|
اليوميات وصلت يا أحبابي " الجديد وصل "
:wub:Download80470
__________________ طبعا الزعل مرفوض :wub::wub: وهي عباره عن كل أعضاء ومشرفين المنتدي في فيلا وعايشين مع بعض ونشوف بقي الحوارات واللعب اللي هيحصل من الأعضاء :icon26::icon26::icon26::icon26::icon26: وطبعا ياريت اشوف التعليق بعد كل حلقه من الحلقات :bc::bc: |
انا معاكى يا توتااااااااااااااااااا وابداى يالا بس ياريت تستنى لما اختنا ايناس ترجع
|
الحلقه الأولي
المشهد الاول ..بحديقة الفيلا .. شجرة زيزفون كبيرة يجلس تحتها ma852003 ممسكا بقفص صغير .. ma852003يغني بصوت عالي : تعالي تعالي تعالي ..ياضفدع يامكلبظ تعالي .. البرنسيسه تعبث بيديها بالماء وتسترسل في ذكرياتهاوبعين نصف مغلقة تذهب في الحلم ثم تستيقظ علي صوت غناء ma852003 فتذهب اليه وهي غاضبة والشرر يتطاير من عينيها زي عين البوتجاز لما ينزل عليه حتة سمنة .. ويدور بينهما الحوار التالي . البرنسيسه : ايه يا ma852003 هو انا معرفش ارجع للهدوء شوية ايه الصوت ده اللي بيفكرني بصوت ذكر الضفدع ايام موسم التزاوج . ma852003 وهو متأفف : ايه يا ميرووو بصطاد ضفادع بلاش .. البرنسيسه: ولا تصطاد ولا تتنيل يااخي روح ذاكر احسن ولا يعني المذاكرة مقطعة بعضها .. ma852003 : الحق عليا ان غلطان اني بلملكم الفطار طيب مفيش ضفادع . البرنسيسه وعلي ملامحها علامات الاستنكار : ضفادعانت عايز تأكلنا ضفادع وديني لا اوريك .. وتخلع البرنسيسه عود زيزفوني محترم وتجري ورا ma852003اللي رمي القفص وطلع يجري .. توتاااا منهمكة في دراسة حفل زواج طحلبشيطاني مع طحلب ابن ناس خريج معامل اجنبية وهي منحنية ومنهمكة في الدراسة يصطدم بهاma852003بقوة ويقع الاثنان بالارض.. توتااااااا: ايه يا ma852003 بتجري ليه هو انت شديت شعرالعروسه بتاع نانيس تانى ma852003 : لا البرنسيسه هتضربني .. البرنسيسه تصل وبانفاسمتقاطعة: اديك وقعت تحت ايدي توتااااا ترفع يديها لتحمي ma852003 : فيه ايه بس يا برنسيسه البرنسيسه :ma852003 عايز يأكلنا ضفادع تخيلي لا و ايه على الفطار توتااااا تصرخ بأعل يصوت: ضفادع .. ضفادع يا ma852003 .. انا مليش دعوة انا عايزة صراصير .. :icon26::icon26::icon26::icon26::icon26::icon26::i con26::icon26::icon26::icon26: المشهد الثاني .. بجوار النافورة . عاشق الجنه و أمير الحب يتبادلان حوار هوووووووووووب تصطدم بوجه كرة صاروخية موجهة من قدم امير الحب مشرف منتدي الفرفشه عاشق الجنه وقد احمرت اذنيه: انت يا أمير الحب انت يازفت انا مش قولتلك متلعبش كرة هنا أمير الحب وهو يمصص اصابعه : ده مش انا ده مفياوي عاشق الجنه : مفياوي هو فين مفياوي انا مش شايفه . أمير الحب : ماهو قالي شوط انت شوطة باسمك وشوطة باسمي وانا كتبت اسمه فيالشوطة دي .. عاشق الجنه يفقد هدوءه ويمسك برقبة أمير الحب ثم يهب باغراقه في النافورة .. وفجأة يظهر فيب ( أحمد ) وهو مرتدي الطربوش وماسك في ايده بطيختين ياتري ايه اللي حصل ؟؟؟وهل نجح عاشق الجنه في اغراق أمير الحب ؟؟؟ماهوسر ارتداء فيب للطربوش ؟؟؟الي اللقاء في الحلقه الثانيه ... |
لو سمحت يا توتااااااااااااا هوة انا مش معاكوا خالص ولا مش معاكوااااااااااااااااااااااا
|
سوري يا عبدوووو كلمتك كانت بعد ما انا نزلت
وبعدين ايناس انا أجلت دوره لحد مترع ان شاء الله أول ما ترجع هنزل الحلقه التانيه بس ديه كده يعني عشان الناس متزهقش واكيد انت معانا طبعا يا عبدوووووو وكل اعضاء المنتدي بس في أجزاء تانيه ده اول جزء بس |
اوك يا توتااااااااااااااا انا عندى فضول اعرف هوة اية دورى بس دا فى الحلقات الى جاية ان شاء الله
|
الحلقه جميله اووووي وانا منتظر بفارغ الصبر تكمله الجزء
|
ماشاء الله لاقوة الا بالله جميله جدا |
شكرا يا جماعه لمروركم ويارب تعجبكم
|
متتظرين الجزء اللى بعديه ....
وحلوة اوى اليوميات دى ... |
هههههههه الله عليكى يا توتااااا جامدة اوى بجد :clap::clap::clap::clap: فى انتظار بقية الحلقات تم تثبيت المووضع :icon26::icon26::icon26::icon26: |
ههههههه حلوة يا توتاااا فى انتظار بقية الحلقات |
الحمد لله
شكرا لردودكم وان شاء الله الحلقه التانيه قريب ان شاء الله |
يلا يا توتاااااااااااااااااااااااااا بسرعة ... أمير مات ولا لسه ؟؟؟؟؟ وايه اللي فى بركةالميه يلا |
tالحلقة الثانية ..
فيب : اهدي يا عاشق فيه ايه بس.. عاشق : أمير الحب خبطني بالكرة في وشي .. فيب : معلش انت الطويل ولد يا أمير الحب مش قولتلك متلعبس بالكورة في الجنينة . أمير الحب وهو بيمصمص في صوابعه: مانا اعمل ايه بقي عايز العب كوره و عبدوو عزام واخد الكمبيوتر ومش عايز يلعبني فيفا . فيب : طيب خلاص اجري يالا دخل البطختين دول جوة . عاشق الجنه : بس قولي يا فيب ايه الطربوش اللي انت لابسه ده ؟؟ فيب وقد بدي الارتباك علي ملامحه : نعم ها اه الطربوش لا ابدا اصلهم طلبوني في الخيمة بتاعت الاوبرا وقولت لازم الطربوش علشان وحي القصبجي . انوش : والله يا فيب الف مبروك طبعا حاتعزمنا علي اول حلفة . فيب : ايه اعزمكوا لا طبعا قصدي اه طبعا .. فيب بيكلم نفسه: اعزمهم فين بس يادي المصيبة لو حد فيهم اكتشف انا بعمل ايه . عاشق الجنه : هو لسه اد ايه علي الفطار وإلا الغدا .. انوش :انت جعان انا حاروح اطبخلك بنفسي .. عاشق الجنه وهو بيصرخ: تطبخيلي لا بلاش تطبخيلي معنديش رصيد اجازات مرضية . فيب : انا طالع اريح شوية .. عاشق الجنه : خدني معاك .. انوش : وانا كمان ماشية .. المشهد الاول : التاسعة ص مطبخ كبير اوي عامل زي المصنع وبنات بتروح وبنات بتيجي و البرنسيسه رابطة راسها باشارب وبتزعق.. البرنسيسه : يالا يابنات عايزين نخلص الاكل بسرعة ... نانيس : مستعجلة علي ايه لسه كتير على الغدا ملكه الرومانسيه : يا برنسيسه اللحمة تقريبا مش حاتكفي اعمل ايه ؟؟ توتااا : قولي لايناس تتصرف من المشرحة مش في بواقي جثة من انبارح . انوش : لا توتااا دي قضية شائكة هل يجوز اننا نااكلهم بقايا الجثة قبل ماتتعفن .. نانيس : مش مهم حبة بهارات وتبقي العملية في النملية وبعدين دول تيران ياكلم الظلط. ملكه الرومانسيه : لا يا نانيس حرام ناكلهم بقايا الجثة طيب والطلبة تذاكر علي ايه . اونش : واحنا حاناكل معاهم جثث ياي .. البرنسيسه وهي تكشر عن انيابها: هههههههههه جثث ايه ياشابة هو طبيخنا ده صالح للاستهلاك الادمي انا طالبة ديلفري من عند مؤمن . توتااا : انوش خلصتي حلة الملوخية ؟؟ انوش : ايوة خلصتها بس عايزة حد يشوفلي الملح مظبوط والا لا . نانيس : عايزين نشوف الملح مظبوط والا لا يابنات يالا حد يتطوع ويدوق .. يحصل هرج ومرج والبنات بتجري في كل اتجاه .. البرنسيسه : اهدوا بس يابنات في ايه بس ده عمل بطولي وشرف عظيم والل حايقوم بالعملية البطولية دي حانيدله ميدالية شوكة البدنجان . انوش : ازاي بس واحنا اللى طابخين ندوق ايه ؟ ملكه الرومانسيه : يابنتي مفيهاش حاجة انتي حاتدوقي بس بطرف لسانك مش حاتبلعي حاجة . انوش : لا احنا معندناش الا لسان واحد وبعدين العملية دي عايزة واحدة استشهادية . نانيس وعنيها بتبرق: ايوة هي استشهادية هي البرنسيسه .. البرنسيسه ادوق لا انا عايزة افجر نفسي مش عايزة اموت بالملوخية .. توتااا : يابنتي انتي حاتدوقي بس بعد الغدا لما تاكلي الملخية كلها حاتنفجري لوحدك .. انوش : خلاص لحد يدوق ولا حاجة هي كدة عاجبهم عاجبهم مش عاجبهم يبقي يروحوا ياكلوا برة .. يالا يابنات نوضب طرابيز السفرة المشهد الثاني : الثالثة عصراً المكان : حجرة السفرة واعضاء المنتدي كلهم قاعدين مع بعض و ma852003 علي رأس المائدة .. ma852003: كل سنة وجميع اعضاء المنتدي بخير وبصحة وبسعادة واللي عندها حالة ولاده ربنا ينتعها بالسلامة واللي معندهش ربنا يرزقها واللي لسه متجوزتش انشاء الله عنها ماتجوزت وخليها كدة لحد لما تعنس واللي ناوية تتجوز تاخد بالها لان الجواز هباب وزفت .. البنات في صوت واحد : وانت طيب يا ma852003 وربنا يخليك لينا يارب .. ma852003: وانتم طيبين يابنات و كل سنة واعضاء المنتدي بخير وسعادة وجمال و الشباب اللي بتتسهوك تبطل سهوكة واللي عايزين يتجوزا بقولهم يعرفوا يعني ايه مسئولية الاول واللي مش عازيين ان شاء الله عنهم ماعازوا وخليهم كدة لحد لما يموتوا لوحديهم والا عيل ولاتيل ياخد باله منهم واللي بيقعدوا علي القهوة يبطلوا يقعدوا واللي مبيقعدوش انشاء الله عنهم ماقعدوا .. الولاد في صوت واحد : وانت طيب ياحاج وربنا يخليك لينا .. ma852003 : وانتم طيبين ياولاد حد جعان يقول وهو يرمقهم بنظرة نارية .. كل اعضاء المنتدي في خوف : لا طبعا جوع ايه احنا اخر حاجة نفكر فيها الاكل .. يقولوها وهم ينظرون للاكل بحسرة .. ma852003 في رضا : طيب كويس ولحد لما تجوعوا أوى هأقولكوا درس دينى صغير يحدث هرج ومرج وهمهمة في القاعة . ma852003 بيبرق ليهم وبيضرب بايده علي الترابيزة : بس سكوت مش عايز اسمع نفس . محمد ابراهيم : فيه ايه ياحاج انت واخد الموضوع علي صدرك كدة ليه يعني ايه متمسعش ولا نفس مش حانتنفس يعني والا ايه هو انت فاكرنا هنود حاندفن ومش نتنفس .. عبدوو عزام : ماهو ياحاج لو انت كنت ناوي تقولنا درس كنت عملت حسابك انبارح وقولتهولنا قبل ما ننام كان يادوبك لحقت تخلصه علي الغدا ma852003 : بس ياد يامسهوك منك ليه وانت يابو شعر ولسان طويل انا حاعلمك تتكلم كويس أمير الحب هاتلي مقص الجنايني .. أمير الحب : عنيا ياحاج اجيب الفلكة كمان ؟؟ عاشق الجنه : خلاص ياحاج انا بهزر حقك عليا .. ma852003 : وانت ياعم عبدووو عزام في ايه بس .. عبدووو عزام : لا ولاحاجة ياحاج ده انت كلامك علي قلبنا زي العسل بس والنبي اختصر علشان نلحق صلاة الفجر .. ma852003 : لا متخفش انا كمان عايز اصلي العشاء .. انوش : ياحاج أنا جعانة وانا بقول ناجل الدرس لبعد الغدا .. عاشق الجنه : لا انا عايزة اشوف الماتشات .. ma852003 : مفيش تاجيل ولا حاجة انا حاقول كلمتين كدة وخلاص .. ma852003: بسم الله الرحمن الرحيم الحمد لله الذي هدانا وماكنا نهتدي لولا هدانا الله اما بعد ... ma852003يتكلم ... حان الآن آذان المغرب حسب التوقيت المحلى لمدينة القاهرة ma852003 مازال يتكلم .. حان الآن آذان المغرب حسب توقيت مدينة بروكسيل ma852003 مازال يتكلم .. البرنسيسه انهارت وحاول كل من عاشق الجنه ومحمد ابراهيم مساعدتها ولكن زغرة من ma852003 رجعتهم لمكانهم .. ma852003 مازال يتكلم .. الشباب كل واحد ماسك مناخيره وبيبصوا لبعض بقرف و ma852003مازال يتكلم .. ma852003 حاسس بشئ غريب وبيبص لشباب المنتدي بقرف ومازال يتكلم .. حان الان موعد اذان العشاء حسب التوقيت المحلي لمدينة القاهرة ma852003 مازال يتكلم.. توتااا بتاكل في صوابعها و ma852003 مازال يتكلم .. انفجرت مرارة عاشق الجنه و ma852003 مازال يتكلم .. دقت الساعة الثانية عشر وحان الان موجز الانباء و ma852003 مازال يتكلم .. فيب عمال يدور علي شعرة في راسه علشان يشدها و ma852003مازال يتكلم .. حان الان موجز انباء الساعة الثانية .. زلزال يدق اليابان ومصرع عشرين الف شخص .. ma852003 مازال يتكلم .. خبر عاجل .. تغيير حكومة نظيف وتعيين حكومة ابو الليف .. ma852003 مازال يتكلم .. مصرع مسئول كبير بالحكومة ضربا بالقباقيب .. يصمت ma852003 تتصاعد تنهدات الارتياح .. ma852003: انا تعبت حانقف شوية .... انوش في لهفة: ايه خلاص .. ma852003: لا بس حانقف دقيقة حداد علي روح المرحوم ونقرأ الفاتحة .. الاحباط علي وجه الجميع .. ma852003 عاد وتكلم .. وتكلم ... خبر عاجل انفجار ماسورة الغاز الرئيسية بالعاصمة .. ma852003 مازال يتكلم .. ma852003: بس وفي نهاية الدرس تتعلموا من كلامي ده ان خير الكلام ماقل ودل يعني البنات اللي بترغي تبطل رغي والشباب اللي بيلك يبطل لك .. تنطلق صرخة من اخر الترابيزة ويصمت الجميع .. ياتري ايه اللي حصل ؟؟؟ مين اللي اتجرأ وصرخ ؟؟ وياتري الاكل كان ايه علي الغدا ؟؟ وايه رأي الناس فيه ؟؟ خليكم معانا الحلقة الجاية علشان تعرفوا .. |
ههههههههههههههههههههههههه
اية يا عم ma852003 اية الكلام دا كلة بجد يا توتااااااااااااا تحفة الفكر والمشاهد جميلة جدااااااااااااااااا |
اقتباس:
استفسار واحد يا وتا معلشى استفسار واحد بس يا ترى بعد كل ده عرفتوا تخصبوا اليورانيوم دانتوا بنات تجيب الكبد والحصبة وتفقع المرارة والتهاب فى اللوز :017::017: اقتباس:
اقتباس:
محمد هنا بيفكرنى بسى السيد بس سى سيد مودرن شوية ان شاء الله هنتلم عليه فى الاخر ونديله طريحة :bm::bm: بس بجد يا توتا ااااا يومياتك لذيذة اوى زى السكر عليها عثل بس خلى بالك من النمل علشان احنا فى الصيف |
اقتباس:
مش كفايه بنعمل الأكل للجيش ده كله مش نقول الحمد لله اقتباس:
طب اصبر عليا هخليه في اليوميات يعرفك شغلك يا عاشق هههههههه بس ايه رايك في دورك والنبي مش حلووو اقتباس:
وأي خدمات وباااااااااااي بقي عشان احنا صيف والجو حاررررررر قوووووووووي هههههههههه مرسي لرايك يا عاشق |
والله يا توتااااا اليوميات زي العسل جميله اوووووووووي وانا والله بقدر تعبك في اليوميات دي فعلا بتتعبي جدا جدا
بس انتي مش حطاني معاهم ليه يا ريت تبقي تحطيني معاهم المره الجايه تحياتي (( اسلام )) |
ان شاء الله
معانا الحلقه التالته ان شاء الله ومتزعلش يا اسير القلوب |
شكرااا يا توتااااا اليوميات جميلة جداااااااا
|
ههههههههههههههههههه بجد ياتوتاااااااا انتي عبقريه والله
تنفعي مؤلفه ميه ميه :thumb: :clap: ايه يابنتي الجمال دا بجد معيشاني جو البيت والعيله فعلا والمواقف اللي بتحصل فيه احييكي بجد علي اليوميات وشكلك تعبتي فيها اوي وعلي راي عاشق محمد عاملنا فيها سي السيد شكلنا في الاخر هنتلم عليه ونديله علقه تمام عشان خير الكلام ما قل ودل :ongue: بس المهم في الاخر ياتوتاااااااا تخلي الولاد هما اللي ياكلوا الاكل لوحدهم خليهم يخفوا من البيت شويه :bm: :bm: تسام اديكي بجد ومستنين باقي الاجزاء بس مش تتأخري علينا :icon26::icon26::icon26: |
اقتباس:
هههههههههههههههههههه :جميل والله يا توتاااااااا كلامك زى العسل مؤلفه جميله اللى عجبنى طربوشى ومش هقول لاحد على السر بتاع الطربوش دا لاحد على فكره خليه سر كدا حتى فى الحلقه القادمه مش هقول لاحد عليه اللى يدفع يعرف ايه رايكم هع هع تحت الطربوش عظماء طبعا انتم عارفين :042 |
بصراحه يا توتااااااااااا
مضحكشى عليكى انا قرئت اليوميات دى اكتر من خمس مرات بس جميله جدا ربنا معاكى بس اوعى تنسى اى عضو عشان محدش بزعل منك واى خدمه انا تحت امرك لو فى حاجه تطلب راى اى عضو اخر انا مستعد لاى خدمه ربنا معاكى من كل قلبى ربنا يحفظك يا توتااااااا بمواد حافظه كع كع كع كع برنس |
شكراااااااا لمروركم جميعا
اقتباس:
وان مش هجيب سرته الحلقه اللي جايه ههههههههههههههه اقتباس:
اني بسمع رائ أعز اخ لي شكر يا خالد اقتباس:
اقتباس:
وانا برده خليت الولاد بس هم اللي كلوا احنا بقي يا انوش علطول بقي اكل جاهز ههههههههه اقتباس:
واليكم الحلقه التالت |
الحلقة الثالثة ... ma852003 : مين اللي صرخ ؟؟؟ عاشق الجنه : مش انا والله ياعمو .. أمير الحب :محمد ابراهيم اللي صرخ .. كل العيون تتجه نحو محمد ابراهيم و ma852003ينظر له شذرا .. ma852003 : مين محمد ابراهيم ده ؟؟ البرنس يميل علي اذن ma852003 ويهمس : ده واحد معانا هنا .. البرنس : قوم يادوك كدة وعرف نفسك .. محمد ابراهيم : انا شبكتى مبتقطعش وبكم اسعد وبكم قلبي يطرب .. ma852003 : يطرب اعوذ بالله طرب ومسخرة استغفر الله استغفر الله .. جميع الاعضاء خلف ma852003 يهزون رؤوسهم ويستغفرون .. حي استغفر الله استغفر الله .. ma852003 : صرخت ليه يااخ محمد ابراهيم .. محمد وهو يرتعد خائفا: صوباعي بيوجعني .. ma852003 : وبيوجعك من ايه .. محمد ابراهيم : حد داس عليه .. ma852003 : مين اللي اتحرك وانا بقول كلمتي انت يا ماندوزز .. ماندوزز هو بيخبي صاروخ في حلة الشوربة: لا مش انا مش انا ده عميل اجنبي .. محمد ابراهيم : لا مش هو اللي داس علي صبعي .. ma852003 : اومال مين ؟؟؟ محمد ابراهيم : هو الذي يمشي في الظلام لانه ماشي في الظلام مشافش صبعي فداس عليه .. ma852003 : نعم يااخويا مين هو اللي انت بتتكلم عليه ؟؟ البرنس يهمس بأذن ma852003 : بيتكلم عن دراكولا .. ma852003 : دراكولا ايه وجيلي كولا ايه انا مش مؤمن بالخرافات دي .. فجأه النور ينقطع .. و ma852003يصرخ الحقوني الحقوني .. الكل في صوت واحد مالك يا ma852003.. ma852003 وهو يرتعد خوفا: هو الذي يمشي في الظلام داس علي صبعي .. المشهد الاول : المكان : حمام البيت الكبير . ma852003 واقف قدام الحمام وبينظم عمليات دخول الاعضاء للحمام والخروج منه وماسك تذاكر بأيده ومعلق يافتة علي باب الحمام تنص علي الاتي ( في حالة الطواريء يرجي استخدام الكادليز) أمير الحب ماسك كيس مناديل وواقف جنبه .. عاشق الجنه : يالا ياحبايبي غسيل الايد خمسين قرش البرنس : هنا يتم تلبية نداء الطبيعة ويالحسن حظ من تطلبه الطبيعة وتناديه .. نداء عادي 1 جنيه نداء مخصوص جنيه ونص واللي مستعجل يدفع جنيه زيادة واللي طبيعة وحشاه اوي ممكن يشترك معانا في نادي اف اس ايه كلاب وده بيديله حق الاولوية في انه يلبي نداء الطبيعة ده غير المميزات الاخري زى علبه بامبرز هديه وورق مناديل فلورا اما ياحبايبي اللي مش حايشترك عليه بقي بورق الشجر . فيب يأتي متسائلا : ايه الزحمة دي . عاشق الجنه : ده مكتب وزير الري .. فيب : اه والله انا عايز اقابله خصوصا بعد الاكلة الجميلة دي .. عاشق الجنه : اوك يافيب ادفع 150 قرشا شاملة للضرائب ومنديل استخدام مرة واحدة .. فيب : بس انا معييش غير 50 قرش .. عاشق الجنه وهو بيمد ايده وبيسحب جردل من جنبه : خمسين قرش هات هات يالا روح قابل السكرتير بتاعه علي جنب .. فيب : ايه ده جردل !!!! عاشق الجنه وقد ارتفع صوته : ايوة ياحبيبي جردل مش عاجبك والا ايه علي اد فلوسك .. فيب : لاخلاص عاجبني اهو يخليني علي تواصل وخلاص .. المشهد الثاني : المكان : جونينه الفيلا الكبيره .. الزمان : مساء.. البرنس و عاشق الجنه و ماندوززز قاعدين بيلعبوا شطرنج .. وفجأه مسكوا في خناق بعض .. ماندوزز : في ايه يجدعان بتتخانقوا ليه ؟؟؟ البرنس :عاشق الجنه موتلي الملك .. عاشق الجنه : لاهو اللي ابتدي وسمم الباهيم بتاعتي .. البرنس ياسلام: انت اللي بتغش وبتقرص علي الزهر .. عاشق الجنه : انا اللي بغش ليه بقي هو انا اللي قولتك علشان تحرك الحصان لازم تأكله برسيم الاول ؟؟؟ البرنس : لا دي اصول لعب زي ماالاصول بتقول ان الوزير لازم ياخد اذن من الملك قبل مايتحرك خطوة واحدة.. عاشق الجنه: انت كداب.. البرنس : وانت نصاب.. ومسكوا في خناق بعض تاني .. مندوزز وهو وبيسلك بينهم: خلاص خلاص لاانت كداب ولاانت نصاب متلعبوش مع بعض دومنو تاني .. فجأه يخش اسير القلوب وهو بيجري : ياجماعة ياجماعة شوفتوا فيب بيعمل ايه ؟؟؟ ياتري فيب بيعمل ايه ؟؟؟؟ اسير القلوب عرف منين اللي بيعمله فيب ؟؟؟ خليكوا معانا الحلقة الجاية لتعرفوا سر فيب والطربوش الاحمر |
ايه ده يا توتا دانتى ولا احسن مخرج فى مصر
يا سلام لو ده اتعمل مسلسل ها يكسر الدنيا وها يجيب اعلى ايردات بس انتى جربى وانا ها اكون المنتج اتفقنا |
ههههههههههههههههههه
شكرااااااااااااااا يا توتا والله جامدة حكاية الحمام دى ههههههههههههههههه |
اقتباس:
وانا موافقه يا منتجي يالا بقي نبدأ ههههههههه اقتباس:
|
يوميات جامده جدا يا توتاااااااااااا
|
اوكى يا توتا يالا نبدأ
بس انتى الى ها تختارى الى ها يمثل بس يكون من الاعضاء بس انتى تخدى ربع الايرادت وانا اخد الباقى لا كده مش ها حش المشروع ده ودورى على حد تانى |
بجد يوميات جميلة جدا
وعايزين التكملة |
بجد
بجد انتى مبدعـــــــــــــــــــــــــــــــــــــــــ ــــة ! |
هيا يوميات رائع بسرعه التكمله يا توتاااااااا
|
اقتباس:
|
ياجماعة انا مش عارفةاشوف المشاركات بتاعت الموضوع خالص
|
ساااااااااااااعدونى
بيقولى error on page
|
اقتباس:
1_ opera 2_ avant ممكن تنزليه من على جوجل او ارسلك اى واحد مفيش اى مشاكل |
جميله اوي اوي يومياتك يا توتاااا وانا هسميكي عبقرينو
اي خدمه نحياتي اسلام |
بجد تحفه ياتوتاااااااااااا روعه روعه روعه تسلم اديكي
وبسرعه بقي كمليها عايزين نعرف سر الطربووووووووش!!!!! |
| الساعة الآن 01:33 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى