مجرد سؤال عادي بس لازم تجاوبه (بالعافيه) هتجاوب هتجاوب [الأرشيف]

The_boss22

2007-12-02, 11:17 AM

jaguar88

2007-12-02, 12:25 PM

ممكن أجاوبك يابوص بس عاوز أعرف ردك الأول علشان نستفيد من الخبر ة

asdf

2007-12-02, 02:28 PM

ولا حاجة اجري علشان الشرطة متجيش

mrmr

2007-12-02, 04:04 PM

ولا حاجة اجري علشان الشرطة متجيش

هههههههههه شاطر :ongue:ماهو الجرى بردة نصف الجدعنة

فجر الاسلام

2007-12-03, 01:22 AM

بسم الله الرحمن الرحيم

السلام عليكم ورحمة الله

هوا مجرد سؤال عادي بس عايز أجابه بصراحه
ومهياش عافيه اللي عايز يجاوب يلا يشارك
تعمل ايه لو لاقيت بنت بتتعاكس ؟؟؟؟؟

يا ترى هتعمل ايه لو انت ماشى فى الشارع مثلا بالليل وتعبان موووووووت وراحع من الشغل هلكان راجع من مذاكره راجع من أيه مكان ولا قيت شويه شباب بيرزلوو برخموا علي بنت

؟؟؟؟؟؟؟؟؟؟؟؟؟؟؟

ههههههههههه واضح ان السؤال ده صعب اوى
ههههههههههههه لدرجة asdf هيجرى
ياريت يا بوص تنقل الموضوع لمنتدى الحوارات متهيألى مكانه هيكون افضل لو حبيت تعمله موضوع نقاش

ترى هتعمل ايه لو انت ماشى فى الشارع مثلا بالليل

هههههههههه انت عملت ثغرة فى الموضوع
اصل فى ناس هنا بتحلل ضرب الراجل لمراته فى يوم جوازهم
فممكن تلاقيه داخل يقول وهى ايه اللى منزلها بالليل تشرب هى بقه
اظن يا بوص انت عارف قصدى على مين ( اللى كان واقف اوى جمب الراجل اللى ضرب عروسته بعد 3 ساعات من الزفاف) خلاص يا بوص متقلش لحد

فى انتظار باقى الاجوبة ع سؤال بوص الاجبارى

The_boss22

2007-12-03, 03:43 AM

اظن يا بوص انت عارف قصدى على مين ( اللى كان واقف اوى جمب الراجل اللى ضرب عروسته بعد 3 ساعات من الزفاف)

ماشي يا ست فجر مقبول ردك بس أنا كنت بضحك :ongue:
أظن اني أعرف قصدك كويس ومش هضربها بقي عندنا فيكي:18:

فجر الاسلام

2007-12-03, 11:23 PM

ماشي يا ست فجر مقبول ردك بس أنا كنت بضحك :ongue:
أظن اني أعرف قصدك كويس ومش هضربها بقي عندنا فيكي:18:

هههههههههههههههههه احسن بضة انك متضربهاش

بس على فكرة انت عرفت واحد بس اللى هو انت بس شوف الردود تانى هتعرف مين الشخصية التانية اللى قصدى عليها

يلا فى انتظار الرد ع لى سؤال بوص

The_boss22

2007-12-04, 01:28 AM

مش فاهم يا فجر قصدك التاني أمممممممممممممممممممممممممممممممم
وبالنسبه asdf حلو منه أنه يجري فكره كويسه من واحد كويس
رأيي بقي لو هيا تستاهل أني أخش وأدافع واللي يحصل يحصل هتكل علي الله
أما ننضرب أما الله أعلم وهيا في الوقت ده العمليه بتبقي أحساس أنها محترمه أو لأ
وتستاهل أن الواحد يتدخل

كريم يتحدى الملل

2007-12-04, 08:42 PM

اجباه السؤال بمنتهى الصراحه والامانه لو البنت الى بتتعاكس دى هى عيزه تتعاكس او هى الى مشيه فى الوقت ده علشان تتعاكس يبقى انى همشى وهعمل نفسى مش اخد بالى بس لو ان

البنت حسيت انها مش قابله كده وحسيت انها محترمه ولقيت ان المعاكسه معاكسه بايخه يعنى هدافع عنها مهما كلفنى الامر من مشاكل .

وممكن اوصلها لحد بتها واتقدملها اكيد مش هترفض يعنى هكون لسه واخد علقه ومتروق فاكيد يعنى مش هتمانع هههههههههه

asdf

2007-12-05, 11:05 AM

نصيحة : خليك في حالك

نانيس

2007-12-05, 07:51 PM

ازيكم كلكم الاول عاملين ايه؟
احب اقولك حاجة واحدة بس يابوص اكثر البنات يعنى بتحب كدا لو متعاكستش تقول على نفسها انا وحشه ومش عارف ايه فهما اللى بيحبو يتعاكسو لاء ووصل كمان ان هما اللى بيعاكسو الشباب اليومين دول يعنى خلاص محدش فى اى حياء يعنى لو اى بنت ماشية محترمة عمرها ماهتتعاكس

لو ولد يعنى فى الموقف دا اكيد مش هيقدر يعمل حاجة لانها بقت عادة خلاص فى المجتمع معاكسة البنات وكدا طيب انا ممكن احكيلك على موقف والله شوفته بعينى ولد كان بيعاكس بنات وكدا فراجل كبير بيقولو مش كدا عيب يبنى ان انت تعاكس بنت وكدا مش زى اختك بردو قام زعق فيه وقالو كلام انت مالك انت وكدا وهو انا كنت عكست بنتك وحبة قلةالزوق بتوع الشباب دول باستثنائكم طبعا يا جماعه بس اعتقد لو دخلت نفسك فى الموضوع انت اللى هتحط فيها ومش بعيد تضرب فاحسن لك خد بعضك وامشى زى ماقال ASDF

The_boss22

2007-12-06, 06:51 AM

شكرا علي كل من قدم رأيه
وبتهيألي أنا من ردودكوا الوقتي لو شوفت واحده
بتتعاكس هقول الجري المجدعه كلها بقي
علي رايكوا نبص للمجتمع بقي عامل أزاي !!!!!!!!!

mrmr

2007-12-06, 06:22 PM

مع احترامى لرأيكم لو كل واحد شاف بنت بتتعاكس وقال انا مالى كدا هيبقا سلبى
وطبعا فى سلبيات كتيييييييييييير فالموضوع مش ناقص يعنى
انا اخويا فى 3 ثانوى لسة متخانق مع واحد اول امبارح علشان الولد كان بيعاكس بنت واخويا قالة مينفعشى كدا طبعا قلبت بخناقة
انا فى الاول زعقت لة بس لما عرفت السبب فرحت انة عمل كدا

The_boss22

2007-12-07, 01:10 AM

انا اخويا فى 3 ثانوى لسة متخانق مع واحد اول امبارح علشان الولد كان بيعاكس بنت واخويا قالة مينفعشى كدا طبعا قلبت بخناقة
انا فى الاول زعقت لة بس لما عرفت السبب فرحت انة عمل كدا
ربنا يحفظه ويحفظك من غير معرف السبب هوا كده
تماااااااااااااااااااااااااااااام وميه ميه وكفاءه بجد يعني

mrmr

2007-12-07, 07:58 PM

ربنا يحفظه ويحفظك من غير معرف السبب هوا كده
تماااااااااااااااااااااااااااااام وميه ميه وكفاءه بجد يعني

انا زعقت لة فى الاول لما عرفت انة اتخانق بس لما عرفت السبب انة كان بتخانق علشان بنت كانت بتتعاكس وهو اصلا ميعرفهاش فرحت انة عمل كدا

The_boss22

2007-12-08, 02:16 PM

100 % ومحدش يقدر يعلق يعني

عبدالرحمن م

2007-12-26, 06:19 PM

هاغمض عينيا وادخل اتضرب لحد ما البنات يهربوا
عبدالرحمن...(اخوكم الشهيد اللى كان عيد ميلاده النهارده)

The_boss22

2007-12-26, 09:01 PM

أنتا راجل ميه ميه هتغمض غصب عنك مش بارداتك لأنك شكللك كده كده مضروب
ههههههههههه والله العظيم يا جدعان البلد دي فيها حاجات

عبدالرحمن م

2008-01-01, 07:53 PM

هههههههههههههههههههههههههههههههههه
مش فاهم
قصدك ايه
وضّح
عاوز تفسير
بسرعة
عبدالرحمن...

عمر محمد حسام

2008-02-04, 05:38 AM

انا لو شوفت موقف زى كده مش هتردد انى ادخل والى يحصل يحصل بس انتا مثلا ياasdfدى لو كانت اختك وعرفت مثلا ان حاجه زى كده حصلت وكان فى واحد صحبك معدى وعمل زى انت مقلت يترى هيكون رد فعلك ايه سعتها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟:confused::confused::confused::confu sed::confused:

The_boss22

2008-02-09, 01:43 AM

كلامك صح يا وااااااااااااااااااد أه والله

انسان

2008-02-09, 02:05 AM

ههههههههههههههههههههههههههه
بصراحه ردود زى الفل
فيها الى هيدخل يضرب وخلاص
وفيها الى هيدخل ينضرب وخلاص
وفيها الى هيقول وانا مالى
انا فى رأى بصراحه ان كل الاراء صح
يعنى مثلا كلنا كده لو ماشين فى نفس المنطقه والشارع قدام نفس الحوار
الى هيدخل يضرب عارف هيضرب مين طبعا الى هينضرب والى قال انا مالى
هيفضل يتفرج على الحوار من بعيد لغايه مايخلص
يعنى بصراحه كلنا صح
وربنا يكون فى عون الوادالى بيعاكس بقى

The_boss22

2008-02-14, 05:00 PM

هههههههههههههههههههههههههه علي رايك ربنا يكون في عونه
وشكارا للردود الجميله دي

L'Siver

2008-02-17, 12:17 PM

والله يا جماعه أنا لولا اللي شفته بعيني قبل كده

أنا كنت قولت بدون تفاهم خليك شهم ياض

بس من اللي شفته مع ناس كتير ان واحده بتتعاكس واول ما تقولها حد بيعاكسك هتقولك لأ وانت مالك وتسمع وصلة ردح وفي الاخر تلاقي الموبايلات طلعت والواد خد نمرة البت وهتبقى وفقت راسين بس مش في الحلال
خلاص اريحلك تستنى رد فعلها وتشوف ولو لقيتها مديتش أي رد فعل كبر دماغك وامشي او خد جزاءك واعمل بطل وكل العلق اللي هي
والله الناس والوحشة خلت الواحد خايف الواحد يعمل خير

The_boss22

2008-02-17, 02:12 PM

والله يا كبير كلام مقنع جدا جدا
وعلي رايك الوقتي معتش الواحد عارف يعمل ايه
يعاكس مع الواد ولا يقف مع البنت ولا يسكت خالص
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!

ashraf3513

2008-04-12, 09:36 PM

اكيد مش هاسبها وغيرى مكان احنا لسة فيه عندنا حاجات ماماتتشلسة فية رجولة فينا وهانوصلها احد بيتها كمان بشرط انها تكون عاوزة كدة مش هى اللى بتدلع عشان تتعاكس

ashraf3513

2008-04-12, 10:20 PM

يعنى اية لثة زوغير دى مش فاهمها شكرا

The_boss22

2008-04-12, 11:07 PM

اكيد مش هاسبها وغيرى مكان احنا لسة فيه عندنا حاجات ماماتتشلسة فية رجولة فينا وهانوصلها احد بيتها كمان بشرط انها تكون عاوزة كدة مش هى اللى بتدلع عشان تتعاكس

شكرا علي مشاركتك الجميله يا أشرف

يعنى اية لثة زوغير دى مش فاهمها شكرا

دي حسب مشاركتك في المنتدي بتتغير مع حجم عدد مشاركتك
وورينا أبداعتك يا أشرف منتظرين منك الكثير

engsebaey2010

2008-05-03, 12:46 PM

بص الموقف هو الهيحدد ممكن الواحد يتدخل لو بنت شايف ان هى متضررة وممكن قولهم ربنا يعنكم يا شباب لو شايف انى لو اتدخلت هتقولى انت مالك

SIMO

2008-05-04, 01:31 AM

بص يا هشام باشا هي لو بنت ماشيه مشيه محترمه

ومش ماشيه عماله تتلفت وراها وتبص لده ولده

محدش هيجرأ يعاكسها عشان عارف نهايته هتبقي ايه

بس لو بنت ماشيه مشيه مش كويسه

ولبسها ضيق وماشيه بتتلفت وكده يعني

واضطرتك انك تعاكسها

انا هبقي اول واحد اعاكسها

ههههههههههههههههه

The_boss22

2008-05-06, 12:30 AM

شكرا لردك يا بشمهندس وانتا يا حامد باشا وربنا يهدي
ورأيكوا كويس جدا ...
جزاكم الله كل خير ..

وحبي لك لن يموت

2008-05-06, 08:00 AM

انا بنت :thumb:

فلو كنت شايفا الموقف دا
لو كان السؤال للبنات برده

هتصل بالواد اللي بيعاكس أختي في الانسانية
وأقوله :
بقولك ياض أنا أبو البت اللي انت عمال تعاكسها
يا أشوف عرض ودانك يا هاجي أكرهك في اليوم اللي اتولدت فيه
ولاحظ إن المكان كله محاصر :ongue:

مظنش إنه هيتعتع من مكانه
بس يعني نكون ساعدنا في إلهاؤه
على ما البت تكون فلسعت

:18::18:

The_boss22

2008-05-06, 08:08 AM

انا بنت :thumb:

فلو كنت شايفا الموقف دا
لو كان السؤال للبنات برده

أكيد اكيد للبنات كمان كله للنقاش

هتصل بالواد اللي بيعاكس أختي في الانسانية
معاكي الرقم بقي :011:

بقولك ياض أنا أبو البت اللي انت عمال تعاكسها
يا أشوف عرض ودانك يا هاجي أكرهك في اليوم اللي اتولدت فيه
ولاحظ إن المكان كله محاصر :ongue:

مظنش إنه هيتعتع من مكانه
بس يعني نكون ساعدنا في إلهاؤه
على ما البت تكون فلسعت علي رأيك مش هيتعتع من مكانه لأنه هيفضل وراها
:ohmy:
شكرا لمرورك يا شهد منوره والله :thumbup1: