شبـــكة تـيـفـا نت - اصنعي بنفسك حمام الكريم ووفري 145جنيه

السلام عليكم ورحمة الله وبركاته
******************
حبيباتي في الله جيت اقول لكم النهارده على حمام الكريم اللي عملته بنفسي واللي فعلا نتيجته اللى ظهرت عليا زي نتيجه احسن حمام كريم في السوق اللى يوصل تمنه ل150 جنيه
احنا هنا هنعمله بخمسه جنيه بس وشويه حاجات من المطبخ
بسم الله
طبعا هنحتاج علبة كريم مينك ودي تمنها خمسة جنيه كريم مش حمام كريم
هتعملي ايه بقى هتحطي عليها حوالي خمس معالق كبار من زيت الزيتون او اي زيت شعر عندك
وفص توم مدقوق (مش هيعمل ريحه خالص)

وخلاصة الصبار مقدرا ربع كوبايه كده ولا حاجه
ومعلقه زبادي
معلقة مايونيز
وهتجيبي نص كبايه ميه وتغلي فيها بقدونس على جرجير على زعتر على روز ماري
وتحطي عليهم
وتقلبي كويس جدا
المكونات دي كلها هتمتزج في الكريم
حطي قبل غسل الشعر بساعتين
واغسلي شعرك مع تسريح الشعر اثناء الغسيل
***************
تقبلوا تحياتي
:icon26:سندريلا:icon26: