هل حــــــــــــــب تحـــت العشــرين من العمــر حـــب ؟

[The_boss22]

ســـــــــــــــــــــــــــــــــــــؤال
هل حب تحت العشرين حب ؟


هل هو حب الرابط لايظهر فى الأرشيف

ناس كتيره هتقولى لاطبعا

وهما عندهم حق وانا معاكم

غلطنا لما سميناه حب المراهقه

لانه هو مش حب

هو مجرد احساس او شعور عن الحب الرابط لايظهر فى الأرشيف
لاكن عمره مكان حب

ناس كمان كتيررررر مش هتتفق معايا
وتقولى مهو احنا اهه تحت العشرين وبنحب والى احنا حاسينه ده حب الرابط لايظهر فى الأرشيف
بس انا بقولهم لا ده مش حب الرابط لايظهر فى الأرشيف

طيب قولولى كل واحد شايف ايه
هل هو فعلا حب ولا مجرد احساس ومعرفه
قولولى رائيكم ؟؟؟؟؟

[arain_drop]

هو موضوع حلو ويستحق المناقشة وهيبقى فيه اختلاف كتير
بس انا اختلف معاك لان المسالة مش مسالة سن لانى مخطوبة وبحب خطيبى جدا جدا الحمدلله ولسه مكملتش العشرين
وعرفت يعنى ايه حب بجد وقدرت الحمدلله افرق بينه و بين اى شعور تانى
هى المشكلة اللى بجد ان دلوقتى الولاد والبنات فى ثانوى واعدادى كمان بقو بيشغلو دماغهم بده وبيبذلو مجهود عشان يحبو بقى ويعيشو قصة حب ويقعدو يدورو على نصهم التانى اللى هيشاركهم قصة الحب الجميلة دى سواء ولد او بنت
ودى بقى الكارثة اللى بجد لان ده بيخليهم يتصرفو تصرفات غلط تؤثر عليهم وعلى دروسهم وممكن كمان تخليهم يرتكبو ذنوب تغضب ربنا لازم كلنا نعرف ان الحب ده احساس بيجى من غير ترتيب او قصد مش لاننا عاوزين
ولازم كلنا قبل مانعيش الحب ده نتاكد انه حب فالله من غير اى اغراض وانه يكون فى طاعة الله بعيد عن اى ذنوب او معاصى ونكون ناويين ان نهايته تكون هى الجواز وبناء بيت مسلم يعبد ربنا
ونرجع تانى نقول ان المسألة مش السن ولكن هى ادراك فعلا معنى الحب اللى بجد والنضج الكامل لمتطلبات الحب ده من تضحية وكل المعانى الجميلة دى مش مجرد شعور وخلاص
صدقونى ياشباب الحب ده احساس حلو ومعنى جميل بس لو كان فى الله وفى طاعة الله بعيد عن اى معاصى ودى عن تجربة بجد

اسفة للاطالة
تقبل مرورى

[The_boss22]

هو موضوع حلو ويستحق المناقشة وهيبقى فيه اختلاف كتير
اسفة للاطالة تقبل مرورى

شكرا لمرورك يا arain_drop واكيد هيبقي فيه أختلافات .

بس انا اختلف معاك لان المسالة مش مسالة سن لانى مخطوبة وبحب خطيبى جدا جدا الحمدلله ولسه مكملتش العشرين

الأختلاف عادي واكيد كلنا هنختلف في الأراء والحمد لله علي حبك لخطيبك وربنا يوفقك وكمان لأن الحب ده في الله مش علشان يعني عايز أجرب واعرف.


هى المشكلة اللى بجد ان دلوقتى الولاد والبنات فى ثانوى واعدادى كمان بقو بيشغلو دماغهم بده وبيبذلو مجهود عشان يحبو بقى ويعيشو قصة حب ويقعدو يدورو على نصهم التانى اللى هيشاركهم قصة الحب الجميلة دى سواء
ولد او بنت

ده بس مجرد احساس عندهم لحب التجربه فقط لا غير .

ودى بقى الكارثة اللى بجد لان ده بيخليهم يتصرفو تصرفات غلط تؤثر عليهم وعلى دروسهم وممكن كمان تخليهم يرتكبو ذنوب تغضب ربنا

ربنا يهديهم يارب ويعرفوا أن ده كله في الأخر ملوش لازمه ولعب عيال .

لونكون ناويين ان نهايته تكون هى الجواز

بس كده أنتي جبتي أخر الموضوع والرأي الصح والحب اللي بجد .

ونرجع تانى نقول ان المسألة مش السن

مهوا لو عاقل وبحسبها صح يبقي ناضج ولا أيه ؟

ولكن هى ادراك فعلا معنى الحب اللى بجد والنضج الكامل لمتطلبات الحب ده من تضحية وكل المعانى الجميلة دى مش مجرد شعور وخلاص

فين بقي اللي يفهم الكلام ده .

صدقونى ياشباب الحب ده احساس حلو ومعنى جميل بس لو كان فى الله وفى طاعة الله بعيد عن اى معاصى ودى عن تجربة بجد

أوافقك الرأي فيهااااااااااااا وبقوه .
وتقبلي مروري

واكيد كل واحد مننا ليه وجهه نظر ونحن هنا لمناقشه الأراء فقط :icon26:

[jaguar88]

والله يأخ هشام الللي بيحب تحت العشرين أوفوق العشرين من رأي إن الحب ماله ميعاد ولا سن محدد بس ياريت يبقي حب من القلب بس أهم حاجة مش يبقي شغل عيال صغيرة ويتحملوا المسئولية ويبقوا متفقين وياريت نعرف رأيك بصراحة

[The_boss22]

والله يأخ هشام الللي بيحب تحت العشرين أوفوق العشرين من رأي إن الحب ماله ميعاد ولا سن محدد

ايوه يا محمود باشا مقولناش حاجه انه ملوش معاد
بس بردك السن يحكم
يعني لو هوا وااد سن صغير مثلا تحت العشريين
ممكن يكون عايز يجرب ولا ايه ؟

بس ياريت يبقي حب من القلب بس أهم حاجة مش يبقي شغل عيال صغيرة ويتحملوا المسئولية ويبقوا متفقين

طبعا تحمل المسئوليه هوا اهم شئ ويكون ناوي نيه للجواز والحب يكون حب في الله

وياريت نعرف رأيك بصراحة

رأيي والله أكيد هيتعرف من رودودي علي الأراء

[عبدالرحمن م]

والله يا أخ هشام أنا مش عارف أقول ايه بالظبط فى السؤال المحير ده

بس صدقنى الإجابة النهائية بتتوقف على الشخص نفسه

.................................................. ........

وكمان بتتوقف على السن بصورة واضحة

يعنى ما يبقاش ولد عنده 12 سنة ويقوللك أنا بحب

ده يبقى اسمه إستهبال

.................................................. ..........

13 سنة (برضه استهبال)

من 14 ل 17 (مراهق ومش عارف إللى بيقوله)

من 17 وانت طالع بقى يبقى يعنى معقول بس بترجع برضه لأول كلمة قلتها وهى نوع الشخص نفسه

إذا كان واعى ولا ........

ده رأيى

وأى رأى تانى له احترامى

وأعتذر لأى عضو أكون جرحته بأى كلمة

:icon26::icon26::icon26::icon26::icon26::icon26:

بس موضوع بجد فكرته رائعة

[Sir.7amato]

والله يا هشام مش عارف اقولك ايه
هو كلامك صح

وساعات بيجينى إحساس انو فى نسبه غلط
بس هو من وجه نظر كتير من الناس
أنو مفيش حاجه اسمها حب فى السن ده وده مجرد أحاسيس عبيطه

بس انا اعتقد ان فى حب تحت العشرين وبيبقى حب جميل اذا لم تشوبه بعض الشائبات الى انت واخد بالك منها

بس فى نفس الوقت ممكن اقول انو لعب عيال
.
.
.
بصراحه أنا محتار
أسيب رأى لأســـامه منــير
أنا والنجـــــوم وهـــــــــواك

[The_boss22]

والله يا أخ هشام أنا مش عارف أقول ايه بالظبط فى السؤال المحير ده

علشان كده أنا عملت الموضوع علشان أشوف الأراء .

بس صدقنى الإجابة النهائية بتتوقف على الشخص نفسه

دي كلمه كويسه جدا وبحترمك فيها وربنا يهدي .

ده رأيى وأى رأى تانى له احترامى وأعتذر لأى عضو أكون جرحته بأى كلمة

شكرا لمرورك يا عبد الرحمن وطبعا دي كلها أراء مفيش تجريح لأحد .

نشوف بقي الأخ حمتو :ongue:

والله يا هشام مش عارف اقولك ايه هو كلامك صح

هوا كله داخل داخل والله يا أخ هشام ربنا يخليك يا باشا

وساعات بيجينى إحساس انو فى نسبه غلط

أكيد لو هوا لعب عيال زي مبتقول

بس انا اعتقد ان فى حب تحت العشرين وبيبقى حب جميل اذا لم تشوبه بعض الشائبات الى انت واخد بالك منها
:wub::wub::wub:صح

بصراحه أنا محتار أسيب رأى لأســـامه منــير أنا والنجـــــوم وهـــــــــواك
بتهيألي سمعت ان الراجل ده بحلل الحوارات دي هههه

شكرا لمرورك يا عبد الرحمن أنتا وحمتو واراء كويسه

لما نشوف راي باقي الأعضاء :icon26:

[فجر الاسلام]

احم احم

اقول رايى ولا لا

هقول

علميا الانسان تحت سن العشرين بيكون مراهق اى انه ليس بالغا بولغا كاملا من نواحى عديدة واهمها المشاعر

هذه المشاعر بتكون مجرد اعجاب ليس اكتر
ومعظم هذا السن يتميز بالاندفاعية فى كل شىء
ومعظمه ان اللى ينظر له نظرة اعجاب يقع فى غرامه

لانه بيلاحظ ان نظرات الناس اتغيرت له من كونه طفل الى شاب او فتاة

لاحظوا فى هذه الفترة من السن ان القرارات بتتغير كتير وبتكون اندفاعية وبيعانى فيها من حالات تشتت

ليه؟؟؟؟؟؟؟؟

لانه غير كامل النضوج

انا اعتقد انه لايكون حب حقيقى هى مشاعر مراهقة ولكنه بعد ذلك قد يتحول الى حب حقيقى

مثلا يعنى

بنت مثلا حبت ولد فى دبلوم وهى فى فترة الاعدادى
تفضل تحبه من وجهه نظرها وتقول حب حقيقى

واما ربنا يكرمها وتدخل كلية حلوة
فى احتمال كبير تصرف نظر عن هذا الشاب

ليه

لانها بتدرك ان المستوى التعليمى غير متكافىء راح فين الحب؟؟؟؟؟؟؟

المفروض من وجهه نظرى ان يكون المراهق فاهم كده عشان ميقعش فى الغلط

واحب اسمع معاك يا بوص راى الاعضاء

[The_boss22]

احم احم اقول رايى ولا لا هقول

دي يعني لو مكناش صحناكي من النوم ولا حاجه وازعجنا حضرتك منوره ونشوف الرد

علميا الانسان تحت سن العشرين بيكون مراهق اى انه ليس بالغا بولغا كاملا من نواحى عديدة واهمها المشاعر

حلوه عمليا دي ههههه وكلامك صح بيبقي في الفتره ده احساس التجربه

انا اعتقد انه لايكون حب حقيقى هى مشاعر مراهقة ولكنه بعد ذلك قد يتحول الى حب حقيقى

الله اعلم هوا أه ممكن يتحول لحب حقيقي بعد كده بس بردك متفقين أنها فتره تجربه :clap:

بنت مثلا حبت ولد فى دبلوم وهى فى فترة الاعدادى
تفضل تحبه من وجهه نظرها وتقول حب حقيقى واما ربنا يكرمها وتدخل كلية حلوة
فى احتمال كبير تصرف نظر عن هذا الشاب
لانها بتدرك ان المستوى التعليمى غير متكافىء راح فين الحب؟؟؟؟؟؟؟

الحب راح مع فتره المراهقه والتجربه عدت واكيد بقي تشوف حد تاني في الكليه :wub:

المفروض من وجهه نظرى ان يكون المراهق فاهم كده عشان ميقعش فى الغلط

مهوا لو فاهم مش هيقع أكيد :011:

واحب اسمع معاك يا بوص راى الاعضاء

اهه بنسمع والأراء كلها لحد الأن عجباني جدا بصراحه ومستمتع بها
شكرا لمرورك يا فجر :thumbup1:

[amgadmedoo]

فى البداية انا مطفق جدا مع السيد العضو ((( jaguar88 )))) جدا ان الحب بيجى فى أى وقت وكده بس طبعا لازم يبقى الاتنين على قدر من المسئوليه ويصونه الحب ده والاتنين لازم يصبرو ا ا على بعض وخصوصا ان فى السن ده أغلب الشباب أو الفتيات بيبقو لسه فى مرحلة تكويين الشخصيه والحاجات دى يعنى لازم يستحملو بعض جامدا جدا وكل واحد يحى على نفسه شوبه لغاية ما بيعدو بس الفتر ه الى هى من 20 الى 23 سنه علشان بيقى كل واحد منهم عدى مرحلة طيش الشباب وابتدى يتصرف عقلانيه أكتر بس طبعا والاكيد ان كل اكلام ده فى الفااااااااااااااااااااااااااااااااااااااااااااااا اااااااضى لألألألأ ن محدش بيستحمل حد ولا حد بيجى على نفسه علشان خاطر التانى وعلشان كده أغلب ولا أقولك كل العلاقاااااااااات دى بتبدأ وبنبقى مبسطوطين بيها والحاجات دى وفى الاخر الحوووووار كله بيتفركش علشان سبب هااااااااايف جدا جدا واهى دى الحياه .. أحلام معاه كان نفسى اكملها بس الحاجات الحلوه ما بتكملشى كفااااااااااااايه كده انا طولت عليكو وعلى فكره دى أول مشاركه ليا فى المنتدى انا رديت بس علشان خااااااااطر بس هشام باشا (( الكبير بتعنا يعنى )) كده وكده طبعا هو كبير على نفسه يلا بلا باااااااااااااااااااااى بقى

[The_boss22]

فى البداية انا مطفق جدا مع السيد العضو ((( jaguar88 )))) جدا
ان الحب بيجى فى أى وقت وكده

وانا مقولتش حاجه أكيد بردك بيجي فجاه
بس بردك زي مقولت السن بيحكم.

بس طبعا لازم يبقى الاتنين على قدر من المسئوليه ويصونه الحب ده والاتنين لازم يصبرو ا ا على بعض وخصوصا ان فى السن ده أغلب الشباب أو الفتيات بيبقو لسه فى مرحلة تكويين الشخصيه والحاجات دى يعنى لازم يستحملو بعض جامدا جدا وكل واحد يحى على نفسه شوبه لغاية ما بيعدو بس الفتر ه الى هى من 20 الى 23 سنه علشان بيقى كل واحد منهم عدى مرحلة طيش الشباب وابتدى يتصرف عقلانيه أكتر بس طبعا والاكيد ان كل اكلام ده فى الفااااااااااااااااااااااااااااااااااااااااااااااا اااااااضى لألألألأ ن محدش بيستحمل حد ولا حد بيجى على نفسه علشان خاطر التانى وعلشان كده أغلب ولا أقولك كل العلاقاااااااااات دى بتبدأ وبنبقى مبسطوطين بيها والحاجات دى وفى الاخر الحوووووار كله بيتفركش علشان سبب هااااااااايف جدا جدا واهى دى الحياه

حضرتك يا باشا يا كبيرنا رديت
وجاوبت علي نفسك في الكلمتين دول :icon26:

.. علشان خااااااااطر بس هشام باشا (( الكبير بتعنا يعنى )) كده وكده طبعا هو كبير على نفسه يلا بلا باااااااااااااي

:bm: طول عمرك دمك زي العسل
يا واااد تسلم يا كبير علي ردك اللي بعتبره هقوللك بعدين .:clap:
بلاباي بلاباي

[engsebaey2010]

اولا أرحب بالاعضاء اللي شرفوا الموضوع واصحابي اللي مروقين الموضوع :thumb:
نخش بقي لأول مشاركه في المنتدي علي الموضوع السخن ده :
بص يا باشا أنا معاك طبعا في حكايه اللي بتقوله
الحب اللي تحت السن اللي حضرتك ذكرته دي تقريبا
مجرد أحساس للتجربه :icon26:زي مبتقول يعني ببقي الواحد محتاج
يحس ويجرب شعور الحب من المناظر اللي بشوفها في الأفلام والتفي طبعا من حب
فأكيد فيه حب استطلاع لخوض التجربه .
وفي الأخر اكيد كله في الفاااااااااضي علي رأي العضو amgadmedoo
طبعا بعد مينضج الشخص فينا خلاص بيعرف أتجاهه في الحياه
وميحبش لمجرد الحب لأ بينظر من أتجاهات أخري كتير كتير
تقبل مروري ايها العضو الكريم يا مولعها بمواضيعك
أسف للأطاله وشكرااااااااااا
ENG / Seba3y

[WebCraker]

السلام عليكم ورحمة الله

شكرا ياهشام على طرحك للموضوع وشكرا للإخوان على آرائهم مع احترامى لكل الآراء

أولا حُب أو ما يُدعى بحُب تحت العشرين فأنا لا أعترف به فغالبا ما يزول أو ينقضى وهذا عن تجارب رأيتها كثيرة
لم أرى ان قلب شاب او فتاة انفطر منه ,, لكنه تجربة وقعت تعلمت منها أشياء وإن لم أكن من الشباب الذين بحثوا عن الحُب
أو لم اجربه فى هذه الفترة لكن رأيى انه هذا لا يسمى حُب إطلاقا انا ارى انه إعجاب أو ملأ لفراغ هذه الفترة
أو ما تفرضه العادات والتقاليد علينا من رؤية اصدقائنا فى مثل هذه الحالات او محاولة لاستعادة الزات
أيضا أوضح بالنسبة للعلاقة بين الولد والبنت أيضا فى هذه المرحلة يجب ان تكون مقننة بقوانين واسس الشريعة الاسلامية
وما فرضه الله تعالى علينا وأن تكون العلاقة لا تتعدى حسن السلوك والمعاملة حتى لا يقع ما يخالف تعاليم ديننا السمح التى
هى فى بادىء الامر ومنتهاه لصالحنا ولصالح المجتمع عامة

الحُب أحساس جميل إن كان فى الله ولله ولا تنسى أن حبك لله ورسوله هوا أعلى مراتب الحب عندك
ثم يأتى بعد ذلك حبك لأصدقائك , اقربائك وما إلى ذلك

فى النهاية أقول لكل شاب وفتاة فى مرحلة ما قبل العشرين او ما بعدها لا تتعجل لإيجاد الحُب فهو سوف يلقاك ويجدك
وإن لم تبحث عنه

[SIMO]

الحب بيجي يا هشام وانت مش هتبقي عامل حسابه بس صدقني الحب ف اي وقت جرب كده تعيش تجربه وانت مقرب اهو ع فوق

العشرين وصدقني هتطلع بيها لفوق العشرين ولفوق الستين كمان شكرا لموضوعك يا كبير

[The_boss22]

بص يا باشا أنا معاك طبعا في حكايه اللي بتقوله
الحب اللي تحت السن اللي حضرتك ذكرته دي تقريبا
مجرد أحساس للتجربه :icon26:زي مبتقول يعني ببقي الواحد محتاج
يحس ويجرب شعور الحب من المناظر اللي بشوفها في الأفلام والتفي طبعا من حب
فأكيد فيه حب استطلاع لخوض التجربه .

زي مبتقول حب أستطلاع واحساس للتجربه

وفي الأخر اكيد كله في الفاااااااااضي علي رأي العضو amgadmedoo
طبعا بعد مينضج الشخص فينا خلاص بيعرف أتجاهه في الحياه
وميحبش لمجرد الحب لأ بينظر من أتجاهات أخري كتير كتير
تقبل مروري ايها العضو الكريم يا مولعها بمواضيعك
أسف للأطاله وشكرااااااااااا

منورنا يا معلم ويعني كل واحد ليه رايه :thumbup1:

[The_boss22]

شكرا ياهشام على طرحك للموضوع وشكرا للإخوان على آرائهم مع احترامى لكل الآراء

جزاك الله كل خير والأعضاء علي ردودكم الجميله :ongue:

أولا حُب أو ما يُدعى بحُب تحت العشرين فأنا لا أعترف به فغالبا ما يزول أو ينقضى وهذا عن تجارب رأيتها كثيرة
لم أرى ان قلب شاب او فتاة انفطر منه

والله الرأي الغالب حتي الأن هوا هذا الرأي .

وإن لم أكن من الشباب الذين بحثوا عن الحُب أو لم اجربه فى هذه الفترة لكن رأيى انه هذا لا يسمى حُب إطلاقا انا ارى انه إعجاب أو ملأ لفراغ هذه الفترة

يا سلام علي الرد ده تماااااااااااااااااااااااااااااااام يطابقني:clap:


الحُب أحساس جميل إن كان فى الله ولله ولا تنسى أن حبك لله ورسوله هوا أعلى مراتب الحب عندك
ثم يأتى بعد ذلك حبك لأصدقائك , اقربائك وما إلى ذلك

الحُــب في الله

فى النهاية أقول لكل شاب وفتاة فى مرحلة ما قبل العشرين او ما بعدها لا تتعجل لإيجاد الحُب فهو سوف يلقاك ويجدك
وإن لم تبحث عنه

اامممممممممممممممممم أكيد بردك

[The_boss22]

الحب بيجي يا هشام وانت مش هتبقي عامل حسابه
بس صدقني الحب ف اي وقت

والله يا باشا أه معاك الحب بيجي في أي وقت
وفي لحظه بل أقل من نظرة.

جرب كده تعيش تجربه وانت مقرب اهو ع فوق
العشرين وصدقني هتطلع بيها لفوق العشرين ولفوق الستين

والله يا حامد باشا أنا سايبها للنصيب
واكيد اللي ليا نصيب فيه هاخده.
والحمد لله يعني أنا مش ناقصني حاجة
واللي مكتوبلي هشوفة.

وخالص تحياتي لكل من رد في هذا الموضوع
في أنتظار أراء الأخرين

[The_boss22]

رجاءا رجاء يا جماعة مش عايز في الردود صفات التمجيد زي الكبير و العظيم لأنها صفات الله تعالى فقط و حرام عليكم و أنا بشر زي زيكم و يمكن أقل

[SIMO]

ماشي يا هشام باشا بس احنا كنا بنحاول نقلد بس تسلم يا ريس ومش هقولك يا كبير تاني

وشكرا لموضوعاتك الجميله واللي بتنال اعجابي شخصيا

والحمد لله

[The_boss22]

هكون شاكر ليك جدا يا معلم منورنا والله

[وحبي لك لن يموت]

والله مش عارفا

أظن إن الحب الحقيقي زي ما البعض قال لازم ينتهي بجواز

مش عارفا حكاية السن دي بتفرق ولا لا

بس أظن إن ممكن يكون واحد عمره مثلاً 17 او 18 وحاسس إنه بيحب

بس هنا بقى في نوعين

فيه شخص مثقف وواعي وفاهم ..
بيعرف ياخد قرار ويكون متوقع أي نتيجة
وعنده استعداد يتحمل المسؤولية الكاملة

وفيه شخص جاهل
مش عارفا منخيره من عينيه
ولا بيعرف يقرر ولا عنده استعداد يتحمل مسؤولية من أي نوع


ممكن برده زي ما البعض قالوا
إن القرارات و الحاجات اللي الشخص بيكون مقتنع بيها في مرحلة
بتتغير بالتدريج مع امتداد العمر

مش عارفا يمكن انا عمالة بلخبط
متأفسة :S

موضوع يستحق النقاش
ويستحق أيضاً كل التقدير

دمت بخير

والسلام

[The_boss22]

والله مش عارفا
أظن إن الحب الحقيقي زي ما البعض قال لازم ينتهي بجواز

دي مش زي البعض بقول ده الكل أكيد لازم يقول كده .

مش عارفا حكاية السن دي بتفرق ولا لا

لأ دي تفرق جدا لأن ممكن احساسه اللي بحركه هنا .

فيه شخص مثقف وواعي وفاهم ..
بيعرف ياخد قرار ويكون متوقع أي نتيجة
وعنده استعداد يتحمل المسؤولية الكاملة

كلام جميل جدا اهم حاجه يعرف أنه هيتحمل مسئوليه وده الأهم.

وفيه شخص جاهل
مش عارفا منخيره من عينيه
ولا بيعرف يقرر ولا عنده استعداد يتحمل مسؤولية من أي نوع

زي مقولتي عنه بالظبط مش عارف ......

مش عارفا يمكن انا عمالة بلخبط
متأفسة :S

الموضوع يحير أصلا أنا ذات نفسي جايبه علشان كده
قاعده علي ماسنجر حضرتك بقي :D

شكرا لمرورك ياشهد :clap:
وربنا يوفق ويهدي الجميع

[ShoSho]

قد اختلف في الراي قليلا,, ولكن اختلاف الرائي لا يفسد للود قضيه
انا اقول الشعور بالحب لا يعرف زمان ولا مكان ولاسن ..الحب هو الحب لكن من ناحية مصداقيته بتختلف من شخص لشخص قد يكون الحب لشخص في سن 18 مجرد فتره وتنتهي وافسر حبه بانه نتج عن فراغ عاطفي
ولكن لن اجرد الشخص البالغ العشرين واكثر من نفس السبب .. ايضا قد اجد قناعه اكثر ومصداقيه للحب مافوق 20 ولكن لن اشك في حب سن 17 و18 و19 والسبب هي مسئلة اختلاف الاشخاص واختلاف تفكيرهم ومنهجهم في الحياه ..

شكرا اخي : the_boss

على طرحك للموضوع

[The_boss22]

قد اختلف في الراي قليلا,, ولكن اختلاف الرائي لا يفسد للود قضيه

طبعا يا انشراح الراي لا يفسد القضيه والموضوع مطروح للنقاش .


انا اقول الشعور بالحب لا يعرف زمان ولا مكان ولاسن ..الحب هو الحب لكن من ناحية مصداقيته بتختلف من شخص لشخص قد يكون الحب لشخص في سن 18 مجرد فتره وتنتهي وافسر حبه بانه نتج عن فراغ عاطفي

معاكي في نقطه مصدقياته دي طب مهيا بردك يا انشراح بتتوقف المصدقيه دي علي طبيعه الشخص وطبعا نتيجه للسن:017:

ولكن لن اجرد الشخص البالغ العشرين واكثر من نفس السبب .. ايضا قد اجد قناعه اكثر ومصداقيه للحب مافوق 20 ولكن لن اشك في حب سن 17 و18 و19 والسبب هي مسئلة اختلاف الاشخاص واختلاف تفكيرهم ومنهجهم في الحياه ..

أكيد لا نجرد الشخص البالغ العمر 20 ابدا ولكن بنقول هنا ببقي وصل لقمه التفكير ومسئول بس ..

شكرا اخي : the_boss
على طرحك للموضوع

جزاكي الله كل خير
في امان الله ..