|
بسم الله نبدأ الاسئلة الاعتياية الاسم , الاقامه , الهوايات , مهنتك او دراستك , تاريخ الميلاد |
السلام عليكم ورحمة الله وبركاتة
انا جاية ارحب بس بفارس واقوله شدة وتزول ان شاء الله :bm: |
اهلا اهلا اهلا يااااااااااااااااااااااه ايه النور دا فارس بشحمه ولحمه كمووووووووووووووون بيبى من واقع ماعشت أو جربت[*]هل تدوم أول علاقة للشخص وتستمر .. أو حتى تتطور الى زواج ؟ أي من الأسباب تجعلك تخون .. وتتجرد بسببها من خصلة ( الإخلاص ) ؟ من منعضوات المنتدى لاحظت / ي من ردوده / ا .. أسلوبه / ا ومواضيعها أنه قريب من الشخصية المرسومة عن شريكة حياتك ؟ قولى بقى لو حبيت وعرفت ان حبيبتك ضحكت عليك فى حاجة او عملت حاجة من غير ماتعرفك وعرفت انها عملت كده ايه يكون رد فعلك اية هى مواصفات الانسانة الى بتحبها ؟ وياترى لو حبيبتك مكنتشى من نصيبك ممكن تعمل اية ؟ هرجع تانى متقلقش انا راجع راجع باااااااااااااااىباااااااااااااااااااااااااااااااا ااى |
الاسئلة الاعتياية
اقتباس:
الاقامه : قريه كفر عبد المؤمن / مركز دكرنس / المنصوره الهوايات : الرمايه وكره القدم الدراسه والوظيفه : بكالوريوس تجاره انما الوظيفه عمال اتنطط من شركه للتانيه لغايه ما ازهق واسافر تاريخ الميلاد : 10/3/1984 |
اقتباس:
ماشي يا لوست ما المفروض تكوني انتي الا هناا بس امرنا لله علينا الاستحمال حكم القوي علي الضعيف:bomb: |
اهلا بكبير البلد
منور الكرسى ياباشا قولى بقى ياباشا لو حد خيرك بين بعض الجنسيات هتاخد الجنسيه اختر (الكفراويه -المنياويه -المنصوريه-السودانيه-الصوماليه- الاموزمبيقيه- الامريكيه - الاسرائيليه - السعوديه) ماذاتمثل لك اغنيه ماشربتش من نيلها (هل هى اغنيه والسلام-بتحسسك انك فى مصر -بتحسسك بواحده فاضيه بتقول كلام مش فاهمه معناه) ماهو المثل الى سيادتكم ماشى بيه فى حياتك من هو مثلك الاعلى ماذا يمثل لك الصديق هل يوجد لك اصدقاء كثيرون ماذا تفعل فى وقت فراغك |
اقتباس:
يا هلا بيك يا سمير يا هلاااا دا نورك يا عم سمير معقول نوري هيجي جمبك حاجه اما بالنسبه لسؤالك ده : فا دي حاجه ترجع طبيعه العلاقه بين الطرفين وهي الا هتحدد اذا كانت هيحصل فيها تطور ولا لاااا اقتباس:
|
بلاش اخنقك انهردا يا فارس لما تاخد ويت على المنتدى وبعد كدا اظبطك |
اقتباس:
اهلا بكبير البلد منور الكرسى ياباشا منور بيكي طبعاا يا ملكه ماهو علشان كده النور ساطع اووي هنا مش شايف حاجه ممكن تبعدي بعيد شويه صغنتاتين علشان اقدر اشوف بس اسئلتك قولى بقى ياباشا لو حد خيرك بين بعض الجنسيات هتاخد الجنسيه اختر (الكفراويه -المنياويه -المنصوريه-السودانيه-الصوماليه- الاموزمبيقيه- الامريكيه - الاسرائيليه - السعوديه) لا اختياري مش هناا خاااااالص :thmbdn: هي الكفراويه والمياويه والمنصوريه بقت جنسيات اول مره اسمع عنهاا دي :shades: بس لو انتي شايفه ان هم جنسيات :bomb: ممكن اخترا التلاته دوووول ماذاتمثل لك اغنيه ماشربتش من نيلها (هل هى اغنيه والسلام-بتحسسك انك فى مصر -بتحسسك بواحده فاضيه بتقول كلام مش فاهمه معناه) والله بالنسبالي كمصري عايش في مصر عادي مش هتفرق معايا في حاجه سواء كاغنيه وطنيه او واحده فاضيه انما لو بره مصر بقي تفرق كتيـــــــــــــــر ماهو المثل الى سيادتكم ماشى بيه فى حياتك التواضع والرضا طريقي للسعاده وحب الحياه , والسعاده هتقودني باذن الله للامل ومن هنا بدايه المشوار ان شاء الله من هو مثلك الاعلى هو الرسول صلوات الله عليه وسلم ماذا يمثل لك الصديق ياااااااااااااه كتير اوووي في الفرح تلاقيه جمبي وفي الحزن القاه تقريباا صديقي زي ظلي لما احتاجه بلقاه والحمد لله عارفه عامل زي ايه زي المرايه لما تبوصي لنفسك فيهاا بتشوفي فيها كل عيوبك الصديق ده هو المرايا بقي هل يوجد لك اصدقاء كثيرون الحمد لله متعديش من كل مكان في الجمهوريه ماذا تفعل فى وقت فراغك معتشي يا اختي راح لحاله خلااص بس اذا فضيت دايماا بدور علي حاجه تفيدني علي النت او اخرج مع اصحابي لا كتير اووووي يا ملكه |
اقتباس:
بس شكلك انت الا عايز تاخد ويت مش انا وعموما هستنـــــــــــــــاك |
هستاذنك يا عاشق تخلي الاسئله مفتوحه للاعضاء
علشان بس تعوض الاعضاء الا عليهم امتحانات وانا باذن الله معاكم لاخر الاسبوع وهحاول بقدر المستطاع اني ادخل ارد علي اسئلتكم بس بعد الشغل باذن الله |
حبيبي والله وحشتنى أنا جالى رسالة إنك على الكرسي جيتك جرى وسيبت الحصة ههههههههههههههههههههههه أولا أجب عن هذه الأسئلة : 1- اسم البلوتوث بتاعك ، وسبب التسمية . 2- أعز صديق ليك على المنتدى وليه ؟ ولسه الباقى |
لا بصراحه معنديش اسئله خالص انا داخله اقولك كان الله فى العون الاعضاء شكلهم بيحبوك على الاخر ومجهزينلك الحلو كله كان الله فى العون يافارس متابعه بصراحه كرسى الاعتراف من المقابله السابقه للاستاذ محمد عاشور واشتركت بعدها فى المنتدى وشفت ياعينى الاسئله وكمها من كل نوع بصراحه متقلقش ياعم فارس ادها وأدود ان شاء الله وربنا معاك |
اقتباس:
حبيب قلبي والله انت اكتر وليك عندي لازم اعملك زياره ان شاء الله تصدق كنت بعيتلك الرساله الصبح بس يلا حظك حلو انت عرفت قبل ما ابعتهالك عموما ندخل علي اسئلتك يا تامد : 1- اسم البلوتوث بتاعك ، وسبب التسمية . أسم البلوتوث يا سيدي I love my life :18: :bm: بعيد عنك غيرت الموبيل يومين كده علي الماشي , مش هتوصل للا في بالك الا لما ربنا يسهل واجيب الموبيل تاني 2- أعز صديق ليك على المنتدى وليه ؟ والله يامحمد كلهم اصحابي واحبابي وكلهم زي بعض سواسيه بس ياريت الا زعل مني في يوم ياريت يسامحني |
اقتباس:
اهلا وسهلا بحضرتك يا حبيبت بابا والله منوراناا سواء في كرسي الاعتراف او ردودك الجميله الا بتدل علي ثقافتك العاليه وروحك الطيبه ربنا ينورك طريقاا دايماا اما بالنسبه للكرسي الاحترام بقي فمش تقلاقي خالص العزم شديد والقوه حديد فارس وفي الاول والاخر كلهم اصحابي واخواتي والا عايز يعرف حاجه عني باذن الله مش هخبيها عنهم ان شاء المولي عز وجل |
الكرسى نور والله يامحمد بيك
وربنا معاك وانا طبعا مش هرخم عليك كفاية عليا اتابع الاسئلة واشوف ردودك بس اكيد هيبقى ليا ولو سؤال بس اما اشوف هيوصلوا معاك لايه واسفة للتأخير بس انت عارف بقى الشغل وقرفه ربنا معاك وعقبالنا |
اهلا فارس وعدنا من جديد السؤال الاول 3 عيوب حضرتك شايفها فى نفسك؟ اما السؤال التانى هل ممكن إنك تتألم اوى لدرجة انك تعيط قدام حد هل تسقط دموعك أمام من تحب الكلمات دى بتعنيلك اية الحب....... الحنان ....... الامل ........... الخيانة ...... العطف........ الابتسامة ..... الامان ........... |
اهلا يامحمد والله منور
انا بردة بقول الكرسى منور لية بس اية دة الاعضاء متوصين بيك قوى انا بقى مش هاسال كفاية عليا هتابع الاعضاء وربنا يعينك عليهم انا عارفة ان هما مابيصدقوا |
بما انك دخلت الجيش يافارس
والجيش للرجاله وبما انك دفاع جوى كمان قولى بقى ايه كان احساسك اول ماروحت الجيش وقالولك انك دفاع جوى بيقولوا ان الواحد بيقضى ايام جميله فى الجيش قولى على واحد كان معاك وكل مايتكلم تلاقى نفسك بتضحك ومش عارف ليه وايه اكتر حاجه كانت تعباك فى الجيش وهل لاقيت فرق فى حياتك وتصرفاتك بعد الجيش وانت كنت واخد خدمتك فين زبما انك بتحب كره القدم جيبت كام جون(ولا كنت قاعد على دكه الاحتياطى) |
اقتباس:
منوره بضيوفهااا طبعاا يا لؤلؤوه يا لؤلؤوه رخمي زي ما انتي عايزه لو عرفتي ترخمي يعني ومفيش داعي للاسف ولا حاجه وربنا يوفقك في شغلك انتي والا زيك من المسلمين يااااااااا رب |
اقتباس:
اهلا وسهلاا بيك يا سامر ومعاك من جديد 3 عيوب حضرتك شايفها فى نفسك؟ والله ياسامر علشان مش اضحك عليك مبقدرش اشوف عيوبي في نفسي علشان منضحكشي علي بعض انت الا ممكن او غيرك يشوف عيوبي ويقدر يسالني فيهاا واناقشها معاه هل ممكن إنك تتألم اوى لدرجة انك تعيط قدام حد لو اتالمت اووووي وحسيت اني هعيط بكبت في نفسي واحاول اشوف اي مكان واقعد فيه مع نفسي يمكن ربناا يلاهمني بالهدوء والصواب هل تسقط دموعك أمام من تحب في دي بقي ياسامر فيها جزئين لو هي سبب من اسباب سقوط الدموع دي مقدرش ابكي قدامهاا علشان مش اجرحهاا بس ممكن اقولهاا لما الامور تهدي اما السبب التاني لو هي بعيد عن الدموع دايماا بحتاج للقلب الحنين الا يدويني بحنانه وحبه ويلهمني دايماا راحه البال الكلمات دى بتعنيلك اية الحب....... الحنان ....... الامل ........... الخيانة ...... العطف........ الابتسامة ..... الامان ........... اما بالنسبه لسؤالك ده ياسامر فقسمهاا برده لجزئين الجزء الاول وهي الحب والحنان والامل والعطف والابتسامه والامان كلهااا مبادئ بحاول اطبقهااا في حياتي وامشي علي نطاقها علشان اقدر اكمل مشواري بدون اي ملل او كره او يأس انما الجزء التاني وهو الخيانه لو ربناا اكرمني بالجزء الاول باذن الله عمري ما هشوف الجزء التاني وبتمني من ربناا اني مش اشوفه خااالص ولا حتي اجربهاا سواء معايا او مع غيري وشكرا مرورك يا سامر واسئلتك الجميله ومستني منك المزيد |
اقتباس:
اهلاا وسهلا بحضرتك يا برنسيس والكرسي منور بضيوفه واعضائه وياسيتي لو عايزه تسألي اتفضلي في اي وقت البيت بيتك برده لا والله يابرنسيس بالعكس دا اعضاء المنتدي كلهم اصحابي واحبابي ومالش بركه الا هم ولو فيه اي حد عايز يسال عن اي حاجه باذن الله هكون معاه واقدر اوصله الا هو عايز يوصله وان شاء الله اكون عند حسن ظنكم بيااا |
اقتباس:
والله يا ملكه من اولهاا انا كنت عارف ان انا رايح الجيش كده كده فعلشان كده انا رضيت بالا كتبه ربنا ليااا واتوكلت علي الله وسبتهاا لله وان شاء الله ربنا هيسهلهالي والحمد لله خلصت علي خير وسايب سمعه طيبه بيقولوا ان الواحد بيقضى ايام جميله فى الجيش مش هضحك عليكي هي مش حلوه خاالص ,والا يضحك عليكي ويقولك ان هي حلوه تعرفي انه خلص جيش وبقي حر انما غير كده الجيش مش حلوو مهما ان كان برده اسمه جيش قولى على واحد كان معاك وكل مايتكلم تلاقى نفسك بتضحك ومش عارف ليه كلناا كنا بنحاول نهونها علي بعض ونيسر امورنااا علشان نطلع منها بخير انما مفيش حد معين وهل لاقيت فرق فى حياتك وتصرفاتك بعد الجيش بالنسبالي كنت ضابط احتياط طبعااا الجيش عمل فرق كبير وخبره في الحياه اكبر مكنتش متوقع اوصل للا انا فيه ده سواء من عقلانيه او مسايسه لاموري في الحياه او التعامل مع اي شخص مهما كانت مكانته وانت كنت واخد خدمتك فين كنت بخدم في مدينه القصير علي البحر الاحمر تبعد عن سفاجاا فيما يقارب 90 كيلو زبما انك بتحب كره القدم جيبت كام جون(ولا كنت قاعد على دكه الاحتياطى والله ياملكه الكوره كممارسه وقفت معايا عند الثانويه بس اسمي كان مسمع يعني في كل مكان انما بعد كده اكتفيت بالمشاهده بس والمتابعه من بعيد وشكرا علي اسئلتك ياملكه ومستني منك المزيد |
والله هو سؤال واحد يحيرنى كثير عندما اقرا موضوعاتك من اين لك بهذا الامل ؟؟؟؟؟؟؟؟؟؟؟؟ وسؤال تانى هل انت فعلا بتعمل بكل حرف بتنزله فى موضوعاتك..؟ سؤال رخم بس انا عموما بحب منزلش موضوع الا وانا مقتنع بكل اللى فيه ومؤمن بيه لسه راجع مع قذائف نارية انتظرنى باىىىىىىىىىىىىىىىىىىىى |
اولا منور الكرسي يافارس
ثانيا عندي كام سؤال كده تسمحلي اقولهم؟؟؟؟ اولا هل عمرك ندمت علي اختيار اخترته؟؟؟ولو اه ايه هو وليه ندمت عليه؟؟؟؟ ثانيا لو قررت في يوم انك ممكن تفتح دولاب الذكريات الخاص بيك ايه اول حاجه حترميها منه وايه الحاجه اللي حتحضنها وتقول مقدرش استغنى عنها ابدا ثالثا واخيرا مين الشخص اللي تقدر تقول عليه المثل الاعلى لي تقبل مروري ومستنيه ردودك |
اقتباس:
والله هو سؤال واحد يحيرنى كثير عندما اقرا موضوعاتك من اين لك بهذا الامل ؟؟؟؟؟؟؟؟؟؟؟؟ فيه حد يكون عبد الله وربنا اكرمه بنعم كتيره اووووي مش عند اي انسان تاني وحبيبه المصطفي صلوات الله عليه وسلم ومش عايزه يعيش في حب وامل وتفاؤل هل انت فعلا بتعمل بكل حرف بتنزله فى موضوعاتك..؟ سؤال رخم بس انا عموما بحب منزلش موضوع الا وانا مقتنع بكل اللى فيه ومؤمن بيه الانسان علشان يحقق هدف من اهداف الحياه لازم يحط الهدف ده نصب عينيه علشان كده كل مواضيعي تحس ان هدفها واحد ودايمااا بحاول اشوفهاا من كل الاتجاهات ومن كل العقول علشان كده لما احس ان فيه موضوع قريب من اهدافي او جزء من طموحي او احس انه هينفع اعضاء المنتدي مش بتاخر علي وضعه. ومش هضحك عليك لو قولتلك اني بعمل بكل حاجه في مواضيعي بس كل الا انا عايز اقولهولك ان طريق الحياه طويل ان شاء الله وباذن الله هقدر اوصل للمطلوب طول ما الامل موجود استفيد وفيد غيرك لسه راجع مع قذائف نارية انتظرنى باىىىىىىىىىىىىىىىىىىىى وانا مستنيكي بمدرعات مضاده للقذائف الناريه بتاعك |
اقتباس:
اولا منور الكرسي يافارس ثانيا عندي كام سؤال كده تسمحلي اقولهم؟؟؟؟ اهلا وسهلا بحضرتك يا silver_shado لا طبعاا ازاي الكرسي منور بضيوفه والله وعمره ما ينور بصحابه واتفضلي اسألي في او وقت وانا معاكي وقت ما تحبي اولا هل عمرك ندمت علي اختيار اخترته؟؟؟ولو اه ايه هو وليه ندمت عليه؟؟؟؟ هقولك لا مش ندمت علشان مش اكمل سؤالك :18: لا بس عموماا الحمد لله مش بحاول اندم علي حاجه عملتهاا غلط دايماا بحاول اطلع منها بحاجه تفيدني في حياتي وفي مشواري مهما كانت صعوبتها ممكن اندم عليهاا في حاله واحده بس لو كانت في حق ربناا ثانيا لو قررت في يوم انك ممكن تفتح دولاب الذكريات الخاص بيك ايه اول حاجه حترميها منه والله سؤال صعب عليااا لاني فعلااا مش لاقي حاجه ارميهااا من دولاب الذكرياات وايه الحاجه اللي حتحضنها وتقول مقدرش استغنى عنها ابدا معلشي هستاذن حضرتك اسيب اجابه السؤال ده ليااا شخصيااا دا بعد اذنك ثالثا واخيرا مين الشخص اللي تقدر تقول عليه المثل الاعلى لي اممممممممممممممممممممممممم السؤال ده وقفت قدامه كتير اووووووووي ومش لاقيله اجابه غير اني اقول الرسول صلي الله عليه وسلم |
كيف الحال ياعم وربنا معاك وانا مش حسألك لانى عرفاك قوووووووووووووووى وعارفه كل شئ عنك |
رجعتلك تانى يافارس
انت ايه اكتر حاجه بتعتز بيها فى دنيتك ايه هى المرحله الى من عمرك الى نفسك ترجع تعيشها تانى لو قالك باب جارك اتسرق وجارك جاى للك يطلب منك باب وانت معندكشى الا ابواب على قد بيتكم هتديله الباب وتتسرق انته ولا هتعمل ايه (جار غلس بقى) ايه رايك فى الاعضاء دول السامر فيب لؤلؤ فجر الاسلام لوست انجل مفياوى الاستاذ محمد عاشور برنسيس تيرز يالا ملكه الرحمه(بس خليك حنين) سندريلا ابن مصر ليو ناردوا لافيا ايه اكتر بلد انت زورتها وعجبتك اوى |
السلام عليكم ورحمه الله وبركاته ازيك يافارس منور الكرسى وبصراحه مسيطر على الوضع والامن مستتب ونفسى اسئلك كام سؤال 1_كلمه (وحشتنى )نفسك تقولها لمين؟ 2_كلمه (لو ) اذا جت فى دماغك بتقولها على ايه كان نفسك يحصل ومحصلش او كان نفسك مايحصلش وحصل؟ كفايه عليك السؤالين دول وانا بتابع وهرجع تانى السلام عليكم |
تصدق احسن ان الاعضاء عملين فيك كدة
علشان الموضوع بتاعك ماشى يافارس بس بجد حرام عليك والله دانت خضيتنا عليك والله ربنايوفقك يامحمد ويهدينا جميعا لطاعتة وعبادتة |
منور الكرسي ياجميل ،،،
سؤالي بسيط ــــــــ ايه الدافع اللي خلاك تسألني الأسئلة اللي سألتهالي أيام ما كنت على الكرسي؟ وماهي الأجابات اللي كنت متوقع اني أقولها ؟ وهل الأجابات جيت زي ما ظنيت ولا لأ ؟ تحيتي واحترامي وقلبي معاك |
اقتباس:
ولو حضرتك حبيتي تسالي في حاجه هكون معاكي باذن الله |
اقتباس:
اهلا يا ملكه بيكي مره تانيه انت ايه اكتر حاجه بتعتز بيها فى دنيتك هو كشكول صغنون واخده من ناس غاليه اووووي عاليه عباره عن شرح مختصر للازمنه في اللغه بيفكرني بحاجات جميله اووووي عيشتهاا ومستني اعيشهاا كمان لو قالك باب جارك اتسرق وجارك جاى للك يطلب منك باب وانت معندكشى الا ابواب على قد بيتكم هتديله الباب وتتسرق انته ولا هتعمل ايه (جار غلس بقى) طبعاا ماليش غير جاري ومهما كان غلس عليا الاستحمال بس حكايه اني اديله بابا دي بتتوقف علي حاجات كتيره منها ممكن اديله الباب لو انا ساكن لوحدي في الشقه ومش معايا حد انما لو قاعد معايا في البيت والدتي واخواتي البنات لا طبعاا مقدرشي اديله اي حاجه بس ممكن اديله باب المطبخ يمشي بيه حاله :18: ايه رايك فى الاعضاء دول السامر : شخصيه محترمه جداا بس دايماا حزين وشايل هموم الدنيا فيب : والله فيب مقدرش احكم عليه لاني مش اعرفه اووي لؤلؤ : شخصيه جميله وبتحب الهزار دايما بس دايماا بس مش عارفه تعيش واقعها صح اغلبيه وقتها مهمومه فجر الاسلام : اما فجر هي شخصيه عقلانيه وبتعرف تقولي رايهاا صح بس علشان مش حضرتها كتير مش هعرف اكمل بصراحه لوست انجل : انا حاسس لو قولت رأي هلاقي مدافع ورشاشات وصاوريخ مستنياني قدام البيت :039: فالوست انجل محترمه اوووي وجدعه اوووي ومفيهاش اي حاجه وحشه خالص مالص :thumb: كده تمام يا لوست :bm: مفياوى : اما مافياوي لا تعليق الاستاذ محمد عاشور : حبيب قلبي المبجل شخصيه دايماا تخلي الاخرين يحترموهاا سواء بردوده الجميله وروعه تفكيره وهو شخصيه محترمه جداا وعلي درايه عاليه بامور الحياه برنسيس تيرز : حاله اما برنسيس مش عارف دايماا حاسس ان هي زعلانه اوووي وكئيبه وكارها الدنيا مع انها شخصيه محترمه جداا يالا ملكه الرحمه(بس خليك حنين) سندريلا : اممممممم والله يا ملكه مقدرش اقول راي بصراحه لان مش اعرفهاا اووي ودخولها بسيط اووي علي تيفا ابن مصر : اما بالنسبه لاحمد شخصيه جميله اوووي ودايما متطلعه للاحسن سواء في حياته او عمله وعلي مستوي ثقافي عالي ليو ناردوا : مقدرش احكم عليه برده بامانه لافيا : حاله اما حسين بقي بحس ان عقله صغير شويه وعايز دايما الا يرضيه وشايف نفسه دايماا الصح ايه اكتر بلد انت زورتها وعجبتك اوى بامانه هي الصعيد والاحسن اووووي في الصعيد هي الاقصر ناسهم طيبين اووووي ولو هاين عليهم يشلوكي من علي الارض يعملوهاا مفيش التكبر الا في الشمال ده والصعيد عموما من سوهاج وقناا واسيوط بلاد جميله اووووي تحسي ان الدنيا لسه بخير |
حبوبى هلا فيك والله
سؤال بس ع السريع هو انت جبت كشكول اللغة ده من مين ؟ جايلك تانى ... |
اقتباس:
اهلا وسهلا بحضرتك اللهم ارزقني الجنه والكرسي زاده نور بضيوفه 1_كلمه (وحشتنى )نفسك تقولها لمين؟ للواد اخويا اصله وحشني اوووووي هتلاقيه الوحيد الا بيهزء فيا في المنتدي وفيه ناس تانيه برده وحشاني 2_كلمه (لو ) اذا جت فى دماغك بتقولها على ايه كان نفسك يحصل ومحصلش او كان نفسك مايحصلش وحصل؟ لا الحمد لله مبحاولش اقولهااا لاني بعيش يومي واتمني دايما من ربي الخير كفايه عليك السؤالين دول وانا بتابع وهرجع تانى وعموماا انا في الانتظار لو فيه اي حاجه حبيتي حضرتك تسألي عليها |
اقتباس:
والله انا مبسوط اووووي بوجودهم معايا واسئلتهم الجميله وعمري ما حسيت بصعوبه اي سؤال او اي حاجه وانا اسف يابرنسيس لو كنت خضيتكم بس والله قصدي خير وده الحل الوحيد الا هقدر ادخل بيه اكبر عدد المنتدي الاسلامي وانا اسف مره تانيه وربنا يوفقك الجميع لطاعته وهدايته ياارب |
اقتباس:
اهلا بيك يا ابن مصر منورني والله في كرسي الاعتراف ايه الدافع اللي خلاك تسألني الأسئلة اللي سألتهالي أيام ما كنت على الكرسي؟ والله يا احمد دي مش كانت اسئلتي ناس اصحابك واحبابك هما الا كتبولك الاسئله دي وماهي الأجابات اللي كنت متوقع اني أقولها ؟ لا يا انا عمري ما استنيت اجابه سؤال من حد ودي مش اسئلتي علشان استني اجابتها او اتوقعااا وهل الأجابات جيت زي ما ظنيت ولا لأ ؟ معرفشي يا احمد والله لاني مكنتش اعرف هما يقصدوا ايه اصلا بالاسئله دي تحيتي واحترامي وقلبي معاك شكرا مرورك يا احمد واسئلتك الجميله والمتواضعه وباذن الله هابقي اقولك مين الا كان بيسأل الاسئله دي وهستني حضرتك لو فيه اسئله تاني |
ممكن تخلي يا عاشق كرسي الاعتراف مفتوح
لغايه لما تيجي تنزل بالتصويت الا عليه الدور وباذن الله هكون معاهم علي قد ما اقدر |
| الساعة الآن 07:40 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى