يركب الاتوبيس ولا يشرب العصير

[فجر الاسلام]

صعيدي او شرقاوي كان معاه ربع جنيه‎ مره..

ففكر يعمل بيه إيه‎..

يشرب عصير قصب و لا يركب الأتوبيس فقال‎ :

أنا لو ركبت الأتوبيس هيبقي في حل من إثنين‎:

يإما هقف أو هقعد‎

لو وقفت مش هيبقي في أي مشكلة‎

لكن لو قعدت هيبقي في حل من إثنين‎:

يإما هيقعد جنبي راجل أو تقعد جمبي ست‎

أنا لوقعدت بجانب راجل مفيش مشكلة‎

لكن لو قعدت بجانب ست هيبقي فيحل من إثنين‎:

لإما هنعجب ببعض يإما مش هنعجب ببعض‎

لو مأعجبناش ببعض مفيش مشكلة‎

لكن لو أعجبنا ببعض هيبقي في حل من إثنين‎:

يإما هنتجوز يأما مش هنتجوز‎

لو مإتجوزناش مفيش مشكلة‎

لكن لو إتجوزنا هيبقي في حل من إثنين‎:

يإما هنخلف يأما مش هنخلف‎

لو مخلفناش مفيش مشكلة‎

لكن لو خلفنا هيبقي في حل من إثنين‎ :

يإما هنخلف ولد أو بنت‎

لو خلفنا بنت مفيش مشكلة‎

لكن لو خلفنا ولد هيبقي في حل من إثنين‎:

يإما هيستقيم أو هينحرف‎

لو إستقام مفيش مشكلة‎

لكن لو إنحرف هيبقي في حل من إثنين‎:

يإما يدمن أو مش هيدمن‎

لو مأدمنش مفيش مشكلة‎

لكن لو أدمن هيبقي في حل من إثنين‎:

يإما هيبقي معاه
فلوس أو معهوش‎

لو كان معاه فلوس مفيش مشكلة‎

لكن لو كان عايز فلوس هيبقي في حل من إثنين‎:

يإما هيسرقني أو هيقتلني‎

لو سرقني مفيش مشكلة لكن لو قتلني‎ ..

... يقتلني ؟؟‎!!!!!!!!!

لا ياعم أنا أشرب عصير قصب

[قمر الليالى]

ههههههههههههههههههه

ما كان من الاول يا فجر

ولا لازم الدوخة دة كلها

[totaaaa]

ههههههههههههههههههه

جميله قوووي يا فجر بس ليه كل ده

وبعدين اصلا الأتوبيس حاليا 50 قرش وقليل لما يكون في اتوبيس 25 قرش
وبعدين برده عصير القصب غالي بقي 50 قرش الصغير والكبير 75 قرش
يبقي الحل التالته للتوبيس والعصير هو انه يموت احسن ما هو عامل في نفسه كده
هههههههههههههه

شكرا يا فجر لمجهودك ده

[ايناس]

هههههههههههههههههههه

بجد تحفه جدا جدا جدا الراجل يعيني عشان يختار حاجه من الاتنين طير برجين من مخه ربنا يكون في عونه