عمار يا مصر عدد مشتركى المحمول وصل ل 27 مليون (نقاش)

[Muhamed]

فى اخر احصائيه نشرها المركز القومى لشئون الاتصالات وجد ان الشعب المصرى(خمسه وخميسه فى عين العدوين ) عامل 27 مليون اشتراك فى شركات الموبايل

وعلى حسب الارقام المتاحه

كانت 13 مليون موبينيل

و12 مليون فودافون

والباقى اللى هما 2 مليون تقريبا على الشبكه الجديده اتصالات


طبعا لا تعليق منى على الخبر

بس هقلكم شويه ارقام

الشعب المصرى 70 مليون

وبالقسمه على 5 على ان متوسط عدد الاسره 5 افراد

اذن لدينا 14 مليون اسره

14 مليون اسره و27 مليون خط

بمتوسط 2 خط لكل اسره :18:

طبعا عارف انكم هتقولوا مهو بتلاقى اسر كلهم معايا موبايلات واسر مش معاها خالص واوقات اشخاص معاها اكتر من خط

كل ده صح

بس نسب صغيره

القاعده العامه لو اتطبقت هنلاقى زى ما الاحصائيه بتقول

ان لكل اسره فى مصر لها خطين موبايل

وخط ارضى وواحد :bm:

[انسان]

الحمد لله معنى كده ان البلد خرجت من بوتقه العالم التالت بالنسبه للاتصالات
يارب بقى تخرج منها بالنسبه للعيش والمياه
وكل سنه وانت طيب وعمار يامصر

[قمر الليالى]

يعنى يا ماندوووز انت مش كل واحد عندكم عندوا موبيل

على انى انا ابن كل يوم يقولى انا عاوز 73

ولسة مطلعش من البيضة عاوز اية بقة اكتر من كدة

[فجر الاسلام]

طول عمرك رائدة يا مصر

بس ياريت الحصائية تقولناكام واحد شايل الموبايل للمنظرة؟؟؟؟؟؟؟

وكمان ياريت تقول متوسط عدد الرنات الواردة والصادرة للفرد الواحد فى 24 ساعة:bm::bm:

[lewo nardo rewo]

انا عندي 4 خطوط اتصالات الامارات وواحد خط سوا السعودية وواحد فودافون مصر

كلامك صح

تسلم

[WebCraker]

عمار يا مصر ,,
انا عندى خط فودافون ,,
ابى معاه خط اتصالات ,,
اخويا معاه خط فودافون بس معاهوش موبايل ,,
وخط ارضى طبعا
ازيد من الاحصائية بخط
ده طبعا استثناء انا هروح ارمى الخط بتاعى عشان نبقى على الاحصائية
والله اللوقت انا بشوف ناس كتيرة شايله موبايل منظرة

[فجر الاسلام]

احنا بقه عندنا الخط الارضى
وعمو الطيب احسن عنده موبايل بخط موبينيل
وانا عندى خط موبينيل بتاع الخريجين من غير جهاز بس هيجى الجهاز قريبا انتظرونا:bm:

وبالرغم انى انا عندى الخط من غير جهاز وبالرغم من مميزات الخط الا انى بشحن زي عمو الطيب احسن بالظبط واحيانا بخلص الرصيد قبليه اصل بحط خطى فى جهازه

بس على فكرة موبينيل دى سوسه عرفت تلعبها صح ساعة لما عملت خط الخريجين بمميزاته
يعنى انا مثلا
مكنش فى دماغى الموبايل ده خاااااااااااالص حتى لما كانوا يقولولى هنجبلك واحد على الكلية مكنتش بهتم اوى واقول يجيبوا ميجيبوش مش مهم بس بعد الخط الهدية ده حطيت الموبايل فى دماغى وبتمنى ان هو يجى بسرعة
كمان انا ليا 2 اصحابة مكنش فى بالهم هم واهلهم مشروع الموبايل ده خالص وكانوا يقولا ملهوش لازمة بالنسبة لنا لكن اما جه خط الخريجين الهدية ده
مفيش شهر وكانوا جابوا موبايلات
حتى اللى كان فودافون ساب فودافون وشغال بالخط ده عشان مميزاته طبعا
بجد بجد موبينيل لعبتها بذكاااااااااااااااء
قدرت تخلى اللى مش فى دماغهم الموبايل يحطوه فى دماغهم واللى كانوا بيستخدموا خط تانى يسيبوه ويشتغلوا بالخط ده حتى لو لمده سنة
لان المميزات بتاعته اللى هم 100 رسالة كل شهر لمده سنة مجانا
والخط الوهات من غير خصم خمسة جنيه كل شحن لمده سنة
بجد سوسة سوسة

[3aShe2]

يا بنى هو المصريين فى حاجة بتقف معاهم

مهو كل واحد جايب الموبايل علشان المظاهر تلاقيه بيتكلم دقيقة كل 3 اشهر

وبيفتح على اصحابه وهمه بيرنوا

ولا ايه يا حبى

:010::bm:

[FREEDOM]

الحمد لله معانا الخط

:thumb:

ناقص بس الموبايل

:rolleyes:

:bm:وتبقى قشطة اوى:bm:

:045::022::045:

[!! GoldeN BoY !!]

شكرااااااااااااااااا ماندووز

[Muhamed]

طبعا انا لو عقبت على معظم ردودكم اللى بجد تثرى للنقاش هنام وانا بكتب الردود

فشكلى هرد على يوم الجمعه مثلا على كل واحد ووجهه نظره

بس مبدايا

فى ناس شكلها هتتقطع بالسواطير

فاهمنى يالى اسمك لونه ازرق:bm:

[Lost Angel]

طبعا عمار يا مصر
مصر كلها تقريبا معاها موبايلات والاطفال الصغيرين بقوا معاهم اكتر من الكبار واحدث حاجه

[3aShe2]

فاهمنى يالى اسمك لونه ازرق:bm:


نعمين ماله الى اسمه لونه ازرق

مهو قاعد محترم اهه

وبعدين الى على راسه...... بــ ........ .:walkman:

[نانيس]

عظيمة يا مصر .............يا ارض الوطن

[Muhamed]

قبل ما ابدا التعقيب احب احطلكم شويه معلومات

وهحطها واحده واحده علشان نتناقش فى كل واحده على حده


أكدت دراسة حديثة قام بها المركز القومي للاتصالات في مصر أن المصريين ينفقون186 مليون جنيه سنويا على نغمات الموبايل

ولو قلنا النغمه ب 50 قرش بالنسبه للاجهزه القديمه لان الحديثه ببلاش

المهم لو قلنا النغمه ب 50 قرش

يعنى الشعب المصرى بسم الله ما شاء الله بينقلوا لبعض
372 مليون نغمه

بالقسمه على عدد المشتركين

يعنى المشترك الواحد بيبعت 14 نغمه :bm:



احصائيه اخرى وجدتها اعرفكم بها :011:

صافى أرباح شركة موبينيل عام 2005 هو 1397 مليونا حوالى مليار ونصف بينما بلغت أرباح فودافون 1233 مليونا حوالى مليار وربع وذلك من واقع ميزانيات الشركات المعلنة فى الصحف المصرية.

[WebCraker]

على بركة الله ,,,,

انت يا كابتن انت وياه ياللى اسمك ازرق وياللى اسمك بمبى انتوا هتتخانقوا ادامى ولا ايه ؟؟ انا عاوز الدم للركب ولو حد احتاج سكينة ولا منجل ولا اى آله حادة يكش يكون موس حتى انا موجود

ومن واقع الاحصائيات انا بدعو كل من لديه مبلغ شايلة لوقت زنقة يساهم بيه معانا فى المنتدى
عشان هنعمل شركة موبايل وهنولع الدنيا وهننزل اسعار احسن من مودافون ونوبونيل واتسالاط
ياللا ياولاد كله يجيب المبالغ الضخمة انا اللى هلم :)

[Muhamed]

ياللا ياولاد كله يجيب المبالغ الضخمة انا اللى هلم

عيب يا باشا انته تلم وانا موجود

ميصحش حتى


ياله يا جماعه فكره كراكر مطروحه فعلا

بس الاختلاف انكم هتدونى انا الفلوس وبالتبعيه هبقى ابعتهاله(فى المشمش:bm:)


ومتخفوش لا هاخدها واهرب

او متلاقنويش تانى يوم الصبح

انتوا عارفينى اكيد وعارفين اخلاقى كويس انا مش وش ذلك:walkman:

[فجر الاسلام]

على بركة الله ,,,,

انت يا كابتن انت وياه ياللى اسمك ازرق وياللى اسمك بمبى انتوا هتتخانقوا ادامى ولا ايه ؟؟ انا عاوز الدم للركب ولو حد احتاج سكينة ولا منجل ولا اى آله حادة يكش يكون موس حتى انا موجود

ومن واقع الاحصائيات انا بدعو كل من لديه مبلغ شايلة لوقت زنقة يساهم بيه معانا فى المنتدى
عشان هنعمل شركة موبايل وهنولع الدنيا وهننزل اسعار احسن من مودافون ونوبونيل واتسالاط
ياللا ياولاد كله يجيب المبالغ الضخمة انا اللى هلم :)


ياله يا جماعه فكره كراكر مطروحه فعلا

بس الاختلاف انكم هتدونى انا الفلوس وبالتبعيه هبقى ابعتهاله(فى المشمش:bm:)


ومتخفوش لا هاخدها واهرب

او متلاقنويش تانى يوم الصبح

انتوا عارفينى اكيد وعارفين اخلاقى كويس انا مش وش ذلك:walkman:


اكبر شركتين للنصب
الناس دى عندها حسابات فى بنوك سويسرا بيهربوا فيها فلوس الشعب الغلبان





أكدت دراسة حديثة قام بها المركز القومي للاتصالات في مصر أن المصريين ينفقون186 مليون جنيه سنويا على نغمات الموبايل

ولو قلنا النغمه ب 50 قرش بالنسبه للاجهزه القديمه لان الحديثه ببلاش

المهم لو قلنا النغمه ب 50 قرش

يعنى الشعب المصرى بسم الله ما شاء الله بينقلوا لبعض
372 مليون نغمه

بالقسمه على عدد المشتركين

يعنى المشترك الواحد بيبعت 14 نغمه :bm:



احصائيه اخرى وجدتها اعرفكم بها :011:

صافى أرباح شركة موبينيل عام 2005 هو 1397 مليونا حوالى مليار ونصف بينما بلغت أرباح فودافون 1233 مليونا حوالى مليار وربع وذلك من واقع ميزانيات الشركات المعلنة فى الصحف المصرية.

ايوووووووووووووووووووووووووووووووووه كل ده على النغمات بس

وشاطرين يرفعوا صوتهم ويصوتوا ويقولوا الخضار غلى فى السوق والدقيق غلى

بجد دى حاجة تزعل لما الفلوس دى تتصرف على الحاجات دى وفى ناس تانية لاحول لها ولا قوة الا بالله

يلا يا ماندوز اصدمنا واتحفنا بباقى اخيار الموبايلات


يا حبيبتى يا مصر

[vip]

والله ربنا يسطر الموبيل خرب بيتى

فلوس الشعب اساسا بقت فى الموبيلات

ورصيد لخطوط الله اعلم لسه هيبان ايه ولا ايه