دار إفتاء تيفا

[محمد إبراهيم]

بسم الله الرحمن الرحيم



السلام عليكم ورحمة الله وبركاته



هذه الفكره أوحت إليا بها الكاتبه المتألقه المتميزه
فجر الإسلام



فى موضوعها



تحذير هام قبل ان تشترك فى المنتدى الاسلامى



فى هذا الرابط



الرابط لايظهر فى الأرشيف



قلت أجيبهالكم ع طوول



قبل ما أنسى





يلا الفكرة وما هيا الا دار افتاء شبكة تيفا



هذه الدار تتكون من جماعه من عدد من الافراد



يحدد بعد ذلك ويكون لها رئيس ونائب رئيس



ماشي



وهيكون الاعضاء ع تواصل سواء بالبريد بالرسايل مش مهمه

فى حين صدور فتى هيتم مناقشتها



من كتاب الله ومن سنة نبيه كما فعلت المتألقه



la princesse



فى نفس الموضوع





وهذه الدار لا تفتي الا بكتاب الله او سنة نبيه صلى الله عليه وسلم





ولو عجبتكم الفكرة هنطلب من أستاذ ويب كراكرإنشاء قسم تبع الإسلامي إسمه دار إفتاء شبكة تيفا لمتابعة أخبار الدار وما توصلت اليه .... قلتم ايه؟؟؟



م
ح
م
د

إ
ب
ر
ا
هـ
يـ
م

[فجر الاسلام]

الحقيقة يا محمد انا اختلف معاك فى هذا الراى تماما
و ارجو ان تتفهموا وجهه نظرى
بص يا محمد اللى بيصدر الفتوى المفروض يكون فقيه وعالم دارس هذا العلم بتعمق شديد
واللى يجادله فى تلك الفتوى ويناقشه فى مدى صحتها او خطاها لازم يكون عالم زيه وفقيه ومتعمق فى هذا العلم

يعنى مينفعش انت مثلا اخوك تعبان والدكتور كتبله دواء تقوم انت تروح تقله لا الدواء اللى انت كتبته ده غلط مش صح انت دكتور مبتفهمش ساعتها الدكتور هيقولك طيب ايه الدليل عندك ان الدواء اللى انا كتبته لاخوك غلط ساعتها هتسكت ومش هتعرف تقول حاجة او ممكن تقول حاجة غلط

لكن لو دكتور قال لدكتور انت كاتب دواء غلط راح الدكتور التانى قاله ايه دليلك ياعتها ممكن يقوله المركب فلانى اللى فى الدواء ليه اعراض جانبية لانه هذا المركب متكون من مركبين بيتحدوا ويعملوا كذا فممكن الدكتور اللى كتب الدواء يقوله بس الدواء ده فى مركب كذا بيقاوم المركب اللى انت بتقول عليه وبيسبب اعراض جانبية يرفضها جسم المريض وهكذااااااااا

وبرضه انت مينفعش تروح لمهندس بيصمم عمارة وتقوله المسقط او العمود اللى انت عامله ده غلط انت هتوقع العمارة هيقولك طيب قولى ليه هو غلط ممكن تسكت وممكن تقول كلام تبع الهندسة بس غلط ليه لانك مش دارس هذا العلم
لاكن لو مهندس من نفس التخصص قال للمهندس ده فى غلط عندك فى الرسم هيقوله ليه هيجاوب يقوله المفروض المسقط ده يجى بزاوية معينة عشان الارض فيها ميل وهكذاااااااا

تصور ده بالنسبة للطب والصيدلة وغيرها من العلوم الدنيوية فما بالك بعلم دينى زى علم الفتوى

يعنى انت عشان تقدر تناقش فى علم الفتوى لازم تكون دارس هذا العلم واسسه ومتعمق فيه وعارف كل تفاسير القران وعارف كتب الاحاديث واكيد عارف بعلوم اخرى

فى حديث عن الرسول صلى الله عليه وسلم الحقيقة لم اتذكر نصه بس انا فاكرة تفسيره وانا بدور عليه عشان اجيب نصه بس هقولكم تفسيره ان الذى يفتى بدون علم حتى لو كانت فتوته تلك صحيحه فهو فى النار

المفروض عالم فتوى يناقش عالم فتوى وفى الاخر الاتنين يصلوا لحل ولو موصلوش انت عليك ان تاخذ بفتوى احداهما عشان كده انا وضعت تلك الشروط

لو فى حد هنا فى المنتدى على دراية كاملة بهذا العلم يتفضل هو اللى يقود فكرتك بس لازم قبل كل ده يورينا شهاداته اللى تثبت ان هو فعلا دارس بتعمق واعتقد ان هذا الشخص مش موجود فى المنتدى والله اعلم

لو الادارة نفذت تلك الفكرة انا اسفة مش هقدر اللى انا اشترك فيها

[WebCraker]

اؤيد تماما رأى الاخت فجر ,,,
ممكن تصيغ الموضوع تانى يا محمد وليكن مثلا ان دار الافتاء دى تعتمد على علماء ومشايخ آخرين خارج المنتدى يقوم كل من مشرفين القسم او إدارة الدار كما قلت بنقل التساؤلات إليهم ومن ثم طرح الاجوبة هنا مرة اخرى ولكن لا تعتمد على النقاش كما قلت وكما اوضحت فجر بارك الله فيها وفيك وبارك بكم
شكرا

[فجر الاسلام]

اؤيد تماما رأى الاخت فجر ,,,
ممكن تصيغ الموضوع تانى يا محمد وليكن مثلا ان دار الافتاء دى تعتمد على علماء ومشايخ آخرين خارج المنتدى يقوم كل من مشرفين القسم او إدارة الدار كما قلت بنقل التساؤلات إليهم ومن ثم طرح الاجوبة هنا مرة اخرى ولكن لا تعتمد على النقاش كما قلت وكما اوضحت فجر بارك الله فيها وفيك وبارك بكم

شكرا يا ويب كراكر وفكرتك وسط وحل وسط
بس المهم لو حد من الاعضاء عرض تساؤلاته وتم الرد عليها ان يكون الرد ده يحمل نفس شروط تحذير قبل ان تشترك فى المنتدى الاسلامى
و على فكرة فى مواقع بتكون لشيوخ معينة بيكون المتسائل يكتب سؤاله ويجيله الرد على الموقع وانا بنصح الكل ان لازم اما العالم او الشيخ ده يرد عليك يكون جايب دليل قوى من القران والسنة
وعلى الناقل ان يذكر اسم الشيخ واسم الموقع ويستحب ان يكون نقله من موقع العالم نفسه مش من على اى موقع تانى
لو على فكرة محمد اللى صاغها كراكر انا موافقة

[la princesse]

بصراحة مفيش كلام بعد اللى قالته فجر وويب كراكر
بس كل اللى ممكن نعمله اننا ننقل فتاوى من مشايخ الازهر
او نصحح معلومات خاطئة
او ننوه عن حاجات انتشرت ليست من الدين ولا السنة النبوية المطهرة
وطبعا كل ده لازم يكون بدليل
واللى عايز يجتهد ويدور بنفسه فى حاجات زى دى لازم يكون متابع كتب الفقه وكبار العلماء

[محمد إبراهيم]

بسم الله الرحمن الرحيم

إخواني أخواتي فى الله أنا كنت متوقع حاجة زي كده .... وعشان كده وردت حته فى موضوعي كررتها مرتين

وهذه الدار لا تفتي الا بكتاب الله او سنة نبيه صلى الله عليه وسلم


جميل احنا مش هنفتي

احنا كل اللي هنعمله هوا ان احنا هنجيب مناطق من كتاب الله ومن سنة الرسول ونقول بيها يعني احنا مش هنفتي

احنا هنجيب من كتاب الله

أو السنة

ده قصدي وعاوز اشوف ردكم

[la princesse]

على فكرة يا محمد انا كنت فاهمة قصدك من الاول
انت كنت تقصد اننا نجتهد ونبحث بردو ونستعمل العقول اللى ربنا اداهالنا
ماشى انا معاك فى كل ده بس هيبقى بحدود وفى موضوعات معينة مش فى جوهر العقيدة
لكن فى حاجات مينفعش حد يتكلم فيها الا اللى يكون دارسها
وفى حاجات ممكن احنا نفسنا نفهمها غلط وننقلها للناس غلط
لكن العلماء دارسين كل ده وفاهمين كويس
ومفيش مانع انى اقول رايي واجتهادى الشخصي
بس يكون مبنى على القران والسنة وعلى كلام الفقهاء والدارسين
وهيبقى فى الاول والاخر راى مش مرجع او فتوى

[محمد إبراهيم]

زي ما انتم عايزين