|
الاسقاط النجمي بين الحقيقة والخيال
هي عملية ترتكز على فرضية وجود جسد ثاني للانسان من اشعاع و الاسقاط النجمي يتمثل بخروج هذا الجسد الاشعاعي و انفصاله عن الجسد المادي و يحدث ذلك في ظروف معينة دقيقة اهمها ان يبلغ الانسان حالة ما بين الوعي و الاغفاء يعتقد المشتغلون بالإسقاط النجمى بوجود جسد أثيرى أو جسم من الطاقة ينفصل عن الجسم المادى حيث يبقى بقربه أثناء النوم .. ويكون هذان الجسمان متصلان بحبل فضي Silver Cord يربط بينهما . Download68357 ممكن بقى اللى فات ده عربى الله يخليك ببساطة هي حالة الوعي أثناء النوم يعني جسمك بس بيكون نايم و يكون عقلك في حالة يقظة تامة Download68357 ايوه يعنى بيعملوا بيه اييييه؟؟؟ نظرياًممكن تعمل اي حاجة تخطر على بالك .. ولكن .. من غير ما تأثرعلى شىء فى البعد المادى ( الواقع يعنى) (مثلاً عند خروجك من البعد المادى ودخولك فى البعد النجمى يمكنك السفر بين الكواكب والمجرات بسرعة تفوق سرعة الضوء )ممكن تعمل عالم خاص بك وعلى كيفك و تدخله . .ممكن أنك تتحكم بأحلامك وتتحكم فى أحداثها .. ممكن برضه تقابل ناس تانية بيعمبو اسقاط نجمى و تعمل شات معاهم . . ممكن تطير لبلاد من غير ولا شنط ولا بسبور ولا طيارة خفيف خفيف يعنى. طب الواحد لما يعمل البتاع ده بيحس بايه بالظبط؟؟؟؟ اول حاجة حتحس ان جسمك كله فايبريشن حتحس باهتزازات ذات طاقة عالية بالإضافة إلى الشعور بالشلل أثناء انفصال الجسم الأثيري عن الجسد المادي. Download68357 طب واحد حيقوللى بس كدة طب سهلة حارد اقوله اه و شويه حجات عبيطة يا راجل يعنى حتشوف و تسمع حاجات من النوع المرعب وسماع سرعة نبض القلب حتزيد لس احب اطمنك اخى المواطن الموضوع ده مش دايم يعنى اول 17 مرة كدة لحد ما جسمك ينحس و بعدين الحاجات دى اصلا خيالات لان انت مش فى الواقع يعنى خلى بالك اى حاجة حتتخيلها حتتحقق و انت و نصيبك اللى حيتخيل هيفاء حتجيله هيفاء و اللى حيتخيل جورج بوش حيجيله جورج بوش Download68357 طب دلوقتى انا بعمل اسقاط نجمى و عاوز ازور عمتى و عمتى دقه قديمة متعرفش غير اسقاط الزبالة من البلكونةينفع ازورها؟؟ ينفع يا خويا و ماله مش عيب مينفعش ليه؟؟؟ بس لازم تبقى عمتك نايمة عشان تشوفك و لازم تكون بتحلم كمان بس بالنسبة لشكلك حيبقى طيف و عمتك حتصبح تقولك اسكت يا ولا مش انا شفت طيفك فى المنام؟؟؟ و اوعلا تفكر تبص لنفسك و انت فى الحاله دى لان عقلك الباطن حيصورلك حجات مش ولا بد و فى الاخر تلاقى مناخيرك بقت خرم واحد ايدك بتختفى رجلك بقت حبل غسيل طب قشطة انا عاوز اعمل الموضوع ده اعمله ازاى؟؟؟؟ المكان لازم المكان يكون هادى جدا مش عاوزين ازعاج اه طبعا فى البيت لو قلتلهم انا مش عاوز نفس عشان انا بعمل ايقاط نجمى طبعا البديهى و المتوقع انهم حيقولولك جتك خيبه غليك و على نجمك انت ناقص اسقاط مانت ساقط ماشاء الله فى كل حاجة سيبك منهم شغل الراديو أو التلفزيون وأضبطه على موجة مشوشة بحيث تسمع وشوشة فقط واضبط مستوى الصوت بحيث انه ميكونش عالى كفايه يغطى على الاصوات الخفيفة اللى برة بتاع الانابيب و الروبابيكبا و الطماطم و زعيق اليت الوالدة لاختك اللى طول النهار لا شغلة ولا مشغلة. و حسك عينك تشغل موسيقى و خلى بالك من درجة حرارة الاوضه لانك حتفقد بعض الحرارة و انت بتعمل التجربة . و نور الاوضه يبقى ناعم وخافت مش ضلمة كحل حتحتاج لكرسى مريح من ابو دراعات ومسند مريح للرقبة و يكون مايل لورا عل ى فكرة على عكس المتوقع احتمال نجاح التجربة و انت قاعد اكنر من و انت نايم او مريح ..اوعى تنسى تحط مخدةتحت رجليك .. (من الاخر كد ة انت محتاج كرسى الحلاق ) لازم تكون تعبان شويه بس مش قوى . لأن التعب البسيط بيساعد على الاسترخاء أسهل وأسرع. يعنى ممكن تعمل شوية رياضه خفيفة و..... و..... مش قادرة انطقها و تستحمي و بعدين تقعد على كرسى الحلاق في الحالة دى جسمك بس حيكون تعبان أماعقلك حيكون مصحصح . لو حسيت ان ريقك جرى ابلعه حتى أثناء خروجك من الجسد. Download68357 الخروج لما ييجى الوقت اللى حددته لنفسك لممارسة التجربة ادى عقلك الباطن شوبة اوامر زى ( دلوقتى انا حعدى نفسى خالص ريلاكس سيكا ها و حاخرج من جسمى و اطفش خمسة كدة و راجع و افتكر البقين دول كويس) . .اعمل بتمارين الاسترخاء و زيادة الطاقة لحد ماتحس انك همدان جسمك والحالة دى هي بداية ( حالة السمو ) .. وقف تمارين الاسترخاء وزيادة الطاقة ركز على التنفس حيساعدك على طرد أي أفكار تحاول تخش دماغك.. و كل ما ذهنك خالى ممن الأفكار ( فلة يعنى ) كلما زاد احتمال نجاح التجربة . حاتسمع صوت يشبه صوت النحلة (أزيز) جواك و حواليك . . حيزيدلحد ما يتحول لاهتزازات قوية على حسب نشاط مركز الطاقة (Chakra) عندك .. إذا كان مركز الطاقة نشيط جداً يبقى الشعور حيكون ومرعب حتحس بأن نبضات قلبك سريعة بشكل غير معقول و حاسس ان مبادئ ذبحة صدرية جايالك ..عادى ده مش فلبك ده مركز طاقة القلب بس بيستهبل .. ببساطة فعمل نفسك مش واخد بالك الشعور ده حيوصل لذروته اول ما يبدأ جسمك النجمى بالاستجابة .. أنت دلوقتى تخرج من جسمك مع شعور بسيط بالسقوط تحس به في بطنك .. الاهتزازات التي كنت حاسس بي ها بتتحول لصوت يشبه صوت القطة لما تكون مرتاحة ( صوت يشبه الشخير إلى حد ما .). أنت الآن (تطفو) أمام أو فوق جسدك تفصل بينكما مسافة قصيرة ( بضعة أقدام ) . . وقف جميع التمارين .. ركز .. وابق في وضع هادئ . رائع ! سوف حتقول لنفسك : ( نعم .. عملتها عملتها هيه هيه .. و حاسس ان انا طاير طايرر زى الحمام) . في المرة الأولى حدد وقت الخروج ببضع دقائق ( مهم جداً ) وأرجو أخذها بجدية . تحرك في أنحاء الاوضه (ببطء) يعنى مش اول ماتطلع تروح تزور عمتك .. أنت ناسى ان معندكش رجلين يا حلو؟؟ و ما تحاولش تبص عليها و طبعا . قانون الجاذبية مش ح ينطبق دلوقتى فخد بالك .. بس حاول تتحرك في اوضتك بالتصوير البطئ متفكرشازاى تتحرك اتحرك و خلاص . حافظ على السيطرة على عقلك .. لا تتحمس قوى و لا تتوقع أنك تشوف حاجة مكانتش فى الاوضه اصلا .. ده أمر مهم عشان ماتفعش في تأثير ( أليس في بلاد العجائب ) .. ولو تعرضت لده يا حلو مش حتفتكر اى حاجة. اتعلم تزحف قبل ما تتعلم تطير سهلة .. ببساطة اتحرك إلى جسمك و انت ترجع بس قوم فورا وسجل تجربتك فى دفتر أو ورقة حتحتاج الكلمات الأساسية بس . نفس الواحد بتاع كل مرة حيسالنى هو فيه اعراض جانبية؟؟؟ يعنى ممكن اجنن؟؟؟ هو انت لو عملت كدة تبقى عاقل؟؟؟ عامة لا يا سيدى مش حيحصلك اكتر من اللى حصلك. *طب ايه الشروط اللازمة لنجاح تجربة الخروج من الجسد ؟ ثلاث شروط أساسية ومهمة عشان تكون التجربة ناجحة وهى : - القدرة على الاسترخاء 100% والبقاء فى وضع الوعى . - أنك يكون قادر على تحريك نقطة الوعي إلى خارج الجسم . - لازم يكون عندك طاقة ذهنية كافية عشان تقدر تتحكم فى الرحلةالنجمية وبأحداثها . طب ايه هي الأبعاد للى ممكن ادخلها لما اخرج من جسمى؟؟ البعد المادي ( Physical Dimension) تقدر تشوف العالم زى ما هو وبأحداثه في نفس الوقت. مثلا ممكن قوى تتمشر برة البين و تشوف الست ام علاء جارتكم و هى بتنم على ام حفيظة اللى فى وشها و ممكن تشوف الواد على و هو بيشرب سجاير فى الحمام بعدها ممكن تخطف رجلك كدة سريع سريع لحد القمر تتملى فى جماله و ترجع على طول و تخيل بقى شكل ام علاء لما تقولها كانت بتقول ايه ولا الواد على حيطلع اشاعة انك مخاوى جن Download43108 البعد الآخر هو البعد النجمي ( Astral Dimension ) اللى بعد البعد المادي على طول . ده بيلقط أفكار وأحلام وذكريات وتقليعات كل كائن حي على وجه الأرض ويحولها إلى حقائق وكائنات . انت و ظروفك بعنى و ابداعك الشخصى ل لفهمه إلا بتجربته. هذا البعد وبيختلف عن البعد المادي بأن الوقت فيه يمكن التحكم فيه. فمثلا خمس دقائق في العالم المادي ممكن يبقو 5 ساعات في البعد النجمي. فروع الاسقاط النجمى - تجربة الخروج من الجسد (Out of Body Experiences) - الأحلام الواضحة أو الجلية (Lucid Dreaming ) - التخاطر (Telepathy ) - المشاهدة عن بعد (Remote Viewing) Download69431 هو اى حد ممكن يعمل الإسقاط النجمي؟ نظريا اه لس المدة مختلفة على حسب قدرات كل شخص فايدة الموضوع ده ايه؟؟ فيه ناس بتستخدمة ترويش و ناس تانية للعلاج النفسى عن طريق الاحلام الجلية طب واحد حيقوللى معلش انا مفهمتش حاجة من الدش ده كله و عاوز كتب اقوله ماشى يا عم "Astral Dynamics: A New Approach to Out-of-Body Experiences " للكاتب Robert Bruce احسن عشان تبقى تقول مفهمتش كويس Download68357Download68357Download68357 والله وراء القصد ،،، shapon Download63355 tefanet.protector.pw Download32844 |
جميل اوى الموضوع ده وشيق بصراحة ,, وعلى فكرة انا فهمت . . اما يترجموا الكتاب ده نبقى نجيبوا هههه |
نورت الموضوع والله يا كراكر بصراحة هو الموضوع دا مخليني خايف انام احسن روحي تطلع معدتش ترجع ,:,:,:,:,:,:,:, |
ايه ياعم ما تخوفش الواحد ينام بقى
ياماما لو اتحولت بليل :wacko: :bm: بس الصراحة ما اكذبش عليك الموضوع شيق وكل حاجة بس الواحد هيس ومافهمش حاجة كل اللى فهمته انى ممكن اتحول اما انام :nono: هههههههههههه شكرا يا عم لى موضوعك وربنا يكفينا شر التحول |
انا لو قلت عن الموضوع ده شيق ابقى ظلمته لانه اكتر من كده وفسرلى حاجات كانت حصلتلى مرة قبل كده ممكن تقولوا انى مريت ببداية التجربة دى قبل كده بس خفت ومكملتش ورجعت بسرعة عموما الموضوع عايز دراسة وقراءة اكتر وبجد يا بشمهندس نشاطك بقى رائع الفترة دى وموضوعاتك شيقة جدا يثبت الموضوع فترة عشان كل الناس تقراه |
الطاقه الذهنيه هيا مفتاح كل شئ قليلين من بحثوا فيها يمكن لانهم بيوصلوا فيها لنتائج مخيفه فلا تعلن عن تجاربهم او ابحاثهم الاتحاد السوفيتى كان اكثر دول العالم اهتمام بتطوير تلك الطاقات الذهنيه بالمناسبه لا تحاولوا تطبيق ما فى الموضوع اذا لم تكونوا تمتلكون ثبات نفسى يعنى ببساطه اى واحد مش عارف يوصل لنقطه الاستقرار النفسى مش هيعرف ابدا يطبق اللى فى الموضوع يعنى قراتى السابقه حول المواضيع المشابهه الخاصه بالطاقه الذهنيه اوصلتنى ان ما يطلق عليه فى الموضوع الاسقاط النجمى يستطيع ان يصل الى العالم المادى وتغيير اشياء بالفعل كما زكرت التحكم فى الطاقه الذهنيه شئ رهيب وقليلون فى العالم ان لما يكونوا اقل القليل يستطعون ذلك هل رايتم من يحرك الاشياء عن بعد تفتكروا عملوها ازاى مخاويين جن يعنى كل ما فيها ان طاقتهم الذهنيه قويه لدرجه بعيده واستطاعت ان تكسر حاجز الوعى عن اللاوعى واخترقته وحركت الاشياء زمان لما كنتوا تسمعوا عن التنويم المغناطيسى كان كل الدكاتره تجمع ان علميا لا تستطيع ان تنوم احد الا برضاه ولكن مع اصحاب الطاقات الذهنيه الكبيره لا تقف امام هذا الحاجز العلمى وتصدقه حاولوا تتابعوا بعض برامج التنويم الايحائى هيساعدكم على الوصول الى حالات الاستقرار النفسى اللى ممكن تهياكم فى يوم من الايام للتحكم فى طاقتكم الذهنيه واكرر حتى ولو اتعلموا ووصلتوا لنقطه الاستقرار النفسى لازم يكون عندكم طاقه ذهنيه كافيه للحركه ( لو فى عربيه اخر موديل ومتصنعه صح لكن بطاريتها فاضيه تفتكروا هتمشى) الموضوع يدخل فى حيز الموضوعات الغيبيه فمن استطاع ان يدخل فى تلك الحاله ليس بالكثير حتى كاتب الموضوع الاصلى لا اظنه وصل الى تلك الحاله فقط قراءت له فى بعض الكتب الغربيه وترجمه اجزاء بها اوصلت به لهذا الموضوع الشيق نصيحه اخيره منى جربوا كده كل يوم تعملوا حاجه صغيره قبل متروح تنام قوم خد دش صلى ركعتين او العشا او مكنتش صلتها (بس تصلى صح= تعى صلاتك) افرد جسمك على السرير ( على ضهرك) فضى دماغك من اللى حصل ومن اللى هيحصل ونام متفكرش فى حاجه قبل النوم فقط اترك لجسدك التحكم نام كرر التجربه بضعت ايام متتاليه ستجد نتائج مذهله (الغرب لا يعترف بالرؤيا لانهم ليسوا بمسلمين اما نحن فنعلم ) |
اقتباس:
شكرا يا اخت {la princess} علي الكلام الجميل دا انا موضوعاتي عادية والله انت اللي موضوعاتك اكتر متعة وتشويق وشكرا جزيلا علي التثبيت علي شان الكل يستفيد وجزاك الله كل خير ................. شكرا يا اخ mandozzz الموضوع ازداد اهمية بالكلام بتاعك بصراحة مداخلة جميله في حاجات ظهرت كانت مستخبيه جزاك الله خيرا ............. شمــــوخ أنثـــــى نورت الموضوع والله ماتخفيش من التهييس اقرئي در مندوز وانت مش هتهيسي خااالص |
لا فعلا معاك حق
رد ماندوز شبه تلخيص للموضوع وجدال ونقاش عليه ونصايح كمان لا فعلا فهمت وجزاك الله وجزانا كل خير وانشالله نجرب اللى ماندوز قال عليه ونشوف النتائج |
موضوع جميل جدا بصراحة ومعلومات لاول مرة اعرفها
ولاول مرة بردو اقرأ موضوع طويل كده مرة واحدة وانا مستمتعه وشكرا يامندوز علي الاضافة والتوضيح أكثر |
الف شكر يا هندسة على الموضوع الجميل
الشيق ومعلشى ردى جه متأخر شوية لأنى مبدخلش الأيام دية |
اقتباس:
شكرا علي مرورك الجميل دا يا Lost Angel هو فعلا موضوع غريب يشد انتباه القارئ ,:,:,:,:,:,: باش مهندس سباعي باشا خد راحتك يا عم خاااالص في الرد احنا عارفين ظروفك وربنا يوفقك ويعينك |
الموضوع دا نام خالص من غير مانوصل لأي معلومة توصلنا لنهايتة ياريت لو حد اتكعبل في اي معلومة هنا ولا هنا يقولنا عليها او لو حد جرب الموضوع دا يحكيلنا حصل معاه ايه ؟ |
| الساعة الآن 06:04 AM. |
Powered by vBulletin Version 3.8.11
Copyright ©2000 - 2024, Jelsoft Enterprises Ltd
استضافة
,
دعم فنى