حياتك بجرّة قلم (تتصور)

[الفارس]

بالفلاحـــــــــــــــي
من الآخـــــــــــــــــر

مع أن دا مش في طبعي
ولكت على بلاطه ولكل من يهمه الامر

رسالة إلى طالب ثانوي

مستقبله يتحدد بما يكتب في ورقة الاجابة
هل هو يعيش هذه الحالة

ويعلم أن مستقبله القادم المشرق
الملهوف عليه يتحدد بما يكتبه

( بجـــــــــرة قلـــــــــم )

لكل طالب وطالبة فى الثانوية العامة ..

دى رسالة اخ عارف ازاي يشغل طاقتكم.. خصوصا انه فاضل

كام اسبوع فقط على الامتحانات

يا اخى ويا اختى .. بصو بقى .. انا بكلم هنا كذا نوع من طلبة

الثانوية العامة

ناس بتذاكر من أول السنة بجد .. وتعبانة جدا
..
ناس بتقول انها بتذاكر من أول السنة وبتروح دروس وتعبانة

جدا برده

الناس الفاهمة كويس قوى المناهج بس لسة ماذاكرتش

الناس اللى مش فاهمة المناهج ولسة ماذاكرتش

الناس اللى عارفه انها لو ذاكرت كويس هاتجيب مجموع . لكن

حاسه بضيق لوحده كده .. مخليها مش عارفة تذاكر .. حاجة

طابقة على نفسها!

الناس اللى سخنة قوى ونفسها تذاكر بس كس

ولة جدا ولعبية

اخر نوع بقى واللى اليومين دول ابتدى يكتر

ناس مش عارفة تبتدى مذاكرة ازاى .. مذاكرة المجم

وع العالى قوى .. مش المجموع العالى بس... وبما انهم مش

عارفين يبتدو ازاي .. فلسة مابتدوش.

---------------------------------------------

بصو يا شباب ويا بنات .. من الآخر كلللللللللل ده دلع.. اعرفو

ان وقت الهزار خلص .. والسباق ابتدى .. واللى جوه الحلبة

دلوقتى ..الناس الماهرة .. الناس اللى جواها طاقة بجد .. وانا

كاتب الموضوع ده عشان ادخلك جوه الحلبة معاهم .. لأنى كنت

معاهم الحمد لله.

----------------------------

الناس دى
:
مابتنامش .. مابتفوتش كلمة .. مابتفوتش كتاب..

ناس لما تتعب من المذاكرة وتخش تنام ولسة ماخلصتش

مذاكرة لكن وهما على السرير تفتكر يوم النتيجة تقوم تفز جري

من على السرير وتغسل وشها وتشتغل للصبح بورقة وقلم..

عشان تفرح قوى يوم النتيجة .

لو انت عايز تفرح فرحة عادية يوم النتيجة .. من فضلك

ماتكملش قراءة .. لكن لو عايز تفرح قوى قوى يوم النتيجة ..

كمل قراءة
---------------------------

اوعى تظلم نفسك وتقول انا مش قدها ... قدها وقدود .. دى

مواد سهلة . يدوب بس تعرف مفاتيح المواد .. وانت هاتلاقى

الاسئلة بتتكرر.

العربى - الكيميا - الرياضة - التاريخ - الانجليزى - الفرنساوى

- الالمانى .. الخ

---------------------------

عايزك تقول مابقاش انا فلان إلا لما امسح بيهم الأرض ..

ومافيش غير الدرجة النهائية مش هاتنازل عنها ... هاحفر فى

سطر مش هنام .. هاحب المادة دى هاتجوزها من هنا لغاية

الامتحان... قول كده ... يا انا يانتى .. هاشتغلك كتب وملازم

ومراجعات . ..هاشتغلك بايدى وبصوتى .. هاشتغلك فى قوضتى

وفوق السطوح يا مادة

------------------------------------

بص بقى يا انسان .... ويا انسانة.

فى مذاكرة اسمها مذاكرة حلوة وتجيب مجموع مثلا 90 % كحد

أقصى

صاحب المجموع ده بيصعب عليه جدا .. نط نطه كبييييييرة لكن

مش كبيرة كفاية.. فاضله سنة ....


يااااااااااااااااااااااااااااااااااااااااااااااااا ااااااااااااه.. حاسس انت

بيه .. ربنا معاه

عارف ايه الفرق بينه وبين اللى جاب 98% .. ان صاحب

المجموع 98 ده كان بيذاكر مذاكرة اسمها مذاكرة التفاصيل ..
.
الراجل ده .. عدى خلاص مرحلة المعلومات الكبيرة ... ودخل

بتقله فى التفاصيل ... وخلص عليها .. خش فى تفاصيل

النحو ... نقى اتخنها مسألة رياضة وحلها
..
انا عارف كله بيحل المسائل السهلة اللى فى الأول دى ...

لا خش فى كله سهل وصعب ومتين وخفيف .. ماتعتقش
.
فى الكيميا مثلا .. لما تشوف تحويلة رخمة تقول انا عارفها

وتسيبها ...

لا اكتبها بايدك لغاية ما تحلم بيها فى منامك... ساعتها تبقى

انت صح.

تكون عارف العصور الأدبية والبلاغة بكل تشبيهاتها .. تطلع

الجمال من الليل المظلم وزي ما الكتاب بيقول تعمل ...
------------------------------

بصو يا شباب على حسب كل واحد عنده ايه .. لكن هما بالطول

والعرض خمس مواد


اقرا كل مادة صفحة صفحة .. سطر سطر .. افهمها واكتب

بايدك اللى بتذاكره .
.
الانجليزى احفظ كل الكلمات اللى تشوفها ... واكتبها بايدك .

. عايزك على اخر السنة تنفع تكون مترجم ... ووالله لو ذاكرت

الانجليزى صح فى ثانوية عامة ... تنفع تكون مترجم.

عايزك تكون محترف فى معاملتك مع المواد دى.. مش مجرد

هاوى بيتفرج على الصور وبيكتب اهم المعلومات وبتاع .. لا

احترف المادة ..
-------------------------------------

طب امتى تعرف انك احترفتها .. لما تحس ان مافيش معلومة

زيادة تانى فيها... خلاااااااااااص جبت اخرها ... لما تحس ان

كل المعلومات حاضرة فى ذهنك وجاهزة تكتبها كمان .. بمجرد

تفكير بسيط تلاقى المعلومات حضرت .. مافيش حاجة اسمها

نسيت .. لو هاتنسى يبقى انت دخلت فى مرحلة ال90% فقط.

--------------------------------

أعرف ناس كانو يوم امتحان الكيميا بيلعبو مع بعض ... مش

لاقيين حاجة يذاكروها ... خلصو الامتحان فى نص وقته ...

وهما مبسوطين ... وصلو لدرجة مش لاقيين حاجة تتحداهم...


خليك زيهم وربنا معاك

--------------------------------------

طلع اللى جواك بقى يا عم ... عمال تقول انت وهاسوى

وهاعمل ... ورينا بقى انت تقلك ايه .. اييييييييييه اخرك ...

هاتفرح اهلك قوى يوم النتيجة؟


هاتعرف بجد تكون مسلم عاقل مفكر .. رافع رأس أمته؟

خلص كل حرف فاتك فى المواد دى ...

ولما تدعى ربنا قول يارب اجيب 100% .. ماتدعيش بأقل من

كده ..


ارمى همك وحزنك وضيقك وكسلك وكل الوحش اللى فى نفسك


ونفذ اللى قلتلك عليه

------------------
ده المسلم

[كده تمام أوى]

موضوع جميل أوى يا أستاذنا

رسالة إلى طالب ثانوي

ممكن لينا إحنا كمان ما إحنا إمتحاناتنا ع الأبواب
عنوان جميل جدا
وموضوع رائع

جزاك الله خيرا وجعله ف ميزان حساناتك

[Sir.7amato]

الله .. الله .. الله
على الموضوع الممتاز فعلا
والله كلامك يا أ / ماجد الواحد حس أنه طالع من قلبك
لان فعلا بتتكلم عن تجارب عشتها مع الأجيال الى انت درستها
والكلام الجميل والصادق الى نابع من القلب
ده ميطلعش الا من أب فاضل ومربى خلوق وناجح ،،


والله فعلا حسيت فى كل كلمه بتقولها أنك بتكلم حد من ولادك
حسيت ان أخويا أو أبويا هو الى بيكلمنى ..

اليك منى خالص شكرى وتقديرى اليك
اسئل الله العظيم رب العرش العظيم
أن يجعل هذا الموضوع فى ميزان حسناتك

تقبل مرورى
خالص حــــبى
7amato

[الفارس]

قال حكيم :

من أعطى أربعا لم يمنع أربعا
من أعطى الشكر لم يمنع المزيد
ومن أعطى التوبة لم يمنع القبول
ومن أعطى الاستخارة لم يمنع الخير
ومن أعطى المشورة لم يمنع الصواب

ولذا فالشكر واجب لكل أبنائنا الاعزاء الذين قرؤا وردوا

والذين لم يسعفهم العمل بالرد
فمن لم يشكر الناس لم يشكر الله

فشكرا للكلام الطيب الرائع
الذي لا يصدر إلا من أوفياء

في زمن قل فيه .... حتى الكلمة الطيبة

[GaMaL HaMDY]

عايزين مواضيع من دى كتير يا أستاذ / ماجد علشان عايزين من النصايح دى كتير بجد
شكرا بجد شكراالرابط لايظهر فى الأرشيف

[THUNDDER]

جمـــــــــــــــــــــــــــــيل