ما رأيك في الحب عن طريق النت ؟؟؟

[وحبي لك لن يموت]

ما رأيك في الحب عن طريق النت ؟؟؟
هل هو حب حقيقي ؟؟؟
أم هو حب وهمي يدور في عالم افتراضي خيالي
بين شخصين مجهولين
لا يعرف أحدهما الآخر
لا يعرف أحدهما كيف هي عيشة الآخر ومجتمعه وبيئته !!
هل من الممكن أن يكون حباً ناجحاً !!!
أم هو حب فاشل مبني على الخداع والكذب ؟؟
هل مررت بهذا النوع من الحب ؟؟
أرجو رؤية وجهات النظر ....
أختكم شـــهد ..

[فريال1]

الحقيقية انا بعيش الحب ده وهو حب ناجح بس ده على حسب صراحة الطرفين يعني انا هتكلم على تجربتني الشخصية انا وهو صرحا مع بعض جدااااااا وكل واحد كان واضح مع التاني وحبنا اتبنى على الصراحة صحيح احنا من دولتين مختلفين بس الحب مبيعرفش لا مكان ولا زمان وانا بعرف عليه كل حاجة وحتى هو هتقولو ازاي ميمكن بيكذب عليكي لا طبعا علشان انا متعرفه على عيلتو باكملها وباصحابو يعني مش ممكن هيقدرو كلو يكذبو .
تاني حاجة هو حب حقيقي علشان ديت مشاعر بتتولد مع الزمن واحنا بقالنا سنتين مع بعض صحيحي مش بنشوف بعض غير بالصور او الكمرا بس انا عن نفسي هو ناجح معايا .
وزكمان فيه حاجة سلبية انو بتكون محتاج حبيبك تشوفو تكلمو قدامك مش بتلاقيه بس تلاقيه جو قلبك وفي روحك والحب بتاع النت زي اي حاجة فيه الاجابي وفيه السلبي.
اسفة اوووووي شكلي طولت عليكي يا شهد بس حبيت اقولك عن تجربتي والله كنت عاوزة اطرح الموضوع ده بس انتي سبقتيني بس الحمد لله انك اتكلمتي فيه وبشكرك اووي وارجو تقبل رايي

[وحبي لك لن يموت]

السلام عليكم يا فريال
طيب ممكن سؤال بس ؟؟
هوا الحب داه آخره إيــه يعني ؟
مش قصدي حاجة والله
بس مش معقولة إنكو تفضلوا تتكلمو في النت كدا وخلاص
إلا إذا كنتم عايزين تكونوا أصحاب فقط لا أكثر
أعتقد إن الموضوع مش بيبقى معلق كدا
ربنا يوفقك ويرزقك من خيره الواسع :ongue:
مشكورة يا غالية على مرورك
وعقبال ما أشوف بقية الآراء
تقبلوا أرق تحياتي وأحلى أمنياتي

[فريال1]

هاي اولا بشكرك تانيا هجاوبك على سؤالك اخر الحب اكيد زي اتنين الجواز صح وده الحقيقية حصل في قصتي لانو هو عاوز يجي يتقدم ويخطبني وماماتو كلمتني وكده وكانت عاوزة تكلم مام علشان ان كان فيه موافقة يجيي لبلدي وتتعمل خطوبة رسمي بس حصلت مشاكل عندي منعنت انو كل ده يتم وانا دلوقتي سيبنها على ربنا وعاوزة اقولك حاجة لو فيه نصيب مع بعض مهما حصل بردو احنا لبعض بس لو مفيش يبقئ هي دي قسمتنا ونصيبنا واحنا راضين بكل الي يجي من عند ربنا .واسفة على الاطالة وبشكرك مرة تانية

[الطيب احسن]

والله انا رايى ان الحب عن طريق النت غالبا لا يكون حقيقى لان كل بنى ادم لازم غصب عنه يتجمل ادام الطرف التانى
ويدى انطباع كويس سواء عالمنتديات او الشات ويطلع حاجه تانيه خالص
انا بقول غالبا

[totaaaa]

شكرا يا شهد موضوعك جميل جدااا فوق الجميل

اما عن رأي فريال انا بشكرك للصراحتك الجميله

بس عايزه اقولك ان الحب عن طريق النت هو مش حب ممكن يكون اعجاب بأسلوب بأي حاجه بس مش حب
وبعدين ايه الحب في منظور الناس الكلام طب هتعرفي تصرفاته ازاي

" بغض النظر عن فريال مممكن تكون حاله من مائات الحالات "

لأ لأ لأ لأ الف مليون لأ علي الحب عن طريق النت
ولا هتعرفي تثقي في الشخص ده ولا هتحبيه ولا هتعرفي تصرفاته
وهتتعلقي وانتي متعرفيش هو بيحبك ولا بيحب غيرك
واللي يحب حد عن طريق النت نت عباره عن شات يعني بيتكلم معاكي وممكن يدخل شات يتكم مع غيرك
وممكن كمان يتكلم مع بنت في منتدي ويرسم الحب ويكلم بنت من منتدي تاني انتي متعرفوش
هتعرفي ازاي معتقدتش انك هتعرفي
اللي يعرف واحده عن طريق النت من السهل يعرف مليون زيها
واللي تعرف واحد عن طريق النت ممكن تعرف مليون زيه

الخلاصه : اني بقول انا مش برشح الحب عن طريق النت
وبنصح كل اللي ممكن يدخلوا في موضوع زي ده يفكروا مره واتنين وتلاته

ده رأي والأختلاف في الرأي
ممكن اكون انا شايفه كده
وغيري شايف عكس
بس ده رأي ورأي 80% من اللي بيعدوا علي النت
لاني عملت قبل كده وطرحتموضوع زي ده في منتديات كتير
وشكرا يا شهد للموضوعك الجميله ده
وشكرا يا فريال للردك الجميل والصريح في الموضوع ده

دمتم سلامين
توتااااااااا

[فريال1]

انا بشركر يا توته على نصيحتك بس زي ما قلتي دي وجهات نظر وكل واحد على حسب ما بيشوف بمظورو بصي كل حاجة فيها الوحش وفيها الكويس صح ومش كل الي على النت بايزين زي ما فيه الصادق فيه الكذاب والي بيخدع وبيلعب بمليون بنت وانا عن تجربتي الشخصية جربتو في كذا حاجة ومليون حاجة ومش بقول كده علشان انا بحبو لا بس هي دي الصراحة هو صادق جدااااااااااا معايا وبشكر مرة تانية على نصيحتك

[totaaaa]

والله يا فريال انا بحب مشاركاتك قوووي
عشان انتي بتحبي قوووي المناقشه وعلي فكره انا كمان بحب المناقشه

بس يا فريال انت وحبيبك كده ربنا يارب يخليكم لبعض واحد من مليون
هقولك انا قبل كده كنت بعمل بحث عن الشباب ودخلت موضوع النت ده في البحث
واعرفك اصلي اداب علم نفس المهم يعني عملت البحث وقبل ما اعمل البحث لازم اتأكد عملي وأتأكد من اللي انا بكتبه
استشهد من الواقع دخلت الشات وكلمت ناس وكمان ناس معانا هنا في المنتدي وفي منتديات كتير
ونزلت موضوع ذي اللي شهد ما نازله
ولقيت النتيجه سلبيه بالعكس سمعت قصص لو سمعتيه مش هتفكري تجربي الموضوع ده
والله يا فريال حاجات وقصص أغرب من الغربه ولو قولتلك ايه مش هتصدقي

بس انا بنصح لاني والله شوفت بعيني وسمعت وزي ما انا مرضاش علي نفسي كده لاني سمعت كتير
مش عايزه ارض علي غيري

ويا فريال زي ما قولتلك انتي وحبيبك ممكن تكونوا واحد من المليون
واكيد الناس كله مش زيك صح ولا لأ

وعلي العموم اتمنيلك التوفيق مع من تحبي
وربنا يخليكم لبعض ما يحرمك منه
وتبقي تعزمني علي الفرح

[فريال1]

ربنا يخليك يا توته حبيبة قلبي وانا معاكي في النقطة ديت مش معانا اني مجرباه يبقئ خلاص لا انا كمان بسمع قصص اغرب من الخيال بس قسمتي اني احب واحد على النت وزي ما قلتي يمكن انا وهو واحد من مليون واحد وتاني مرة بشكرك على رايك فيا وبشكر شهد لانها اتاحت لينا الفرصة ديت وشكراااا

[بنت الشام]

الحب عن طريق النت حب وهمي خيالي يجب على كل فتاة أن تحذر منه أشد الحذر
والله لو أن كل شاب اتقى الله واحترم كل فتاة وحافظ عليها كما يحب أن يرى أمه محترمة، وكما يحب أن يرى أخته محترمة، وكما يحب أن يرى زوجته محترمة.
لعاش حياته تقياً نقياً
فلربما كانت تلك الفتاة في يوم من الأيام زوجته وأم أولاده أو زوجة لأحد أقاربه.
لكن للأسف الشديد ابتعدنا عن ديننا فحدث لنا ما حدث
جيل ضائع غرته الدنيا وزخارفها ومباهجها أصبح كل شيء متاح له
فلما إذن يحصن نفسه وباستطاعته أن يفعل ما يبدو له وما يحلو له ولا شيء يردعه سوى الإيمان وخوفه من رب الأرباب
لذلك صدقت كما قلت حب فاشل مبني على الكذب والخداع
لأن الفتاة بعاطفتها الجياشة دائماً تكون ضحية وفريسة هذا الحب المخادع
ورسالتي إليك أختي أن تثقي تماماً
إن مشاعرك القلبية لن يحاسبك الله عليها‏،‏ لأنها انفعالات قسرية خارجة عن إرادتك وليست أفعالاً اختيارية‏،‏ واعلمي إن شعورك تجاه زيد من الناس لا يعدّ بحدّ ذاته معصية‏.‏
وفي كلّ الأحوال‏،‏ أنصحك أختي بالله بكثرة الالتجاء إلى الله‏،‏ والدعاء الدائم‏،‏ واطلبي من الله ما تحتاجين إليه ‏.‏


بنات حواء أعشاب وأزهار فاستلهم العقل وانظر كيف تختار
ولا يغرنك الوجه الجميل فكم في الزهر سم وكم في العشب عقار

تقبلي مروري جزاك ربي خيراً

[ابن مصر]

أخواني وأخواتي الكرام أسعد الله أوقاتكم جميعا بكل خير

موضوع هام ومنتشر حاليا أختي الكريمة شهد

أحييكي وأحيي الأخوات المشاركيين بالأعلى

أولا ينبغي أن نعلم أن شخصية الإنسان حينما يتقابل مع آخر في الواقع شئ

وشخصيتة من وراء شاشة الكومبيوتر شئ تاني

أخواتي الكرام

الطريق الصحيح لزواج ناجح هو الدخول من الباب وعلى مرأى ومسمع من الجميع

لكن إذا حاولنا تجربة الأظرف المغلقة والحديث من وراء حجاب أقصد الكمبيوتر

فإن النهاية لا يحمد عقباها

لقد عاصرت مشاكل كثيرة بحكم خبرتي في تجارب الآخرين في الحياة فوجدت أن 100 % من حالات الحب من طريق الإنترنت

تنتهي بما لا يحمد عقباه

إلا من رحم ربي وتم نجدها من رب العالمين قبل أن تقع في أمور لا نعرف لها طريق واضح

الأسلوب قد يقتبس من أسلوب شخص أخر وكتابته في ماسنجر أو في رسالة بريدية

حتى تحس الفتاة بأن الدرر التي تكتب من أجلها هي كلمات على لسان إنسان يحبني

وفي النهاية تكتشف أنه لا يعلم في الأصل أن يقول كلمة حتى من الكلام الذي كان يكتبه

وأحيانا أخرى يتم تصدير الإيميل لشخص أخر للحديث بدلا منه

فالأمور تدور في غرفة مغلقة ولا أحد يعلم ما الذي يحدث

أخواتي الكريمات

كن على حذر من مغبة شاب يعرض عليكي الزواج لأنه في نفس الوقت يعرض نفس الأمر على غيرك

ويعتبرك مشاعرك الحساسة هي مجرد تسلية في وقت الفراغ

سامحوني على الإطالة لكن الموضوع جد هام

ولي عودة قريبا

[بنت الشام]

بارك ربي فيك أخي ابن مصر

بجد كلامك رائع ومفيد قووووووووي

ربنا يفهمنا ويعلمنا ويفرج علينا يا رب

بانتظار المزيد من النصائح الكريمة

بارك ربي فيك
الرابط لايظهر فى الأرشيف (الرابط لايظهر فى الأرشيف)