حدث فى مصر (مهزله انسانيه فى رمضان وابطالها الصعايده)

[Muhamed]

مهزله انسانيه واخلاقيه بمعنى الكلمه شهدتها حلوان امس 19/9/2007

وعلمت بالموضوع من احد الزملاء فى العمل الذى يقطن بجوار مسرح الاحداث

طبعا عايزينى تعرفوا ايه اللى حصل

الموضوع فى بدايته عن قطعه ارض كبيره موجود جواها عماره سكنيه يسكن فى الدور الاول شخص وحيد

وفى الطابق الثانى (لانه اكبر) تسكن 4 اسر بس فى شقه واحده كبيره

وهما عيله واحده ويعملون فى النجاره وكانوا مستازنين من صاحب الارض انهم ياخدوا حته يعملوها كورشه للنجاره

ماذا حدث

منذ اشهر جاء احد تجار الفاكهه الصعيده الذين يملئون بر مصر كله واشترى قطعه الارض وكان يريد تحويلها الى مول كبير

الراجل اشترى الارض بالبيت اللى عليه

عرض على الساكنين 100 الف لكل شقه علشان يخلوها

اللى فى الدور الاول اللى هوا الشخص الوحيد وافق وخد ال 100 الف وساب الشقه

كن اصحاب شقه الدور الثانى رفضوا لانهم 4 اسر ولو هيسيبوها يبقى 100 الف لكل اسره

رفض الرجل

فماذا حدث

امس فوجئ الناس فى شارع شريف( وهوا اسم الشارع التى حدثت فيه الواقعه الكارثه) بان الشارع مقفول

السبب

ان الراجل الصعيدى عامل مائده رحمان كبيره

ياترى مين اللى جه


كميه صعايده مهوله (على حسب كلام شاهد العيان)

قعدوا وكلوا وجابلهم بيبسى كمان

بعد الفطار اعتقد الناس ان المائده ستختفى والموضوع يرجع زى الاول


هدوء تام حتى صلاه التراويح

وبعد رجوع الناس فؤجى الناس بالعجب العجاب

هجوم هؤلاء الصعايده بالشوم على ورشه العيله اللى ساكنه فى الدور الثانى وتخليع كل الخشب اللى فيها وتحميلها على عربيات نقل كانت منتظره الموقف

هل تتصوروا ان هذا الموضوع لم يستغرق الدقائق الخمسه لان العدد الكبير كان كفيلا باخفاء الورشه تمام من الوجود بكب ما فيها من عمل للعائهله المسكينه

بالطبع اتصل الناس والجيران بالشرطه

فانظروا الى المسخره التى حدثت

جائت الشرطه وبالطبع كانوا الجزء الاكبر من الصعايده هربوا مع العربيات النقل اللى شالت الخشب المتكسر والجزء الباقى ظل داخل الشقه اللى فى الدور الاول

خرج الاهالى يشيرون للشرطه بانهم مختبئين فى شقه الدور الاول

وبمنتهى البرود يصعد الضابط ومن معه الى الدور العلوى لياخذوا كل رجال العائله التى تقتطن الدور الثانى كل هذا وسط صراخ وهرج بين الناس لهذا التصرف الفج

خرج البوليس ليفاجا الناس بخروج الصعايده من مخابئهم بالشوم مره اخرى وصودهم الى الشقه وطبعا الستات هرولت الى الشارع حيث ادخلهم الجيران الى شققهم لتهدئتهم وراوا العفش بتاع الشقه بيترمى من البلكونه فى قلب الشارع


البعض فسر تصرف الشرطه وما حدث

بانه تفكير من شخص ...... لا اجد كلمه تصفه كان محضر لكل شئ

جيش الصعايده الذى سيدمر

رشوه للشرطه التى ستاتى

العربيات التى ستخفى معالم ما حدث

لغايه دلوقتى معرفش ايه التطور اللى حصل واوعدكم انى هقلكم على اخر ما سيحدث بعد تلك المهزله الغير اخلاقيه والتى تحدث للاسف فى رمضان .

[قمر الليالى]

فعلا هى مهزلة كبيرة

وحسبى اللة ونعم الوكيل

[فجر الاسلام]

ايه المهزلة دى
يا ساتر ناس معندهاش دم

ومرتبين كل حاجة

واضح ان الظالم بقه مظلوم والمظلوم ظالم

حسبى الله ونعم الوكيل فى الظابط اقل ما يقال عليه انه عديم الضمير
وهذا الرجل الصعيدى اللى عاوز يبنى مول ذنب الناس دول فى رقبته وربنا مش هيباركلوا هذا الرجل الظالم ولو كان فى كلمة اكبر من الظالم كنت قلتها

ياريت يا ماندوز تبلغنا باخر اخبار المهزلة

وربنا مع الناس دى

[Muhamed]

فى حاجه كمان نسيت اقلها

لما بدات المهزله دى وبداو فى تكسير الورشه خرج رجل من اهل المنطقه يقلهم بتعملوا كده ليه

فما كان رد فعلهم الا ضرب الرجل بالشوم


ومش هتتصوروا عملوا ايه تانى

دول رموا الراجل فى العربيات اللى رموا فيهاالخشب علشان دا كمان ميكنش موجود :bomb:

نقاط توضيحيه:

الارض تم بيعها ب 6 مليون جنيه

تكلفه بناء اى مول لن تقل عن كام ميت مليون جنيه

متعارف لدى الناس ان تلك الاشكال التى ظاهرها تجاره الفاكهه تكون شكل لباطن قذر من مخدرات وسلاح وربما الاثنين

[الطيب احسن]

انت عارف يا ماندوزز احنا فى عصر ايه
عصر البلطجه او تقدر تقول عصرقانون الغابه لو بصيت حواليك هتلاقى ان القوى بياكل الضعيف
من اول الدول وبعضها لحد الحكومات والشعوب والافراد وبعضهم
هنقول ايه حسبى الله ونعم الوكيل

[Lost Angel]

هي بجد مهزله
حسبي الله ونعم الوكيل فيهم واكيد ربنا مش هيباركلهم في اي حاجه يعملوها

[فجر الاسلام]

انها الكوسه والفساد يا احبابى

[WebCraker]

طيب يا جماعة ماهوا قالهم يخرجوا بالزوق ؟؟
وبعدين الراجل اشترى الارض وهما كانوا اعدين الاربع اسر فى شقة
طيب ما يشتروا مكان تانى ويعيشو فيه كلهم تانى مع بعض
زى ما الراجل اللى اول دور هيعمل :)
بس برضوا هذا لا يبرر تصرفه اللا اخلاقى ,, وتصرف الظابط

[WebCraker]

إلا صحيح هما هيشتروا مكان تانى إزاى معلش نسيت ؟؟
الميت الف دول يادوب يجيبوا بيهم 10 ترغفة عيش اللوقت
لأ بصراحة الراجل ده المفروض يعوضهم تعويض مناسب او يشوفلهم مكان تانى

[Muhamed]

طيب يا جماعة ماهوا قالهم يخرجوا بالزوق ؟؟
وبعدين الراجل اشترى الارض وهما كانوا اعدين الاربع اسر فى شقة
طيب ما يشتروا مكان تانى ويعيشو فيه كلهم تانى مع بعض
زى ما الراجل اللى اول دور هيعمل :)


اه منك ومن تفكيرك دايما تلقط اللى فى دماغى :010:

بس اللى يدمر الكلام ده الفعل ال..... اللى الراجل ده عمله:bomb:

[Lost Angel]

طيب يا مندوز انت وكركر هو صحيح قالهم يخرجوا بالزوق بس زي ماكراكر
رد تاني وقال الشخص اللي في الدور الاول واحد بس يعني 100الف هيكفوه
لكن التانين دول اربع اسر يعني يادوب زي ماكراكر قال يجيبوا بهم 10 ترغفة عيش اللوقت

[نانيس]

انا لله وانا اليه راجعون
فعلا مهزلة كبيرة والله انا اعرف ان الصعايدة مبيتفاهموش خالص يعنى هو دا العادى بتاعهم بس ذنبهم ايه اربع اسر يتعمل فيهم كدا والله حرام وظلم كمان وطبعا الحكومة من غير تفاهم على طول كدا ترمى للناس حاجاتهم والله دا مش قانون خالص دا افترى على حقوق الناس
بس لازم الناس دى تاخد حقها وعاوزين نعرف الباقى يا ماندوز عملو ايه خرجو ولا قعدوا ولا ايه ظ

[Muhamed]

لمن اراد ان يعرف الجديد فى هذا الموضوع

الموضوع حاليا ان الراجل قلهم هدفع 160 الف

والناس دلوقتى رجعت بيتها على اساس يتفاوضوا

بس هما عايزين يعلوا السعر وهما دلوقتى قالوا للراجل انهم هيفكروا وكده وقاعدين فى البيت حاليا

[فجر الاسلام]

لمن اراد ان يعرف الجديد فى هذا الموضوع

الموضوع حاليا ان الراجل قلهم هدفع 160 الف

والناس دلوقتى رجعت بيتها على اساس يتفاوضوا

بس هما عايزين يعلوا السعر وهما دلوقتى قالوا للراجل انهم هيفكروا وكده وقاعدين فى البيت حاليا

الحل اللى وصلتله ان الراجل اللى عاوز يخرجهم يجبلهم شقة بنفس عدد الحجرات وتتنقل فيها الناس دى
وساعتها يبقى مفيش حجه
ولو رفضوا يبقى كده هيطمعوا


بس برضو الحل اللى انا قلته ده مش هينفع
لان كده لازم الراجل يعوضه عن الشقة والمحل بتاع النجارة
ومعتقدش ان الصعيدى ده هيرضى يجيب للراجل الشقة والمحل

يلا يا ماندوز اتحفنا بباقى الموضوع واخر تطوراته

[la princesse]

انا كنت بتابع الموضوع ده من بعيد
وطبعا دى كارثة بكل المقاييس وجريمة فظيعة
والكارثة الاكبر فى رجال الشرطة اللى تحولوا من سفراء للامان والحماية الى جنود للظلم
ودى اكبر مصيبة طبعا ان الوسيلة اللى المفروض تجيب للناس حقوقها تتحول لاذلالهم
لكن الشيء الغريب اللى لاحظته من بداية سير الموضوع ان الطبيعى ان اى حد بيقرا الموضوع
وهيعلق عليه يبقى اهتمامه بالكارثة دى وغيرها لانها مجرد مثال لكوارث كتير بتحصل فى مصر
وزى الكارثة دى واكتر وبطول مصر وعرضها وابطالها مبنصنفهمش حسب موطنهم ولا اماكن ميلاداتهم
وبصراحة اللى انا شيفاه ان محور اهتمام الناس انصب على ان الناس دول صعيدة
والصعيدة دول ناس همج ومبيتفاهموش.... الى اخر الفكرة اللى الناس وخداها
يعنى بقى لب المشكلة دلوقتى انهم صعيدة ولو مكنوش صعيدة مكنوش هيعملوا كده
محدش مثلا قال ان رجال الشرطة عملوا كده علشان هم من القاهرة
رغم الكوارث الكتير اللى بتحصل وافظع من دى بالف مرة الا ان محدش بيتهم ببلد المجرم لمجرد انها بلده
يعنى محدش قال ممدوح اسماعيل ده عمل كذا علشان هو من محافظة .....
ولا حد اتكلم عن المتهم فى جريمة الطفلة هند وقال انه عمل كده علشان هو من .....
بجد حاجة غريبة مكنتش اتوقعها ابدا
ودى اكبر دليل على ان فى قضية اكبر وظلم اكبر لجزء مهم فى مصر
ويعتبر قلب مصر ومنبع حضارة مصر وموطن اعظم علماء وادباء مصر
لكن للاسف اتنسى واعلامنا العظيم بدوره حوله لنكت ومسلسلات الناس تضحك عليها وحاجة تجيب فلوس
انا مش بدافع عن الجناة هم طبعا مجرمين ويستاهلوا العقاب
لكن باقى الصعيدة ميستاهلوش العقاب

[انسان]

السلام عليكم
انا بصراحه دخلت لانه العنوان بتاع التوبيك شدنى لانى من الصاعيده الى ماليين بر مصر
الى مابيتفهموش الى البلطجه العادى بتاعنا مع اى حد وبصراحه
انا مش فاهم حاجه الموضوع عباره عن خبر اى انسان بيقراه فى اليوم مرات فى الجرايد
فى صفحه الحوادث او نشره الاخبار الساعه 9 وعشان ماابخلش على صاحب الموضوع
حقه شكرا ماندوز على موضوعك الجميل
بس انا عايز اعرف حاجه صغيره
انا كل الى شايفه بصراحه ان الردود متجهه للصعيدى المتزمت الظالم وكمان مش على الظلم
بتاعه لا على انه صعيدى يعنى مابيتفاهمش ولا بيفهم كل مشاكله بيحلها بالقوه والدراع
على العموم شكرا لصاحب الموضوع او نقول على الخبر
واحنا فى انتظار الحلقه الجايه واتمنى تكون الحلقه الاخيره

[تميم سامى]

البلد كله فوضه مادام كله بياكل والرشوه والوسطه هى الاساس على الدنيا السلام الله فى عون الضعيف مادام البلد ما بتحمي اللى القوى حسب الله ونعما الوكيل

[Muhamed]

ايه يا جماعه فى ايه

الموضوع قلب من حادثه بتحصل وبناقشها الى مشكله على كلمه صعيدى الموجوده فى العنوان


وبعدها ردود ليس على الحادثه اكثر مما كونها على الصعايده


هوا بس السؤل يعنى اللى طارح نفسه هوا الصعيدى ده

ملته ايه وبلده ايه

يعنى يكون ليه دين غير دينا مثلا

او يكون بلد غير البلد

الفكره يا جماعه لما حطيت لقب صعيدى لان الراجل دده معرفش حاجه عنه غير انه صعيدى

لا اعرف اسمه ولا وظيفته وان كنت اسمع كما هوا منتشر فى منطقه الحادثه عن الرجل ده بالتحديد او بعض من الصعايده الذين مشوا على درب واحد الى المال

المهم اننا نفهم ان مفيش حاجه للتعميم

مقدرش اقول ان الراجل ده مثال للصعايده

بالعكس

دا عار اساسا على كلمه صعيدى انه يعمل تصرف زى ده فى رمضان

ياريت ياجماعه منخرجش بره الموضوع ونخش فى كلام انا مش شايفله معنى او طائل


وعلى فكره يعنى وكلنا يعرف كده كل واحد فينا ليه جد من الصعيد فمحدش يعمم اى حاجه بعد كده:walkman:

[فجر الاسلام]

[QUOTE][ايه يا جماعه فى ايه

الموضوع قلب من حادثه بتحصل وبناقشها الى مشكله على كلمه صعيدى الموجوده فى العنوان


وبعدها ردود ليس على الحادثه اكثر مما كونها على الصعايده


هوا بس السؤل يعنى اللى طارح نفسه هوا الصعيدى ده

ملته ايه وبلده ايه

يعنى يكون ليه دين غير دينا مثلا

او يكون بلد غير البلد

الفكره يا جماعه لما حطيت لقب صعيدى لان الراجل دده معرفش حاجه عنه غير انه صعيدى

لا اعرف اسمه ولا وظيفته وان كنت اسمع كما هوا منتشر فى منطقه الحادثه عن الرجل ده بالتحديد او بعض من الصعايده الذين مشوا على درب واحد الى المال

المهم اننا نفهم ان مفيش حاجه للتعميم

مقدرش اقول ان الراجل ده مثال للصعايده

بالعكس

دا عار اساسا على كلمه صعيدى انه يعمل تصرف زى ده فى رمضان

ياريت ياجماعه منخرجش بره الموضوع ونخش فى كلام انا مش شايفله معنى او طائل


وعلى فكره يعنى وكلنا يعرف كده كل واحد فينا ليه جد من الصعيد فمحدش يعمم اى حاجه بعد كده:walkman:/QUOTE]

انا اؤيد راى ماندوز
ولو يا اميرة عاوزة تناقشى موضوعك ده ممكن تعملى موضوع فى منتدى الحوارات نناقش فيه موضوعك بس المهم يكون بدون زعل
وفى الخر الصعيدى ياه مصرى لو حد زعله اكنه زعل المصريين

[Muhamed]

انا اؤيد راى ماندوز
ولو يا اميرة عاوزة تناقشى موضوعك ده ممكن تعملى موضوع فى منتدى الحوارات نناقش فيه موضوعك بس المهم يكون بدون زعل
وفى الخر الصعيدى ياه مصرى لو حد زعله اكنه زعل المصريين

شوفتوا اهو حتى الاسكندرنيين بيفهموا اهو :bm:

طبعا الكل فهم قصدى من الجمله

ودى مثال واضح

هل لما انسب فجر او رامى للاسكندريه مثلا فلما اكلمهم يبقى الاسكندرانيه كلهم كدا

يعنى مهو معروف دوليا ومحليا ان الحجه اللى فوق دى ارهابيه

هل ينفع الناس تقول ان كل شعب اسكندريه ارهابيين

طب ازاى لما عندها اخ زى العسل وشريكى فى اداره مكافحه الارهاب



علشان تعرفوا ان الموضوع كله فاضى

كمان يا حاجه اميره وحاج انسان انتوا فى رمضان اهدوا شويه

ياله بدل ما اجرى ورا كل واحد فيكم بالنبوت (اما انتوا صعايده على حق:bm:)

وسمعنى اغنيه صعيدى يا بويا على حج صعيدى وبيجول الحج:18:

[WebCraker]

الموضوع مفهوش اى حاجه يا جماعة متوجهة بصفة خاصة للصعايدة زى ما وضح ماندوز , , ,
بس احتمال بعض قراء الموضوع فهموا غلط بس
وبعدين الصعيدى ده ايه ؟؟ مش مصرى برضوا ؟؟
طب انا منصوراوى ؟؟ طب مانا ايه ؟؟ مش مصرى برضوا
كلنا مصريين ,, وكفاية كلام عن الصعايدة كلنا اخوات خلو ماندوز يكمل اخر التطورات
والردود ياريت نتكلم فى الموضوع .. مش هنقلبها عنصرية أصل اجيبلكم مانديلا كلنا اخوات يعنى سواء اميرة او انسان او اى عضو تانى

[Muhamed]

الموضوع مفهوش اى حاجه يا جماعة متوجهة بصفة خاصة للصعايدة زى ما وضح ماندوز , , ,
بس احتمال بعض قراء الموضوع فهموا غلط بس
وبعدين الصعيدى ده ايه ؟؟ مش مصرى برضوا ؟؟
طب انا منصوراوى ؟؟ طب مانا ايه ؟؟ مش مصرى برضوا
كلنا مصريين ,, وكفاية كلام عن الصعايدة كلنا اخوات خلو ماندوز يكمل اخر التطورات
والردود ياريت نتكلم فى الموضوع .. مش هنقلبها عنصرية أصل اجيبلكم مانديلا كلنا اخوات يعنى سواء اميرة او انسان او اى عضو تانى


شوفتى يا اميره انتى وانسان

خليتوا بتوع المنصوره يتكلموا

يعنى الحوار كان بين ابناء القاهره والصعيده

ايه اللى دخل بتوع الدلتا فى الليله دى :039:


ها ايه رايكم بقه فى التقسيمه دى

صعايده وقاهريين ودلتاويه واسكندرانيه ولو موجود فى اسمعلاويه وبورسعيديه وكله كله

والى الحرب يا رجال :18:

[la princesse]

كلنا اخوات طبعا ومفيش زعل والموضوع مفيهوش اى تجاوز ولا غلط
لكن التجاوزات انا لقيتها فى بعض الردود وكنت لازم اعلق عليها
وعموما حصل خير واللى واخد فكرة غلط ادينا بنصلحهاله
رمضان كريم وكل سنة وانتو طيبين

[عبدالرحمن م]

قولوا ورايا
لأ ولأ ولأ ولأ
ايه الرخامة دى
ايه الغلاسة دى
حسبى الله ونعم الوكيل فى الظابط والصعايده والناس اللى ساكنين
فى الشقة كمان
ده احنا فى زمن العجايب
وعلى رأى بوحة (واللى هايتهور يتعور)
سلام احسن انا دمى فار
عبدالرحمن...