالى منتداه وشاهد الاعداد الهائلة من المشاهدين والمتفاعلين وهذا ببساطة لانه سباق بكل جديد كشخص يدعو لعمل تنمية لهذه الامة ولانه فعلا غير كتييييير من الشباب واثر فى طريقة تفكيرهم بل وحياتهم عموما ده غير الحملات اللى بيعملها وبتعطى نتائج عظيمة اعتقد ان اللى قولته ده شيئ قليل جدا عما يفعله الاستاذ عمرو خالد ودليل انه حد بيحب الامة دى بجد وياريت نبصله على انه واحد مجتهد وفعال وليس كشخص نريد ان ننقده او كداعية فقط اسفة للاطالة |
اقتباس:
أهلا وسهلا بتواجدك بموضوعي والخلاف في الرأي لا يفسد للود قضية ونحن نبحث عن الصالح العام للأمة الإسلامية |
اقتباس:
بسم الله ما شاء الله اوجزتى اللى كنت هقوله بس هضيف نقاط بسيطة: اقتباس:
يا اخ ابن مصر مش معنى انه اخطا فى معلومة ولا بيخطا نحويا يبقى نجلده وانا مسمعتش حد رد على خطا ولا ناقشه نقاش علمى مشفناش غير هجوم عليه من باقى العلماء حفظهم الله واخطاءه مش الاخطاء اللى تستوجب كل ده يعنى بردو بس يمكن القصة او العبرة لما بتتحكى بلهجة عامية الواحد ممكن يقول لفظ مش مظبوط ولكن قصد بيه المعنى الصح وعلى فكرة انا شفت المقال اللى انت حطيت اللينك بتاعه وبجد فيه ظلم وتحامل كبير جدا لانى من الناس اللى متابعة الاستاذ عمرو واكيد عرفت جانب كبير من اسلوبه وشخصيته اقتباس:
كلام خاطيء 100% من وجهة نظرى يعنى المقاطعة معناها اننا نقاطعهم تجاريا واقتصاديا بس مش علميا ودينيا لان احنا مكلفين نوصل الرسالة للناس دى وكون انها توصلهم غلط ويسيئوا للرسول عليه الصلاة والسلام تبقى دى غلطتنا وتقصير مننا بردو انظر جيدا للمواقف المشابهة فى السيرة النبوية الشريفة اقتباس:
اولا عمرو خالد مش مفتى ولا شيخ فعلا هو اقرب واصح تصنيف له انه مصلح اجتماعى وتربوى واخلاقى وده فى حد ذاته يعد نوعا من الدعوة الى الله لان كلمة داعية مش للشيوخ وبس ثانيا اذا كان نصح احمد الفيشاوى او غيره وهم مسمعوش النصيحة تبقى دى مش غلطة عمرو خالد هو عمل اللى عليه ونصحهم بالحسنى وهم احرار بقى ولكن مش عمرو خالد هو اللى المفروض يتحاسب على اخطائهم اقتباس:
ممكن اعرف ازاى حضرتك اديت لنفسك الحق عشان تحكم على نية بنى ادم ودى حاجة لا يعلمها الا الله ومهما كان اى شخص ومهما كانت درجته العلمية فليس له الحق ان يحكم على نية غيره ياريت بلاش كلام مرسل وتشكيك فى نية الناس لانه طبعا هيحتسب عليك وبعدين الموضوع مش حرب عشان هو يعانى من بزوغ نجمهم ولا هم يطفئوا نجمه القنوات دى مؤسسات اسلامية كبيرة لم ولن ينكر فضلها وعمرو خالد انسان مسلم مصلح مجتهد وايجابي قدر يعمل ويصلح كتير للاسلام والمسلمين والخطين مش ضد بعض ولا بيحاربوا بعض الاتنين فى صالح الاسلام وفى النهاية رغم اختلافى معاك لكن سعيدة بالمناقشة وبالتفاعل والاراء اللى شفتها |
اقتباس:
أنا اللي سعيد جدا بمناقشتي مع حضرتك فأنا كنت في حاجة للنقاش مع عقول متفتحة لنرى الرأي والرأي الأخر ونربح بالزبدة في النهاية تحيتي واحترامي la princesse |
بسم الله .. و السلام عليكم ورحمة الله .. --- أبدأ بقول الحبيب صلى الله عليه وسلم حينما قال : ( أنا زعيم ربضاً فى الجنه لمن ترك المراء ولو كان محقا ) الربض = القصر المراء = الجدل الأحباب الكرام فى الله / كثر الكلام بداعى او بلا داعى حول هذا الأمر حتى مللته .. ولا أضيف عليكم أكثر مما قيل سوى بمنطق بسيط .. كيف يُطلب منى الأخذ من هذا الإمام أو ذاك وهو يغتاب رجل وينم فيما قال أو لم يقل ..؟ كيف اتحرى المصداقية فو فتواه ..؟ أنا لا أقصد أحد على حساب أحد وإنما أرثى قاعده عامه .. هل نحن مسلمون ؟؟؟ إن كانت الإجابه بنـعــــم .. فإنا إذن متفقون .. متفقون على قول الامام الشافعى حين قال أن كل منا يأخذ منه ويرد إلا الحبيب المصطفى .. فهل هؤلاء المنتقدون لا يخطئون ؟؟؟ هل هؤلاء لا ينطقون عن الهوى وإنما كل ما يقولون إنما هو قرأن أنـُـزل ؟؟ القاعدة عامه كل منا يأخذ منه ويُـرد .. موجز الأمر .. عمرو خالد ماهو إلا بشاب وجد أنه يمتلك ملكة الخطاب ومهارة فن الإقناع فأستغلهما بما يرى أنه يخدم دينه .. وكُلاً يعمل من موقعه ولكن يبقى السؤال قبل أن تنقد هذا أو ذاك .. ماذا قدمت أنت من موقعك ؟؟ إن كانت الإجابه لاشئ أو شئ أقل من الشخص الذى تنقده فمن الأفضل أن تتوقف فوراً .. أن لا أريد الخوض أكثر فى هذا الأمر واضعاً حديث المصطفى نصاب عينى .. أخيراً سؤال .. من منا لم يتمنى أن يجلس مكان عمرو خالد وينصح هذا ويبلغ هذا ويذكر هذا ويإخذ أجر هذا .. من منا والسؤال هل نحن أكفاء لهذا أم لا ؟؟ أترك الإجابه لكم .. دمتم بكل الخير دائماً ..؛ |
لا تعقيب بعد هذه المشاركة الاكثر من رائعة بجد جزاك الله كل الخير وياليتنى ننتبه جميعا لحديث الرسول :صلى الله عليه وسلم" دائما ونحاول اننا نجتهد كى نصل لمكانة مميزة ننفع بيها الامة الاسلامية بدلا من الكلام والنقد للاخرين سواءء بحق او بدون حق |
اقتباس:
ولكي تعلمها ادخل على جوجل واكتب اصول الدعوة إلى الله وسمات الداعية الى الله |
السلام عليكم ورحمة الله وبركاته
اولا اهلا بيك في المنتدي ثانيا اراء المشايخ مظهرتش عندي مش عارفه دي مشكلة عندي بقي ولا ايه عموما هيا مش هتفرق لاننا سمعناها مرارا وتكرارا بس اسمحلي دلوقتي عرضك للموضوع مش هيفيد بحاجه بدل ما نبين اختلافات شيوخنا ليه منحطش مواضيع تساعد علي نهضة بلدنا او هداية شبابها او لوحضرتك شايف حاجه غلط في الاستاذ عمرو خالد ليه متحاولش حضرتك تعمل الصح الي انت شايفه اقتباس:
|
اقتباس:
أختي الكريمة أهلا وسهلا بيكي أعتقد المشكلة عندك في ان جهازك مش عليه برنامج فلاش بلاير عشان يشغلك مقاطع اليوتيوب ثانيا كلامك سليم لكن من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وأنا أنقل ما يقوله شيخونا وعلماؤنا وكما سبق وقلت أتمنى أن يعتذر الأخ عمرو خالد عن أخطاؤه هذه ويتعلم العلم الشرعي الصحيح ويستخدمه في منهجه كما يريد |
اقتباس:
واحنا كلنا متفقين أن عمرو خالد ليس داعية دارس وشويخنا علمونا اننا لازم نكون دعاة في اي مجتمع احنا موجودين فيه ومنستناش لما نتفقه عشان ندعوا الي الله اي حد بيتعلم معلومة لازم يوصلها والاستاذ عمرو خالد عنده فرصته انه ع الفضائيات |
| الساعة الآن 05:16 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى