وداعا رمضان ...وداعا ياشهر الخيرات ......!!!!

[onlyme__onlyu]

السلام عليكم ورحمة الله وبركاته


الحمد لله والصلاه والسلام على رسول الله

اللهم صلى وسلم وزد وبارك عليه وعلى آله وصحبه ومن تبعه باحسان إلى يوم الدين

ااااااااااااااااااااه خايف اكلم معاكم أكيد بتقرأ الموضوع وإنت متضايق.....


بس والله مش أكتر منى .....


اااااااااااااه مش عارف اقولك ايه ؟


خلاص هكذا حال الأيام هكذا الحياة تنقضى أياما بعد أيام


وداعا رمضان

وداعا رمضان

خلاص رمضان حيمشى


ياراجل احنا النهارده لسه 4 رمضان ...!!!!

هو احنا لحقنا ؟؟

إخوانى الكرام ما الذى نفعله فى أنفسنا ؟

أول يوم فى رمضان فى صلاة الفجر


دخلت المسجد وحسيت إنى بحلم وإنى لسه على السرير

ما هذا أهذا مسجدنا...!! أهذه صلاة الفجر...!! أم هى صلاة الجمعة ؟؟

الله أكبر ما هذا العدد من المسلمين !!!

الله أكبر نحن حقا فى صلاة الفجر ...


فى اليوم الثانى اعتدت المشهد

الله أكبر عدد جميل عدد كبير

ولكنى استقيظت فى اليوم الثالث من الحلم الجميل القصير

دخلت المسجد ورأيت الفاجعة

ما هذا !!! لماذا العدد قليل ؟؟

أين الباقى ؟؟

حسيت فعلا إن رمضان انقضى ولا حول ولا قوه الا بالله

فقررت ان أرفع شعار وداعا رمضان


ولكن الحقيقه كنت لا أريد أن أتحدث واقول أن السبب هو رمضان فلا نكون من عباد الشهر ولكن......


السؤال المهم هنا ؟

إنت أيوه إنت إنت من أى نوع من الناس ؟

هل انت السبب فى توديع رمضان مبكرا ؟

اين انت..؟؟ هل صليت الفجر اليوم فى المسجد مثل أمس وأول أمس وأول أول أمس ......؟؟

عجبا لك أخى المسلم ألا يؤثر فيك صوت المؤذن ؟ !


ألا يؤثر فيك الله أكبر الله أكبر


ألا تؤثر فيك أشهد أن لا إله إلا الله


ألا تؤثر فيك أشهد ان محمد رسول الله


ألا تبكى عندما تسمع حى على الصلاة

من الذى يناديك ؟؟

إنه ربك

الشاهد هنا عباد الله أن نكون عباد ربانين

يا أخى لا تكون أنت السبب فى توديع رمضان مبكرا

ولكنه للأسف سوف ينتهى فى يوم من الأيام وسنحرم من خيرات هذا الشهر وفضائله


اسأل نفسك ؟؟

هل قضيت ما عليك من الواجبات ؟؟

هل أتممت حفظ أو قراءة المستوى اليومى الذى اخترته ؟

أم كانت حماسة زائلة لدخول رمضان والعياذ بالله ؟

أخى بالله عليك كن على مستوى المسئولية التى منحك الله إياها ...

اللهم تقبل منا صالح الأعمال واجعلنا من عتقائك من النار ومن المقبولين الفائزين ....

آمين.....آمين .....آمين

الرابط لايظهر فى الأرشيف
__________________

[ايناس]

موضوع في متنهي الروعه والجمال جزاك الله كل خير كلامك فعلا بحس بيه الكل في الاول بيبقي

فرحان وهصلي وهروح الجامع وهخلص القران وهختمه مش عارفه كام مرة والكلام دا كله يعدي

اول يومين او اولاسبوع تلاقي الهمه انعدمت مش نقصت لا انعدمت وتلاقي كل واحد رجع تاني للي

بيعمله ومش فارقه معاه رمضان ولا الشهر الكريم مش عارفه دا من ايه بالظبط يمكن من كتر اللي

بيجي في التليفزيون يعني المساسلات والبرامج اللي مالهاش دعوة برمضان خالص يعني مفيش توعيه

او اي حاجه تشجع الشباب دا انه فعلا يقضي رمضان ويحاول يستفاد من الشهر الكريم

يمكن الانسان ميكونش محتاج حاجه انه يقرب من ربنا غير عزيمته وبس بس الشباب الايام دي

محتاجين كل ايد تشدهم للطريق الصح

واتمني يارب ان الكل يفوق قبل فوات الاوان

شكرااحمد علي موضوعك

[FREEDOM]

اول يومين او اولاسبوع تلاقي الهمه انعدمت مش نقصت لا انعدمت وتلاقي كل واحد رجع تاني للي

بيعمله ومش فارقه معاه رمضان ولا الشهر الكريم


دا لان مفيش ايد تساعده على طاعة ربنا لو كل واحد فينا

عايز يصوم رمضان صوما صحيحا يشوف له صديق او اخ

يعينوا بعض على طاعة ربنا لان لو انت لوحدك بس عايز تطيع ربنا

مش هتقدر لان نفسك ممكن تتغلب عليك لكن لو معاك حد يعينك على الطاعة

ويعرفك اية ويعرفك انت صح فى اية وغلط فى اية حاول تجرب وقلى اية النتيجة

[نانيس]

فعلا والله اونلى يعنى مثلا فى اول يوم كان فى اقبالك جامد جدا من الناس على الصلاة بس على فكرة والله فى ناس كتير اوى عاوزة تصلح بس لو مشيت فى الطريق الكويس بس زى مانت قولت بالظبط اما جه بعد اول يوم لقينا الناس فى تناقص مستمر وطبعا الشيطان تغلب عليهم زى ماقال فى قول الله تعالى (( قال فبعزتك لاغوينهم اجمعين .. الا عبادك منهم المخلصين))
كمان الاعلام والمسلسلات اللى عاملينها طيب قوللى ازاى حد هيروح يصلى وجايبينلهم 14 مسلسل على قناة واحدة ازاى دول هيعبدوا ربنا كدا مش هيبقى فى وقت للعبادة يعنى لو اتفرجو على حلقة واحدة بس هيحتاجو انهم يكملو الباقى لذلك انا بصراحة قررت انى متفرجش على التىفى فى رمضان خالص وربنا يثبتنى ويثبت الجميع لان رمضان شهر من افضل الشهور فيه تتضاعف الحسنات وتمحو السيئات فلابد وكل انسان ان يبادر بالتوبة فهو شهر تفتح فيهابواب الجنة وتغلق فيه ابواب النار
اللهم بارك لنا فى رمضان وارزقنا فيه الاخلاص وتقبل منا صيامنا واهدى جميع المسلمين

تحياتى ليك اونلى على مواضيعك الجميلة وجزاك الله خيــــــــــــ راَ

[Lost Angel]

موضوعك جميل جدا بصراحه وانت اختارت نقطه مهمه اوي كلنا بنلاحظها في رمضان فعلا اول 3ايام في رمضان ماشاء الله تلاقي اعداد كبيرة في المساجد اوقات الصلاة وبعد كده متعرفش بيروحوا فين لحد لما خلاص رمضان بيروح منهم من غير مايحسوا بحلاوة الايمان فيه ويتقربوا فيه من ربنا ويتوبوا ويرجعوا يفوقو في الاخر لو البعض القليل ادرك ان رمضان خلاص انتهي في اخر 3او4 ايام تلاقي المسجد بيرجع زي اوي يومين في رمضان طب وليه ربنا يهدينا جميعا طبعا بس ليه مننتهزش فرصة رمضان ونستغلها في زيادة حسناتنا وعمل الخير ورمضان مبيجيش كل شهر هو مرة واحده في السنه والمسلسلات والبرامج الهابطه اللي بيذيعوها في رمضان عشان يبطلو صيامنا بيه بتتعاد في السنه مليون مرة ربنا يتوب علينا جميعا اميييييييين
جزاك الله خيرا علي موضوعك الرائع

[onlyme__onlyu]

الرابط لايظهر فى الأرشيف