اسئله بنسالها لنفسها من غير ما نعرف معناها

[قمر الليالى]

اسئلة بنسالها لنفسنا من غير مانعرف احنا ليه بنسالها وحيبت اشاركم الموضوع ده الي هو في نفس الوقت علامة تعجب وكمان بيضحك هخلي التعليق ليكم


ليه لما نيجى نمشى فى المطر لظروف إستثنائية بنروح رافعين أكتافنالفوق ؟ هية تعمل إيه يعنى ؟؟

ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟


ليه لما بتكون بطارية الريموت شبه فاضية ، بنضغط على الزراير جامد؟؟

ليه لما حد بيهادينا قلم جديد .. أول حاجة وإحنا بنجربه بنكتب اسمنا ؟؟


ليه بنقول هدية مجانية ..؟ مش المفروض إن الهدية تكون مجانية ؟؟


ليه لما نكون جوه البيت والسماء بتمطر بنسأل هو الجو بيمطر بره ؟ هى عمرها مطرت جوه ؟؟

ليه لما واحد يقولنا خلى بالك الحيطة لسه الطلاء مانشفش مانصدقوشونمد صوبعنا نتأكد ؟

ليه الخدمة بتكون سريعة لما المطعم يكون مزدحم أكتر من لما يكون نص نص؟


ليه لما الواحد بيركن العربية فى موقف فاضى اللي جاي وراك بيركن جنبك ؟

ليه دايما لما حد بيجري يلحق الأتوبيس تلاقيه مبتسم أو بيضحك ؟

ليه بنفتكر إن لما ندوس على زرار الأسانسير كتير هاييجى بسرعة ؟ أومثلا ليه لو واحد جه بعديك وأنت مستنى الأسانسير بيدوس على زرارالأسانسير ولا كأنك موجود ؟

ليه وإحنا بنأكل الطفل الصغير فى فمه بالملعقة .. بنفتح فمنا ؟؟

ليه دايما عندنا إستعداد تام إننا نصدق أى حد بيكلمنا فى ودانا ..
أو بيوشوشنا ؟

ليه لما بنتصل بالتليفون .. دايما النمر الغلط مابتكونش مشغولة ؟


ليه لما بنصحى من النوم دايما بنحس إن كمية النوم ناقصها عشر دقايق؟؟

ليه الشخص اللي بيشخر وهو نايم دايما بينام الأول؟؟

[انسان]

تصدقى اسئله منطقيه بس ماظنش ان ممكن حد يجاوبها
شكرا على موضوعك الجميل

[WebCraker]

إلا صحيح حاجات غريبة . . .

انا ممكن اجاوب على شوية :)

بس مش هوا المفروض منجاوبش صح بس هجاوب بقى /:

ليه لما بتكون بطارية الريموت شبه فاضية ، بنضغط على الزراير جامد؟؟

عشان نتأكد هل الريموت زرايره بايظة ولا الحجارة خلصت

ليه دايما لما حد بيجري يلحق الأتوبيس تلاقيه مبتسم أو بيضحك ؟

احتمال عشان واقف بقالو كتير مستنى الاتوبيس زى ناس :)

ليه وإحنا بنأكل الطفل الصغير فى فمه بالملعقة .. بنفتح فمنا ؟؟

ممكن عشان يعمل زينا ويفتح فمه عشان نوكله

[قمر الليالى]

بس انا اقصد يا ويب ان احنا كلنا تقريبا بنعمل نفس الحاجات دة

من غير ما نفكر اصلا احنا بنعملها لية وبالذات

ليه لما نيجى نمشى فى المطر لظروف إستثنائية بنروح رافعين أكتافنالفوق ؟ هية تعمل إيه يعنى ؟؟

انا اعتقد ان كل الناس بتعمل الحركة دة فعلا

[عبدالرحمن م]

فعلاً الحاجات بتحصل بس لو الواحد ركّز هيعرف يجاوب وهاينجح فى امتحان مادة قمر الليالى

عبدالرحمن...