النساء والمترو

[Muhamed]

الأمثلة

تجلس البنات في المترو
يقف الشباب في المترو
إن البنات مفتريات
إن الشباب غلبانون

الشرح

ياجماعة احنا لازم نعمل وقفة .. من اللى هيه كده
دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمر
والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟
كل الكلام ده ماشى
والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان
والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟البنت طبق كشرى بحاله من الكبير ابو تلاتة جنيه.. زيه زى الولد بالظبط
والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه
طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا
المشكلة بقى مادام بيقولوا البنت زى الولد..أنا ليه باقف في المترو عشانهم بقى؟؟أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة
أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها وتقول لصاحبتها:معدتش باقدر أقف كتير يا سنية.. ترد عليها زميلتها واللبانة ف بقها: ومين سمعك يا حبيبتى..الدكتور قال لى انى لو وقفت على رجلى خمس دقايق هارجًّع ع اللى قدامى علطول
وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء المصريين..برضه مش واقف
وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟ ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا.. انما الرجالة بتموت من سكات!!!صلاة النبى
طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتساتيك..صلاة النبى.. انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل
والبنت اللى في الجامعة آه لو شافت راجل في المترو.. هيغمى عليها من الخضة.. ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟
أيوة مادام فيه مساواة تبقى ف كل حاجة.. زى ماانا باشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالتى يعنى عادى..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..
المشكلة دى يحس بيها اللى بيركب المترو يوميا زيى.نفسى أحس انى جاى بدرى ولحقت كرسى بعرق جبينى وقاعد أصلى ركعتين شكر على الكرسى اللى فلت من بين يدى القوات الأنثوية الغاشمة
اوعى حد يفتكر انى مش باقوم عشان حد يقعد..بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟
وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!!صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار
وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا

القاعدة

الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده..بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.
لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك المعفن الطيب
خد معاك وانت راكب المترو..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد
خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق
إن وأخواتها تنصب اسمها وترفع خبرها!!


فى النهايه بنصح كل شاب وكل فتاه ولا بلاش

انصح كل شاب بس انك تتنح فى المترو

لو لقيت سيده فى مكانه والدتك او راجل قد والدك تقومله مفيش مشاكل

اى منظر تانى من اللى سبق زكرهم فى الموضوع نصيحه غمض عنيك واعمل نفسك نايم او اقلك اعمل بجح وبصلهم بتشفى :walkman:

[ايناس]

اولا نفسي اعرف انت مالك ومال البنات دايما كدا مطلع فينا القطط الفطسانه

وبعدين موضوع انك تقف لبنت وتقعدها مكانك دا يعتبر ذوق وخوف عليها يعني انت مثلا لو في المترو انت واختك مش انت هتقف وتقعدها هتقول اه طيب ليه بقي اقولك انا وجهه نظري انك خايف عليها ممكن حد مش محترم معدي ولا حاجه يزق فيها يعمل حاجه كدا ولا كدا مش تضمن الولاد اللي في المترو كويسين ومحترمين ولا لا فدي النظريه من انك تقف وتقعد بنت وبعدين مفيش السهوجه دي في المترو ولا عمري لقيت حد بيقوم عشان واحده اصلا كل مااركب عربيه الاقي كل الولاد قاعدين والبنات هي اللي واقفه ولو بنت قاعده ولقت حد كبير هي اللي بتقف مش الولد عشان تعرف بس احنا اللي قلبنا طيب مش انتم

بالنسبه للاخوات اللي ذكرت اساميهم لا بحبهم ولا بحب اسمع ارائهم ولا تهمني افكارهم اساسا ولا اكنهم موجودين اصلا

بس لما تيجي تدعي علي ايناس ابقي قول اسمها بالكامل عشان تحدد بس

[Muhamed]

يعنى بزمتك يا ايناس لما تلاقى الستات بوجه عام

تسيب المترو كله وتيجى تقف قدامك علشان انا شاب


وكمان ردا على موضوع اختك وكده طب العربيتين اللى خاويتنا بيهم دول فايدتهم ايه

دول بدل ما كانوا اول عربيتين وخلصنا حطوهم فى ال 3 وال 4 علشان حادثه مترو حلوان

يعنى فى عربتين بحالهم للستات برضه لو راحت هناك الستات مش هتقوم لبعض فتروح لعربيات الرجاله علشان يقوموا وتقعد هيا :011:
بس لما تيجي تدعي علي ايناس ابقي قول اسمها بالكامل عشان تحدد بس

