شبـــكة تـيـفـا نت - يا جماعة إحنا فاهمين غلط .. !!

يا جماعة إحنا فاهمين غلط .. !!

Download43693

قريت في الجرايد خبر خفيف بيقول ان فيه شاب هندي سقط في الثانويه العامه ( الهندي طبعا ) 33 مره متتاليه ولسه مٌصر ياخدها والعجيب انه اضرب عن الجواز لغايه ماينجح فيها .

جه في بالي المدارس بتاعتنا ( المصرية طبعا ) وسنه 6 اللي حذفوها وبعدين رجعوها تاني والثانويه العتمه قصدي الغامه اللي كانت سنه واحده وبعدين عملوها سنتين وبعدين هيرجعوها سنه واحده تانى .

من غير مايسالونا في اي تغيير بس بيقولوا انه للصالح العام ومش عارفه ليه افتكرت مسرحيه الجوكر بتاعه عم ايوب لما بيقول ماليش دعوه انا عاوز اقعد هناااك ولما يقعد هناك يبئى عاوز يرجع تاني الناحيه اللي كان فيها .

ومن كتر التفكير في الموضوع وصلت بذكائي طبعا لان يمكن تكون الوزاره نفسها عايزه تساعد الحكومه وهتساعدنا بردو بلاش النيات السيئه دي يعني هتضرب عصفورين بحجر .

تغير النظام 100 مره علشان تلخبطنا وتصعب علينا الامتحانات حفاظا على صحتنا النفسيه اصلنا ممكن ننجح وندخل كليات ونتخرج طيب هتقع الحكومه في حيص بيص هتجيبلنا وظايف منين وبكده هنتعقد وده مش كويس علينا فالاحسن اننا نصرف وقتنا فيما يفيد وهي طبعا المذاكره والقلق على المستقبل .

دا حتى الشقي اللي بينجح ويروح الكليه بيعقدوه هناك دي خطه وماحدش بيهرب منها

اما العصفور التاني ياحلوين اننا نضرب عن الجواز زي الهندي ده ماهو محدش له عين يقول لبابا اتجوز وهو لسه ماخدش ثانويه هيقوله طيب يافالح لما تبئى تنجح ابئى اطلب اللي انت عاوزه .

اما الشقي المشاغب الوحش اللي عرف يهرب من الثانوي ويتخرج من الكليه له حل بردو اوعو تفتكروا ان مشاكله انتهت دا بعينه .

واضرابنا ده عن الجواز هيكون بردو للصالح العام ومصلحه المجتمع وتحديد النسل وخفض النفقات .

ماهو لو احنا بننظر حولنا وبنربط الحزام وبننظم النسل ومش بناكل كتير مكناش عرضنا نفسنا لمواقف بايخه Download19315 وتعبناهم معانا كده في التفكير .

لكن علشان احنا وحشين اشقيا ومش بنسمع الكلام يبقى نستاهل شفتو بقى ؟؟ انتوا مش بتعرفوا مصلحتكم فين ؟؟ وبتزعلوا لما اسئله الامتحان تيجي مش مفهومه ويتغير عليكووا النظام 100 مره وتتسرب الاسئله لمجموعه بسيطه من الطلبه هم بس اللي ينجحو ويجيبو مجموع , طبعا احنا مالناش حق , ومش مقدرين تعب الحكومه الذكيه دى معانا .

دا إحنا مش فاهمين حاجة خالص :shades: