|
حبيبي ممكن أعرف ليه اخترت اسمك المستعار على المنتدى فارس بلا جواد أنا طيب معاك خالص أهوه اللتر بقى زى ما وعدت |
السلام عليكم ازيك يافارس اخبارك ايه النهاردة يارب تكون فى تمام الصحه والعافيه سوالى ليك بقى المرة ديه 1_مين من الاعضاءفى المنتدى اللى تعرفهم ؟ 2_مين من الاعضاء فى المنتدى متعرفوش وتتمنى انك تعرفه؟ سوالين بس وان شاء الله هرجع تانى تقبل مرورى |
اقتباس:
والله يا محمد انا بحب اسم فارس جداا لان الاسم ده من ناس غاليه اووي عاليا وهما الا حبيبوني في الاسم ده علشان كده تلاقي الاسامي بتاعتي علي النت فارس او فارس الحياه او فارس بلاجواد انا وعدت بحاجه عايز تحرجني يعني قدام الاعضاء عموما مش هتغلي عليك والله والا انت عايزه انا تحت امرك |
اقتباس:
اهلا وسهلا اللهم ارزقني الجنه 1_مين من الاعضاءفى المنتدى اللى تعرفهم ؟ طيب تعالوا اتفضلوا معايا في الانتريه نبداء بالعائله الكريمه اخويا Mohanned ولاد عمي webcraker mafiawwy lostangle ابن خالتي the_boss22 تعالوا بقي ندخل علي الاصدقاء حبيبه بابا محمد عاشور alsamer ابن مصر بس ممكن يكون مش واخد باله مني بس l3lo3 princess tears hahattt919 حماتو ميرامادا لافيا يارب مكونشي نسيت حد تاني 2_مين من الاعضاء فى المنتدى متعرفوش وتتمنى انك تعرفه؟ ماندوز وعاشق وفجر ملكه الرحمه عبد الرحمن انين الصمت وسندريلا وليوناردوا ومحمد الجزار وعيون الحب وبنت الشام الشاكي zozza المتالق الموج الهادئ لا كتير اوووي نفسي اتعرف عليهم تقريباا يعني باقي الاعضاء وليا الشرف طبعاا اني اتعرف عليهم لو كان ليا عمر معاكم علي تيفا باذن الله لاني حاسس ان انا مش هلحق دوامه الحياه بقي سوالين بس وان شاء الله هرجع تانى باذن الله في انتظار حضرتك اللهم ارزقني الجنه |
السلام عليكم
ازيك يافارس انا جايه متاخر شويه لانى مدخلتش من زمان على تيفا بسبب الامتحانات المهم منور طبعا الكرسى ربنا يجعل اسئلتى سهله عليك لو انت استيكه عايز تمسح ايه فى الحياه؟ ايه رايك فى الناس؟ ايه رايك فى تيفا؟ هل تتمنا شئ فى الحياهولم تحصل عليه حتى الان؟ لو قالوا لك تتطلع من البلد وتترك اهلك واصحابك وذكرياتك !هتوافق ام لا؟ ايه اكتر ماده ومدرس كنت بتحبها فى الابتدائى والاعدادى والثانوى؟ كفايه بقه كده |
ورجعتلك تانى
ايه اكتر وقت بتحس فيه انك فى سعاده غامره وايه اكتر وقت بتحس فيه انك حزين لو اضيقت من حد بتقوله ولا بتبعد عنه لما تتضايق بتطلع ضيقتك فى الى قدامك ولا بتاخد جمب لحد ماتروق لو مسكت منصب عالى ومؤثر فى البلد واطلب منك واسطه لحد عزيز عليك هتكون واسطه له بالرغم انك متأكد انه مش كفؤ للحاجه دى ولو اتعرض عليك رشوه عشان تمشى حاجه ضاره للبلد هتاخدها وتمشيها بالرغم انك فى الوقت دا فى امس حاجه للفلوس دى |
اقتباس:
وعليكم السلام ورحمه الله وبركاته اهلا وسهلا بحضرتك يا موج منوره والله بضيرفهااا احنا ما عليناا غير ان احنا نضلما وانتم تنوروهاا ويااااااا رب ياموج يوفقك في امتحانات ويحققلك كل الا بتتمنيه يااااااااااا رب وندخل بقي علي الاسئله بتاعتك لو انت استيكه عايز تمسح ايه فى الحياه؟ مش عايز امسح حاجه انا حاببها زي ما هيه والحمد لله علي كل شئ ايه رايك فى الناس؟ من ناحيه ايه البشر انواع فيهم المحترم وفيهم الهادي وفيهم الكويس وفيهم الوحش وفيهم عديم الاخلاق اصناف البشر كتير اووووي صعب يتعدوا عايزه رايي في اي نوع فيهم ايه رايك فى تيفا؟ منتدي جميل باعضائه وبعقليتهم الكبيره الا الواحد كل يوم بيستفاد منهم ومن طريقه تفكيرهم ومن ردودهم ومواضيعهم واحلي ما فيهم الصحبه الحلو والاعضاء الاحلي هل تتمنا شئ فى الحياه ولم تحصل عليه حتى الان؟ انا لسه في اول حياتي لسه بقول يا هادي مالحقتش احقق حاجه وباذن الله مع الايام هقدر اوصل للانا مخططلوه باذن الله سواء داخل مصر او خارجهااا لو قالوا لك تتطلع من البلد وتترك اهلك واصحابك وذكرياتك !هتوافق ام لا؟ صعب اني اوافق واديني عمال اداحل مع ده ومع ده وبهزر مع ده والحمد لله الحياه ماشيه ايه اكتر ماده ومدرس كنت بتحبها فى الابتدائى والاعدادى والثانوى؟ والله يا موج هي الرياضه كنت بحبهاا جداااا وكانوا دايماا ا بيسموني في الاعدادي والثانوي االاله الحاسبه بتاعتهم لاني كنت سريع جداا في العمليات الحسابيه وبارقام كبيره |
يعنى ولا رديت على سؤالى
ولا قولتلى حضرتك زى مبتقول للناس ماشى يا سيدى, ماعلينا انا بس عاوز اسأل سؤال هو the_boss22 ازاى يبقى ابن خالتك على ما أظن هشام حمدى. ركز تانى وقول يقربلك ايه ؟ السؤال التانى: جبت كشكول الازمنة بتاعة اللغة من مين ؟ السؤال التالت: انت شايف انك بتتعصب كتير وبتنقل عصبيتك دى على الناس اللى حوليك؟ لو نعم, طيب الناس دى ذنبها ايه؟ الرابع: هو انت رخم وبارد بزيادة ولا دا معدل طبيعى للانسان العادى من وجهة نظرك؟ الخامس: لو ضيف جالك البيت يقعد معاك اسبوع وقالك هات وصلة النت شوية, هتديهاله ولا هتقوله روح هات سويتش؟ اتسلى بقى على مجيلك تانى :D |
وعدنا من جديد اولا احب اشوف صورة حضرتك ياريت يعنى تتشرف وتحطها لينا نتعرف اكتر وراجع تانى |
تك تك تك ممكن ادخل ولا ناوى تسيبنى عالباب عادى هدخل بردو انا مشرفة وادخل براحتى فى المكان اللى يعجبنى :bm: ازيك يا فارس يارب تكون بخير انت وكل اهل المنتدى أسعدنى جدا انى بعد الغيبة الطويلة ارجع والاقيك انت الضيف التامن وده من حظك اللى زى الفل انك تتحط عالكرسي فى التوقيت اللى انا اجى فيه:039: وجيبالك معايا الهدية المتواضعة دى Download67533 معلش ملقيتش فردتين نفس اللون بس قلت خلينا ماشيين عالموضة احسن :laugh: اسمحلى أبدا أسئلتى : ولو مسمحتش هبدأها بردو عادى انا مشرفة واسأل براحتى :shades: بسم الله الرحمن الرحيم 1- احكيلنا اكتر صدفة مؤثرة فى حياتك؟ 2- موقف محرج بس عرفت تتصرف وتخرج منه؟ 3- اجمل صوت بتحب تسمعه فى الحياة عموما؟ 4- اكتر شخصية غامضة قابلتك فى المنتدى؟ 5- اكتر شخصية مستفزة - بعدى طبعا؟ 6- تقول لمين: ربنا يخليك ليا: روح يا شيخ منك لله: ياريت كل الناس زيك: اما وريتك مبقاش انا: انت كويس بس فاضلك حاجة تتصلح وتبقى احسن واحد: يارب ميدخلش وميسألنيش ومشوفش وشه هنا: موضوعاتك وردودك بتلفت نظرى: انت اخف دم: 7- اكتبلى ملخص لاحلامك فيما لا يزيد عن ثلاثة اسطر- مترغيش يعنى:tongue: مشرفين العموم بس هم اللى يرغوا - 8- ايه اكبر مشكلة عند الشباب عموما فى الوقت الحالى وحددلى مشكلة وحدة بس؟ 9- ايه امنياتك لمصر مع بداية عام 2010؟ 10- عبارة عن سؤال واحد بس هتجاوب فيه على 3 مواقف الاول صلى على حبيبك النبي عليه الصلاة والسلام اكيد بتقابلك شخصيات كتير فى المنتدى وكتير منهم بتبقى شخصيات محيرة ولانك مشرف لازم تعرف الخلل فين وتفهم الشخصيات دى وتحاول تدور على ايجابياتها وتظهرها وتغطى السلبيات فلنفرض انك قابلت الشخصيات الاتية ياريت تشرح للاعضاء هتتعامل معاها ازاى: 1- عضو فعال ومهم وموضوعاته رائعة وتستحق التقدير والاهتمام لكن للاسف محدش اهتم بموضوعاته فاضطر يمشى وهو زعلان من المنتدى واللى فيه. 2- عضو من ديانة مخالفة وواخد فكرة عن كل الناس اللى هنا انهم مش بيحبوه. 3- عضو انت واثق انه طيب ومحترم لكن الشيء الغريب جدا انه عنيف شوية فى ردوده مع الاعضاء والمشرفين وكتير فى النقاش بياخد موقف ويزعل من غير مايكون الموضوع مستاهل. bonne chance ولو حليت الاسئلة وخدت فول مارك لك عندى هدية احسن من اللى فاتت:18: يارب اكون ضيفة خفيفة ومتكونش ادايقت من اسئلتى متفكرش بردو ان الموضوع انتهى be right back |
انت لسا هنا يامحمد:bm:
انا قلت ادخل اشقر على المنتدى لقيتك لسا منور الكرسى:clap: شد حيلك بقى احسن ده قرب يقع:18: ده قاعد عليه واحد عضلات وكده بقى:048: هيستحمل ازاى بس:no3: الله يكون فى عونه والله:nono: الا بقولك يامحمد يااخويا:039: 1-كم شخصية قابلتها هنا بتيفا نت وتمنيت أن تراها بالواقع؟ ومن أصحاب تلك الشخصيات؟ 2-كم شخصية انت قابلتها بالفعل؟ومن اصحاب تلك الشخصيات؟ 3-لو طلعلك عفريت فى فانوس سحرى وقالك اتمنى امنية واحدة هتتمنى ايه؟ 4-ايه الكلية اللى كان نفسك تتدخلها قبل تجارة ومحصلش نصيب؟وقولنا تقديرك العام ولا التقدير الشعبى؟ 5-ايه المهنة اللى نفسك تشتغلها وبتسعى للحصول عليها؟ 6-جاوب بقى على الكام نقطة دول وبصراحة:- لو هتقول كلمة شكر تقولهالمين؟وايه هى الكلمة اللى هتقولها؟ لو هتوجه كلمة عتاب هتوجها لمين؟وايه هى الكلمة اللى هتقولها؟ لو فى ايدك وردة تهديها لمين؟ لو معاك كتاب تهديه لمين؟ لو عندك ايميل حلو تحب تبعته لمين؟ لو عندك ماسج حلوة اوى وقالولك ابعتها لواحد بس تبعتها لمين؟ ايه الصفة اللى مش فيك وكان نفسك تكون فيك؟ ايه الصفة اللى فيك وتتمنى متكونش فيك؟ لو بكيت فى يوم من الايام تحب مين يشوف دموعك؟ومين يمسح دموعك؟ لو طلبوا منك تبقى مدرس هتوافق ولا لا؟:039:ولو هتوافق ليه ؟:thumb:ولو مش هتوافق ليه؟:no3:وايه المادة اللى تحب تدرسها لو موافق؟وتحب تكون فى مدرسة بنات ام ولاد ام مشتركة؟:bm: خطك حلو ولا نبش فراخ؟:18: صوتك حلو ولا بيلم الحشرات؟:walkman: ايه اكتر ميزة فيك؟:thumb: وايه اكتر عيب؟:thmbdn: انا لسا مخلصتش للحديث بقية................ |
اقتباس:
انا بس عاوز اسأل سؤال هو the_boss22 ازاى يبقى ابن خالتك على ما أظن هشام حمدى. ركز تانى وقول يقربلك ايه ؟ هستعين بصديق واسيبك انت بقي الا تقولي لسه هوجع في دماغي اقعد انت كده مع نفسك وابدئ من الاجداد ولما توصلها ابقي قولي جبت كشكول الازمنة بتاعة اللغة من مين ؟ من ناس غاليه اوووي عاليه تقريباااا قولت نفس الاجابه في سؤال ملكه ممكن تراجع الاجابه تاني وانت تعرف :18: انت شايف انك بتتعصب كتير وبتنقل عصبيتك دى على الناس اللى حوليك؟ لو نعم, طيب الناس دى ذنبها ايه؟ الحمد لله تقريباا لااا بس ممكن يكون احساس داخلي جواك انت مش اخويا برده والله اعلم هو انت رخم وبارد بزيادة ولا دا معدل طبيعى للانسان العادى من وجهة نظرك؟ معرفشي والله بس ممكن انتم الا تحكموا علياااا اذا كنت رخم ولا دا المعدل الطبيعي لو ضيف جالك البيت يقعد معاك اسبوع وقالك هات وصلة النت شوية, هتديهاله ولا هتقوله روح هات سويتش؟ اولااا لو جالي ضيف علي عيني وراسي انما اقعده في بيتي وفيه هناا حريم يبقي شكلي وحش اووووي ومعنديش اخلاق ولا ايه :wub: انما لو عايزني اجاوب يعني لو رخم هرخمه عليه بس بحدائه برده :039: |
اقتباس:
تقريبااا انت مش محتاج تتعرف يا سامر ولا ايه بس حاضر من عينياا هحطهالك ولو محتاج فيديو كمان تحت امرك برده وتشرف في اي وقت ياسامر البيت بيتك واحنا ضيوف عندك Download54055 Download59518 نقي الا تحب تشوفه يا سامر |
اقتباس:
يا هلايا هلااا اهلا بيكي يا برنسيس دا انتي نورتيني وغصبني عني طبعاا تتفضلي دا البيت بيتك برده واحنا الا ضيوف عندك يارب تكون بخير انت وكل اهل المنتدى الحمد لله بخير انما اهل المنتدي بقي تساليهم انتي انتي برده اقدم مني في المنتدي QUOTE=la princesse;104122] وجيبالك معايا الهدية المتواضعة دى Download13033 معلش ملقيتش فردتين نفس اللون be right back[/QUOTE]بس قلت خلينا ماشيين عالموضة احسن :laugh: ياااه بجد احلي هديه شوفتهااا شكرا ليكي يا برنسيس وعلشان كده الهديه المتواضعه دي مقامها مش هناا اكيد يعني هتبقي هنا Download81206 مكان يليق بالهديه المتواضعه طبعاا واكرام الضيف واجب واعتبري نفسك مش شوفتي الصوره الا فوق دي علشان اقدر اكمل الضيافه واتفضلي في الانتريه والاعضاء هنا حبايبنا هيقوموا بالواجب وزياده لغايه ما اجيلك من الشغل اكمل اسئلتك |
انا جيت نور........
لا نورت مين دا منوره اصلاا بضيوفهاا اهووو منوره يا برنسيس يارب يكون الاعضاء قاموا بالواجب وانا مش موجود المهم نرجع للمناقشه مره تانيه ونشوف اسئلتك عامله ايه اقتباس:
1- احكيلنا اكتر صدفة مؤثرة فى حياتك؟ ان انا اقابل انسانه شبيها لياا في كل شئ ما عدا النوع في اي حاجه ممكن تتوقعيهااا حتي في طريقه الاكل حتي ماضيناا واحد مع الاختلاف في النوع حتي الاعمال اليوميه ممكن تكون واحده . 2- موقف محرج بس عرفت تتصرف وتخرج منه؟ تقريبااا هو الموقف الا فوق بتاع حضرتك 3- اجمل صوت بتحب تسمعه فى الحياة عموما؟ ايوه صوت الكروان بجد احلي صوت سمعته وتقريباا مش هسمع زيه بعد كده 4- اكتر شخصية غامضة قابلتك فى المنتدى؟ مفيش شخصيات غامضه في المنتدي خااااااااااااالص 5- اكتر شخصية مستفزة - بعدى طبعا؟ ومين الا قالك ان انتي مستفزه مفيش طبعااا حد مستفز لانها كلهاا اراء بتدور حول احد المواضيع 6- تقول لمين: ربنا يخليك ليا: .................... روح يا شيخ منك لله: لا مفيش حد مش بحب ادعي علي اي انسان مهما حصل منه ياريت كل الناس زيك: اخوياااا اما وريتك مبقاش انا: مفيش حد برده انت كويس بس فاضلك حاجة تتصلح وتبقى احسن واحد: ممكن تكون برنسيس تيرز يارب ميدخلش وميسألنيش ومشوفش وشه هنا: مفيش برده حد كله سواسيه موضوعاتك وردودك بتلفت نظرى: ماندوزززززززززز انت اخف دم: ممكن تكون حبيبه بابا وملكه الرحمه 7- اكتبلى ملخص لاحلامك فيما لا يزيد عن ثلاثة اسطر- مترغيش يعنى:tongue: مشرفين العموم بس هم اللى يرغوا - من عينياا حاضر احلامي اني هعمل شئ من لاشئ بس باراده ربناا ان شاء الله 8- ايه اكبر مشكلة عند الشباب عموما فى الوقت الحالى وحددلى مشكلة وحدة بس؟ قلوب بعيده عن طاعه الله وعقول وطريقه تفكير في الدنيا وملذتهااا الدنيئه 9- ايه امنياتك لمصر مع بداية عام 2010؟ بلدناا عمرها ما هتتقدم الا بشعبهاا وولادهاا علشان كده امنياتي عكس اجابه السؤال 8 10- عبارة عن سؤال واحد بس هتجاوب فيه على 3 مواقف الاول صلى على حبيبك النبي عليه الصلاة والسلام عليه الصلاه وافضل السلام اكيد بتقابلك شخصيات كتير فى المنتدى وكتير منهم بتبقى شخصيات محيرة ولانك مشرف لازم تعرف الخلل فين وتفهم الشخصيات دى وتحاول تدور على ايجابياتها وتظهرها وتغطى السلبيات فلنفرض انك قابلت الشخصيات الاتية ياريت تشرح للاعضاء هتتعامل معاها ازاى: 1- عضو فعال ومهم وموضوعاته رائعة وتستحق التقدير والاهتمام لكن للاسف محدش اهتم بموضوعاته فاضطر يمشى وهو زعلان من المنتدى واللى فيه. الغرض مش الردود المهم من الموضوع المشاهدات حتي ولو كانت اتنين المهم ان فيه حد شافه وعرف مضمونه بس باقي الاعضاء مقدروش موضوعك وتعبك يبقي شوفلك منتدي تاني احسنلك بلا وجع قلب 2- عضو من ديانة مخالفة وواخد فكرة عن كل الناس اللى هنا انهم مش بيحبوه. هو داخل يتحب ولا داخل يعرض افكاره وردوده ويستفيد من الموضوعات ويفيد غيره 3- عضو انت واثق انه طيب ومحترم لكن الشيء الغريب جدا انه عنيف شوية فى ردوده مع الاعضاء والمشرفين وكتير فى النقاش بياخد موقف ويزعل من غير مايكون الموضوع مستاهل. لو كان علي صواب لوه حق يزعل انما لو كان بيناقش في الغلط يبقي مش ينفع طبعاااا واي حد يحاول يصححله اخطاؤه بس بطريقه مهذبه ومحترمه شكرا يا برنسيس علي مروك الكريم واسئلتك الجميله وفي انتظار حضرتك لو حبيتي تسألي عن اي شئ |
ينفع كده يعنى وحدة تاعبه نفسها وجيبالك شبشب
تقوم تعمل فيه كده !! تصدق انت مش وش نعمة. دا حتى شكله بينور فى الضلمة :d مـــــــــــــا علــــــــــــــــــــينا .. انت يابن الحلال ردودك دى متنفعش ببصلة, كلها دبلوماسية من بتوع أبو الغيط يعنى مظنش ان حد عرف عنك حاجة جديدة, حتى الاسئلى بتاعتى بتلف حواليها انا مكنتش عاوز ازنقك بس انا هضطر طالما انت بتخلبص كده.. استنى جايلك تانى (ان شاء الله) |
بدل شبشب زنوبه الهديه دا خد دى وروق دمك Download33145 وربنا معاك فى باقى الاسئله يظهر الاعضاء ماصدقوا وقعت فى كرسى الاعتراف بس والا يهمك واضح انك حويط كويس اوى ماشاء الله مبتقولش غير الا انت عايز توصله وبس غير كدا انسى ياعمرو بردو داخله اصبح او امسى على حسب توقيتك بئه ومعنديش اى اسئله وربنا معاك يافارس فى بقية اسئله الامتحان دى اقصد كرسى الاعتراف دا؛؛ تقبل مرورى ؛؛ |
معلش اتلبخت ونسيت اجيبلك تاكل قبل الساقع على بطن فاضيه حاجه مخصوصه يعنى وأكله الناس بتحبها Download41405 وبالهنا والشفا بئه دى عايزاك تخلصها كلها بالهنا والله اكبر من عين الحسود اى خدمه وافتكر الجمايل دى يلا عيش يافارس زى اللى بصحيح اهى |
اهلا وسهلا يا محمدورجعت من تانى المهم انا شفت موضوع الصورة فى احد المنتديات قلت اسالك واجرب عليك المهم لو عضوة مش عضو اللى كان طلب منك الصورة كنت هتقول ايه بينك وبين نفسك(ياريت بلاش الرد الدبلوماسى خليك صريح)؟ ولو انته وافقت باقى الاعضاء ممكن يقولوا عليها ايه........؟ انتظرنى بعد اجابتك لازال لدينا واصل |
Download83447
ادى يامحمد اجمل الهدايا وكل سنة وانت طيب وبصراحة اجاباتك الله اكبر بس فية عندى سؤال انت كويس بس فاضلك حاجة تتصلح وتبقى احسن واحد:ممكن تكون برنسيس تيرز ممكن اعرف اية هى الحاجة الى فاضلة علشان ابقى احسن واحدة وكفاية كدة وربنا معاك الاعضاء متوصين بيك قوى بس عارفة انك قدها وقدود |
فعلا والله يابرنسيس مفيش احلى من كدا هديه لا مؤاخذه يعنى يافارس انى رديت مفيش احلى من كتاب الله عز وجل ربنا يباركلك يابنتى والله |
على فكره مفيش اى اثاره فى الموضوع تحس بملل فى الحكايه لان ردودك غريبه شوى لازم تكون اكتر وضوح لان ده كرسى الاعتراف انت محسسنى اننا بنسأل جمعه الشوان وكانك اعد على كرسى كشف الكذب بتجاوب وخلاص الحكايه بقيت ممله لازم تكون صريح وبلاش الالهدوء ده لانه زياده قوى وبلاش مثاليه محدش ميثالى كده انت محسسنى انك جاى من عالم تانى كله صفاء وطيبه مش ممكن تكون حلو قوى كده انت اكيد بتخبى كتير وياريت بلاش الدبلوماسيه دى لازم تكون واضح وصريح وسورى على الرخامه بتاعتى بس بصراحه انا اتعليت وجالى نقطه |
- عضو فعال ومهم وموضوعاته رائعة وتستحق التقدير والاهتمام لكن للاسف محدش اهتم بموضوعاته فاضطر يمشى وهو زعلان من المنتدى واللى فيه. بصراحه الجمله دى تنطبق عليا محدش بيرد عليا خالص اما حسيت انى بكلم نفسى وانى مليش لزمه فقولت كفايه قوى كده عليكم لانى بجد زعلت من المنتدى والى فيه لانى ملقتش ترحيب كافى بيا ومحدش بيرد على مواضيعى خالص فقررت انى مضيفش مواضيع تانى ابدا |
لسه مجتشى طب خلاص انتظر بقيت القنابل راجع تانى |
اقتباس:
اعمل ايه قولت امد كرسي الاعتراف شويه علشان حبايبي هناا كتير بس شكلها جات علي دماغي واحد عضلات قال , ليه شايفاني فاندام يا اختي ومتخافيش ممكن نكمل واحنا واقفين ما احنا طول النهار علي رجليناا المهم نشوف اسئلتك اقتباس:
1-كم شخصية قابلتها هنا بتيفا نت وتمنيت أن تراها بالواقع؟ ومن أصحاب تلك الشخصيات؟ يااااااااااه كتير اوووي يا لؤلؤه متعديش لازم يعني اعملك حصر للشخصيات دي ماندوز عاشق محمد الجزار حبيبه بابا ملكه الرحمه لا كتير اووووووي يا لؤلؤه تقريباا بقيه الاعضاء 2-كم شخصية انت قابلتها بالفعل؟ومن اصحاب تلك الشخصيات؟ لا نعملك حصر احسن بيهم طبعا العائله الكريمه هتلاقيهم مرصوصين فوق ومعاهم حماتو السامر شابون اممممم علي فكره شكلي ناسي اعضاء كتير بس باذن الله مع الوقت هتذكرهم لاني جاي مش فايق من شغلي 3-لو طلعلك عفريت فى فانوس سحرى وقالك اتمنى امنية واحدة هتتمنى ايه؟ امنيه واحده امنيه واحده امنيه واحده بس هتبقي صعبه علي العفريت اوووووي لانها بتتعلق بقلوب البشر هقولهالك وامرنا لله هتمني ان قلوب المسلمين تتعلق بدين الاسلام واخلاق الحبيب المصطفي صلوات الله عليه وسلم مش بقولك صعبه 4-ايه الكلية اللى كان نفسك تتدخلها قبل تجارة ومحصلش نصيب؟وقولنا تقديرك العام ولا التقدير الشعبى؟ اي انسان بيتمني طبعاا اي كليه من كليات القمه بس للاسف مش حصل نصيب بوظان بقي وكان تقديري العام تقدير الشعب زي ما بتقولي 5-ايه المهنة اللى نفسك تشتغلها وبتسعى للحصول عليها؟ امممممممم محاسب باذن الله او التسويق لو هتقول كلمة شكر تقولهالمين؟وايه هى الكلمة اللى هتقولها؟ هقولهاا لواحد صاحبي بس بعيد عن المنتدي لانه دايماا شايل اسراري وهمومي ودايماا جمبي لو هتوجه كلمة عتاب هتوجها لمين؟وايه هى الكلمة اللى هتقولها؟ عتاب عتاب تقريباا مفيش حد اوجهله عتاب لو فى ايدك وردة تهديها لمين؟ مش خساره فيكي بس ارحميني شويه لو معاك كتاب تهديه لمين؟ والله لو كتاب هيكون ل ( اللهم ارزقني الجنه ) لو عندك ايميل حلو تحب تبعته لمين؟ ايميل حلوو ايميل حلووو لمين لمين لحبيبه بابا لو عندك ماسج حلوة اوى وقالولك ابعتها لواحد بس تبعتها لمين؟ مش خساره فيك يا مهند يا اخوياا ايه الصفة اللى مش فيك وكان نفسك تكون فيك؟ مش عارف دي بس لو تعرفي ممكن تقوليها انتي ايه الصفة اللى فيك وتتمنى متكونش فيك؟ ايوه الهدوء التاااااااااام لو عندك لوه حل ياريت لو بكيت فى يوم من الايام تحب مين يشوف دموعك؟ومين يمسح دموعك؟ طبعاا مش هتكون غير الزوجه طبعااا ان شاء الله بس تكون بعيد عن المشكله لو طلبوا منك تبقى مدرس هتوافق ولا لا؟:039:ولو هتوافق ليه ؟:thumb: مدرس يا اختي اتنيلي لاااااااااااااااااااااااااااااااااااااااااااااا طبعاا ولو مش هتوافق ليه؟:no3: انا ناقص وجع قلب وصحيان بدري وكده وايه المادة اللى تحب تدرسها لو موافق؟وتحب تكون فى مدرسة بنات ام ولاد ام مشتركة؟:bm: خطك حلو ولا نبش فراخ؟:18: والله بين البنين يعني معقول صوتك حلو ولا بيلم الحشرات؟:walkman: طيب دي اجربهاا ازاي دي ولا اقولك اعتبريه حلوووو ايه اكتر ميزة فيك؟:thumb: مش عارف والله بس يمكن العقلانيه و شئ من الرضاا وايه اكتر عيب؟:thmbdn: مش عارف بصراحه بس ممكن تكون هدوئي التام |
اقتباس:
نعمل ايه يا اخويااا مش بايدي بس ممكن الحقه انا عارف مكانه كويس مش تقلاقي يعني موجود وفي الحفظ والصون وتصدق ينفعناا برده في الضلمه لا عندك حق في دي اقتباس:
طيب مالها الدبلوماسيه يا اخويااا عباره عن اجابات مقنعه ترضي جميع الاعضاء بس محتاجه تركيز بسيط بس منهم وهم هيوصلوا للا عيزينه من الاجابات بس لو محتاج اسامي من الواقع انا تحت امرك والا انت تحبه برده مش هزعلك ابداا والله |
اقتباس:
بيتزاا وااااااااااااااااااااااااااااو وكمان كولا مع اني عامل مقاطعه بس مش هرجع ايدك وتسمحيلي بقي اعزمك انتي وكل اعضاء المنتدي علي البيتزا الجميله دي والكانز بقي يبقي عينات في كل كوبايه دا بعد اذنك واكله هنيه تكفي ميه شكراا يا حبيبه بابا ونردهالك في عيد الميلاد باذن الله بس بحاجه اجمد بقي وكل سنه وحضرتك طيبه |
اقتباس:
اهلاا وسهلاا ياسامر ومعاك يا حبيبي في اي وقت ان شاء الله وتحت امرك المهم لو عضوة مش عضو اللى كان طلب منك الصورة كنت هتقول ايه بينك وبين نفسك(ياريت بلاش الرد الدبلوماسى خليك صريح)؟ والله يا سامر ردودي كلهااا صريحه بس الا يفهمهاااا صح المهم خليناا في سؤالك والله يا سامر بالنسبالي ما هتفرق معايا وانا داخل المنتدي وكلهم اخواتي وفيهم اهلي وعمري ما هبوص لاي حد بنظره فيها شئ من الخطئ لاننا كلناا علي مركب واحده . انما لو عايز الا في دماغك بقي الا عايزني اقوله فعلااا هرجع للاساس مش لازم تعرف انا اقصد ايه المهم اجابتي فوق انما دي حته زياده من عندي ولو انته وافقت باقى الاعضاء ممكن يقولوا عليها ايه........؟ طيب دي بقي حاجه ترجع للاعضاء وعقليه كل انسان فيهم لان لكل واحد طريقه تفكير وكلهم مش زي بعضهم تحت امرك يا سامر في انتظارك بكل ماهو منتظر من ردود |
اقتباس:
شكرا يا برنسيس تيز و وجزاكي الله كل خير علي الهديه الرائعه دي وكل سنه وحضرتك في طاعه الله اقرب وفي رضاه دوماا وباذن الله اقدر اردهالك بحجه ولا بعمره والله اعلم بقي انت كويس بس فاضلك حاجة تتصلح وتبقى احسن واحد:ممكن تكون برنسيس تيرز ممكن اعرف اية هى الحاجة الى فاضلة علشان ابقى احسن واحدة وكفاية كدة اممممممممممم بحس دايماا من ردودك بشئ من التعاسه والحزن ودايماا بحس ان انتي كارهه الحياه بما يقابلهاا من ردود في منتهي الصراحه والتفاعل مع الاعضاء والاحترام اكيد فهمتي انا اقصد ايه |
اقتباس:
لا مش يهمك يا حبيبه بابا دا البيت بيتك بتاع القناه التانيه يعني مفتوح لكل الاعضاء والحبايب |
اقتباس:
يااه جمعه الشوال مره واحده ومقعداني علي جهاز كشف الكدب كمان طيب ياتري الجهاز كان بيقول ايه ولا فرقع من كتر الكدب بتاعي الا حضرتك حاسه بيه بس حضرتك قولتي يا hahattt919 ان انتي تعرفي عني كل شئ يعني المعلومات دي بالنسبالك كلهاا تحصيل حاصل مش هتفيد حضرتك في حاجه ولا ايه وغير كده بحاول اجاوب بكل صراحه والله فعلاا سواء شخصي او اماني وسلامتك من العلل والنقطه الف سلامه عليكي وياسيتي شوفي ايه الاجابه الا مش عجباكي او مش فهماها وانا تحت امرك فيهاا وفي انتظار اي مقترحات او ردود من حضرتك |
اقتباس:
انا جيت يا سامر اهووو يلاا الحقي بقي واحدفني بالقنابل المدويه بتاعتك يمكن واحده تفلت وتجيب اخري في اسئلتك وبانتظارك |
يا جماعه الا حاسس ان انا لافف في اي اجابه ممكن يقولي عليهاا
وانا احاول اوضحاله بطريقه تانيه تسهل عليه طريقه الفهم والا عايزني اجاوبه علي اي اعاده سؤال انا في الخدمه وجزاكم الله كل خير |
اهلا بيك يافارس welcome to you بص ياسيدي مش هطول عليك اول حاجه انت كنت عاوز تعرف مين سندريلا وبقيه الاعضاء اللي انت مش عارفهم في المنتدي انا اخت ابن مصر ندخل علي الاسئله بقي:039::039: *ايه اكتر موقف محرج اتعرضت ليه في حياتك؟ *مين اول حب في حياتك؟ *بنظري ان كل انسان مكلف برساله في الدنيا فما الرساله التي تسعي لتوصيلها؟ *ايه الامنيه الجميله اللي بتكبر جواك كل يوم؟ *تخيل لو الزمان رجع لورا ايه الحاجات اللي هتسعي لتغييرها؟ *لو انك ملكت العالم ايه اول 3قرارات هتتخزهم؟ *عرفنا عن نفسك كما تحب ان نراك وبعدين انت ليه مش عاوز تبقي مدرس مالهم يعني المدرسين ونبي ماتكرهنيش فيها دا انا لغه عربيه وربنا يستر المدرس حلو المدرس حلو بس كدا يافارس جاوب بقي happy new year |
ما اقنعتنيش باجابتك زى ما مهند قال دبلوماسية انعدام الصراحة اسالك السؤال بطريقة تانيه ايه رايك فى الصداقة بين الشاب والفتاة هل فعلا فيه صداقة بين الشاب والفتاة؟؟؟؟؟ !!!!!!!!!!!!!!!!!!! وما هى حدود هذه الصداقة ان وجدت ...؟!! وان وجدت متى تقول الفتاة للشاب stopهنا تعديت حدود هذه الصداقة...... والى اى حد يمكن للشاب التدخل فى امور الفتاة الشخصية ... وهل يمكن للشاب ان يطلب منها طلب يجعل منها مثار للجدل اكيد يا محمد انت بتحب يعنى (.......)انت فاهم طبعا هل لو فيه فعلا صداقة بين الولد والبنت هل اللى بتحبها هتسمح انك تكون عارف واحدة غيرها حتى لو كان دا تحت مسمى الصداقة واذا سمحت يبقى فين الغيرة اللى هى اساس الحب...؟ انتظرنى بعد الاجابة وعذرا للاطالة |
تم مد فترة المقابلة 5 أيام من تاريخ اليوم
حالة استثنائية (كوسة بقى)https://tefanet.protector.pw/vb/images/icons/icon10.gif بالتوفيق للجميع..؛ |
كويس والله يا احمد انا لسه عندى قنابل كتير انتظرونى فاصل ونواصل |
اقتباس:
منوراني في كرسي الاعتراف ولو عايزه تطولي ميهمكيش دا البيت بيتك برده وبيت كل الاعضاء اخت ابن مصر اه شكلك بتهديديني ولا ايه !!!!! (بهزر طبعاا ) اهلاا وسهلا بيكي ياسندريلاا |
اهلاا وسهلا بيكي ياسندريلاا المهم ندخل علي اسئلتك ونشوف مخبيالي ايه اقتباس:
اكتر موقف محرج : امممممممممممممممممم لا سبيه شويه لانه عايز عصر مخ يمكن ربنا يسهل واقدر اوصل لاحاجه همتكم معايا شويه يا اعضاء تيفاء لو فيه اي موقف محرج حصل بيني وبين اي حد من الاعضاء يقولي عليه *مين اول حب في حياتك؟ اول حب في حياتي واخده بالك من كلمه حياتي دي جوابي هيبقي علي اساسهاا هي والدتي بس والدي برده كان بيشاركني الحب ده فنقيلك انتي واحد وخلااص *بنظري ان كل انسان مكلف برساله في الدنيا فما الرساله التي تسعي لتوصيلها؟ انما رسالتي الا بحاول اوصلها للناس ان الدنياا مش مستاهله ان الواحد يزعل عليهاا ولو لحظه لان الزعل بيدخلنا في متاهات مالهاش اول ولا اخر وان مفيش احلي من البسمه والتفاؤل مهما ان كان ومهما حصل وحب الحياه اجمل في طاعه الخالق *ايه الامنيه الجميله اللي بتكبر جواك كل يوم؟ طريقتي في الحوار والتخاطب مع الاخرين وكيفيه استعمال العقلانيه بطريقه تريح الاخرين بس الامنيه دي مش عرفتهاا الا في الفتره الاخيره من حياتي وبالاخص من بعد لما خلصت جيش *تخيل لو الزمان رجع لورا ايه الحاجات اللي هتسعي لتغييرها؟ مش هسعي اني اغير حاجه والحمد لله علي كل شئ *لو انك ملكت العالم ايه اول 3قرارات هتتخزهم؟ 3 قرارات اممممممممممممممممممم اول حاجه طبعاا السلام مع انها صعبه شويه الدبلوماسيه الا مش عاجبه ناس طريقه جميله في التعامل مع الاخرين سواء في ارضائهم او اقناعهم جمعيات خيريه للدول الفقيره والدول الا محتاج قلوب بشر تقدر تساندهم وتقف بجوارهم *عرفنا عن نفسك كما تحب ان نراك شخصيه هاديه جدااا بس للاسف مش قادر اشوف مميزاتي ومش قادر اوضح عيوبي يمكن انتم الا تقدرواا توضحواا ده مش انا سواء مميزات او عيوب بسعي اني اعمل شئ من لا شئ ومحدش يسال انا قصدي ايه لانها خارج تفكيركم مهما حصل ومش هجاوب عليه دايما بحاول اسعي للتفاؤل في الحياه لاني هي طريقي الا هقدر اكمل بيه مشواري والابتسامه الا بقدر عن طريقهااا اجذب قلوب الناس واقدر اتعامل معاهم كفايه كده يعني مش عايز اكتر شكلكم مليتم وبعدين انت ليه مش عاوز تبقي مدرس مالهم يعني المدرسين ونبي ماتكرهنيش فيها دا انا لغه عربيه وربنا يستر المدرس حلو المدرس حلو هو مين الا حلووو المدرس انتي هتقوليلي , دا وجع قلب وبوظان اعصاب علي الفاضي ومربي اجيال بس مش فاضل ويعني الحلاوه حلاوه الروح بس كدا يافارس جاوب بقي happy new year كل سنه وانتي طيبه وعام جديد عليكي وعلي المسلمين جميعااا |
اقتباس:
طيب استنيني يا سامر لما ارجعلك من الشعل هحاول اني مش اتاخر عليك انتظرني |
| الساعة الآن 10:56 PM. |
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة
,
دعم فنى