انا بقول تغيرى اسمك احسن اصل الدعوات عليها وعلى اخواتها شغاله للصبح :walkman:

[لوزة]

ايه يابنى النار اللى فى قلبك دى
لا اله الا الله
اللى انت بتحكى فيه م الصبح ده كنا على ايامنا بنسميه رجولة شهامة نخوة .......
والصنف دا خلاص شح فى السوق ولغوا الدعم عليه ومفيش حتى البديل المستورد بتاعه
وبعدين روح اشترى سيارة وخلصنا بلاها مترو
ولما ربنلا يكرمك وتتجوز مراتك هى اللى هتسوق الاوبترا ياحلمى

[WebCraker]

ههههههههه

دا انا رفعت رجلى من على الارض واستربعت عشان أقرأ الموضوع ده

زى ما ماندوز قال بشوفه بيحصل بس مش مترو بقى حصل مرة والله ادامى جاى من الامتحان انا والاصدقاء

وآعدين فى اتوبيس من الكبير بتوع الجلاء المزدحم جدا ده طبعا اللى ما يعرفش الاتوبيس ده الناس بتدوس على بعض فيه

وبتلاقى الناس متكبسة زى السردين وكله بيطلع دماغة يشد هوا من بره عشان يتنفس وكله عامل مش واخد باله وبيفكر

المهم لقيتلك واحدة جايه بتاع 35 ولا 40 سنه كدا جاى تشاور قوم انت لأ لأ انت .. طبعا انا قمت باصص بعيد وعامل سرحان ههههههه

قامت جايه شدت واحد جمبنا قيمته وأعدت المشلكة بقى انه جه اعد على رجلى انا :) ,, مش مشكلة مش مشكلة

بس انا بقول برضوا ان الواحد زوقيا او اخلاقيا او زى ما لوزة بنت عمى بتقول شهامة ونخوة والحاجات دى يقوم ويأعد اى حد طالما هيقدر يقف

ورأيى الشخصى انا عادى بقوم لو شايف ان فيه حد محتاج الكرسى اكتر منى

إنما الأمم الأخلاق ما بقيت

وبس

[la princesse]

اولا احب ابدا كلامى بان ردى مش موجه لصاحب الموضوع لانى عارفة رايه ايه وعارفة بالظبط هو هيتصرف ازاى فى المواقف السابق ذكرها لكن ردى موجه لصاحب الموضوع الاصلى اللى هو كتب الموضوع يعنى

ثانيا بالنسبة للامثلة اللى انت ذكرتها من السيدات مش عايزة اتكلم عنهم لانهم ميستحقوش انى اخد ذنوب بسببهم
بس دول مش الامثلة اللى المفروض الكاتب يضربها عشان يعبر عن السيدات عشان السيدة ممكن تكون امه او زوجته او اخته او حتى جدته
لو يقدر يشوف وحدة فيهم واقفة وهو قاعد يبقى مفيش فايدة من اللوم عليه بقى

ثالثا وهو الاهم ان مفيش حاجة اسمها مساواة بين الراجل والست واى حد يطلب المساواة يبقى جاهل لان ربنا قال
"وليس الذكر كالانثى"
يعنى نفى مجرد التشبيه فمابالك بالمساواة
وكمان مين قال ان الست هتبقى مبسوطة لو اتساوت بالراجل
ربنا خلقها ست وخلقلها دورها فى الحياة وهو دور لا يقل اهمية عن دور الرجل بس مش زيه ودى النقطة اللى لازم كلنا نفهمها
يعنى ربنا خلق الراجل عشان يبقى راجل والست عشان تكون ست وده ميقللش من شان حد فيهم لكن لا تجوز التسوية بينهم على اى حال من الاحوال لان ده مش من مصلحة الطرفين

رابعا وهو الاهم من الاهم انا رايي فى حكاية المترو او الاوتوبيس ثابت بالنسبة للولد والبنت
يعنى انا لو شفت راجل كبير او حتى ولد وتعبان وحالته متسمحش بانه يقف او محتاج الكرسي اكتر منى هقف بغض النظر عن سنه
ونفس الشيء لو شفت بنت او ست محتاجة المكان
ومن رايي ده اللى المفروض يحصل من الولد والبنت

[Muhamed]

اللى انت بتحكى فيه م الصبح ده كنا على ايامنا بنسميه رجولة شهامة نخوة .......
والصنف دا خلاص شح فى السوق ولغوا الدعم عليه ومفيش حتى البديل المستورد بتاعه
وبعدين روح اشترى سيارة وخلصنا بلاها مترو

هنخش بقه فى موضوع تانى الا وهوا الراجل والمراه العامله فبلاش نفتح ابواب اخرى للموضوع :bm:

موضوع الشهامه الحمد لله موجود بكثره بين صفوف الشباب والدليل ان اى رجل كبير او ست كبيره كل مره ناس تقوم ويقعدو لان ده لطبيعى

انا كل كلامى بالتحديد على الستات بين سن ال 20 اى 40 سنه :011:

وبتلاقى الناس متكبسة زى السردين وكله بيطلع دماغة يشد هوا من بره عشان يتنفس وكله عامل مش واخد باله وبيفكر

المهم لقيتلك واحدة جايه بتاع 35 ولا 40 سنه كدا جاى تشاور قوم انت لأ لأ انت .. طبعا انا قمت باصص بعيد وعامل سرحان ههههههه

قامت جايه شدت واحد جمبنا قيمته وأعدت المشلكة بقى انه جه اعد على رجلى انا :) ,, مش مشكلة مش مشكلة


هههههههههههه

طب مكنت تقوم انته وتيح الناس:shades:

المهم اكرر تان المعلومه

المترو فيه 11 عربيه تقريبا 2 منهم مخصصين للستات بس ورغم ده لما تلاقى المترو جى تلاقى عربيات الستات فاضيه (من الواقفين تقريبا) وتلاقى العربيات التانيه مكربسه عارفين ليه

ببساطه لان الستات برضه بيروحوا فى العربيات المتكربسه

هتقولولى ليه

هكرر ردى

لما الست هتركب عربيه السيدات محدش هيقملها لان كلهم ستات فى بعض

لن هتركب العربيا التانيه يبقى هتلاقى اكيد شابقاعد تقف قدامه علشان تقد:039:




اولا احب ابدا كلامى بان ردى مش موجه لصاحب الموضوع لانى عارفة رايه ايه وعارفة بالظبط هو هيتصرف ازاى فى المواقف السابق ذكرها لكن ردى موجه لصاحب الموضوع الاصلى اللى هو كتب الموضوع يعنى

ثانيا بالنسبة للامثلة اللى انت ذكرتها من السيدات مش عايزة اتكلم عنهم لانهم ميستحقوش انى اخد ذنوب بسببهم
بس دول مش الامثلة اللى المفروض الكاتب يضربها عشان يعبر عن السيدات عشان السيدة ممكن تكون امه او زوجته او اخته او حتى جدته
لو يقدر يشوف وحدة فيهم واقفة وهو قاعد يبقى مفيش فايدة من اللوم عليه بقى

ثالثا وهو الاهم ان مفيش حاجة اسمها مساواة بين الراجل والست واى حد يطلب المساواة يبقى جاهل لان ربنا قال
"وليس الذكر كالانثى"
يعنى نفى مجرد التشبيه فمابالك بالمساواة
وكمان مين قال ان الست هتبقى مبسوطة لو اتساوت بالراجل
ربنا خلقها ست وخلقلها دورها فى الحياة وهو دور لا يقل اهمية عن دور الرجل بس مش زيه ودى النقطة اللى لازم كلنا نفهمها
يعنى ربنا خلق الراجل عشان يبقى راجل والست عشان تكون ست وده ميقللش من شان حد فيهم لكن لا تجوز التسوية بينهم على اى حال من الاحوال لان ده مش من مصلحة الطرفين

رابعا وهو الاهم من الاهم انا رايي فى حكاية المترو او الاوتوبيس ثابت بالنسبة للولد والبنت
يعنى انا لو شفت راجل كبير او حتى ولد وتعبان وحالته متسمحش بانه يقف او محتاج الكرسي اكتر منى هقف بغض النظر عن سنه
ونفس الشيء لو شفت بنت او ست محتاجة المكان
ومن رايي ده اللى المفروض يحصل من الولد والبنت


يا عينى على العقل

بس اللى ملاحظه ان الستات مستغله النقطتين

من ناحيه انها ست ولازم نعاملها معامله خاصه

ومن ناحيه موضوع المساواه :18:

واخدين حقهم تالت ومتلت يعنى واحنا اللى بنطالب بالمساواه :bm:


فى النهايه حكلكم موقف حصل معايا شخصيا واقسم بالله هوا دا اللى حصل علشان تعرفوا اللى فيها


المترو دلوقتى حوالى 22 محطه بين المنيب الى شبرا

لما كنت بروح محطه شبرا كنت باخد خط المترو كله

المهم طبيعه الحال انى بكون قاعد لانى بركب من اول محطه

المهم

جنا فى المحطه ال 3 او 4 لقي بنت حجه وعشرين سنه طلعت

ووقفت قدامى بالظبط

طبعا مش هقلكم البهرجه اللى فى وشها

بس حسيت انها عايزه تقومنى بالعافيه كل شويه تبصلى بصه من نوع مش ناوى تقوم بقه

ودا امر استفزنى

انا لما احس ان شخص رجل او امراه تعبان من الواقفه مش هستنى لما يتكلم علشان اقمله بل هقمله فور ودا مش انا بس دا اى نوع من الشباب

المهم عملت نفسى سرحان لغايه مجت محطه السادات ودى محطه من المحطات الرئيسيه هيا ومبارك والطبيعى الناس بتنزل وتركب منه ناس كتير برضه

المهم

نزلت الهانم وجه مكانها بقه الموظفات

3 موظفات بالظبط

2 منهم وجههم برئ شكلهم طيب والاخرى باين من وشها انها ........:039:

المهم الستات بتركيب من محطه السادات الى محطه العتبه ودا معنا خمس دقايق بالظبط لان اللى يفصل السادات عن العتبه محطه واحده

المهم ال 3 وقفوا قدام الكرسى بتاعى

وللعلم الكرسى الطبيعى 4 يقعدوا فيه وممكن 5 لو كانوا متزنقين

المهم

كنا 4 قاعدين منهم انا وشاب اخر

المهم جيتالست ال 3 دى وقالت لو سمحت خش شويه

اتزنقت مع اللى جنبى وعملنلها مكان مناسب

قعدت

بعد مقعدت بدئت بالتملق من الزنقه ولو سمحت حاسب والخ من هذا الكلام

الشاب اللى جنبى قام لانه كان اللى جنبه وقعدت براحتها وتبصلنا احنا الاتنين على اننا عملنا جرم يعنى

المهم بصيت قدامى لقيت ال 2 الاولنين بيتكلموا عن التصرف الغريب اللى عملته الست رقم 3

فما كان منى الالا انى قمت ولازم تقعدوا مكانى واتفضلى والكلام ده

يبنى احنا لاص نازلين

لا يمكن

لازم تتفضلوا

ورجع الكرسى 5 تانى بس المره دى 3 ستات

طبعا ال 3 موظفات ع بعض

فرقم 3 مقدرتش تفتح بقها معاهم

لكن علينا احنا

تبصلنا بصه من فوق لتحت

المم معدتش دقيقه وجت العتبه ونزلوا ال 3

ورجعت انا والشاب الل معايا الى مكانا براحتنا :walkman:

ياريت تفهموا الموضوع اللى انا كاتبه قاصد اى نوعيه من الستات وايه المواقف اللى مش بحب اقف فيها

[hagar]

شكرا يا مندوز على طرحك الموضوع
بصراحة انا رأى ان ليه البنت لما تركب المترو تقوم الولد لو هى تعبانه يعنى هو كمان بالتاكيد هيتعب من الوقفه
لازم يكون عند البنات دم!!! لانها لما تقوم الولد يبقى ظلمته لانه طلما قاعد يبقى هو اللى جه الاول
ونحط نفسنا مكان الولاد لو بنت قاعدة وولد واقف وتعبان بالزمة البنت هتقوم له
بس فى حالة لو الولد عاندة زوق وقام يبقى جزاه الله خير

[totaaaa]

موضوع هايل جدااااا يا مندوزززززز
ههههههههههههههههههه

بس بيان انك مش ضايق الستات ولا البنات
عقده يعني
ربنا معاك بقي

وانا سعيده جدا اني هتناقش معاك في موضوع زي ده

جميل قوووي انك تعلق علي موضوع المترو ده بس الأول ( انا عايزه اعرف انت منين )

المهم موضوع المترو ده بقي انا اول واحده معترضه جداااااااا علي الركوب في عربيه الرجالي

بل والعكس انا بنقد اللي بيركبوا في عربيه الرجالي لان فعلا الشئ يبقي رخم


وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها وتقول لصاحبتها:معدتش باقدر أقف كتير يا سنية.. ترد عليها زميلتها واللبانة ف بقها: ومين سمعك يا حبيبتى..الدكتور قال لى انى لو وقفت على رجلى خمس دقايق هارجًّع ع اللى قدامى علطول



الموضوع فعلا صح وانا بأمانه بتخنق من ده

وكمان انا ساعات بركب من انور السادات الساعه 7 الصبح مثلا
لما تمر علي حدائق المعادي او دار السلام او الملك الصالح تلقي المترو موووووت
والغريب انك في وسط الزحمه ديه والعربيات موووت
تلقي بنات داخله المترووو في عربيه الرجالي ويبقي داخل وراه ميت راجل وقبلها ميت راجل
وطبعا انا معترضه علي ده وبنقد الناس ديه

وارجع اقولك ان لما حصلت الحادثه في حلوان وهما رجعونا في العربيتين الوسط انا برده اعترضت
لاننا لما كنا في الأول كنا بنركب ونخلص بس واحنا في الوسط مش بعرف اصلا اقف في الحطه لان برده الرجاله بتيجي تقف في المكان بتاع العربيتين
اما لما كنا في الأول مكنش حد من الرجاله بتقف عن العربيه السيدات

وبرضه انا اعترضت انا احنا لما نبقي في الوسط والرجاله قدام ده حل
لأ ده مش حل طب ما احنا بشر والرجاله بشر لما تحصل الحداثه هنزعل برده لان دول بشر بردك
وبعدين ممكن يكون في العربيه الأول ديه اخويا او ابويا او جوزي او اي حد من معرفي وساعاته هزعل

اما بخصوص ان الرجل يركب في عربيه الستات ده بقي حركه رخمه
وان العربيه التانيه تقلب في ساعه معينه انا بقي بتخنق من ده

لان انت عارف ان من الساعه مثلا 10 تلقي اصلا مفيش عربيه سيدات وتلقي حتي العربيه الأوله فيها رجاله

وده اعترضي علي ده

اما بالنسبه انك تقوم يا عم متبقاش تقوم الا ليستاهل ولا يهمك من حد

انا برده في عربيه السيدات مقومش الأ لوحده كبيره وحده تعبانه وحده معاها بيبي وكده يعني غير كده انا لصقه في الكرسي

شكرا لموضوع وياريت تتقبل مروري ومناقشتي

[فجر الاسلام]

بالرغم من العقد والكلاكيع اللى عندك يا ماندوز وموضوعك الطويل اوى ده

بس يعتبر عندك حق فى كتير من اللى بتقوله يلا ابسط اول مرة اكون معاك ضد نوع من البنات

الحمد لله معندناش مترو بس عندنا الترام نفس الحكاية

بجد عندنا عربيات الستات بتكون هتنفرج

اما باقى العربيات بتكون فيها ستات بس غالبا بتكون مع جوزها او ابنها او جد راجل قريبها


بس سواء مترو او ترام ( ترماى يعنى ) لازم يزودوا عدد عربيات الستات

مع انى اعتقد حتى لو زودوها هيبقى برضه فى ناس كده

[Muhamed]

شكرا يا مندوز على طرحك الموضوع
بصراحة انا رأى ان ليه البنت لما تركب المترو تقوم الولد لو هى تعبانه يعنى هو كمان بالتاكيد هيتعب من الوقفه
لازم يكون عند البنات دم!!! لانها لما تقوم الولد يبقى ظلمته لانه طلما قاعد يبقى هو اللى جه الاول
ونحط نفسنا مكان الولاد لو بنت قاعدة وولد واقف وتعبان بالزمة البنت هتقوم له
بس فى حالة لو الولد عاندة زوق وقام يبقى جزاه الله خير

:thumb::thumb::thumb::thumb:


للمره التانيه توضيح

مش انا كاتب المقال بس ده ميمنعش انى مقتنع بيها :bm:


بس بيان انك مش ضايق الستات ولا البنات
عقده يعني
ربنا معاك بقي

بالرغم من العقد والكلاكيع اللى عندك يا ماندوز

تعقيبى هنا هوا سؤال للمحله النفسويه بتاعت المنتدى توتااا

اسمه ايه المرض بتاع العظمه المفرطه اللى يخلى النساء اى حد ينتقدهم يقوموا متهمينه بالعقد :walkman:


( انا عايزه اعرف انت منين )

درب التبانه/ المجموعه اشمسيه / كوكب الارض :bm:

انا زى مقلت كنت بركب خط المترو فى فتره دوره بكتل فى محطه شبرا ودلوقتى خلاص الحمد لله خلصت ورجعت الى محطتى سالما غانما ومش بشوف وش المترو الا فى الخروجات :walkman:

بس انا بتكلم على فكره على المترو الجديد مش القديم لان القديم لو لا قدر الله وركبته بتخنق من الزحمه اللى زياده عن اللزوم بالاضافه لحاله المترو الضايعه :011:



المهم موضوع المترو ده بقي انا اول واحده معترضه جداااااااا علي الركوب في عربيه الرجالي

بل والعكس انا بنقد اللي بيركبوا في عربيه الرجالي لان فعلا الشئ يبقي رخم

الله اكبر طب منتى موافقه اهو يبقى منين عقد ومنين بتقولى كده :bm:




وارجع اقولك ان لما حصلت الحادثه في حلوان وهما رجعونا في العربيتين الوسط انا برده اعترضت
لاننا لما كنا في الأول كنا بنركب ونخلص بس واحنا في الوسط مش بعرف اصلا اقف في الحطه لان برده الرجاله بتيجي تقف في المكان بتاع العربيتين
اما لما كنا في الأول مكنش حد من الرجاله بتقف عن العربيه السيدات

ارحمنا يا رب

طب يعنى نعملكم ايه

انتى عارفه انا اول يومين لما القرار ده اتعمل كنت اشوف فى محطات زى السادات ومبارك العساكر تقف قدام العربيات دى علشان تمنع دخول الرجاله اللى مش عارفين وكمان فوق كل محطه علموا على عربيات السيدات






وبرضه انا اعترضت انا احنا لما نبقي في الوسط والرجاله قدام ده حل
لأ ده مش حل طب ما احنا بشر والرجاله بشر لما تحصل الحداثه هنزعل برده لان دول بشر بردك
وبعدين ممكن يكون في العربيه الأول ديه اخويا او ابويا او جوزي او اي حد من معرفي وساعاته هزعل

يا قلبك الطيب

اهو مسؤلين المترو بقه قالوا طظ فى الرجاله المهم الستات


اصل الفكره يا توتااا ان لما الحادثه حصلت على حسب مسمعت الستات جالهم انهيارت عصبيه

عكس الرجاله لو كانت حصلت وهما فى اول عربيتين هيقولوا يا ساتر يارب وخلاص



اما بخصوص ان الرجل يركب في عربيه الستات ده بقي حركه رخمه
وان العربيه التانيه تقلب في ساعه معينه انا بقي بتخنق من ده

موضوع ان راجل يركب فى عربيه الستات اللى اعرفه انه ممنوع ومش بيحصل وليه غرامه كمان

اما العربيه تتقلب من ساعه فده طبيعى لان ببساطه عربيات السيدات معموله للطالبات والستات اللى رايحين الشغل اللى هما يعنى الستات اللى ماشيين لوحدهم

اما بعد الساعه 7 تقريبا فمفيش بنت او ست هتخرج لوحدها اكيد معاها راجل يعنى

الاكسبشن يعنى شله بنات يستحملوا بقه بس هيفيدوا الطبقه الاخرى اللى هيا الستات اللى خارجين مع ازواجهم علشان ميقعدوش فى عربيات منفصله





اما بالنسبه انك تقوم يا عم متبقاش تقوم الا ليستاهل ولا يهمك من حد

انا برده في عربيه السيدات مقومش الأ لوحده كبيره وحده تعبانه وحده معاها بيبي وكده يعني غير كده انا لصقه في الكرسي


:thumbup1::thumbup1::thumbup1:



بس يعتبر عندك حق فى كتير من اللى بتقوله يلا ابسط اول مرة اكون معاك ضد نوع من البنات


سجل يا تاريخ فى يوم 23/2/2008 فجر الاسلام توافقت مع رايئ ليا :18:



بس سواء مترو او ترام ( ترماى يعنى ) لازم يزودوا عدد عربيات الستات

يا حاجه المترو تقريبا 11 عربيه عاملين 2 الستات

بصوا انتوا مش هتستريحوا الا لما تكون نص العربيات سيدات :017: