مفأجأه ( رامي &&&& توتااااااا )

[totaaaa]

السلام عليكم ورحمه الله وبركاته



أهلا اخواتي وعائلتي

الرابط لايظهر فى الأرشيف

النهارده انا جيبت معايا مفأجأة يمكن تكون حلوه ويمكن تكون وحشه




أقول علي المفأجاه ولا اسكت
مش عارفه

هاااااااااااااااااااااااااااا
تقولي يا توتااااا ولا لأ
فكري يا توتااااااااااا






طب اسأل حد غير نفسي
ممكن أسأل رامي
اقول ولا لأ يا رامي


ايه ده ايه علاقه رامي وتوتااااااا
بالموضوع

مش عارف ايه اللي جاب القلعه جنب البحر





معلشي بقي يا رامي وقعت باللساني
اصلي مش بعرف اغابي كتير
اصلي بصراحه يا رامي بقع في الكلام
طب اعمل ايه





رامي انا هحكي وخلاص بقي







يا أحلي منتدي كنت بتكلم انا و رامي في مشاكل الشباب
وحياة الجامعه
ومشاكل الشباب ودماغ الشباب في هذه المرحله
واحنا بنتكلم وبنحكي عن الجامعه عندي وعنده

فكرنا نعمل حاجه جديده من الواقع
فكرنا نعمل قصه عن الشباب والألفاظ الشباب وتفكير الشباب
والحياة الجامعه

فكرنا وقدرنا نعمل حاجه جديده
عملنا قصه
( يوميات شباب الجامعه )






طبعا انا بنزل الموضوع وخايفه موووت مش عارفه هتعجبكم الفكره والقصه ولا لأ

وطبعا انا بشكر اخويا العزيز انه اشترك معايا في حاجه زي ديه
يمكن تكون القصه بسيطه جدااااا
بس نعتبر ديه بدايه ليا انا ورامي في التأليف

هبدأ انزل القصه لما اسمع الردود
تحياتي ليكم

رامي
توتااااااااااا

( يوميات شباب الجامعه )



الرابط لايظهر فى الأرشيف

الرابط لايظهر فى الأرشيف

[فجر الاسلام]

مش عارف ايه اللي جاب القلعه جنب البحر








هههههههههههههههههههه حلوة
البحر كبير ملقتيش ادامك غير رامى ما انا موجودة اهو

اخيراااااااااااااااااااااااااا هتنزلوا اليوميات

ههههههههههههههههه على فكرة انا قريت بعضها كانت حلوة

[totaaaa]

هههههههههههههههههههه حلوة
البحر كبير ملقتيش ادامك غير رامى ما انا موجودة اهو

اخيراااااااااااااااااااااااااا هتنزلوا اليوميات

ههههههههههههههههه على فكرة انا قريت بعضها كانت حلوة

هههههههههههههههههه
مش عارفه حظي بقي يوقع مع رامي
عجبتك يعني
انزل وبقلب جامد

وبعدين انا قولت لرامي ميوريش اليوميات لحد ولا حتي لفجر
كده يبقي في تفرقه عناصريه عشان انتي اخته

انا هوريك يا رامي

[فجر الاسلام]

وبعدين انا قولت لرامي ميوريش اليوميات لحد ولا حتي لفجر
كده يبقي في تفرقه عناصريه عشان انتي اخته

هههههههههههههههه انا وانا اعده ع الجهاز وقع فى ايدى الفولدر
ههههههههههه
بس على فكرة انا مقرتهوش كله ده هو جزء زوغير خالص

بس برضه اضربيه

[mrmr]

يلا ياتوتا ياحبيبتى اكتبى الى انتى عاوزاة
واحنا هنقرأها وعوضنا على ربنا
ههههه بهزر معاكى يلا ياعسل نزلى الى انتى عاوزاة وانا بشجعك اهة.

[WebCraker]

منتظرين اليوميات
وإن شاء الله تبقى أحلى يوميات . . . بس عاوزين حاجات واقعية :)

[Lost Angel]

تسمعي ردود ايه يا توتااااااا
انتي تنزلي علي طول وكمان دانتي معاكي رامي
يلا وريناااااااااااااااا بسرعة

[الطيب احسن]

ايه مين ليه اشمعنا
ايوووووووووووووه عليكى ياتوتااااا
انتى طلعتى سياح جاااااااااااااامد اوىىىىى
يلا زى بعضه
نزلى اليوميات
وربنا يستر
انا حاسس ان احنا هناكل ضررررررررررررب للصبح
ربنا يستر
يلا بسم الله نبدا






يلا يا توتاااااااااااااااا انزلى بالحلقه الاولى

[ايناس]

انتي تنزلي اي حاجه ياتوتاااااااااا لان اي حاجه منك بتبقي حلوه جدا ومفيده وشيقه جدا وغير كدا معاك زقزوق

اسكندريه يعني ان شاء الله هتبقي تمام

منتظرين ابداعتكم

[totaaaa]

شكرا ليكم كلكم

وفعلا يا ويب هي من الواقع

وفعلا يا رامي انا حاسه اننا هنضرب فب الأخر انا وانت
ربنا يستر

أقول بسم الله وابدأ

انا هنزل الأول الشخصيات اللي في القصه عشان تكونوا عرفنهم وانتوا بتقروا


الشخصيات

هيثم ( ولد شعبي يتسم بالكسوف لعدم الأختلاط بسبب الوسط الذي نشأ فيه وايضا هو ولد متمرد نوعا ما علي مستوي المعيشه وعلي من حاوله )

تامر ( ولد ابن ناس من حي راقي شاب بتاع مدارس مشتركه ومن زماان قلبه جامد وده برده بسبب الوسط اللي هو عايش فيه وكمان قلبه جامد وشاب بقي شيك في كل حاجه )

وائل ( وائل بقي شاب متوسط الحال من حي شعبي كان معرفه هيثم بس الشاب ده بقي متمرد قوووي وعليه فشر ممكن يودي في مصيبه عامل مصايب )

هاني ( ده بقي ولد من حي راقي معرفه تامر بس ده بقي نحس من يومه كل ما يكلم بنت تضربه وتشتمه ومش عارف يكلم ولا بنت )

محمود ( ده بقي واحد مفروض يكون في الفرقه التالته بس ظروفه صعبه شويه وبيحب الفرقه الأولي لظروف خاصه كل ما حد يسأله انت ليه بتسقط يقول العيب مش فيا العيب في الدكتور اصله مش بيحبني ومبدأه في الحياه ازاي تعلق البنات وهو من النوع اللي بيحب يعيش ايام الجامعه )

ناجي ( ده بقي شاب غاوي اشاعات يموت في الأشاعات والمقالب والتوقيع بين الناس)

د/ تحسين الشاذلي ( محاسبه )
د/ محمود عويس ( موارد اقتصاديه )
د/ مصطفي عبد الغني ( رياضيه )
د/ نفيسه ( الساوكيه )
د/ حسين عباس ( الأداره )

[totaaaa]

انا بقي هنزل جزء وهو اول جزء عشان شخصيات الجامعه تتجمع ويتصحبوا علي بعض

نشوف بقي الجزء الأول تعالوا نشوف عرفوا بعض ازاي
هسبكوا مع الأحداث

الجزء الأول ( التعارف )

التعارف
اول يوم فى الدراسه وقام هيثم من النوم ودخل الحمام وبيجهز نفسه ولبس هدومه الجديده اللى جايبها مخصوص بقى عشان اول يوم له فى
الجامعه (كلية التجاره) وطبعا اخد فى تظبيط شعره بالجل حوالى ساعه
وطبعا اخد التوصيات المعتاده من امه زى مثلا الحق محاضراتك بدرى وادخل المدرج عشان تلحق تحجز مكان قدام
ومتفوتش محاضره او سكشن
واتجه هيثم لمجمع الكليات ووصل عالساعه 9 الصبح
وهناك قابل زمايله اللى كانو معاه فى الثانوى
وسلم عليهم وبقى يسالهم ويسالوه عن مجامعهم فى الثانويه العامه والكليه اللى دخلوه
بعد كده راح هيثم يشوف الجدول لقى ان اول محاضره له الساعه 10 فى مدرج (ج )
وطبعا كالعاده لقى المدرج شبه مليان
وقاااااااال : يااااااااه كل دول برضه امهم ادتهم موشح النصايح زيى
ملقاش هيثم مكان غير فى البنش السابع
قعد طبعا مستنى الدكتور
بيبص هيثم حواليه مش لاقى حد يعرفه وقال لنفسه: ايه ده من اولها كده مفيش حد اعرفه فى ام الكليه دى ولا ايه مش هينفع الكلام ده
بيبص هيثم جانبه لقى واحد باين عليه ان هو عيل روش طحن بس للحظ برضه انه مش لاقى حد يعرفه
فراح هيثم بيسأله (بيستعبط عليه): هى دى مادة ايه
قاله : مادة محاسبه
هيثم: طب متعرفش الماده دى نظامها ايه
قاله: لا والله انا زيى زيك
هيثم: انت اسمك ايه
تامر: اسمى تامر وانت؟
هيثم: انا هيثم منين يا تامر؟
تامر: انا من المهندسين
هيثم: يعنى جمبى انا من بولاق
تامر : طب تمام اوى
وفجاه يدخل دكتور لابس بدله ونضاره كعب كوبايه ويبدا يقول : انا دكتور تحسين الشاذلي هادرسلكم مادة المحاسبه الماده من 150
هيثم(فى سره): هى المواد غليت ولا ايه
يسمعه تامر : ويضحك ضحكه مكتومه تلفت نظر الدكتور والدكتور يطنش ويكمل كلامه
الدكتور: وطبعا الدرجات دى شامله اعمال السنه والشيتات
هيثم يسال تامر بصوت منخفض : هى ايه الشيتات دى كمان
تامر: الشيتات دى اسئله بنسلم اجابتها اخر السنه
يسمعهم الدكتور ويقولهم: انت وانت اتفضلو بره
هيثم: ليه يا دكتور ده انا كنت بساله الشيت يعنى ايه
الدكتور: انا مليش دعوه محدش يتكلم وانا بتكلم
ويطلع تامر وهيثم بره المدرج
هيثم: انا اسف والله انا السبب ياريتنى ماسالتك
تامر: لا يابنى ولا يهمك مفيش حاجه ده الدكتور بس حابب يعمل الحبتين بتوعه علينا اه بالحق انت فطرت
هيثم: لا والله لسه
تامر: يلا انا عازمك تعالى افطر معايا
هيثم: لا ياعم شكرا انا لما ارجع البيت هابقى اكل
تامر يشد هيثم من ايده ويقوله: يلا يابنى بلاش الرسميات دى
ويروحو على كافيتريا الكليه
تامر : انت عايز تاكل ايه
هيثم: واحد فول وواحد فلافل
تامر بيكلم نفسه: انا هاجيب 1 همبرجر وواحد سوسيس تمام اوى كده
ويروح تامر يجيب الطلبات ويقول لهيثم بهزار: خلى بالك انا ليا عزومه عندك ههههههههههه
هيثم (فى سره): اخ ادبست
يجى شخص من بعيد شايف نفسه ومسبسب شعره على احدث قصه

تفتكروا مين الواد الجامد الروش ده اكيد واحد من شخصيات القصه
طب هيتعرف عليهم ازاي وهو معرفه مين
هنشوف ده في الجزء التاني

[totaaaa]

يا جماعه رامي مشترك معايا في اليوميات ديه
عشان انت يا رامي حططني في وش المدفع دلوقتي لما يجوا يضربوا هيضربوني انا

يا جماعه مش عشان نزلت الموضوع والقصه يبقي رامي مش في الصوره عايزه اقولك ان رامي عمل مجهود جميل بصراحه انا ليا عنده جزء الأخير
بس يالا

القصه من تأليفي انا ورامي مش انا بس
عشان يعني تعرفوا ومش تضربوني لوحدي يعني هههههههههههههه

شكرا لردودكم اللي زي العسل
وتحياتي ليكم

[الطيب احسن]

ونحن من الساحل الشمالى السكندرى نعلن عن كامل مسؤليتنا مع توتاااااعن هذه اليوميات
وشكرا

[ايناس]

جاااااااااامده بجد والله ياروميو انت وتوتاااااا جميله اوي وبجد بيحصل الكلام دا واكتر واكيد هنشوفه في باقي

الحلقات بس ياريت يكون في شخصيات بنات بردو

[lovely girl]

تسلم ايدك يا توتا انتي ورامي القصه جامده اووووي ومستنيه الجرء تاني اووووي ونفسي اعرف هيحصل ايه

[Lost Angel]

لا بصراحة جااااااامدة
تسلم ايدك يا توتاااااا انتي ورامي بجد
زمتخافوش مفيش ضرب
ويلا بقي نزلي الحلقة التانيه بسرعة

[Muhamed]

ايه ده


انا من عنوان الموضوع افتكرت ان توتااا ورامى ماتوا او فجر عملت فيهم حاجه


وبعدين ايه القصه دى

يعنى اللى كاتبينها واحد من هندسه والاخت التانيه من اداب

ايه اللى دخل تجاره فى الموضوع :bm:


انى اطالب بوججود احد ممثلى الهندسه فى القصه

طبعا مش هكون تقيل لما اقلكمم انه اكيد يبقى البطل

انا مش بتدخل فى القصه بس بنبهكم انه لازم يكون البط لمهندس ويقع فى حب زميله له بس الظروف الاجتماعيه متسمحش

ويتقدملها يقوم ابوها رافض

ويجوزها لواحد غنى

يقوم هوا الواد مكافح ويتغنى ويتجوز واحده تانيه

وجوز الوليه الاولانيه يفقر

ويبقى هوا الغنى وهيا الفقيره

وفى اخر الفيلم بنت الوليه الاولانيه تتجوز ابن الراجل الاولانى

ويطلع تتر النهايه :bm:

فيلم من اخرج مش عارف اسمه ايه ده


المهم سيبكم من عبقريتى الروائيه انا هستنى لما اشوف مين الشاب الروش واخرتنا مع القصه دى


ياله

على راى المثل

خلينا ورا توتااا ورامى لاخر الروايه :18:

[3aShe2]

جامده اوى اليوميات يا توتاااا انتى ورامى

بس كويس انه لقى مكان فى البنش السابع

الحمد لله انا اساسا مش بلاقى بنش

بننام وراء البنشات على الارض

والدكتور ولا هوه هنا



انى اطالب بوججود احد ممثلى الهندسه فى القصه

طبعا مش هكون تقيل لما اقلكمم انه اكيد يبقى البطل



معلشى يابنى يا حبيبى

اصل بتوع هندسة فى البنش الاول عارفهم انته العيال الى بيبقوا داخلين شمال فى يمين

دول





انا مش بتدخل فى القصه بس بنبهكم انه لازم يكون البط لمهندس ويقع فى حب زميله له بس الظروف الاجتماعيه متسمحش

ويتقدملها يقوم ابوها رافض

ويجوزها لواحد غنى

يقوم هوا الواد مكافح ويتغنى ويتجوز واحده تانيه

وجوز الوليه الاولانيه يفقر

ويبقى هوا الغنى وهيا الفقيره

وفى اخر الفيلم بنت الوليه الاولانيه تتجوز ابن الراجل الاولانى

ويطلع تتر النهايه :bm:



اه امشى طوالى واحود على طول هتلاقى الحضانة يا حبيبى

:bm:

مستنيين الباقى يا توتااا


//تم تثبيت الموضوع //

[FREEDOM]

انا مش هقدر اوصف اعجابى بالموضوع لانى لو وصفت مش هخلص كتابه

انا اكتفى بس بمجهود وابداع رائع( مش معنى ان كلمة اكتفى دى يعنى الموضوع ميستحقش الا كده)

الموضوع عجبنى جدا بصراحه

وجذبنى اكتر التشويق فى الموضوع

شكرا يا توتاااااااااا & رامى

[mrmr]

جميلة والله ياتوتااااااااا تسلم ايدك انتى ورامى ويلا بقا نزلوا الجزء
التانى

[The_boss22]

اوعي بقي وشكواااااااااااا أنا في كليه تجاره
الأول الموضوع جامد جدا وحلو أه بس أنا أعتقد انه مش واقعي أوي هوا تميس حبتين لأ حبه
أولا اللي في كليه تجاره مش بحضر
ثانيا لو حضر واتكلم في المحاضره الكرنيه علطول مش أطلع بره
ثاثا مفيش مواد في تجاره من 150 والاو مفيش شتااااااااااااات ههههههههههههه لأننا مش بنعملها
رابعا الماده عندنا في تجاره من 20 بكل حاجه شاملا الضرائب
بس الموضوع عجبني أوي يا توتا كملي كملي
لما نشوف أخر الشخصيات دي أيه زينا يعني في تجاره بتصرفوا زينا
علي ما أعتقد تؤتؤتؤتؤتؤتؤتؤتؤتؤتؤتؤ لننا مش بنرووووووووووووووح

[الطيب احسن]

يا اخ بوسس احنا بنتكلم على حاله عامه
وبعدين انا فى هندسه وتوتاااا فى اداب
يعنى القلعه جمب البحر
هههههههههههههههههه
يعنى كويس اللى احنا عملناه
ده غير ان انا فى اسكندريه وهى فى القاهره ممكن تكون الانظمه مختلفه
اى نعم القصه فى جامعة القاهره بس دى كلها حاجات فرعيه
وخلاص ياعم هنبقى نعمللك فى الخطه المئويه اللى جايه يوميات لطلبة تجارة المنصوره مخصووووووووووووووووووص
ههههههههههههههههههههههه
وشكرا ليك على النقض وانك لفت نظرنا لحاجه مهمه جداااا
والف شكر اخ بوسسس

[الطيب احسن]

اليكم الحلقه الثانيه من يوميات شباب فى الجامعه

يجى شخص من بعيد شايف نفسه ومسبسب شعره على احدث قصه
وداخل جامد اوى ويقول : تامر باشا ازيك يابنى فينك من زمان محدش شايفك
تامر: اهه مشاغل بقى نعمل ايه
هيثم: احم احم
تامر : اه نسيت اعرفك هانى معانا فى الكليه بس اكبر منى بسنه يعنى هو فى سنه تانيه
هيثم : اهلا هانى
تامر يعرف هيثم لهانى: هيثم لسه متعرف عليه النهارده
هانى: اهلا هيثم
هاني يرجع لكلامه مع تامر
هانى: اما انا شفتلك حتة بنت النهارده موز موز موز ورحت عشان اكلمها
يقاطعه تامر : ده انت فقرى اكيد حصلت حاجه
هانى: وانت عرفت منين
تامر : انت هتقوللى عليك
هانى: فعلا انا خلاص رايح وفجاه يظهرلى واحد من تحت الارض الاقيها بتشاورله وراح يعد معاها
تامر:هههههههههههههه مش قلتلك فقرى
تامر يكلم هيثم: اهه ده تاخد منه كلا م عالبنات وبس
هيثم يبتسم وهو بيبص لهانى
هانى: ايه ياعم انت هتحرجنى ليه بس ادام الراجل اديله فكره حلوه عنى
تامر: يا عم خلاص هيثم بقى واحد مننا مش كده ولا ايه
هيثم: اه اه طبعا
هيثم : يلمح واحد صاحبه من بعيد
هيثم: عن اذنكم يا جماعه بس رايح اشوف واحد صاحبى وجاى
تامر: اه اتفضل
هيثم بيجرى وينادى واااااائل وااااااااائل
وائل بيلتفت وراه
وائل: هيثم ازيك عامل ايه
هيثم : الحمد لله انت اللى عامل ايه
وائل: الحمد لله
هيثم: دخلت هنا ازاى الله بخرب بيتك
وائل:انت هتسيحلى ولا ايه عيب عليك اتكلم بصوت واطى شويه
هيثم(بصوت واطى): انت دخلت هنا ازاى
وائل: عرفت اجيب كارنيه قديم معلوش صوره وحطيت صورتى
هيثم: يابن الاييييييييييه
فجاه يطلع صوت موبايل
يطلع وائل الموبايل بتاعه(3310 )
وائل: ازيك يابنى عامل ايه
وائل: مش قلتلك هاكلملك بابى يشغلك فى الشركه بتاعته اعتبر الموضوع منتهى
هيثم باستغراب: شركه
ينهى وائل مكالمته
هيثم: شركة ايه؟
وائل: الشركه اللى فاتحها بابى (ويغمز بعينه لهيثم ) ويقوله: مشى حالك
هيثم يفهم ويضحك ضحكة سخريه
تامر وهانى يقربو على هيثم
تامر : ايه يابنى اتاخرت ليه كده
هيثم : معلش اصل
تامر يقاطع هيثم: متعرفنا
هيثم: وائ (ميلحقش يكمل كلامه)
وائل: وائل زميلكم فى كلية الحقوق
تامر : انا تامر تجاره مع هيثم وده هانى صاحبنا
وائل (يتكلم وهو متانتك) اتشرفت بمعرفتكم
فجاه نسمع صوت بينادى على تامر

يا ترى مين صاحب الصوت ده

استنونا الحلقه اللى جايه ان شاء الله

[SpAnKy]

حقــــــا رائع
الى الامام دائما
بدايه موفقه
ننتظر البقيه بلهفة
||
سبانكــــى

[ايناس]

جميل والله ياجماعه ومستنين باقي الحلقات والابداعات

[la princesse]

الفكرة جميلة وقريبة للحقيقة كتير
يعنى اكتر حاجة شدتنى بصراحة واقعيتها
بس ياريت فى باقى اليوميات نلاقى شخصيات بنات
لان مش معقول مفيش شخصية بنت غير (المزة) اللى كانوا بيعاكسوها
فيما عدا ذلك اليوميات مبتكرة وفيها واقعية جميلة
برافو توتاااا & رامى
تسلم ايديكو

[الطيب احسن]

دورؤ البنات جاى يا ميرا بس الصبرررررررررررررررررررررررررررررررررر

[الطيب احسن]

وايكم الحلقه الثالثه من اليوميات




فجاه نسمع صوت بينادى على تامر
يبص تامر: محمود حبيب قلبى عامل ايه
محمود : تمام الحمد لله
تامر يعرف محمود على هيثم وهانى ووائل
تامر : احب اقدملكم صاحبى محمود الاول على الكليه ده طبعا لما تقلبو النتيجه من تحت لفوق
الكل يضحك:هههههههههههه
تامر بيسأل محمود: عملت ايه السنه اللى فاتت
محمود: عيب يابنى زى كل سنه طبعا مدبلره اكيد يعنى
تامر: ربنا يخليك لمصر كل دبلره وانت طيب
محمود : قوللى انت اعمل ايه الدكاتره مغلبنى الله يخربيوتهم
هيثم: ليه انت مبتجاوبش فى الامتحان ولا ايه
محمود: لا بجاوب بس بارقام الصفحات
هيثم متعجب: ارقام الصفحات!!!!
محمود: اه يجيلى مسأله او سؤال افتكر مثال زيه او اجابة السؤال فى صفحة كام واكتب رقم الصفحه وفى اخر الامتحان اكتب للدكتور معلش اصل الاعمال بالنيات بقى
هيثم: يا رااااااااااجل
فجاه تعدى مجموعة بنات جامده من جانب المجموعه كلها
محمود: عن ازنكم يا شباااااااااب
ويمشى ورا البنات
فجاه يلاقى حد ماسكه من قفاه
يلف محمود وكانه بيستعد للخناق
وفجاه يغير تعبيرات وشه
محمود: ناجى حبيب قلبى عامل ايه
ناجى: الحمد لله
محمود: اعرفكم يا جماعه ناجى مصدر الاخبار لاى تحرك فى الكليه
الشله: اهلا ناجى
ناجى: اهلا بيكم يا جماعه
وبدا يتعرف بيهم
محمود : عن ازنكم يا جماعه الحق السحالى اللى معديه من شويه اللى ناجى منه لله كان هيضيعها من ايدى
ناجى: انت المفروض تشكرنى
محمود: ليه بقى
ناجى : اصلك متعرفش السحالى دى فيها مين
محمود: فيها مين يا رويترر
ناجى: البت ساره سيليكون
محمود: ومين بقى ساره سيليكون
ناجى: مخطوبه لاكرم اللى معانا فى الكليه
محمود: اكرم مين؟!
ناجى : اكرم بتاع الحزام الاسود فى الكاراتيه بطل الجمهوريه
محمود: اخخخخخخخخخخخخ بركاتك يا شيخ هانى انت عدتنى ولا ايه
الشله كلها تضحك:ههههههههههههههههههههههههههههههههههههههههه


عايزين تعرفو يه اللى هيحصل بعد كده استنونااااااااااااااا

[كريم يتحدى الملل]

فى البدايه انا احب اعتذر عن غيابى طول الفتره دى بس كان لقله الوقت للاسف واحب اسلم على كووووووووول الناس الى فى تيفا لانكم بجد وحشتونى ووحشنى كلامك ومواضيعكم وكل حاجه واحب اقلك يا توتا ان اى حاجه تكتبيها جميله من غير حتى متتقرى دا غير بردو ان روم معانا فى الموضوع يعنى بجد استمرى وكملى بثقه وبقلب وسلامى للكل

[totaaaa]

اولا انا اسفه علي غيابي عن المنتدي بس لاني النت كان قاطع عندي والله

وشكرا لكل اللي دخل الموضوع وقال رائيهم

وكمان انا حاسه انا الطلب علي البنات كتير الحقني يا رامي

طبعا اشكرك يا رامي لمجهودك وانا متابعه معاك من النهارده ان شاء الله
انا عارفه اني سيبه حمل حلقتين عليك بس عادي بقي يعني هقول لمين ينزل الحلقه الا روم شركي
ياااااااااه يا روم لو تضرب معانا ونعمل فيلم ولا مسلسل هههههههههههههههه

[Muhamed]

اول ملاحظاتى على القصه :18:


طبعا سيبكم من موضوع البنات القصه ماشيه اجمل من غير تدخل هذا العنصر وهترخم وهتقلب اسود انا عارف بدخول البنات فياريت ميخشوش:bm:


المهم

الملاحظه الكبيره فى ل3 حلقات اللى فاتوا الاسماء كتيره اوى


ولازم ارجع للصفحه الاولى علشان افتكر كل واحد وشخصيته

الملاحظه التانيه ان معظم الشخصيات دايما فاشل وضايع وصايع كمان

ودا بيدى قدوه وحشه للجيل اللى طالع(وما اكثرهم فى منتدانا)

ياريت يظهر كام واحد محترم يوزن العمليه :walkman:

وبس كفايه كده


كان معكم

الناقد الدائم فى تيفا :cupidarrow:

[الطيب احسن]

فى البدايه انا احب اعتذر عن غيابى طول الفتره دى بس كان لقله الوقت للاسف واحب اسلم على كووووووووول الناس الى فى تيفا لانكم بجد وحشتونى ووحشنى كلامك ومواضيعكم وكل حاجه

يا هلا بيك معانا مره تانيه يا كيمو ويا رب ما تغيب عننا تانى

اولا انا اسفه علي غيابي عن المنتدي بس لاني النت كان قاطع عندي والله
ولا يهمك يا توتااااااااااااااااا انا سداااااااااااااااااااااد
وكمان انا حاسه انا الطلب علي البنات كتير الحقني يا رامي

هم البنااات مش اساسيين فى القصه بس هيظهرو فلو ممكن الصبر يا اخوانننننننننناااااااااااااااااا
طبعا اشكرك يا رامي لمجهودك وانا متابعه معاك من النهارده ان شاء الله

الشكر لله يا توتااااااااااااااااا
ياااااااااه يا روم لو تضرب معانا ونعمل فيلم ولا مسلسل هههههههههههههههه

ده يبقى هنعييييييييييييييش هههههههههههههههههههههههه
الملاحظه الكبيره فى ل3 حلقات اللى فاتوا الاسماء كتيره اوى


ولازم ارجع للصفحه الاولى علشان افتكر كل واحد وشخصيته

مع الوقت هتحفظهم بسرعه لو متاااااااااااااااااااااااااااااااااااااابع ده غير انك مهندس يعنى مبتحبش الحفظ زى حالاتى بس زى ماكنت بتستحمل فى الكليه فى بعض المواد استحمل هنا كماااااااااان ههههههههههههههه
الملاحظه التانيه ان معظم الشخصيات دايما فاشل وضايع وصايع كمان

ودا بيدى قدوه وحشه للجيل اللى طالع(وما اكثرهم فى منتدانا)

ياريت يظهر كام واحد محترم يوزن العمليه :walkman:

اطمن يا حاااااااااج ماندوزززز فيهم واحد بيحاول يوزن العمليه

وانتظرو الحلقه الرابعه

[The_boss22]

يا اخ بوسس احنا بنتكلم على حاله عامه
وبعدين انا فى هندسه وتوتاااا فى اداب
يعنى القلعه جمب البحر

أيه اللي جاب القلعه جمب البحر:18:


وخلاص ياعم هنبقى نعمللك فى الخطه المئويه اللى جايه يوميات لطلبة تجارة المنصوره مخصووووووووووووووووووص
أمته أمته يا معلم سلم

اي خدعه يا عم

[totaaaa]

مرسي لمروك يا بوس وملاحظاتك طبعا
أهم حاجه عند اللي بيكتب قصه نقد الناس اللي بتقرأها

شكرا ليك يا بوس وشكرا لأهتمامك بالقصه

شكرا يا مندوززز لمروك وطبعا اكيد لازم يكون في حد كويس وبرده الجيل مش وحش قوووي
وهتعرف في الحلقات القادمه ان الجيل ده كويس جداااا بس عايز المساعده

واكيد هتعرف من الأحداث وهتعجبك ان شاء الله

اما موضوع الأسمي هتحفظها وهتأخد عليها لما تقرأ في اليومات كل يوم
ما انا ورامي عايزين شخصيات كتيره جروب يعني هألف قصه يعني من شخصيتين بس يعني
علي العموم اوعدك انك تحفظهم ان شاء الله


شكرا طبعا لكل اللي قال رأي في القصه واتمني اشوف النقد علي كل حلقه

شجعوني انا ورامي عشان ممكن ندخل في موضوع تاني ونستمر انا وروم في التأليف
ويبقي المنتدي احسن من الدراما في التليفزيون الأرضي وأحسن من ART حكايات في الدش
ههههههههههههه

شكرا ليكم كلكم وانتظرونا عشان تشوفوا الشله هتتعامل مع بعض ازاي
ومين اللي هيبقوا صحاب ومين اللي هيبعد
ونشوف فقر هاني هيروح لحد فين
ونشوف الشله هتفضل كده ولا ايه

كله ده هتعرفوا لما تبعوا يوميات شباب جامعه بتاعت روم وتوتاااااااا علي منتدي تيفا

[الطيب احسن]

اليكم الحلقة الرابعة

في اليوم التاني من التعارف بين الأصدقاء

ماشي تامر هو وهاني هيروح علي كافتيريا عشان يفطروا

تامر : ايه ياهاني هتاخد ايه
هاني : اي حاجه خفيفه مع الشاي
تامر : اوك احسن خفيف خفيف علي الصبح
هاني : اوك عايز كام
تامر : عيب يا راجل اصبر هروح اجيب واجاي
هاني : اوك

يروح تامر يضرب في الكافتيريا عشان يجيب شاي وياخد من الراجل وضرب
وفي الأخر رايح لهاني بكوبيتين الشاي وهدومه متبهدله

هاني : ههههههههههههههههههههههه
تامر : بضحك علي ايه علي الصبح
هاني : عليك انت مش شايف شكلك هههههههه
تامر : معرفش الجامعه كله بتفطر من كافتيريا بتاعت تجاره معرفش ليه
هاني : لا هي حاجاته حلوه بصراحه
تامر : الغريب ان الناس رايحه تجيب فطار وعليهم صحه مش قدر اقولك
هاني : المهم شفت العيال بتوع امبارح انت عرفت هيثم ده منين
تامر : لا مفيش كان قاعد جانبي في المدرج ومكنش يعرف حد زي
هاني : اااااااااااااااااااه بس شكله كويس يعني
تامر : اه هو كويس شكه طيب قوووي
هاني : هو هيثم ده ساكن فين
تامر : هنا في بولاق

وفي نفس اللحظه كان ناجي ماشي وقابل بالصدفه محمود

ناجي بيبص لمحمود كده
وطبعا ناجي دخل هو عليه

محمود : ايه يا ابني عامل ايه
ناجي : الحمد لله يا باشا انت اخبارك ايه
محمود : البنات هتجنني يا ابني
ناجي : حرام عليك نفسك والله بنات بنات ارحم نفسك
محمود : ليه بس كده
ناجي : يا ابني انت قربت تخلل في الكليه
محمود : عادي بقي المهم شوفت العيال بتوع امبارح
ناجي : اه طبعا بس انا مش مستريح للواد وائل ده
محمود : ليه بس
ناجي : بتكلم كده من مناخيره وعامل بيه كده
محمود : ما انت عارف الجامعه وقرفه تلقي الواد عشان في جيبه عشره جنيه وموبيل عايش الدور
ناجي : بس ده عايش قوووووي
محمود : سيبك منه
ناجي : اللحق ده هاني وتامر اهم

ناجي : ايه يا واد انت وهو
هاني : حبيبي ناجي ازيك
محمود : ايه يا باشا ايه الاخبار

وقعدوا الاربعه مع بعض قدام الكافتيريا

ناجي : وهو مش كان في اتنين تاااني
تامر : اه هيثم زميلنا في المدرج وواحد كده اسمه وائل من حقوق
ناجي : اه فعلا طب هما فين
تامر : معرفش ممكن نشوفهم دلوقتي

وننتقل الي هيثم ووائل وهما داخلين الجامعه مع بعض

هيثم : طب انت مش خايف حد يعرف اللعبه ديه
وائل : لالالالالالالالا طبعا هيعرفوا ازاي
هيثم : من اصحابك في حقوق يعني
وائل : هههههههههههههههه انا بصاحب من بره كليه حقوق
هيثم : لأ صايع يا واد
وائل : بس ايه العيال بتوع امبارح دول
هيثم : معرفش ده هو واحد اسمه تامر بس
وائل : اه بس ده واد شايف نفسه قوووي
هيثم : اه يا عم ده من المهندسين
وائل : قول كده ميشوفش نفسه ليه مهندسين يا عم
هيثم : بس هو طيب قوووي شكله
وائل : اه طيب بس معاه فلوس ومبسوط
هيثم : عادي بقي يا ايني

قعدوا يتكلموا علي الفلوس والناس الغنيه




انتظروناااااااااااااااا فى باقى الحلقات

[فجر الاسلام]

جميلة اوى اليوميات دى

بس فعلا الحاجة اللى بدوخنى الشخصيات ودى يوميات فى الجامعة مينفعش يكون شخصياتها محدودة لان احداثها كلها جوه الجامعة يعنى الجامعة دى مش مشهد جوه قصة
وطبعا مع الوقت اكيد هتعود عليهم ومش هتلغبط فيها

كويس والله يا رامى انك بتالف سيبك بقه من الهندسة ووجع الدماغ ده وخليك مؤلف احسن

وانتى يا توتاااااااااااا يا متألقة دايما شكرا لمجهودك الرائع

[totaaaa]

شكرا لمرورك جميعا

وانا سعيده جداااا لردكم الجميل

وانا مش عارفه فين شريكي الأخ رامي

المهم ياريت يكون غيب رامي يكون خير يعني

وبما ان روم اخويا مش هنا

هنزل انا الحلقات

بااااااااااااااااي بقي دلوقتي بس استنونوني عشان تشوفوا باقي القصه

[totaaaa]

احنا وصلنا لحد ما قاعدو يتكلموا علي الفلوس
نشوف بقي هيعلموا ايه في الصحابه الغريبه ديه
تفتكروا هيتصحبوا ازاي
وهيحبوا بعض ولا بيكلموا بعض بس كده عشان الجامعه
تعالوا نشوف هما هيعملوا ايه


واليكم الحلقه الخامسه





هيثم : باص يا واد مش ده تامر والعيال
وائل : طب يالا ندخل عليهم
هيثم: لا لا اصبر لما حد ينادي علينا منهم

وفجاه

تامر : يا هيثم ياهيثم يا وائل
هيثم : ايه يا تامر عامل ايه
تامر : ايه يا ابني مش سامع ولا ايه
وائل : ازيك يا تامر
تامر : تعالوا العيال قاعدين اهم
هيثم : هاااي عليكم
محمود : ازيكوا
ناجي : اقعدوا اقعدوا
هاني : تعال هنا جانبي يا وائل

قعدوا كلهم مع بعض

هاني : هو احنا عندنا محاضره ايه النهارده
محمود : عندنا رياضه
هيثم : هو دكتور مين
تامر : دكتور مصطفي عبد الغني
ناجي : سمعتوا عنه حاجه
محمود : لالا لا ده دكتور ميه ميه والله
هيثم : طب كويس نحضر بقي المحاضره النهارده
محمود : هو فاضل اد ايه علي المحاضره
ناجي : بتاع ساعه كده
تامر : ايه يا وائل معندكش محاضرات النهارده ولا ايه
وائل : انا لأ معنديش النهارده
تامر : خلاص احضر معانا النهارده
وائل : اوك مفيش مشكله
محمود : طب يلا يا جماعه هاتوا ارقام الموبيل بتاعتكوا عشان نعرف نوصل لبعض

قعدوا كل الشله تاخد ارقام بعض ويرنوا علي بعض

هاني : طب يالا بقي محاضره الرياضه هتبدأ
هيثم : اوك يالا
وائل : طب انا هستنا هنا علي ما تخلصوا
تامر : قوم يا عم انت يالا انت هتعمل مكسوف
هيثم : قوم يا حلو يمكن الرياضيه تخدوه في الحقوق
وائل : ماشي ياعم هيثم

ويخدوا بعضهم ويدخلوا المحاضره وديه اول محاضره في الرياضه
دخل الدكتور بقي لبس كأنه في اول يوم الدراسه وكده
ودخل الدكتور سلم علي الفرقه وقعد علي الكرسي ومسك الميك وبدأ بقي

الدكتور : انا الدكتور مصطفي عبد الغني اللي هيديكم رياضه السنه ديه
تامر في ودن هاني : هو كده الدكتور ده تماما بيقول من الصبح علي معلومات اللي احنا عارفنه طب كويس
الدكتور : هتمشي كويس هتعدي هتمشي وحش انت عارف
محمود يميل علي هيثم : يا هيثم خبيني اصل الدكتور عارفني
الدكتور : ايوه انت يا عم محمود كل سنه اشوف وشك هنا
تامر بيميل علي محمود : شكلك وحش هههههههههههههه
الدكتور : انت يا حلو يا ابو تشيرت اخضر انت
الدكتور : ايوه انت يلا قاعد جانبه انت قوم تعال هنا
تامر : ليه يا دكتور بس
الدكتور: اطلع يا بابا الله يخرب بيت شباب اليومين دول
والمدرج كله يتضحك ههههههههههههههههههه
تامر : نعم يا دكتور
الدكتور : تعال يا حبيبي قرب حلو اللبس ده
تامر : والله مرسي يا دكتور
الدكتور : ارفع البنطلون يا ابني هو سقاط ليه
والمدرج يضحك
تامر : هي الموضه كده يا دكتور
الدكتور : موضه الله يخرب بيت الموضه هات يا ابني الكارنيه بتاعك
تامر : لا لا لا الكارنيه في البيت
الدكتور : فين يا حبببي اخرج بره اخرج بره يالا
تامر : يا دكتور ......
الدكتور : اخرج بره

المدرج يضحك
وتخلص المحاضره وتتجمع الشله ويحكوا اللي حصل في المحاضره ويضحكوا
وبعد كده كل واحد يروح علي بيته






كل واحد روح علي بيته تفتكروا اليوم التاني هيبقي عامل ازاي
هيتكلموا في ايه
وهيقضوا اليوم ازاي
هيعرفوا بنات
ولا هيعكسوا بنات
ولا يحضروا محاضرات

استنوا معايا انا ورامي في الحلقه السادسه
ونشوف ايه اللي هيحصل

[totaaaa]

وانا بكتب اليوميات جات في دماغي فكره طبعا عايزه اسمع رأي رامي

المهم

كل خمس حلقات هشوف مين اكتر ناس ردت علي القصه
واكتر واحد ده هيبقي بطل قرأه القصه وطبعا لازم يكون بيقول ملاحظات كويسه

انا قررت اعمل كده
انا هبدأ واشوف رايكم


أول مجموعه هما اللي قالوا رأيهم في القصه قبل ما تنزل وهما

* فجر الأسلام ( 2)
* ايناس
* mrmr
* webcraker
* last amgel

والمجموعه التانيه اللي ردو علي الحلقه الأولي وما بقي

* ايناس
* عاشق الجنه
* دموع الخشيه
* lovely girl
* lost angel
*mandozzz
*mrmr
*the_boss22


المجموعه التالته هما اللي ردو علي الحلقه التانيه

* ايناس
*la princesse
*spanky

اما المجموعه الرابعه هما اللي ردوا علي الحلقه التاله ونشوف هما مين بقي

* كريم يتحدد الملل
*mandozzz
*the_boss22

اما المجموعه الخامسه هما اللي ردوا علي الحلقه الرابعه وهما

* فجر الأسلام


وديه تعتبر بدايه ونشوف بقي بعد ما نزل كام حلقه كام ايه هتبقي الأخبار

* فجر الأسلام ( 3)
* ايناس ( 3 )
* mrmr ______مرتين
* webcraker
* عاشق الجنه
* دموع الخشيه
* lovely girl
*mandozzz_________مرتين
*la princesse
*spanky
* كريم يتحدد الملل
*the_boss22 ______مرتين
* last angel_________مرتين


وهنا يكون التحدي بين
ايناس وفجر الأسلام

انا عارفه ان الفكره مش حلوه قوووي
بس عايزه اعرف رايكم ايه في الفكره
واوعوا تنسوا تقولوا رايكم في الحلقه الخامسه

باااااااي بقي دلوقتي

[The_boss22]

الفكره رائعه أووووووووووووووووووي وعجباني بس أنا شكلي مش هبقي في التحدي
عندي امتحانات وخايفين اووووووووووووووي
بس ان شاء الله أكون موجود وأنا هستني بقي لما القصه تخلص
وأقراهاااااااااااا هههههههههههههههههههههه

[mrmr]

فكرة جميلة قوى ياتوتا يا ام افكار حلوة وكتكوتة
يلا بقا نشوف مين الى هيكسب فى التحدى
وطبعا رايى فى القصة معروف لانها حلوة جدا من الاول

[Sir.7amato]

لا بجد قصه باين عليها جميله
بس من الحلقه الاولى حسيت كده انها مش هتكون واقعيه اوى وبنفس لغه الشباب
بس هى الا حد ما حلوه
بس والله برافو عليكوا اوى انكو فكرتوا تعملوا حاجه زى كده
وربنا يعينكوا ونشوف بقى باقى الحلقات بس طلب زوغير منكو ياريت تكون اليوميات طويله شويه
وتكون واقعيه واقعيه
عجبتنى فى اليوميات فكره التشويق
لان دى بجد هى العامل الاساسى لنجاح اى عمل
ربنا معاكو ولو عاوزين اى مساعده انا معاكو
مزيد من النجااااااااااح

[totaaaa]

الفكره رائعه أووووووووووووووووووي وعجباني بس أنا شكلي مش هبقي في التحدي
عندي امتحانات وخايفين اووووووووووووووي
بس ان شاء الله أكون موجود وأنا هستني بقي لما القصه تخلص
وأقراهاااااااااااا هههههههههههههههههههههه

شكرا يا بوس لمرورك وربنا يارب يوفقك وتتطلع من الأوائل
وربنا يوفقنا كلنا يارب

وبعدين متخفش اعمل اللي عليك وخلي الباقي علي ربنا

هستنا برده اسمع رايك في القصه حتي لو هتقرأ علي بعضها


فكرة جميلة قوى ياتوتا يا ام افكار حلوة وكتكوتة
يلا بقا نشوف مين الى هيكسب فى التحدى
وطبعا رايى فى القصة معروف لانها حلوة جدا من الاول

مرمر مرسي لمرورك
سعيده انا جدااا ان شوفت رايك في القصه
يارب اشوفك اسمك منور الموضوع دايما
ونشوف بقي مع بعض مين اللي هيكسب



لا بجد قصه باين عليها جميله
بس من الحلقه الاولى حسيت كده انها مش هتكون واقعيه اوى وبنفس لغه الشباب
بس هى الا حد ما حلوه
بس والله برافو عليكوا اوى انكو فكرتوا تعملوا حاجه زى كده
وربنا يعينكوا ونشوف بقى باقى الحلقات بس طلب زوغير منكو ياريت تكون اليوميات طويله شويه
وتكون واقعيه واقعيه
عجبتنى فى اليوميات فكره التشويق
لان دى بجد هى العامل الاساسى لنجاح اى عمل
ربنا معاكو ولو عاوزين اى مساعده انا معاكو
مزيد من النجااااااااااح


انا مبسوطه جدااااا يا 7amato
بوجودك لأول مره في الرد علي القصه

هقولك علي حاجه معظم القصه مش كله انا شوفتها بعيني في جامعه القاهره في كليه تجاره
وفي شخصيه في القصه وهي ( وائل ) قصه حقيقيه انا نفسي عشت فيها
كان لينا زميل هو هو شخصيه وائل انا مش هحرق القصه وانتوا هتعرفوا بعدين ايه حكايته


انت عايز الحلقه تكون طويله شويه يعني لو ده طلبك احنا في الخدمه وجاري التنفيذ من أول الحلقه السادسه

الحمد لله طبعا ان القصه حققت جانب التشويق لان هو ده المطلوب من القصه
أشكرك لرايك الجميل ده

طبعا لو عايزين اي حاجه اكيد هناجي ليك
كلنا هنا اخوات مع بعض

أشكرك لمرورك واستنوني انا ورامي في الحلقه السادسه
عشان نشوف الشباب عايزه ايه
ومشاكلهم ايه

تحياتي ليكم

[Muhamed]

كل واحد روح علي بيته تفتكروا اليوم التاني هيبقي عامل ازاي
هيتكلموا في ايه
وهيقضوا اليوم ازاي
هيعرفوا بنات
ولا هيعكسوا بنات
ولا يحضروا محاضرات

بعد الموقف ده

الدكتور : فين يا حبببي اخرج بره اخرج بره يالا
تامر : يا دكتور ......
الدكتور : اخرج بره


انا لو من تامر ولا اخش من باب المدرج تانى

يبقى هيكون اى حاجه غير الاختيار الاخير :bm:


بس علشان زى مقلت نفسى الاقى قدوه كويسه فنسيبنا من اول وتانى واحده


انا اقلكم يعملوا ايه

يروحوا اقرب سيبر من الجماعه ويلعبوا جيم ميدل :walkman:

[Lost Angel]

فكرة جميلة يا توتااااا
والقصة جامدة واضح يا جماعة اننا عندنا مؤلفين جامدين اوي في تيفا:ongue:

يلا بقي نزلو الحلقات الجديدة ومتتاخروش

[totaaaa]

وبعد اللي حصل مع الدكتور وتامر
نشوف اللي جرا وهيحصل ايه

واسيبكم مع الحلقه السادسه
اتمني انها تعجبكم


في يوم اتجمعت الشله عند الشئون عشان كانوا عايزين يدفعوا المصاريف
وطبعا الشئون جانب تجاره انكليزيه وما ادرك ما تجاره انكليزيه في القاهره
دخلوا عشان يدفعوا المصاريف

محمود : هما حطوا الشئون في المكان المناسب والله
تامر : ههههههههههههه
هاني : احنا كل يوم ندفع مصريف ايه رايك يا وائل
وائل : دول شويه موززز اوع بقي
ناجي : بص بص شايفين اللي نازله من العربيه ديه
هيثم : يا لهوووووووووووووووووووووووووووووووي عليها
ناجي : ما تروح يا محمود قوله تيجي تتدفع المصاريف
هيثم : مصاريف ايه يا عبيط روح قوله علي رقم الموبيل
محمود : لأ انا هموت وعلق الحته ديه
وائل : طب ما تورينا يا عم روميو
محمود : اوك هورايك

راح محمود عشان يعلق الحته قصدي البنت وماشي براحه ودخل علي البنت بقلب جامدا

محمود : هااااااااااااااااي
البنت : هااااااااااي
محمود : يالهوووووووووووووي حلو هاااي ديه
البنت : انت في ايه انت عايز ايه
محمود شاف البيت اتهتل : انا عايز اروح المطار
البنت : اوع كده انت مجنون
محمود : ايه الجمال ده انت منين
البنت : انت هتمشي ولا اعرفك شغلك
محمود : هتعملي ايه يعني هتضربني ضرب الحبيب زي اكل الزبيب

وفجأه بتشاور لكام شب بس ايه صاله جيم لوحدهم
محمود : ليه كده بس انا عملتلك ايه
البنت : عشان تعرف تتكلم ازاي

الشباب ديه دخلت عليه واول قلم علي وشه
محمود : الحقوووووووووووووووووووووووووووووووووووووووني

والشله بقي هي سمعت من هنا ودخلوا علي الشباب من هنا محمود فرح بقي يضرب وهيثم قلع الحزم
وهاني بياكل لبان ويلزق في عين الشباب ووائل يضرب بالجذمه وناجي يشنكل الشباب من راجلهم
وبقيت خناقه دخل امن الجامعه وخد كل اللي في الخناقه علي عميد الكليه
وجوه بقي

عميد الكليه : انت فاكر نفسك فين انت وهو في الشارع ده جامعه يعني علم يعني تربيه يعني تحضر يعني الزم حدودك انت في ايه انت وهو
تامر : احنا الفرقه الأولي مجموعه ( ب ) كليه تجاره
عميد الكليه : يعني طالب ثانويه وجي انت و هو عشان تتخنقوا
محمود : لأ يا حضره العميد العيال دول ملهمش ذنب انا صحاب الخناقه
عميد الكليه : وانت بقي في ايه يا طويل انت
محمود : في الفرقه الأولي تالت
عميد الكليه : نعم يا اخويا
محمود : قصدي في الفرقه الاولي لتالت مره
عميد الكليه : اه يعني فاشل
ناجي : بص حضره العميد احنا كلنا في الخناقه
محمود : يشاور ليهم بمعني اسكتوا انتوا بس
هيثم : لأ احنا كلنا اتخنقنا لما العيال دول ضربونا وحضرتك شايف هما ايه واحنا ايه

عميد الكليه : هاتوا الاسمي بتاعتكم واوع اشوف وش حد فيكم تاااني في مشكله


وخرجوا من مكتب العميد علي الضحك بقي ههههههههههههه

هيثم : ادي اللي بيجي من ورا البنات قرف
محمود : انا بقي عندي بنت هوريكم الصوره بتاعته
هاني : وراني وراني
ناجي : ايه ده يا عم ديه مش بنت ولا موززه ديه ملاك
محمود : اوع يا عم انت هتاكل الصوره
هيثم : بس متدخلش بقي علي حد بالجامد كده احسن كان هيضيع مستقبلنا النهارده
محمود : بس تعرفوا يا عيال انتوا عيال جدعه قووووي وانا بقي هعزمكم علي حاجه
ناجي : اوك انا هاخد سوسيس وكفته وشاورمه بس
محمود : لالالالالالالالالالا كل واحد يطلب في المعقول اقولكم انا همشيها بيبسي
هاني : قشطه اوك

محمود راح الكافتيريا وجاب البيبسي وقاعدوا يتحكوا ويهزاروا جامدا

محمود : يالا يا جماعه بقي عايزين نروح
هيثم : علي رايك ان اتأخرت قووووي

وسلمت الشله علي بعض وذهب كل منهم الي البيت
بس الرنات شغاله


تفتكروا بعد الضرب والخناقه ديه هيحصل ايه
تفتكروا هيحرموا يعكسوا حد
هنشوف في الحلقات اللي جايه

سمعت انا كده ان ناجي هجيب اخبار عن البنت
اللي اضرب عشانها محمود
تفتكروا هيقول عليه ايه
اصل ناجي ده بتاع الاخبار
انا كده هحرق الحلقه الجايه
استنوني بقي في الحلقه السابعه عشان نشوف
منين هيقول لمين
سلاااااااااااااااام بقي دلوقتي
تحياتي ليكم

[Muhamed]

يادى النيله يعنى عاكسوا بنات

بدايه القصيده :bm:


بس صحيح معرفناش ايه مصير البودى جاردات اللى فى الخناقه محدش يعرفهم العميد قلهم ايه :walkman:


بس شاطر الواد تامر محضرش المحاضره :18:


تصرف توريه الصوره مش شايفه غير انه تصرف :no3:


لغايه دلوقتى دور البنات :18: ربنا يتمها على خير


نفسى بقه الاقى قدوه حسنه فى الفيلم :039:

[Lost Angel]

بس صحيح معرفناش ايه مصير البودى جاردات اللى فى الخناقه محدش يعرفهم العميد قلهم ايه :walkman:

اكيد يا مندوز العميد هيقولهم الاسطوانة المشروخة
انتم داخل الجامعة يعني علم يعني تربية ال تربية ال
:bm:

[mrmr]

الجزء دة عجبنى كان كوميدى شوية واكتر حاجة عجبتنى
وهاني بياكل لبان ويلزق في عين الشباب ههههههههههه عجبتنى جدعنتة وممكن نحط الجملة دى فى فوائد اللبان
بس عسل والله ياتوتا يلا مستنينك ياعسل

[فجر الاسلام]

هههههههههههههههه
دمها خفيف الحلقة دى

بس غريبة شوية الشلة كلها عندها برود اعصاب

يعنى مفيش واحد منهم بعد لما راح عند العميد طلع متنرفزوغضبان
خصوصا ان فى منهم فى سنة اولى يعنى

فى انتظار باقى الحلقات

[الطيب احسن]

تماااام يا توتااا الله ينور معلش كنت غايب الفتره اللى فاتت عن المنتدى بسسب الكليه
وانا متابع معاكى والحمد لله انى لاقى ردود فعل كويسه عن القصه

[totaaaa]

يادى النيله يعنى عاكسوا بنات

بدايه القصيده :bm:


بس صحيح معرفناش ايه مصير البودى جاردات اللى فى الخناقه محدش يعرفهم العميد قلهم ايه :walkman:


بس شاطر الواد تامر محضرش المحاضره :18:


تصرف توريه الصوره مش شايفه غير انه تصرف :no3:


لغايه دلوقتى دور البنات :18: ربنا يتمها على خير


نفسى بقه الاقى قدوه حسنه فى الفيلم :039:

شكرا يا مندوزززززز لمرورك
اكيد اتقل ليهم اللي اتقل لأبطال القصه
ممكن يكون في حاجات صغيره بتروح مع الأحداث
بس ده لان التركيز كله علي الأبطال




الجزء دة عجبنى كان كوميدى شوية واكتر حاجة عجبتنى
وهاني بياكل لبان ويلزق في عين الشباب ههههههههههه عجبتنى جدعنتة وممكن نحط الجملة دى فى فوائد اللبان

بس عسل والله ياتوتا يلا مستنينك ياعسل




شكرا يا مرمر الحمد لله ان الحلقه عجبتك
وانا سيعيده بمرورك الكريم
ما هو لازم يا مرمر اللبان يكون ليه فوائد كثيره
وطبعا اللبان سلاح جبار
ممكن لو مخنوقه من واحده صاحبتك الزقي اللبان في شعره
وكده يبقي انتي عاملتي احسن واجب



شكرا يا لوست انجيل لردك الجميل واستناجاتك



هههههههههههههههه
دمها خفيف الحلقة دى

بس غريبة شوية الشلة كلها عندها برود اعصاب

يعنى مفيش واحد منهم بعد لما راح عند العميد طلع متنرفزوغضبان
خصوصا ان فى منهم فى سنة اولى يعنى

فى انتظار باقى الحلقات


شكرا يا فجر لمرورك
وممكن يكون في برود لانهم غطانين
يعني من الاول الا اتعمل مش صح
وبعدين بالعكس الناس اللي في سنه أولي
ممكن يتضايقوا شويه
بس ميقدروش يتكلموا مع حد خوف وكده
وميعرفوش نظام الجامعه ايه
وبعدين لو لحظتي كنت عتلقي هيثم شويه مضايق والدليل
هيثم : ادي اللي بيجي من ورا البنات قرف




تماااام يا توتااا الله ينور معلش كنت غايب الفتره اللى فاتت عن المنتدى بسسب الكليه
وانا متابع معاكى والحمد لله انى لاقى ردود فعل كويسه عن القصه


أهلا اخويا العزيز روم انت فين
ولا يهمك يا جميل المهم تكون كويس
خليك مع القصه ويبقي تابع بقي

ربنا يوفقك يا روم

[totaaaa]

أهلا أهلا
ازيكم
مستنين الحلقه ولا مش عايزين


طب اتفضلوا الحلقه السابعه


في يوم الشله اتجمعت قدام كافتيريا العمده في تجاره وقاعدوه بقي مبقوش يحضروا محاضرات كل ما يدخلوا محاضرات يتطردوا منها وكالعاده عايزين يعيشوا حياه الجامعه بطول والعرض

محمود : صباح الجمال عليكوا
تامر : ايه الروقان ده
محمود : كنت مع حته بس مش قادر اقولك
هاني : ما ترحمنا يا عم انت
محمود : اللي مفروس منا يعمل زينا
هاني : الله يخربت اليوم اللي عرفتك فيه د انت مقرف في نفسك
هيثم : ايه يا عم هاني خلي عندك روح رياضيه
وائل : وبعدين محمود مننا وعلينا
هاني : بس يا اهبل انت وهو هي مش ناقصكم
محمود : رحت بقي عشان اوصله اصل هي في معهد الثقافه العالي
وائل : ااااااااااه اللي في الهرم في شارع المستشفي
محمود : يا واد يا وائل يا جن عرفيت منين
وائل : لا لا لا معرفوش
محمود : ايه يا ابني انت مش لسه دلوقتي ناطق العنوان
وائل : اه افتكرت وصلت واحد صاحبي هناك قبل كده
هيثم : ههههههههههههههههههه صاحبه اه صاحبه وانا كنت معاك مش فاكر
وائل : لا مش فاكر واخرس بقي
تامر : المهم وبعدين خرجت بقي معاه بس بنت جامده جامده
هاني : ارحمني بقي يا ابني عندي حاله نفسيه
تامر : طب يا وائل ما تاخد هاني معاك الشركه وعرفوا علي ناس هناك
وائل : ايه لالالالالالالا
هاني : ليه يا عم هو انا فيرس
وائل : لا والله بس انت عارف الفقر وبابا ممكن يزعل مني
محمود : مين بابا !!! انت مش قولت بابا ميت
وائل ( وهو قلقان ) : اه ميت بس هو الميت ده مش بيحس وبيعرف
هيثم : اه انا كنت قرأت في مجله ( بس مش فاكر اسمه ) انا الميت بيحس اه بيحس
ويميل هيثم علي وائل : اتلم بقي ولم لسانك هتفضحنا

وفجأه
ناجي جااااي بيجري من بعيد وصوته عااالي
ناجي : يا عيال يا عيال الحقوووا يا عيال يا محمود الحق الحقوااااااااااااااااااااااااااااااا
تامر : ده اكيد جايب خبر جديد

ناجي : شوفتوا يا عيال
تامر : ايه في ايه اتكلم في ايه
ناجي : اصبر عليا
هاني : اخلص يا عم انت انت هتموت
هيثم : اصبروا طب يا جماعه ده جايه بيجري
محمود : اصبروا ايه وبيجري ايه اخلص يا ابا
ناجي : فاكرين البنت بتاعت الخناقه
محمود في ودن هاني : ااااااااااااااااااه اااااااااااااااااااااه ااااااااااااااااااااه
هاني : ايه يا عم انت اه في ودني انت هتموت علي السيره وكمان في ودني
محمود : اسكت اصل انت مشفتش الجمال يا ابني
هيثم : طب بس بس
تامر: البيت اللي كان معاها الفيلين دول
هاني : اااه دول صاله جيم نفسي اتدرب عندهم
محمود : تدرب ايه يا عبيط
هاني : انا عبيط واللي انت كنت بتعمله من شويه ده ايه هبل
محمود : اسكت بقي كل وقت وليا مشاعره
وائل : بس يا ابو مشاعر انت
تامر : كمل يا عم
ناجي : البيت ديه تلطعت مرتبطه بواحد من الفرقه
محمود :ايه مين ده
ناجي : الواد فاروق
محمود : يع يع يع يع في حد يحب فاروق كفايه الأسم
هاني : ااااااااااااااااااااه يا قلبي اهئ اهئ اهئ
ناجي : في ايه يا واد مالك
هاني : الواد ده كان عايز يصاحبني السنه اللي فاتت وانا مرضيتش غبي انا غبي غبي
تامر : متعملش في نفسك كده يا حبيبي انت معروف عنك الغباء كمل يا ناجي
ناجي : ومن مصدري الامانيه الجادة العالميه عرفت ان اسمه نادين
محمود في ودن تااامر : نااااااااااااااااااااااااااااااااااااااااادين ناااااااااااااااااااااااااااااااااااادين
تامر : انت يا عم الحبيب انت في ايه انت هتنام فوق دماغي اللي القرف ده
ناجي : اسمه نادين نادين نادين
هيثم : يعني نعمل ايه يعني اول مره اشوف حد بيحب بالأسم انتم هبل بيان عليكم
هاني : طب مفيش اخبار تاااني
ناجي : في كتير بس انت اطلب عايز خبر عن مين
هاني : البنت اللي كانت قاعده في اول المدرج ديه
ناجي : مين مها يا راااااااااااجل ده بنت لبان خالص
هاني : لا يا ابني البنت ام شعر ناعم
وائل : يا عم البنت السحليه
ناااجي : اااه لا ابعد عنها ديه بتكلم واحد عياره تقيل قوووي ومسنوده قوووي
هاني : اهئ اهئ اهئ اهئ اهئ
هاني : يالهوووووووووووووووووووي انا هنتحر انا تعبت
وائل : اصبر بس بكره النحس والفقر هيفك
هاني : مش بيان يا ابني طب يمكن معمولي عمل
تامر : ههههههههههههههههههههه عمل ايه يا ابني يمكن من الخاله نوسه ههههههههههه

وهما بيهرجوا تليفون وائل عامل يرن وهو يكنسل هو يرن ووائل يكنسل
ناجي بقي مناخيره مضايقه عايزه تتدخل تشوف في ايه


تفتكروا وائل بيكنسل علي اللي بتتصل ليه
تفتكروا خايف من ايه
وائل ده شكله حكايه
طب هو مش عايز يعرف الشله ايه

عايزين تعرفوا استنوني
في الحلقه الثامنه

مع تحيات
رامي وتوتاااااا

[فجر الاسلام]

هاني : ليه يا عم هو انا فيرس
وائل : لا والله بس انت عارف الفقر وبابا ممكن يزعل مني
محمود : مين بابا !!! انت مش قولت بابا ميت
وائل ( وهو قلقان ) : اه ميت بس هو الميت ده مش بيحس وبيعرف
هيثم : اه انا كنت قرأت في مجله ( بس مش فاكر اسمه ) انا الميت بيحس اه بيحس



حلوة الحتة دى

بس وائل ده فعلا باين عليه حكاية
وشكله بيأكل فشار كتير ع الصبح


تفتكروا وائل بيكنسل علي اللي بتتصل ليه
تفتكروا خايف من ايه
وائل ده شكله حكايه
طب هو مش عايز يعرف الشله ايه


مين مين يا توتا قولى قولى محدش هيسمعك

[Muhamed]

مش عارف بس المره دى حسيت انى تهت بين الشخصيات


المهم

شكلى هقاطع القصه لو ماظهرتوش قدوه كويسه

مش ممكن فشل فشل فشل :bm:

يارب اما اخش المره الجايه الاقى حدث كويس حصل :walkman:

[Lost Angel]

عايزين تعرفوا استنوني
في الحلقه الثامنه

ياااااااااااااه عليكي يا توتااااا كل مرة كده تشعلقينا :011:


تفتكروا وائل بيكنسل علي اللي بتتصل ليه
تفتكروا خايف من ايه
وائل ده شكله حكايه
طب هو مش عايز يعرف الشله ايه



وائل بيكنسل علي مين علي مين ؟؟؟؟؟
اكيد بيكنسل علي بباه الي بيقول عليه ميت ومش عايز حد يعرف:wub:

خليني مقضايها كده استنتاجات كل حلقة ههههههههه:011:

[mrmr]

جميلة ياتوتا الحلقتين دول دمهم خفيف وزى العسل

[الطيب احسن]

يلا يا جماعه انا وصلتلكم بالحلقه التامنه بس الاول احب اقول للاخ ماندوزز يصبر شويه انت لو تلاحظ ان احنا مركزيين عالمساوئ شويه
لان ده فعلا اللى بيحصل فلو تصبر شويه علينا ده غير ان دى اول مره ليا فى التالييييييييييييييييييف:bm::bm::bm: وعارف طبعا ان توتاااا برضه لسه مبتدئه
فلازم تلاقى سلبيااااااااااات
المهم عشان ماطولش عليكم
ادى الحلقه التامنه
وهما بيهرجوا تليفون وائل عامل يرن وهو يكنسل هو يرن ووائل يكنسل
ناجي بقي مناخيره مضايقه عايزه تتدخل تشوف في ايه

ناجي : ايه يا عم وائل ما ترد علي الموبيل ولا انت شخصيه مهمه
وائل : طب بعد ازنكم يا جماعه

مشي وائل بعيد بس ناجي وراه واقف علي ودانه

وائل : الو ايوه يا فريد في ايه
فريد : انا عايز الطقم اللي انت لبسه
وائل : يا سلاااااام ازاي دلوقتي
فريد : زي الناس
وائل : طب اصبر عليا ورايا ميعاد
فريد : مينفعش انا رايح فرح
وائل : اصبر بقي وروح بأي حاجه
فريد : الطقم ده عندك من اسبوع
وائل : طب اصبر اغساله هتلبسه كده
فريد : مالكش فيه انا عندي غساله فول اتوماتيكي
وائل : طب
فريد : مفيش طب بعد نصف ساعه اوك
وائل : طب ساعه
فريد : اوك بااااااااااااي

قفل السكه وهو عامل ينفخ ويقول ديه حاجه تقرف
وهو بيلف لقي مين علي ودنه ناجي
وائل في سره : رحت في مصيبه ولو ده عرف يبقي الجامعه عرفت النهارده اخرتي يا اما لأ امسك نفسك يا واد يا وائل
وائل : ايه ياعم في ايه واقف كده ليه
ناجي : لأ مفيش الطقم ده جااامد
وائل : اااه اصل صاحبي فريد عايزه مني
ناجي : والله
وائل : اااه اصله عنده فرح وانا اكمن هدومي شيك وكده فا فا فا عايز يخده مني
ناجي : عايزه بس يا ابني طالما بتاعك فكك منه
وائل : مينفعش مينفعش ده صاحبي
ناجي : طب هو هيأخد الطقم انت هتتغسله ليه
وائل : ما اللي يعمل حاجه لحد يعمل لحد الأخر
ناجي : لأ لأ لأ لأ لأ ...... ههههههههههههه ....... صاحب صاحبه يا واد
وائل : دايما الناس تقولي كده عليا اه والله
ناجي : طب تعال يا عم محمد هنيدي
وائل : انت هتهزر انا دايما احب اساعد الناس اللي مش معاها
ناجي : والله طب تعال بقي عشان نشوف العيال
وائل : يالا يا عم ده حاجه قرف ههههههههههههههه ههههههههههههههه ههههههههههههه
ناجي : اسكت بقي انت بتضحك علي ايه


تامر : الحق يا محمود بنات جايه ظبط بقي يا محمود
هيثم : يالا عايزين بنات في الشله
هاني : بسرعه يا محمود

راح محمود

يا ترى يا هل ترى محمود راح يعمل ايه وازاى وامتى وفين واشمعنى وايه
وكل الاسئله اللى انتو عايزين تسالوها
هتلاقو الاجوبه فى الحلقه اللى جايه ان شاء الله
ومع السلام عليكم

[mrmr]

جميلة ياروميو بدأت تدخل فى المأسويات اهة
المرة الجاية بقا نحضر مناديل علشان الشخصيات الى هتصعب علينا
تسلم ايديكوا

[Lost Angel]

ناجي : ايه يا عم وائل ما ترد علي الموبيل ولا انت شخصيه مهمه
وائل : طب بعد ازنكم يا جماعه

مشي وائل بعيد بس ناجي وراه واقف علي ودانه

وائل : الو ايوه يا فريد في ايه
فريد : انا عايز الطقم اللي انت لبسه
وائل : يا سلاااااام ازاي دلوقتي


ايه ده ده مطلعش بباه طلع فريد
ههههههههه انا كنت شاكة بردو انه فريد :bm:

بس وائل شكل اخرته قربت وهيقع:wub:

[The_boss22]

أنا لو كملت القصه دي بعيد الشر الشر مش هذاكر
القصه دي بتشد جامد مع انها جاامده أوي بس تميس شويه بس شغاله أوووووووووي وعجباني اوي انا لسه في الحلقه
السادسه القصه دي بتفكرني ببيزون بريك كل خميس كنت بستني حلقه لما الواحد بقي مأهور لما قالوا مش هيكملوا
ألا في شهر 24\1 يلا قصتكم أحلي

[الطيب احسن]

الحلقه التاسعه وصلت يا جدعااااااااان

راح محمود عشان هو وناجى يظبطو البنات
ماشي وراه البنات هو وتامر وهاني
محمود : انت عارف يا ناجي انت حلو هو انت في تجاره
هاني : طب ايه الكليه طب قولي ايه كليه
تامر : يا عم انا هتحيل عليهم يالا نرجع
محمود : انت السبب يا هاني اللي خالك تيجي معانا
هاني ( في صمت ) : اهئ اهئ اهئ

وفشلوا انهم يضموا البنات لشله بسبب فقر هاني

محمود : بقولكم ايه انا هقوم امشي احسن مستني مكالمه علي الشات
وائل : وانا كمان لازم اروح
ناجي : ليه مانت قاعد هو الفرح هيطير
وائل : لأ هروح يا ناجي عشان العب بيليردو
هيثم : اوك وانا كمان همشي
تامر : طيب وانا كمان باااااااااااااااااااااااااااااااااااي رنات بقي

5
في يوم بقي اتجمعت كل الشله مع بعض وجابوا اكل علي حساب وائل عامل بقي فيها واد جن
المهم قعدوا بقي قدام مدرج العيوطي اكبر مدرج في الجامعه وقعدوا بقي في الجنينه وجانبهم الكافتيريا

محمود : انا بقي اعرف بنت في تجاره انجليزيه بس اوع وشك علي اصحابه عربيته ايه موبيل ايه
مش هقولكم بقي اصلي انا سقطت السنه اللي فاتت علشانه بس بنت بنت بمعني الكلمه

هاني : ارحمنا بقي يا عم محمود ما انت عارف مشكلتي ولا اعيط انا ولا ايه

تاامر : يا عم ده اكتر من البنات مفيش بكره اعرفك علي بنات علي حق

وائل : دا بابا قبل ما يتوفي الله يرحمه ( بيقول وهو متأثر بصراحه ) انا بابا مشغل كميه بنات بس موز موز علي حق اصل بابا كان بتاع ستات شويه ههههههههههههههه

ويضحك طبعا الجميع ما عدا هيثم ويبص قوووي لوائل نظره كده مش هي

قاعدوه بقي يتكلموا علي غراميات الحب لكل واحد في ايام الثانويه (هههههههههههه)
يا ترى ايه هى زكرياتهم عن غراميات ايام السنويه
هاااااااااا عايزين تعرفو
ولا مش ........!!!!!!
شكلكم عايزين
خلاص استنونا الحلقه اللى جايه
روميووووووو

[Muhamed]

المهم قعدوا بقي قدام مدرج العيوطي اكبر مدرج في الجامعه وقعدوا بقي في الجنينه وجانبهم الكافتيريا


طب انا عاييز افهم حاجه

الحج من هندسه اسكندريه

والحاجه من اداب حلوان

عرفوا التفاصيل دى ازاى عن جامعه القاهره

سؤاء اسماء الكافتيرا او حتى اسم المدرج

انا العيوطى دا كنت اسمع عنه طشاش اساسا :bm:


المهم


جارى البحث عن ذره امل او حتى ابتسام داخل القصه دى

بدل الضياع والفشل اللى الشله دى فيها

[mrmr]

يلا بقا احنا مستنين ذكرياتهم بتاعة الثانوى الله انا بحب الحكايات دى قوى




المهم


جارى البحث عن ذره امل او حتى ابتسام داخل القصه دى


بدل الضياع والفشل اللى الشله دى فيها


ياريت يامؤليفنا تشوفوا اى قدوة علشان خاطر الجماهير

[vip]

السلام عليكم ورحمه الله وبركاته

والله اول مره اخش اقرا الموضوع اعزرونى لانى


ظروفى مسمحتش انى افتح المنتدى من فتره


فلاحظت فى المنتدى حاجات غريبه


يويمات وقصص وتاليف فى امضاء فجر ورامى وتوتااا


لفتت نظرى ولما دخلت قرات المقدمه وتعرفت على الشخصيات

والتجمع بين القلعه والبحر حاجه جميله جدا .التاليف وشخصيات كمان جميله جدا


طبعا قراتها كلها فى وقت واحد :shades: انصحكم انكم تفكرم تكتبو سيناريو


واول فيلم انا اللى امثله :18: تبقى بطوله جامده

اتمنى لكم التقدم فى الالفضل ان شاء الله





مع خالص تحياتى

mi(vip)do

[totaaaa]

مرسي يا روم للمتتابعه القصه اهنيك والله

شكرا يا مرمر لمرورك الجميل

طب انا عاييز افهم حاجه

الحج من هندسه اسكندريه

والحاجه من اداب حلوان

عرفوا التفاصيل دى ازاى عن جامعه القاهره

سؤاء اسماء الكافتيرا او حتى اسم المدرج

انا العيوطى دا كنت اسمع عنه طشاش اساسا :bm:


المهم


جارى البحث عن ذره امل او حتى ابتسام داخل القصه دى

بدل الضياع والفشل اللى الشله دى فيها

شكرا اولا لمرورك الكريم يا مندوززز
وعايزه اقولك اني توتاااااااااا
وبعدين انا من القاهره
يعني توتااااا لازم تكتشف الناطق المحيطه
وانا بقي عندي خلفيه عن جميع الكليات والمعاهد في القاهره
وبعدين انا عايزه اقولك ان القصه حقيقيه في التفاصيل
وبعض من الأشخاص مقتبسه من الحياه مع التعديل طبعا
وعايزه اقولك كمان ده يرجع لاني كنت في الاول تجاره القاهره
شوفت بقي
أي خدمات يا عم مندوزززز


السلام عليكم ورحمه الله وبركاته

والله اول مره اخش اقرا الموضوع اعزرونى لانى


ظروفى مسمحتش انى افتح المنتدى من فتره


فلاحظت فى المنتدى حاجات غريبه


يويمات وقصص وتاليف فى امضاء فجر ورامى وتوتااا


لفتت نظرى ولما دخلت قرات المقدمه وتعرفت على الشخصيات

والتجمع بين القلعه والبحر حاجه جميله جدا .التاليف وشخصيات كمان جميله جدا


طبعا قراتها كلها فى وقت واحد :shades: انصحكم انكم تفكرم تكتبو سيناريو


واول فيلم انا اللى امثله :18: تبقى بطوله جامده

اتمنى لكم التقدم فى الالفضل ان شاء الله



شكرا لمرورك يا احمد ويارب اشوفك دايما في اليويمات
وبيني وبينك انا بفكر انا ورامي نشتغل علطول مع بعض
اشوف بس رامي عشان نحاول نعملكم حاجه جديده
شكرا لردك


شكرا يا بوس لردك ومتخفش يا بوس هتنجح ان شاء الله
وعايزه اشوفك دايما في اليوميات

[الطيب احسن]

الحلقه العاشره وصلت يا جمااااااااااعه



قاعدوه بقي يتكلموا علي غراميات الحب لكل واحد في ايام الثانويه (هههههههههههه)



هيثم : انا كنت بحب بنت الجيران بس اخوه شفني وانا ببص عليه من الشباك وشافني في الشارع وقعد يضرب فيا لما ماما نزلت رتحت.................. واتكسف ومرضيش يكمل كلامه

محمود : وانت يا تااامر

تااامر : انا بقي كنت بحب بنت في المدرسه الثانويه وقعد معها شويه وبقت تعمل هي مشاكل بيني ويين اصحابي فسبتها وكبرت دماغي بلا وجع دماغ : وانت يا وائل

وائل : انا بقي كنت بحب بنت من نيويورك عن طريق الشات وكنا بنشوف بعض كام وكده بس كانت بنت

عندي الصوره علي اللب توب وانت بقي يا محمود

محمود : انا بقي حبيت بنت كانت لسه في سنه أولي انا وهي وكانت بنت كده خااام قووووي عرفتها الدنيا فيها ايه وفي اول مشكله سبتني وباعت ومن ساعته وانا بكلم البنات تسليه وعمري ما هثقي في حد منهم وانت بقي يا هاني

هاني : اهئ اهئ اهئ احكي ايه اتوكس انت وهو قوم قوم عندنا محاضره نفيسه سلوكيه قوم احسن ديه بتأخد غياب

محمود : يا عم فكك انت بتصدق ده كلام انت هتحضر وتعمل منظم ولا ايه استني كده واعقل يا يني

هاني : ايه يا عم محمود في ايه هحضر انا المحاضره يمكن اقابل بنت كده حلو جوه روح روح انا هدخل المحاضره

وائل : طب خدني معاك

تاامر : استنا يا عبيط انت انا جاي اهو

هيثم : يا عيال استنوا يا كلاب

محمود : طب انا هشرب شاي بقي وهعمل مكالمه علي ما انتوا تخلصوا المحاضره



محمود بقي يقول في سره : ده بيان عليهم عيال عبيطه في حد يحضر محاضرات نفيسه خايفين علي الدرجات هههههههههههههههههههه

اما اكلم البت بوسي تجي كده تعمل جو للقاعده

فين الموبيل اهو

بوسي

بوسي

اهو



محمود : هالللو يا جميل

بوسي قلبي انت فين يا بت من زمااان


يا ترى مين بوسى دى وحوارها ايه وبتعمل ايه فى القصه ده اللى هنشوفه الحلقه اللى جايه

[Lost Angel]

هيه هيه الحلقة العاشرة جات الحمد لله:18:
ايام زمان كانت الحلقات بتيجي كل يوم
ولكن تختلف في تيفا طبعا بدون مواعيد مسبقه ههههههههههههههههههه:bm:
ياريت يا رامي متطولش علينا في الحلقة ال11 عشان نعرف مين بوسي دي
وابقي طول الحلقة بتاعتك شوية عشان صغيرة اوي:011:

[الطيب احسن]

الحلقه ال11 وصلت
ست بوسي : انا هنا انت اللي فين راحت وقولت بااااااااااااي هههه

محمود : يا بت لأ ما انت عارفه بقي انا اصلا مش باجي الجامعه

ست بوسي : باجي ولا جينز ههههههههههههه

محمود : ايه يا بت انت هتلطفي انا عند العيوطي ما تيجي عايزك في موضوع

ست بوسي : موضوع ايه يا عم انت كل مره تقولي كده واجاي انا عشان احساب علي الغدا

محمود : ايه يا بت انت عامله كده ليه انا غلطان اصلا اني اتصلت بيكي انا هكلم البت نرمين

ست بوسي : طب يالا باااااااااااااي عشان بابا جاي

محمود في سره : طيب بابا بابا انتوا اصلا بنات سكه محدش يخدوا منكم حاجه استنا العيال وخلاص
خارجوا العيال يضحكوا من مواقف جوه

تامر : ايه يا محمود انت قاعد ولا ماشي
محمود : لأ همشي بقي
هيثم : اوك شله ميعادنا بكره
هاني : ميعادنا بكره الساعه خامسه ( يا حلوتك يا ليلي مراد )
وائل : اوك باااااااااي
ناجي : سلام يا شباب ( ايوه اشتغل يا هاني ليلي مراد استمر .. استمر )

6
يوم الجو كان بارد قوووي والأمطار اوع جامده
كان ماشي تامر وقاعد يغني ( الدنيا ربيع والجو بديع..............) ومنسجم قوووي وفجأه يخبط واحد علي كتفه
تامر : يا سلام علي قله الرحه مين ازيك يا واد يا هيثم
هيثم : تماما انت ايه اخبارك
تامر : اهو زي ما انت شايف عادي يعني انت فين مكنتش بتنزل الجامعه ليه
هيثم : عادي والله مخنوق بس كده من الدنيا مقفله شويه معايا
تامر : يا عم نفض فكك عشان الدنيا تيجي تحت راجلك
هيثم : ماشي يا عم الجامد يا فاهم الدنيا
تامر : طبعا يا بني المهم انت اخبارك ايه واخبار الواد وائل
هيثم : انا كويس ووائل تماما انت ايه مش بتشوف حد في الكليه ولا ايه
تامر : لأ والله انا اصلا مش بنزل كسل بعيد عنك كده شويه والنت واكل دماغي
هيثم : نت انت بقي بتعمل ايه علي النت
تامر : يا بني ده عالم تاااني ممكن اعلق اي بنت من اي بلد وانا مش هقولك علي صاحبك
هيثم : بجد والله ممكن تكلم اي بنت كده
تامر : اه يا بني عن طريق الشات هبقي مره اخدك وندخل سيبر واوريك ازاي
هيثم : قشطه اوك يا صاحبي
تامر : ايه احنا هنقضي السنه كده ولا ايه فين العيال
هيثم : معرفش انا ومحمود ووائل بنرن بس علي بعض
تامر : يا عم رنات ايه زمن الرنات خلص خلينا في المكالمات
هيثم : يا عم ده الموبيل ده خرب بيوت ربنا يحرمنا منه
تامر : انا معرفش الأ اخبار هاني وناجي بقي
هيثم : اه صح ده ناجي بيكلمني وبيقولي دائما علي اخبارك انت وهاني
تامر : بجد والله
هيثم : اه والله
تامر : اصله برده بيتصل بيه كتير وبيقولي علي اخبارك واخبار محمود واخبار وائل
هيثم : يا سلام ده الواد ده مش بيتبل في بؤه فوله
تامر : بس طيب والله
هيثم : اه ما انا عارف والله بس حكايه انه يوصلك ويوصلي ديه مش حلوه في حقه يعني
تامر: شوفت الواد محمود ابن الايه كان خارج مع بنات وطالعوا الهرم فوق بيقول كان يوم
هيثم : عرفت منين بقي
تامر : من ناجي هههههههههههه
هيثم : يا واد يا ناجي يا تاكسي ده واد مشكله
تااامر : بقولك انت فطرت
هيثم : لأ اصلي نزلت وكنت مخنوق من البيت شويه
تامر : طب هقولك انا هروح اجيب اتنين شائ وباتيه بالجبنه ونقعد بقي نشوف مالك
هيثم : اوك
هيثم : تامر يا تامر يا تامر
تامر : ايه يا بني في ايه
هيثم : وحياة ابوك الشاي سكر زياده
تامر : ههههههههههههههه حاضر يا سيدي هعزم انا وهتتأمرانت حلو الكلام والله

قعد هيثم يفكر في باله شويه ومع نفسه
هيثم : طب اعمل ايه ..... انا ذنبي ايه ....... انا تعبت قووووي ......... يارب بقي انا مخنوق
يا ترى هيثم مخنوق من ايه
ده اللى هنعرفخ الحلقه اللى جايه ان شاء الله

[mrmr]

حمدلله على السلامة انتوا بتذلونا بقا علشان القصة عجبتنا وبتأخروها
هرفع عليكوا قضية وهمنع القصة من الطباعة ههههههههه

ست بوسي : موضوع ايه يا عم انت كل مره تقولي كده واجاي انا عشان احساب علي الغدا

الولد دة طلع بيئة صحيح
يلا ياحلوين مستنين باقى القصة الحلوة دى

[Muhamed]

امممممممم


قعد هيثم يفكر في باله شويه ومع نفسه
هيثم : طب اعمل ايه ..... انا ذنبي ايه ....... انا تعبت قووووي ......... يارب بقي انا مخنوق


يارب يارب يارب يطلع حاجه كويسه

بارقه امل واحده من سرحانه دى

نفسى واحد من دول يطلع في ذرات امل بلاش ذرات خليها ذره واحده ولو مفيش امل يبقى ابتسام :bm:



محمود : هالللو يا جميل

بوسي قلبي انت فين يا بت من زمااان



محمود : يا بت لأ ما انت عارفه بقي انا اصلا مش باجي الجامعه

ست بوسي : باجي ولا جينز ههههههههههههه

اهلا

اتفضلوا ادى اول ظهور لعنصر نسائى

طب بزمتكم انا مش هحكم

انتوا تحكموا بايه على بنت تسمح لولد يقولها كده ويكون متعود عليها للدرجه دى

وتهزر معاه بالشكل ده من غير ميكون فى حتى ارتباط :017:

بدايه مبشره بالخناق

[mrmr]

اهلا

اتفضلوا ادى اول ظهور لعنصر نسائى

طب بزمتكم انا مش هحكم

انتوا تحكموا بايه على بنت تسمح لولد يقولها كده ويكون متعود عليها للدرجه دى

وتهزر معاه بالشكل ده من غير ميكون فى حتى ارتباط :017:


بدايه مبشره بالخناق


ههههههههههههه دى قصة يابشمهندس :nono:
ماشى بوسى غلطانة بس انت اصلا عاوز تطلع البنات الى فى القصة هما الى غلطانين وخلاص :shades:دى بنت واحدة ظهرت ومسكت لها على الغلط دة:yawn:

[الطيب احسن]

اتفضلوا ادى اول ظهور لعنصر نسائى

طب بزمتكم انا مش هحكم

انتوا تحكموا بايه على بنت تسمح لولد يقولها كده ويكون متعود عليها للدرجه دى

وتهزر معاه بالشكل ده من غير ميكون فى حتى ارتباط

معلش يا ماندوزز دى بنت واحده مش بتمثل كل البنات بس هو ده اللى موجود فى الواقع واللى بشوفه

[الطيب احسن]

الحلقه ال12 اهيه عشان خاطر الناس اللى متابعه

ويدخل تامر ومعاه الكوبيتين الشاي

تامر : هاي بقي يا سيدي في ايه مالك

هيثم : لأ ابدا بقولك ما تكلم العيال ونقعد بكره مع بعض وننزل نشوف حد ناخد منه المحاضرت اللي فاتت

تامر : اوك مفيش مشكله

تامر مسك الموبيل وهكلم اصاحبهم

تامر : انا هتصل بهاني الأول اوك

تامر : هاني هاني هاني هاني اهو لقيت الرقم

تامر : الو الو الو الحج عبد الموجود موجود

هاني : ايه يا مان عامل ايه فينك

تامر : انا اهو يا اكتر صاحب ندل في الدنيا

هاني : يعني انت اللي بتسأل

تامر : يا بني النداله ليها ناسها هههههههههههه

هاني : ماشي يا برنس

تامر : المهم انت فاضي بكره كنا هنقعد مع بعض كده وعايزين نروح المدرج نشوف النظام ايه

هاني : قشطه يا مان اوك

تامر : طب اتصل انت بقي بناجي ومحمود وانا معايا هيثم وهو هيتصل بوائل اوك

هاني : انا اكلم كل ده وانت واحد بس ماشي يا مان انا هتصل واديك رنه

تامر : اوك بس ضروري بقي

هاني : اوك بااااي يا باشا سلم بقي علي هيثم

تامر : اوك يوصل باااااااااي



يسيب الموبيل تامر ويقول لهيثم يتصل بوائل

هيثم : اوك هتصل اهو



يمسك هيثم الموبيل وعامل يدعي الواد ميفتحش عليه



هيثم : الو ايوه يا بني عامل ايه

وائل : براحه يا عم في ايه

هيثم : انت فتحت علطول اهو ما صدقت يعني ان حد يتصل بيك

وائل : معلشي بقي اصل نفسي اسمع صوتك يا حلوه انتي هههههه

هيثم : انجز احنا عايزين بكره نتجمع اوك عشان نقعد مع بعض

وائل : اوك انت بخيل علي فكره

هيثم : انا عارف مالكش فيه

وائل : ماشي بكره اشوفك يا عم

هيثم : ماشي يا خفيف باااااااي



ويسيب هيثم الموبيل ويرجع يشرب الشاي مع تامر وموبيل تامر يرن بيأكد عليه هاني انه كلم العيال



هيثم : شكرا علي الشاي يا تامر

تامر : ايه يا بني انت عبيط احنا مفيش بنا حاجه زي كده بكره تعرفني وتعرف اني مش بتفرق معايا اي حاجه قد ما بتفرق معايا الصحاب

هيثم : انا اتشرف اني يكون ليا اصحاب زيكم انت كويسين والله جداااا

تامر : احنا اصلا والله كلنا كويسن بس عايزين بس نقعد مع بعض اكتر

هيثم : اوك انا همشي بقي عشان عندي ميعاد

تامر: ايه يا بني انت قعدت اصبر طيب شويه

هيثم : مش هينفع والله اشوفك بكره ان شاء الله

تامر : طب اصبر اوصلك

هيثم : لالالالالالالالا انا همشي انا

تامر : طيب سلام

هيثم : سلام



تامر سكت شويه وبيقول لنفسه

تامر : هو الواد ده ماله كده في ايه



ومشي تامر روح وفضل قاعد علي النت يعمل شات ويدخل من روم يطلع علي روم

وفجأه تتدخل بنت عليه وتقوله



البيت : انا دودي وانت

تامر ما صدق طبعا : وانا توتو تامر يعني

دودي : اهلا تامر ممكن اتعرف

تامر : ما انتي اتعرفتي اهو



وقعدت يرغي معاه لحد الصبح



وتيجي بقي الساعه 4 ميعاد تجمع الشله امام الباب الرئيسي للجامعه


ياترى ايه اللى هيحصل بعد تجمع الشله ده اللى هنشوفه الحلقه اللى جايه ان شاء الله

[mrmr]

شكرا على الحلقة الحلوة دى ومستنين الباقى
انا بشجعكمممممممممممممممم اهة علشان لما ابقا االف اغنية تبقوا تشجعونى ههههههههه

[Muhamed]

ممممممممم


هيثم : انا اتشرف اني يكون ليا اصحاب زيكم انت كويسين والله جداااا

تامر : احنا اصلا والله كلنا كويسن بس عايزين بس نقعد مع بعض اكتر


لما نشوف

ياريت تكو نقطه البدايه الصراحه ومحدش فيهم يشتغل التانى :bm:

البيت : انا دودي وانت

تامر ما صدق طبعا : وانا توتو تامر يعني

دودي : اهلا تامر ممكن اتعرف

تامر : ما انتي اتعرفتي اهو



وقعدت يرغي معاه لحد الصبح


مش هتكلم

بس نسبه كبيره دودى دا واحد بيشتغله من اصحابه :walkman:

[الطيب احسن]

الحلقه ال13 زى ما انت عايز يا ماندوزززززززززززز
يجي الأول وائل ويسلم علي ناجي ويجي بعد كده هاني ويسلم عليهم وبشويه يجي محمود يسلم عليهم كمان
وفضلوا شويه مستنين هيثم وتامر
شويه كده يجي تامر بيتمرجح مش عارف يمشي

تامر : صباح الخير عليكم
ناجي : صباح ايه يا باشا ده مساء هههههههههه
تامر : يا عم كله ساعات ربنا
محمود : اوك يا برنس انت مالك بقي
تامر : مفيش ما نمتش بس كويس
هاني : وايه اللي مخلكش تنام يا عسل
تامر : كنت بعمل شات مع بنت اسمه دودي بس كانت موزززه قووووي
هاني : ايه كانت .......يعني ايه كانت ديه !!!!
محمود : ايه يعني كانت موززه واتحولت قرع ولا ايه
تامر : طلعت واد ابن ال...... بعد حاولي 9 ساعات القي دودي ده واد

كله نزل ضحك عليه ههههههههههههههههههههه

محمود : تعيش وتاخد غيره يا جامد يا بتاع البنات
هاني : يا عم انت اي حد يقولك انا عايز اكلمك تصدق نفسك
تامر : بس انا مش ناقص كفايه اللي ابويا عامله لما عرف
محمود : هو هيثم اتأخر ليه كده
هاني : يمكن مش جايه
تامر : مش جاي ايه يا عم انا مأكد عليه امبارح ماهو كان معايا
وائل : طب نصبر شويه
تامر : اوك

عدت ساعه وهما واقفين وهيثم مجاش ويتصلوا علي البيت التليفون البيت مرفوع من الخدمه
ويتصلوا علي الموبيل التليفون ربما يكون مغلقا

ناجي : طب يا جماعه تعالوا ندخل الجامعه وهو لما ياجي يرن علي حد منا
تامر : فكره يالا

دخلوا كلهم جوه الجامعه وقاعدوا يتكلموا ويهرجوا
تامر : بس يا جماعه مش العادي ان هيثم ميجيش في المعياد
محمود : لو كان مش جي كان بيعتزر في التليفون لحد منا
هاني : يمكن راحت عليه نومه
ناجي : حتي لو راحت عليه نومه بيسيب الموبيل مفتوح بس تيفونه مغلق
وائل : فعلا وكمان مكنش بيرن امبارح لا حاجه
محمود : انا بدات اقلق عليه
تامر : طب حد يعرف بيته
وائل : انا اعرفه
ناجي : طب يالا يا جماعه نروح

يروحوا كلهم علي بيت هيثم ويطلعوا البيت
لقوا ابوه هيثم تعبااان قووووي وزي ما يكون هيموتتت

يدخلوا يلقوا عياط وحزن
ناجي : يا ساتر يا رب
تامر : هو في ايه
وائل : هيثم يا جماعه اهو
محمود : يا هيثم يا هيثم
هيثم : اهلا يا جماعه اتفضلوا اتفضلوا معلش البيت مش قد كده
محمود : عيب عليك يا رااااجل
تامر : مالك يا هيثم في ايه
هيثم : مفيش (ودموعه نازله) بابا عايز عمليه
محمود : طب ما يعمل العمليه فيها ايه
وائل : متعيطش بس اصبر ان شاء الله في حل
هاني : طب احجز في مستشفي واعمل العمليه
هيثم : انا مش قادر اعمل حاجه لبويا ومحدش معايا من العائله
حتي عمي لما عرف ان الموضوع فلوس مسألش فيا
هاني : طب كله هيدبر انت في ايه
هيثم : انت مش عارف حاجه يا هاني

وقعدوا في صمت لا يسمع منه الا بكاء هيثم الذي لايملك الأ البكاء في هذه اللحظه
وبكاء امه واخواته الذي يرون الأب الذي يرعي الأسره في خضون الموت وبين يد الله
وفجأه بصوا لبعض كلهم ومسك تاامر الموبيل واتصل بالأسعاف
هيثم : انت بتعمل ايه
تامر : احنا مش اصحابك
محمود : والأصحاب لازم يوقفوا جانب بعض مش الضحك لا في الجد كمان

ذهب ابوه هيثم المستشفي
والعيال اللي هم مش بيهتموا الا بالبنات بيفكروا في الوقت الجد صح هما جيل فاشل بس جيل يستحق التقدير
بس لولا دخول الفكر الغربي لما كان شبابا بهذا الحال

وائل ................ باع الموبيل
ام هيثم .............باعت الدهب اللي معاه
ناجي ................اتصرف من بابه
محمود ...............كان عامل جمعيه خده وجابه لهيثم
هاني .................. اتصرف من امه

وتدفعوا فلوس عشان ابو هيثم يدخل حجره العمليات
وهما كلهم منتظرين خروج الدكتور والرد النهائي التي يحدد مسار اسره بالكامل

وفجاه يخرج الدكتور بسمه خفيفه العمليه نجحت وتقدروا تشوفوه بعد 24 ساعه

ويصرخ الجميع من الفرح

في الرسيبشن المستشفي

هيثم : انا اسف يا جماعه انا تعبتكم معايا
محمود : عيب عليك بقي انت نسيت ساعة الخناقه انت عملت ايه
ناجي : ولا قال ايه لعميد انت جدع يا هيثم عشان كده احنا معاك دلوقتي
هيثم : المعروف ده هيفضل في رقبتي ليوم الدين
هاني : عيب بقي اخس عليك يا واد احنا مش اصحاب ولا ايه
هيثم : كل الفلوس ده هرده تاااني ليكم ان شاء الله
محمود : لالالالالالالالالا احنا في مستشفي بس مينفعش كده انت اوفر يا هيثم
وائل : اهجموااا عليه

وقعدوا يهزارو ويضحكوا ويضربوا فيه

وفجأه يدخل تاامر بباقي الفلوس ومعاه بابه جايه عشان يطمن علي ابو هيثم

وظل هيثم لفتره مع والده ثم رجع اللي حياته الطبيعه
لاصاحب جامدين
يا ترى ايه اللى هيحصل بعد كده استنونا الحلقه اللى جايه

[mrmr]

اية ياجماعة والله انا عيطت ما بلاش الحاجات الى فيها دمع دى
رجعوا القصة ذى الاول
بس كويس الحمد لله انهم طلعوا جدعان

[vip]

لا فنانيين بجد تفكيرك انت وتوتااا واحد

ممتاز يرامى فى اختيار الحوارات

دخلاتك بالحوار عشره على عشره

فاصل ونعود

[الطيب احسن]

الحلقه ال13 من اليوميات

وبعد فتره
هيثم كان من فتره مشفش حد من الشله
نزل الجامعه واقابل العيال في الكليه

محمود: هيثم ازيك يا واد وحشني
هاني : اوع هات حضن
تامر : بس تعال لحبيبك
وائل : حمد لله علي السلامه يا جميل
ناجي : حبيبي ازيك وحشني يا تقيل
هيثم : ربنا يخليكوا ليا يارب بس قولولي فين البنات
تامر : هو ده وقته بنات ايه
محمود : ايوه يا واد يا بتاع البنات
هيثم : ايوه انا نفسي مفتوحه وعايز بنات
ناجي : يظهر ان هيثم لسه معقلش من موضوع ابوه
تامر : يبقي احنا بقي نعقل هيثم ولا ايه رايكم يا راجله
وائل : طب يالا عليه بقي

وقعدوا الشله تجري وراه بعض ويهزروا مع بعض وضرب وهزار بوابين وكده



يوم السبت بقي مفيش محاضرات في تجاره بس الشله نزلت عشان تتفسح بقي

هيثم رايح علي الجامعه سمع صوت الموبيل

هيثم : الو مين معايا
تامر : ايوه يا بني انت فين
هيثم : انا جايه اهو
تامر : طب احنا هنتجمع قدام الباب الرئيسي اوك
هيثم : اوك

يتجمع بقي قدام الباب الرئيس محمود وتااامر وهاني وناجي ومستنين وائل وهيثم

ناجي : وائل اتأخر طب هيثم وعرفنا هو فين طب عم وائل ده فين
تامر : ايه يا عم ناجي مالك مضايق ليه
ناجي : اصل مينفعش يعني نفضل واقفين كده وهو حضرته منعرفش عنه حاجه
تامر : اصبر يا عم بقي انا هتصل بيه علي الموبيل
ناجي : وانت تتصل ليه وتخلص رصيدك مش هو عامل نفسه ابن بيه وبيتكلم من مناخيره
تامر: في ايه يا عم الحلو اصبر احنا صحاب ولا ايه يا عم ناجي انا هتصل بيه

تاامر : الو يا عم المهم انت انت فين
وائل : انا اهو بركن العربيه
تاامر : عربيه ايه تعاله اركنه هنا قدام الجامعه
وائل : لأ لأ اصل بيعملوا معايا مشاكل بتوع الحرس
تاامر : طب اخلص بقي احنا عند الباب الرئيسي

ولسه واقفين محمود وتامر وهاني وناجي وعاملين يبصوا علي البنات ويعكسوا
ومحمود خد رقم بنت في كليه اداب قسم فلسفه

وشويه ودخل هيثم
هيثم : هاااي عليكم
ناجي : ايه يا عم الجينتل كل ده من بيتكم د انت ساكن هنا كنت فين كل ده
هيثم : نفض لنفسك عشان انا مش ناقص اوك
تااامر : يا جماعه ايه رايكم ننزل نقعد في اي كافي في الهرم
هيثم : هرم ايه يا عم ده بعيد
تاامر : بعيد ايه انت مش عايش في الدنيا ده الباص ده بيروح الهرم بس يا عم
ناجي : طب وليه مش الأستاذ وائل معه عربيه ولا ايه د انا مشفتهاش من اول السنه
تامر : فكره يا واد يا ناجي نروح بالعربيه بتاعت وائل
هيثم : بس هو قالي ان العربيه بتتصلح قالي كده امبارح
تامر : بتصلح ايه يا باشا ده بيصيع عليك انا لسه ما كلمه وقالي انه بيركن
هيثم : اه اه اه يمكن جابه من الصيانه
هيثم بيقول في باله ( ايه العبيط ده عربيه ايه اللي بيركنه الواد الهبل ده هيودينا في مصيبه الله يحرقه )

تامر : مالك يا واد يا هيثم
هيثم : لأ مفيش بستغفر ربنا
محمود : ايه يا عسل بتعمل ايه هههههههههههههههه
هيثم : ايه جماعه هو عيب ولا ايه بستغفر فيها ايه ياعم محمود
تامر : لأ يا بني عادي ربنا يهديك
هيثم : اهو عم وائل جايه

وائل : يا مرحب عليكم يا شله الأنس والعفريت
هااااااااي يا ناجي ازيك يا واد يا حوده اهلا يا هيثم ازيك يا هاني

هيثم : بعد ازنكم بس عايز اخد منه حاجه ( بيتكلم من تحت الترس )
وائل : في ايه يا واد مالك
هيثم : تعال بس
هيثم : عربيه ايه يا حبيب امك اللي انت جايه بيه
وائل : عادي بقي فكك
هيثم : طب هما عايزين يروحوا الهرم بالعربيه بتاعت حضرته البيه وائل
وائل : ايه... نعم..... طب ازاي
هيثم : قول لنفسك وبعدين خلي بالك لو ناجي شم خبر هتبق سوده علي دماغك
وائل : هيعرف منين ده هو تجاره وانا حقوق يا باشا
هيثم : طب هتعمل ايه
وائل : تعال بس انا هوريك الشغل اللي حق يا برنس

دخل الأتنين علي باقي الشله
ناجي : هو في ايه من امتي يعني حد بياخد حد علي جانب يا عم هيثم
هيثم : من النهارده يا باشا عايز حاجه
ناجي : لأ مش عايز هعوزه ايه يعني
وائل : خلاص بقي في ايه العبط ده
وائل : طب تعالوا ندخل بقي عشان كده شكلنا يا اوف زباله
تامر : لأ احنا كنا عايزين نخرج
محمود: اه نغير جو كده بدلا جو الجامعه
هيثم في ودن وائل : اشرب بقي يا حلو
ناجي : احنا كنا اتفقنا ننزل الهرم نقعد في كافي
وائل : ايه كافي انا اقعد في كافي ليه يعني وبعدين كمان الهرم مينفعش طبعا
تامر : عشان الهرم قريب يعني وكده
وائل : مينفعش يا عم تاامر انت بتتكلم ازاي
تامر : بتكلم من بؤي ههههههههههههههههه
وائل : تعالوا بس ادخلو معايا النهارده حقوق
تامر: يا عم ده كل البنات اللي فيها استك وخشب كده واحترم وبتاع
محمود : ايوه احبك يا تامر وانت مقضي الحياه
ناجي : انا احب الشعر واموت في الجيب القصيره يا عم تعاله نروح الهرم
وائل : اوك انا هدخل الجامعه براحتكوا انتوا بقي
ناجي : متصبر يا عم وائل احنا مش بنتكلم
تامر : طب خلاص بقي يا جماعه تعالوا نروح كليه حقوق وخلاص الأيام جايه كتير

ويدخلوا كليه حقوق والدنيا موووت هناك بقي

يا ترى ايه اللى هيحصل بعد كده
استنووووووووووووناااااااااا

[vip]

الجمله دى بتفكرنى بواحد قريب منى هههههههه

فعلن دا اللى بيحصل مع بعض الشباب
هرم ومقطم

يللى ياعم رامى ابدعنا ياحبى

منتظر المزيد
____________________________________________

(اقتباس)
تامر : عشان الهرم قريب يعني وكده
وائل : مينفعش يا عم تاامر انت بتتكلم ازاي
تامر : بتكلم من بؤي ههههههههههههههههه
وائل : تعالوا بس ادخلو معايا النهارده حقوق
تامر: يا عم ده كل البنات اللي فيها استك وخشب كده واحترم وبتاع
محمود : ايوه احبك يا تامر وانت مقضي الحياه
__________________________________________________ _______

فاصل ونعود

[mrmr]

حلوة ياتوتا انتى ورميو يلا بقا مستنين اخرة الواد الكذاب دة
لازم يكدب يعنى ماكان يسكت من الاول وخلاص عيال اخر زمن ههههههه

[الـبرنـس]

توتا الجميله صاحبه الافكار الشقيه

والخطط الجهنميه

تسلم ايدك ويخرب عقلك ويدمر كمان

اهئ اهئ اهئ

يلا يا توتا بس دى هتكون نفس قصه التقاء الاعضاء مثلا ولا دى تاليف تانى

يا مخرجه وملحنه

ربنا معاكى

وفعلا بالذات يوميات شباب الجامعه هتتعبك انتى شويه بس ربنا معاكى

لكى سلامى وفى سلامى ختامى

برنساوى

[عبدالرحمن م]

هيثم يسال تامر بصوت منخفض : هى ايه الشيتات دى كمان
معلش بس انا لسة قايم اقرا اليوميات الغريبة دى بس ليا ملاحظة
ازاى هما قاعدين فى البنش السابع وسألوا بعض بصوت منخفض
والدكتور سمعهم
تحياتى
عبدالرحمن...

[totaaaa]

تحياتي ليكم كلكم

اسفه لغيابي عن موضوعاتي في المنتدي
الموضوعات اللي محتاجه متابعه
بس تم اختفائي لظروف غامضه

المهم أهلا بيكم مره تاني
واحب اشكر اخويا وصديقي روم انه سد مكاني فترته غيابي

وانا معاكم نكمل القصه
ونشوف اليوميات اوالأحداث
وكمان نشوف الأحصائيات وكده محدش عنده حاجه احنا في أجازه

يا الا بينا

تعالوا معنا نشوف الحلقه 14

أحنا وقفنا قبل كده انهم هيدخلوا كليه حقوق
تعاملوا بقي نشوف هيحصل ايه


محمود : احب الزحمه
يميل محمود علي وحده بشعر كده ومن وراه بقي
مجمود : تليفوني 0102233666 وكليه تجاره واقدس الحياه الزوجيه
ناجي : خد الواد ده ده جامد وهيغسلك غسيل الشقه كله هههههههههههه
هيثم : يا عم احترم نفسك شكلك بقي وحش هههههههههه
هاني : بقولكوا ايه يا جماعه شايفين البت ديه
تامر : فين ديه
هاني : اللي قاعده هناك ديه علي الأرض اللي ماسكه كشكول سلك
محمود : ايوه شايفه هروح اشوفه اكتر
هاني بقي من اقفه : انت رايح فين يا عم الجينتل احترم انفسك بقي
تامر : بس يا جماعه روح يا هاني كلمه طيب
هاني : ايه يا توتو اكلم مين انت عبيط ولا ايه ما انت عارف الحظ
ناجي : انا هقولك ادخل قوله في رحله دريم بارك تبع كليه تجاره تحبي تتطلعي
هيثم : هو في رحله طالعه يا عم انت
ناجي : وفيها ايه نطلع رحله هي مشكله
محمود : بس تكون كله بنات
وائل : ايه ايه ايه هي فيها ايه يعني عاديه يعني يا عم ادخل اخبطه في الكوتشي وقوله سوري
تامر : يا عم ده ده ممكن تلم الكليه عليه
هاني : بس يا هبل انت وهو انا هتصرف
وائل : طب هتطلع ابص علي المدرج
محمود : خدني معاك
هيثم : وانا كمان هطلع معاكم
تامر: واحنا هنستنا هنا بقي لحد ما تنزلوا

هاني : بقولك ياتامر
تامر : ايه يا عم انا خايف
ناجي : ادخل ياعم قوله كده بس
هاني : اوك

ماشي بق براحه هاني ودخل علي البت

هاني : هاااااااااااااااااي
البنت : ورحمه الله وبركاته نعم
هاني : في ايه براحه كده
البنت : نعم انت هتعلمني اتكلم ازاي
هاني : انا بس
انا بس
انا بس
البنت : بس ايه انت هتعقد تبسبس هنا
هاني : انا كنت عايز اقولك علي رحله
البنت : رحله رحله ايه يا سيدي
هاني : اهو كده رحله دريم بارك
البنت : شكرا يا سيدي مش عايز اطلع
هاني : ليه بس كده
البنت : اوك ان ممكن اطلع معاك
هاني : جميل قوووي
البنت : بس تحجز عشر تذاكر
هاني : ليه كده
البنت : اصلي اصحابي هيطلعوا معايا
هاني : جميل كويس عشان الحق اكمل الباص
البنت : اوكي طب اوصلك ازاي
هاني : اتصلي علي البيت 33586947
البيت : ليه انت مش معاك موبيل
هاني : تؤ تؤ تؤ تؤ تؤ مش معايا

وفجأه تليفون هاني يرن
البنت : اوك معكش موبيل
هاني : لأ ده مش بتاعي
البنت : اوكي انا هخلي فارس يتصل بيك النهارده
هاني : مين فين يتصل اااه ماشي اوك
البنت : اوكي

راح لناجي وتامر وماشي في يأس

تامر : ايه يا وحش ايه الأخبار
ناجي : شكلك كده عملت المستحيل هاااااااا
هاني : اهئ اهئ اهئ اهئ
تامر : حصل ايه يا واد
هاني : خدد رقم البيت
ناجي : تماما يا وحش
هاني : اوي يا اخويا
تامر : هتتصل بيك امتي
هاني : اهئ اهئ اهئ
تامر : ياعم انطق
هاني : هي هتطلع الرحله بس فارس هو اللي هيكلمني
تامر : ههههههههههههههههههههههههههه
ناجي : هههههههههههههههههههههههههههه

يجي بقي محمود وهيثم ووائل ويلقوا العيال بتضحك قوووووي

محمود : ايه يا وحش انت وهو في ايه
هاني : مفيش يا عم اوع ايدك
ناجي : هاني كالعاده خد قشره موزه ههههههههه
هيثم : طب بس يا جماعه احسن يزعل ولا حاجه
تامر : نقلقش هو واخد علي كده
هاني : طب حلوابقي المشكله ديه
محمود : مشكله ايه
هاني : احنا مفروض نعمل رحله لدريم بارك
محمود : ليه
هاني : عشان هي تتطلع معايزه كمان عشر تذاكر
محمود : قوله الرحله اتلغت
هاني : واتطلع عيل
تامر : يا عم يعني هي هتمشي وراك وتقول يا عيل
ناجي : عادي يا عم نفض
هاني : مينفعش هي لازم تتطلع وانا كمان لازم اطلع
محمود : اوك مفيش مشكله

تفتكروا محمود جاب الحل
طب تفتكروا الحل هو ايه
طب باقي الشله هيرضوا
لو عايزيني تعرفوا هااااا عايزين تعرفوا

طب انا مش هقولكم هما هيعملوا ايه الا ما اشوف الردود الجامده
ههههههههههههه
تضحت عليكوا
اشوفكم الحلقه القادمه

[Muhamed]

الشئ الطبيعى من رد البنت انها قالته عشر تزاكر علشان تعمل اللى فكرت فيه

تخليه يكع 400 جنيه وفى الاخر متطلعلش :walkman: علشان يتربى


بس كويس اهو فى ناس محترمه بدات تلتزم فى المحاضرات :18:

فاضل ممعاكسات البنات :011:

[mrmr]

حمدلله على السلامة ياتوتا وحشتينا قوى
اخيرا رجعتى القصة العسولة دى
انا رأيى زى ما اخويا البشمندز قال
بس بصراحة تبقا جدعة قوى لو عملت المقلب دة

[د محمد فكرى]

:clap:ممتازه يا توتا:clap:
صراحه انا تابعت موضوعك من بدايته و العمليه كانت صدفه انى ادخل على تيفا
وبصراحه انا اشتركت مخصوص لشده اعجابى بموضوعك
ممتاز ممتاز
وفى انتظار الباقى

[el_marid_2010]

جزاك الله خيرا علي المجهود الرائع

[crazy boy99]

يلا بقة بسرعة

[totaaaa]

علي ما اعتقد ان احنا اتأخرنا كتير قوووي عليكم بس معلش الظروف بقي
وكمان روم بقي خلاص وخد البكالوريس ومش هيعبرنا شكله تاني
المهم احنا عايزين بقي نكمل القصه
اوغوا تكونوا نسيتوا الأحداث ولو نسيتوا ارجعوا أقروا بقي


وهنشوف في الحلقه 15 ازاي محمود جاب الحل عشان يرتاح هاني ويطلع الرحله

هاني : ازاي يا عم
محمود : احنا نعمل رحله ده كمان هنأخد مكسب من الرحله
تامر : فكره تحفه
ناجي : جامد يا واد يا محمود
هاني : ربنا يخليك يارب ( وقعد يبوس فيه )
وائل : معاكم طبعا بس نطلع بباص بق عشان الرحله يكون ليه طعم
تامر : وانت يا هيثم ايه رايك
هيثم : معاكم طبعا

وكله ينزل ضحك هههههههههههههههههههههههههههههههههههههههههههههه


فى صباح اليوم التالى
هانى: ها ياجماعه هنظبط الرحله ازاى
هيثم(بيستعبط): ايه ياعم مستعجل ليه البت مش هتطير يعنى
كل الشله تضحك:هههههههههههههههههههه ماعدا هانى بيبص لهيثم باستهجان
هيثم لاحظ بصة هانى
هيثم : خلاص ياعم متزعلش انا بس بهزر
هانى: ولا يهمك المهم هنقسم نفسنا ازاى دى البت قايلالى نحجز 10 تزاكر اكيد معظمهم بنات
تامر: الله يخربيت البنات وسنينهم يابنى البنات دى شئ عادى مالكش دعوه انا هاعرفك على بنت بس اياك فقرك يشتغل
كله يضحك بما فيهم هانى:هههههههههه
محمود : يلا يا جماعه نتكلم جد شويه
الكل يستغرب
ناجى: محمود بيقول نتكلم جد ده النهارده يوم تاريخى
هههههههههههههههههه
تامر : بس ياشباااااااااااااب انا عليا حجز الاوتوبيس الا بالحق انتم عايزينه كام نفر 28 ولا 44
هيثم: انا متهيالى 28 كويس
تامر: خلاص 28 حلو ومحمود يستخدم علاقاته مع البنات ويحاول يخليهم يجو الرحله
محمود اعتبر فيه 5 على ال10
تامر:تمام اوى كده
هيثم: يبقى كده 15 واحنا 6 نبقى 21
وائل: ايه ياعم الكتكوت احنا مش هنطلع اوفر ولا ايه دى التزكره والمواصلات ب50 جنيه
الكل يستغرب ويطنش
تامر: طبعا هنطلع اوفر وبعدين ماهى مش فارقه معاك مانت معاك العربيه ممكن تيجى بيها
وائل متردد: اصل اصل لمة الصحاب فى الاوتوبيس احلى
تامر: على فكره انت ممكن تكلم زمايلك اللى فى شركة ابوك عشان لو حد عايز يجى الرحله
وائل (متردد) اه....اه....طبعا
ناجى: ايه يا شباب وانا ماليش دور ولا ايه
تامر : لا ده انت اللى عليك الشغل كله احنا هنطبع ورق وانت هتوزعه فى الكليه للى عايز يجى الرحله
ناجى : طب تمام اوى كده
هيثم: هو بكره ايه
تامر : الجمعه
هيثم: خلاص نتقابل يوم السبت اخر النهار عشان المحاضرات اللى عندى الصبح ونشوف عملنا ايه
محمود ينفخ: اوووووووف ام المحاضرات اللى عالصبح دى
يوم الجمعه تليفون هيثم بيرن
ام هيثم: السلام عليكم
وائل : وعليكم السلام هيثم موجود يا طنط
ام هيثم: اه موجود يابنى هيثم هيثم
هيثم يفتح السماعه التانيه: اقفلى ياماما انا هارد من عندى
وائل: هيثم باشا ازيك
هيثم: ازيك يا وائل عامل ايه
وائل : تمام الحمد لله شفت المصيبه
هيثم : خير فيه ايه
وائل : معرفتش اتصرف فى ولا نفر
هيثم (بيتريئ): وزمايلك اللى فى شركة البابا بتاع انت
وائل: ايه انت صدقت ولا ايه
هيثم : انت اللى حتيت نفسك فى الورطه دى
وائل : طب معلش يا هيثم اتصرف قولهم اى حاجه اتصرف
هيثم: اتصرف ازاى يعنى؟
وائل:قولهم انى تعبت ومعرفتش انزل الشركه
هيثم يسكت فتره
وائل : ياعم قولهم انت لسه هاتفكر
هيثم: اوكى
وائل : طب يلا سلام
هيثم:سلام
هيثم يتصل بتامر:الو تامر موجود
تامر: انا تامر ازيك يا هيثم
هيثم : تمام الحمد لله فيه مشكله عايز اكلمك فيها
تامر: خير
هيثم : وائل تعب ومعرفش ينزل الشركه ومعرفش ؤيظبط حد نهائى
تامر:مظبطش حد خالص؟!!!!!!!!
هيثم: نهائى
تامر: انا حاسس ان صاحبك ده بيشتغلنا مش عارف ليه المهم انا هاتصرف يلا سلام
هيثم: سلاااااام


النهارده اهو طولنا الحلقه شويه
عايزه بقي اشوف التفاعل
عشان انزل الحلقه اللي بعدها
ونشوف بقي ياتراه هم فعلا هيطلعوا الرحله
وهيعرفوا يكملوا الرحله
والمشتركين في الرحله هيجوا ولا زي ما قولتوا البنت عامله مقلب


انتظرونا بعد الفاصل

[MERAMADA]

والله انا كنت نسيت كل الاحداث بتاع القصه
وقراتها من الاول تانى
بس قصه جامده
يلا بقى علشان عاوز اعرف ايه اللى هايحصل بعد كده

[ايناس]

جميل والله ياتوتااااااا

بس مش تتاخري علينا بالحلقه الجايه عشان الزهايمر بيشتغل هننسي اللي فات :010::010::010:

[civileng_mohamed]

جميل والله تصدقى ده حصل معايا بس انا فى هندسة مش تجارة بس ......... فرصة جميله

[الموج الهادئ]

حلوه اوى ياله مستنين الحلقه الجايه