¤§©¤ مع ضيف المُقَابَلَة الثانية "-||فجر الاسلام||-"¤©§¤
Download25270 Download46965 لَاتَحْـلُو الْحَيـَاة دُونَ إِبْتِسَامَة وَلَاتَطْمَئِنُ الْقُـلُوب إِلَابِتِـلْكَالْضِحَْكَة ُالصَـافِيَة التِي تَخْـرُج ْمِنَ القـُلُوبْ وَلَا تَطِيـبُ الْلَحَظَـــات ْإِلَا بِطِيبِة الْـروح إمتزاجاً بالمحبة و بالروح الصادقة و أمتلاءً بالحنان و الصدق الاخوي.. الذي يجمعنا في هنا اطروحة رائعة لشخصية من العظماء الذي يمتلئ بهم المنتدى ,, من هنا .. ومن بين هذه السطور نعاودُ الترحال مع-||فجر الاسلام||- ولِأنَنَا نؤمِن بِـ أننَا نَتَخَاطب مِن خَلفِ جَمَاد ( الشَاشَة ) ونَقرَأ الْأحرَف والْأحَاسِيس بـ عَيْنِ أحَاسيسِنَا وثَقافتِنَا فَـ لَا بُد وأنْ نُقيِّد مِن عطَّـر بـ حُضُورها الصَفحَات فِي قِسم الْمُقَابلَات نَعَم فجر الاسلام هَذَه الشَخصِية التِي تَمتَازُ بـِ ثِقتِها العَالِية بـِ نَفسِها وشَخَصِيتها القَوية فِي طَرحِ الْمَواضِيع والردُود لـ تثبت وِجهَة نَظرهُا للجَمِيع أُرِيد أن أكتُب كثِيراً هُنـا لْأننِي لو أعطيتَ القَلم حُريتَه فـ إنَّه لَن يُكفِيه جُل مُنْتَديَات الشَبكَة للحَدِيث عَنها لنُبحِر جَمِيعاً بيْنَ كَلِمَاتِها وإِجَابَاتِها التِي سَتنْتَقِي أَروَعَها لـ تبُوح بِهَا معنا ومعكم فجر الاسلام ولمدة 7ايام Download14740 |
الاسئلة الاعتياية الاسم - الاقامه - الهوايات - مهنتك او دراستك -تاريخ الميلاد لى عوده باذن الرحمن اح مـــ ــد |
شكرا يا عاشق على هذه المقابلة مع النجمة المتألقة دائما فجر الإسلام وبجد أنا كنت مستنى اللقاء ده من زمان بس هتبقى أسئلتى ف الآخر أسئلة من العيار الثقيل منورة الكرسى والله يا فجروشكر كتير كتير أوى أوى ليك يا عاشق الجنة لوجود فجر معاناوربنا يعلى مراتبك ؟؟؟ |
شكرا يا عاشق علي مجهودك ده والمقابلات الجميله ديه بس ياريت تحط نفسك مره كده وشكرا مره اخري لأختيار بنوته لذيذه وهي بندقه المنتدي فجر الأسلام احلي بندقه في المنتدي ويا فجر انت علي كرسي الأعتراف بس ده مش عقاب كل اللي هيدخل يسألك يبقي بيحترمك لانك فعلا ذو مواضيع جميله مفيده وانا علي فكره محضره شويه اسئله وهرجع اسئلهم وأهلا بيك مره اخري وانا جايه بعد شويه اوعي تمشي ههههههه |
مهما اقول من كلمات و عبارات شكر لا استطيع ان اشكرك يا عاشق على تلك الكلمات الجميلة فلا احد يستطيع ان يهزم تلك الكلمات الجميلةولكنى احس ان هذه الكلمات كبيرة عليا وانا اقل منها بكثير اشكرك واشكر جميع اعضاء هذا المنتدى لان هذا المنتدى استفدت منه بكثير وكثير كما عرفت فيه شخصيات جميلة ورقيقة ومثقفة وطيبة جعلتنى احس ان الدنيا بها الخير ربنا يعلم ان هذا المنتدى له مكانة كبيرة فى قلبى لانه هو اول منتدى اشترك فيه اما باقى المنتديات التى اشتركت فيها كنت اشترك فيها لمجرد حصولى على برنامج او اى شىء اخر اما هذا المنتدى فهو يشهد اول موضوع كتبته كما ان هذا المنتدى تم بنائه بفضل الله على يدى وعلى يد الاعضاء القدامى هنا لهذا فانا اعتز بذلك المنتدى الغالى واتمنى ان يصبح من اشهر المنتديات لتحقيق الافادة ونشر الخير وانا الان فى انتظار اسئلتكم لكى اجاوب عليها ( بس براحة عليا شوية متعملوش فيا زى توتاااااااا ) |
اقتباس:
الاسم: ايات الاقامة : الاسكندرية الهوايات: بحب قراءة الشعر و بحب مساعدة الناس المهنة او الدراسة: طالبة بكلية سياحة وفنادق بس لو منجحتش فى اختبارات المتقدمين لها هيحولونى كلية تانية يعنى انا لسه فى انتظار النتيجة بتاعة الاختبارات الشخصيةادعولى انى انا انجح ان شاء الله تاريخ الميلاد:28/9/1990 |
اهلا بيكي ياقمر علي الكرسي واخيرا هنعرف معلومات عنك وهنهريكي اسئله بس دا
والله من حبنا فيكي انتي بجد انسانه مثقفه ومخك كبير اوي وانا عن نفسي بتعجبني ارائك جدا لانها بتعبر عن شخصيه وعقليه متفتحه ومتفهمه لامور الحياه كويس اوي وبجد شكرا جدا ياعاشق علي اختياراتك المتألقه دوما انا هسأل شويه اسئله خفيفه كدا ويارب ما اكون تقيله عليكي 1- اكتر حاجه ممكن تضايق فجر ؟ 2- ايه الحاجه اللي متقدريش تسامحي فيها ؟ 3- ايه الحاجات اللي بتعمليها وانتي مبسوطه اوي انك بتعمليها ؟ 4- الي اي مدي ممكن يسيب الجرح اثر في قلبك؟ 5- اكتر اكلات بتحبيها ؟ 6- اكتر حد بترتاحي له "في المنتدي ,خارج المنتدي"؟ 7-مين اكتر حد اثر فيكي وفي شخصيتك وكان قدوة ليكي؟ 8- بتحبي تعملي ايه اول ما تصحي من النوم ؟ 9- ايه هي احلامك؟ وايه اكتر حلم عايزاه يتحقق؟ 10- موقف عملتيه وتتمني ان الزمن يرجع بيكي ورا عشان تمحيه من حياتك "احكيلنا عليه" كفايه دول دلوقتي بس انا هرجع تاني ان شاء الله |
اقتباس:
اقتباس:
لا كتييييير متعديش يعنى انى اكون شايفة ادامى غلط ومش قادرة اقول انه غلط احسن اللى حوليا يغلطونى عشان قلت ان ده غلط وبرضه لما يكون حد زعلان منى بضايق اوى وحاجات تانية كتير اقتباس:
اللى يجى على كرامتى بس الحمد لله ده لسه محصلش وان شاء الله مش هيحصل اقتباس:
اما بساعد الناس او اقدم لهم خدمة اقتباس:
الى مدى كبير لدرجة انه ممكن يعدى عليه سنين واما افتكره بحس اكنى مجروحة دلوقتى وافضل اعيط ومضايقة اقتباس:
كتير بحب البطاطس المحمرة والرز بلبن والقلقاس والبامية و الكفتة كتيييييييير اقتباس:
فى داخل المنتدى اميرة وايناس وتوتاااااا لسه اعرفها من قريب و خارج المنتدى ليا واحدة صحبتى من الاعدادى دى اقرب واحدة ليا وليا 3 اصدقاء من بتوع الثانوى دول بنات جدعان اوى واصحاب بجد متهيالى صعب الاقى زيهم تانى اقتباس:
كتييييييير منهم عمتى الله يرحمها ومدرستى فى الاعدادى وناس تانية كتير اقتباس:
ههههههههههههه اول لما بصحى من النوم بسيب الاوده اللى كنت نايمة فيها واروح على اوده تانية اكمل نومى فيها ههههههههههههه اقتباس:
نفسى اكمل دراستى فى الكلية ان شاء الله لما اتقبل فيها بس ادعولى اكمل الدراسة بتفوق وان جت الفرصة اللى اكمل الدراسات العليا اكملها لكن اكتر حلم هو ان حياتى تفضل هادية باستمرار اقتباس:
ده موقف مش حلو خالص بس بحمد ربنا ان عملته وانا صغيرة مش وانا كبيرة اقتباس:
|
انا مش هاطول عليكى يا فجر انا ليا سؤال واحد
ايه هو اصعب موقف فى حياتك؟؟؟ |
اقتباس:
فى مواقف صعبة بتمر على حياة الانسان وانا مرت عليا مواقف كتيير بس اصعبهاموقف وصول خبروفاة عمتى الله يرحمها وموقف وصول خبر وفاة عمى الله يرحمه |
الله يرحمهم
بس متتغريش انى سالتك سؤال واحد اللوقت ده انا بسخن بس كمان شويه داخل فى التقييييل |
لي عوده ولكن مجرد سؤال رجاء الاجابه عليه بكل صراحه ايه اهم عيوب تيفا طبعا ده لمصلحة تيفا عشان نتفادي العيوب دي منتظر الاجابه الواقعيه وليست الدبلوماسيه بفارغ الصبر :clap::clap: |
اقتباس:
طبعا كلنا عارفين ان مفيش حاجة كاملة لان الكمال لله وحده وبما اننا مش كاملين يبقى عندنا عيوب وانا هقول عيوب منتدى تيفا عشان نشوف حل لها 1 ان فى عدد من الاعضاء تولوا الاشراف و للاسف الشديد لا يستحقوها لانهم مش متابعين الاقسام بتاعتهتم كويس وقليل اما يفكروا ينزلوا مواضيع وطالبنا كتير باعادة فتح باب الترشيح بس للاسف لغاية دلوقتى متفتحش وبالعكس انا شايفة اعضاء هم المهتمين بالاقسام دى اكتر من المشرفين 2 ان احنا هنا مش مهتمين بالاعضاء الجدد ومش بنشجعهم اوى 3 اختفاء كتير من الاعضاء اللى كانوا نشطين 4 وجود بعض المواضيع المكررة 5 فى اقسام هنا مش مهتمين بها خالص يعنى نسينها زى قسم اخبار التكنولوجيا وتحرير الفيديو انا من رايى ان الاقسام اللى مفيش اقبال عليها نغيرها ونحط بدالها اقسام نكون مقبلين عليها 6 فى بعض الاعضاء كانوا بينزلوا مواضيع دلوقتى بيكتفوا بردود وشكر الحقيقة دول ابرز العيوب هو اكيد ممكن حد تانى يمكون شايف حاجة تانية بس ده اللى انا شايفاه وانت يا محمد طلبت اقول بصراحة ودى الصراحة اللى عندى |
انا جيت تاني زي ما وعدتك يافجر بس يارب ما تكوني عايزة تموتني
شويه اسئله علي السريع كدا 1- احكيلنا علي اكتر حاجه عملتيها وفرحتي من نفسك اوي؟ 2- موقف عمليته في انسان غالي عليكي وندمتي عليه؟ 3-هل جربتي الحب؟ 4- كلمه تقوليها لاعضاء المنتدي؟ 5- حياتك لا تسمي حياه من غير مين؟ 6- طموحاتك في المستقبل؟ 7- لو جرحتي حد واتأسفتي ولم يقبل الاعتذار ايه ممكن تعمليه عشان يسامحك ولا هتكتفي بالبعد والاسف؟ 8- ماذا تعني ليكي هذه الكلمات: الحب الصداقه الانانيه الحياه الكدب التوتر النجاح علي فكرة انا ممكن ارجع تاني |
اقتباس:
بصراحه انتي قولتي معظم العيوب وشكرا لاهتمامك بالرد والصراحه في الاجابه وارجو الاهتمام من كراكر بالموضوع وبالعيوب دي |
اقتباس:
يا اهلا وسهلا شرفتينى اقتباس:
واضح انها على السريع ده كل سؤال منهم قضية لوحدها اقتباس:
اما نجحت فى تالتة ثانوى و عوض شوية الدرجات اللى خسرتهم فى تانية ثانوى وكمان كان الكل متوقع ان درجاتى هتقل عشان شايفينى انى مبذكرش اوى وكانت مفاجاة والحمد لله لحقت كلية من الكليات النظيفة بس يارب انجح فى اختباراتها ادعولى زى مقلتلكم ولا بتنسوا اقتباس:
و الله انا بحاول افتكر بس مش لاقيه مش معنى كده انى معملتش موقف فى انسان ورجعت ندمت عليه اكيد عملت بس انا مش فاكرة ممكن عشان اما بندم على موقف بروح اعتذر واللى قدامى بينسى وانا بنسى على العموم اما افتكر هقول بس انا دلوقتى مش فاكرة خالص اقتباس:
الحمد لله لسه اقتباس:
خلى بالكم من المنتدى واهتموا بيه وخلوه يرجع زى الاول واحسن وحاولوا صلحوا اخطائه اقتباس:
من غير ناس كتييييير منهم بابا وماما واقاربى واصحابى او اقدر اقول حياتى لا تسمى حياه من غير الناس اللى بحبهم اقتباس:
انى اتفوق فى دراستى وان جت الفرصة اكمل دراسات عليا اكملها اقتباس:
واعتقد ان اللى بيرفض اعتزار اللى قدامه هو اللى خسران اقتباس:
[quote][الحب /QUOTE] شعور جميل لو الانسان فهمه صح بس افضل حب هو حب الانسان لربه ده هو فعلا الحب الحقيقى اقتباس:
مقدرش اعيش من غيرها ولا اقدر اخسر حد من اصدقائى اقتباس:
اكتر حاجة اكرها فى حياتى اقتباس:
هى سر الوجود بالرغم من انها فانيه تتمتع فيها بالخير اما الشر يجعلها جهنم فى الدنيا اقتباس:
عادة وحشة جدا جدا بس دلوقتى اصبح كتير بيستخدمها اقتباس:
من اصعب الشعور اللى بيمر عليا بس هو مبيمرش عليا كتير بس انا مش بحبه اقتباس:
ده احلى حاجة النجاح وخصوصا اما تكونى انتى واللى حواليكى ناجحين النجاح حلو لما تلاقى فى اعين اللى حواليكى وخاصة بابا وماما فرحة واللى هم بيفخروا بهذا النجاح اقتباس:
داخلة خراجة وخارجة داخله من غير احم ولا دصتور هههههههههههههه على العموم يا ستى تشرفى بس عاوزة افكرك ليكى يوم |
أدينى وصلت ؟! ف البداية / أحب أقول إن فجر الاسلام من أبهر الشخصيات التى أبهرتنى ف المنتدى كعضو جديد يصول ويجول ف المنتدى بلا وجهة ولا اتجاه , حسيت إن ليها هيبة كده ومكانة يكفى إن لاقيت اسمى مكتوب بالأسود واسمها مكتوب بالأحمر ؛ ده طبعا خلانى أحاول أعرف السبب اللى خلى اللون معاها كده ومعايا كده وطبعا ده كله بناء على اسمها فكانت تعتبر أول اسم قابلنى ف المنتدى ... فجر ؛ بعد قراءة مواضيعها ومعرفة شخصية قلمها وجدتها انسانة جميلة جدا , ولن أعلق أكثر من هذا على شخصيتها منعا للحياء .. أول حاجة أدهشتنى السن ؟! ولا تعليق ... الأسئلة السؤال الاول /أكتب نبذة مختصرة عن : ( إجبارى ) 1- فجر فى المطبخ . 2- فتى أحلام فجر . 3- فجر كـ مشرفة . السؤال الثانى / أكتب المصطلح العلمى : 1- عادة تتمنى التوقف عنها . 2- عادة تتمنى دوامها . 3- انسان تدينين له بالعرفان . السؤال الثالث / ما رأيك فى هؤلاء ؟ وموضوعاتهم ؟ ووجودهم ف المنتدى ؟ ونصيحة تقدميها لهم ؟ وتقديرك لكل ذلك ؟ لكل منهم على حدة ؟ دول مشرفين ... شخصيات عجبانى ... نانيس , إيناس , malk ro7y السؤال اللى أنا عايزه / سبق وأن قمتى بتثبيت موضوع لى ؟ وقمتى بحذف تثبيت الموضوع مرة أخرى ؟ فلماذا؟ هل أنتى راضية على أدائك كمشرفة ؟ شخصيات تتمنى أن تأخذ فرصة الإشراف ف المنتدى ياترى ترشحى مين ؟ كفاية كده ولو تلاحظى أصلا إن أنا مابسألشى حد خالص بس دخلت عشان فجر ؟ الشخصية الفولاذية ف المنتدى ؟ أتمنى أن تقبلى مرورى على كرسى عرشك ممكن أرجع تانى |
اقتباس:
اهلا وسهلا بيك اقتباس:
والحمد لله انى تركت انطباع جيد عنى فى المنتدى ولكنى احس انى اقل من هذا الكلام انا شخصصية عادية مثلكم و انا بشكر عاشق لانه بالموضوع ده خلانى اعرف قد ايه اعضاء المنتدى هنا بيعزونى واشكرك يا احمد على كلامك اقتباس:
اقتباس:
اقتباس:
انت بداتها يسؤال محرج اوى هاخد فيه صفر فى الامتحان للاسف الشديد فجر فى المطبخ لا تعلم الا قليل جدا عن المطبخ دورها الاساسى فى المطبخ تغسل الاطباق اصل بعرف اغسل الاطباق والحلل حلو اوى على اختلاف انواعها بس طبيخ واكل اعرف احمر البطاطس وقلى البذنجان والبيض فقط والله انا عارفه ان دى خيبة وماما بتنصحنى انى ادخل المطبخ واحيانا تجبرنى بس اما تجبرنى تحصل حاجة متخلنيش ادخل بس ان شاء الله انا هدخله عن قريب اه والله انا لما فكرت فى الموضوع لاقيته حاجة وحشة اوى خصوصا ان كل اصحابى شاطرين وهكون ان شاء الله طباخة بريمو اقتباس:
اولا لازم يكون بيصلى ومتدين وعلى خلق ويراعى ربنا فيا ويقدر يتحمل مسئولية بيت واسرة ويقبل شخصيتى كما هى فجر وطبعا فى كل انسان عيوب وله محاسن يساعدنى على ان امحى عيوبى بس ميمحيش الحاجات الحلوة اللى فى شخصيتى وانا كمان هساعده فى كده اقتباس:
اللى يجاوب على السؤال ده انتم مش انا اقتباس:
اقتباس:
اقتباس:
ههههههههههههههه دى عادات مثلا السهر الزايد عن اللزوم لان السهر ده عندى فى الاجازة والدراسة وعادات تانية برضه بس دى اهمها اقتباس:
قراءة الاذكار وعدم شرب الشاى والقهوة اصل انا مبشربهمش وكل اللى يسمع كده يستغرب ويقولى بتسهرى ازاى من غيرهم اقتباس:
لا كتييييييييير على راسهم بابا وماما وبعد كده اقاربى واصحابى واخويا كل الناس دى ساعدتنى وعملولى حاجات حلوة عشان كده بدين لهم بالعرفان اقتباس:
اقتباس:
اقتباس:
دى حبيبتى مشرفه جميلة ومن احلى المشرفين عندنا صاحبة الردود الجريئة انسانة مثقفة وطيبة ومن الذين اثبتوا بجدارة قد مسئولية الاشراف اقتباس:
وزود نشاطك شويه فى المنتدى اقتباس:
مشرف عام ويستحقها صاحب الكلمات الجميلة التى تبدو منها شخصيتة الهادئة ودايما لو فى مشكلة فى المنتدى بيحاول يحلها وصاحب افكار كتيرة يكفى ان هو صاحب:039::039::039: فكرة كرسى الاعتراف:011::011::011: اقتباس:
توتاااا هى الاخصائية الاجتماعية للمنتدى بجد بحس ان بتساعد اى حد من قلبها يعرض مشكلته فى المنتدى وكمان دمها خفيف وكمان هى الوحيدة اللى قدرت تضرب توقعاتى لانى مكنتش متوقعة ان قسم حلال العقد ينجح لانى اعتقد ان مش اى انسان يرضى يكتب مشكلته كده علنى لناس ميعرفهمش اوى ولكنها نجحت اما عملت اليوسر حيران وبذكائها اصبح هذا القسم من الاقسام المفضلة لدى فى المنتدى اقتباس:
لا اتخيل قسم لك سيدتى بدونها قمر استطاعت ان تهب لهذا القسم الحركة وعند اختفائها نام هذا القسم وبرجعها استيقظ هذا القسم وبدا يستعيد نشاطه بشكل ملحوووووظ اقتباس:
انت اختفيت فجاة من على المنتدى وحرمتنا من رسايلك الحلوة فى قسم الجوال لعل المانع يكون خير و ان شاء الله ترجع معاك حاجة حلوة لقسم الجوال اقتباس:
كل الشخصيات هنا عجبانى بس نشوف انت مخترلنا ايه اقتباس:
دمها خفيف وفى نفس الوقت هادية قدرت ترسم شخصية حلوة لها بالرغم من انها بتدخل المنتدى على فترات متقطعة ومن الشخصيات اللى انا بستريحلها من خلال ردودها الدبلوماسية [quote][ إيناس /QUOTE] دى حبيبتى انسانة طيبة جدا جدا ومحترمة وحبوبة بتحباا لمنتدى بجد ومفيش يوم بيعدى الا لازم تطمن فيه على المنتدى وانا بطلب من الادارة ان المفروض تدلها درجة فى الرتبة زياده يعنى كعضو ذهبى او شخصية مهمة اقتباس:
ظهرتى بموضوع حلو جدا جدا عاوزينك تنزلى مواضيع حلوة زى الموضوع ده اقتباس:
اولا انا بحاول اثبت المواضيع اللى بيكون فيها كتب وموسوعات وبرامج دينية لان ملهاش قسم فى الاسلامى المواضيع دى تثبيتها بيكون دائم و اما مواضيع الكتابة اللى بيكون فيها كلام دى تثبيتها بيكون مؤقت وانا ثيت موضوعك لمده خمس ايام تقريبا وشيلته تانى انا عندى الاولى فى التثبيت الموسوعات الاسلامية والكتب وقبل كده انا كنت مثبتة مواضيع كتابة بس كنت بثبتها بشكل مؤقت انا قلتلكم كده عشان متستغربوش لو فى موضوع كان متثبت وبعد كده حذف تثبيته اقتباس:
لو انتو راضيين عن ادائى كمشرفة اكيد انا هكون راضية والعكس صحيح اقتباس:
[quote][كفاية كده ولو تلاحظى أصلا إن أنا مابسألشى حد خالص بس دخلت عشان فجر ؟ الشخصية الفولاذية ف المنتدى ؟ أتمنى أن تقبلى مرورى على كرسى عرشك ممكن أرجع تانى /QUOTE] وانا فى انتظار عودتكم وافتكر يا احمد ليك يوم تعد على كرسى الاعتراف |
:36_17_4[1]: FROM GROUP 1 (COMRADE MANDOZZZ) Download22499 AND GROUP 2 (COMRADE RAMY) Download22856 TARGET HAD BEEN LOCKED ON Download39588 فجر الاسلام FIRE AT WELL Download54913سؤالى بقه شعورك ايه بعد منا ورامى فجرناكى:bm: |
الساعة الآن 04:45 AM. |
Powered by vBulletin Version 3.8.11
Copyright ©2000 - 2024, Jelsoft Enterprises Ltd
استضافة
,
دعم فنى