كل حاجه عن التنسيق الألكترونى بالتفصيل مهم جدا

[Sir.7amato]

:039:التنسيق الإلكترونى .... بالتفصيل:039:
الجزء الاول من الاسئله

س: هل سيكون هناك أوراق أسحبها أو أقدمها من مكتب التنسيق؟

ج : لا ... فالتنسيق سيكون كاملا من خلال الانترنت
--------------------------------------------------
س: هل هناك موقع للتنسيق؟

ج : نعم ... الرابط لايظهر فى الأرشيف (الرابط لايظهر فى الأرشيف)
------------------------------------------------------
س: هل هناك وقت محدد للتسجيل على الموقع ؟

ج : نعم ... سيكون من الساعة التاسعة صباحا وحتى الساعة الواحدة بعد منتصف الليل ( فقط )
----------------------------------------------------
س : وإذا واجهتنى مشكلة أثناء التسجيل على الموقع ماذا أفعل ؟

ج : هناك رقم تليفون وهو 19468 وتم تخصيص خمسون شخصا مجهزون للرد على أى مشكلة تواجهك
---------------------------------------------------------
س : هل هناك أماكن مخصصة للتسجيل يمكن أستخدامها ؟ أم من أى مكان ؟

ج : هناك معامل الكمبيوتر فى الجامعات سيتم فتحها للطلاب بجانب نوادى التكنولوجيا على مستوى الجمهورية والتى سيتم الأعلان عنها هذا بالأضافة الى من يمتلك جهاز فى بيته أو عند أحد معارفه كما يمكن أستخدام أجهزة السيبر
------------------------------------------------------
س: متى ستبدأ عملية التسجيل ؟

ج : ستبدأ بمجرد أعلان وزير التعليم العالى البدأ فى قبول أى من المراحل الثلاث
-----------------------------------------------------
س: كم من الوقت سيكون متاح لكل مرحلة للتسجيل ؟

ج : من المقرر هذا العام أن تكون أربعة عشر يوما لكل مرحلة ... وسيتم تقسيم طلبة كل مرحلة الى فئات حسب الدرجات ولكل فئة يوم لتسجيلها ... فعلى سبيل المثال :-
طلبة المرحلة الأولى عندما يبدأ موعد تسجيلهم لن يبدأوا فى نفس اليوم ولكن سيتم الأعلان عن تقسيم طلبة المرحلة الأولى الى فئات حسب درجاتهم ولكل فئة يوم للتسجيل .. ثم يتم أعلان النتيجة " بشكل مبدئى "
----------------------------------------------------
س: طب وأذا واحد فاته اليوم المخصص له ؟

ج : سيكون هناك يومان لكل الطلبة اللذين فاتهم التسجيل فى الأيام المحددة لهم
------------------------------------------------------
س: طب ولو فيه واحد عايز يعدل رغباته بعد أعلان النتيجة المبدئية ؟

ج : سيكون هناك يومان لتعديل الرغبات قبل أعلانها النهائى
------------------------------------------------------
س: طيب وهعرف أذاى الكلية التى تم ترشيحى لها ؟

ج : لو أنت أثناء التسجيل وضعت رقم تليفون محمول ستأتى لك رسالة بأسم الكلية ..بالأضافة الى رسالة على البريد الألكترونى أذا كنت تمتلك واحد .. بالأضافة الى بطاقة الترشيح المعروفة التى تصلك بالبريد العادى على البيت
----------------------------------------------------
س: طيب أفرض واحد من المرحلة الأولى .. فاته التسجيل لأى سبب .. فما العمل ؟

ج : عند البدأ فى التسجيل لطلبة المرحلة الثانية .. سيدخل على الموقع وبمجرد كتابته الكود السرى الخاص به .. سيتم التعرف عليه على أنه طالب من المرحلة الأولى وسيتم أعطائه نفس أختيارت ورغبات طلبة المرحلة الأولى دون تعديل
-----------------------------------------------------------
س: بس ممكن تكون الكليات قد امتلئت ؟

ج : هناك نسبة تضعها كل كلية لهذه الحالات .. ولذلك فما مفيش مشكلة أن شاء الله
-------------------------------------------------------
س : وكم رغبة ستكون متاحة لى ؟

ج : عدد الرغبات سيكون 48 رغبة مقسمين الى ثلاث مجموعات ويجب أختيار الـ 48 رغبة جميعا
---------------------------------------------------------
س: لو أخطئت أثناء التسجيل كيف أعرف ؟

ج : اولا برنامج التسجيل سيخبرك بنوع الخطئ ف خانة الملاحظات .. كما أنه لن يقبل التسجيل إلا بعد زوال الخطأ
----------------------------------------------------
س: هل لديك أقوال أخرى ؟

ج نعم ... أى أستفسار نسيته أنا تحت أمركم

مع خالص امنياتى بالنجاح للجميع
MR: 7amato

:thumb: الجزء الثانى من الاسئله :thumb:

س : هل هناك أى رسوم أو مبالغ مطلوبة للتسجيل سواء على أجهزة الجامعات أو نوادى التكنولوجيا ؟

ج : لا ... أستخدامك للجهزة فى أى مكان من الأماكن التى سيتم الأعلان عنها بالمجان
-----------------------------------------------------
س : ما المعلومات المطلوبة منى لبدأ التسجيل ؟

ج : ستيتطلب منك بدا التسجيل ثلاث أشياء

الأول الكود السرى الذى سيرسل لك مع بيان النجاح

الثانى رقم الجلوس

الثالث كتابة كود سيظهر فى الموقع بشكل عشوائى على هيئة صورة فقط لضمان أن من يجلس أمام الموقع شخص بالغ
--------------------------------------------------
س : وهل فى كل وقت ادخل على الموقع لرؤيت نتيجة التنسيق سيطلب منى الثلاث أشياء السابقة؟

ج : لا ... هذه الثلاث أشياء فقط عند التسجيل و التعديل ولكن لرؤية النتيجة لن يطلب منك سوى رقم الجلوس فقط
----------------------------------------------------
س : وبعد أن تصلنى بطاقة الترشيح للمنزل ... ماذا بعد ؟

ج : عليك بتجهيز الأوراق المطلوبة وهى أستمارة النجاح وشهادة الميلاد وأستمارة 2 جند للزكور وتذهب بالملف للكلية التى تم ترشيحك لها
------------------------------------------------------
س : هل هذا النظام لكل انواع الثانوية مثل الامريكان دبلومة واى جى والطلبة العائدون من الخارج ؟

ج : لا ... هذا النظام فقط للطلبة المصرين الحاصلين على الثانوية العامة العادية من مصر ... أما الأخرين فيسقدموا أوراقهم فى مكتب التنسيق الذى سيعلن عنه
----------------------------------------------------------
س : ذكرت أنه يمكن التسجيل على الموقع من التاسعة صباحا حتى الواحدة بعد منتصف الليل .. يعنى أملى الرغبات واختار وأعدل براحتى

ج : نعم ... ولكن فى خلال أربعون دقيقة لابد ان تنتهى عملية التسجيل .. فمجرد دخولك سيتم التعرف عليك وعلى بيانات المسجلة لدى الموقع ولكن أذا طالت مدة أختيار الرغبات عن أربعون دقيقة ستحتاج لإعادة تسجيل الدخول و تسجيل الرغبات من جديد
-----------------------------------------------------------
س : عندك حاجة تانى تقولها
لا كفايه كده زمانكو زهقتو منى بس يارب اكون قدرت اجمع كل المعلومات فى الاسئله دى

[WebCraker]

تمااااااااام والله الموضوع ... جزيل الشكر بارك الله فيك وفى امثالك يا استاذ حماتُّو

[Sir.7amato]

لو حد محتاج اى حاجه يقولى عليها وانا اقولها ان شاء الله

[MafiawwY]

معلومات جميله جدا والله يا حماتُّو ........... الف الف شكر وشكراً لتواجدك فى الموضوع للمساعده

[فجر الاسلام]

انا كنت عاوزة اوضح ان اللى هم عندهم نت فى الكومبيوتر بتاعهم الشخصى له ان هو يسجل فى اى وقت خلال الفترة المتاحة للتنسيق ومش لازم يتبع نظام الشرائح وممكن يعدل رغباته فى اى وقت

ج : هناك رقم تليفون وهو 19468 وتم تخصيص خمسون شخصا مجهزون للرد على أى مشكلة تواجهك

رقم التليفون ده انا اتصلت عليه قبل بداية التنسيق عشان مكنش عندى رقم سرى
واحد رد عليا وقال لى ان اروح على اقرب مكتب تنسيق واخد معايا شهادة النجاح والبطاقة عشان اجيب الرقم السرى
رحت كلية التجارة لقيت واحد عقد لى الدنيا وكنت عاوزه اضربه :039::039: قال لى روحى لمديرة المدرسة تتصل بالكنترول فى مصر تجبلك الرقم السرى واللى يقول لك غير كده غلط( حتى لو حبوا يطبقوا التكنولوجيا فى حكومتنا هيظهر لك واحد من اللى يعد يدوخك ويتعب اعصابك) بعد كده حاولت اتصل بالرقم ده من موبايل رامى واتصلت بالبيت يتصلوا به النمرة مشغووووووووولة حتى لما جت اشتغلت الست بتاعة الكومبيوتر كل شوية تشغل موسيقى وتقول من فضلك رجاء الانتظار وفضلنا منتظرين اكثر من نص ساعة ومفيش حد رد علينا ( فين الخمسين موظف)
المهم انا مش هطول عليكم فى التفاصيل انا بس هجبلكم الاجزاء اللى بتدل على الظلم
المهم روحت البيت واما والدى جه قالى يلا ننزلوا نروحوا المجمع بسرعة عشان نلحقهم رحنا كلية التربية وصلنا هناك الساعة 8 كانوا الموظفين مشيوا :011::011::011::011:
يعنى مشيوا قبل الميعاد المخصص لهم بساعة :017::017:
والله انا ليا الجنة والنهاردة اهو هروح اباتلهم على باب كلية التربية عشان الرقم السرى ويارب نلاقى اللى يساعدنا
على فكرة اننا قلتلكم جزء من الموضوع اللى هو بيوضح سلوكيات الحكومة اما الجزء اللى بيوضح سلوك الانسان المصرى لم اقوله ب يكفى اللى انا والطيب احسن فضلنا ماشيين اربع ساعات فى الشمس والى الان انا بدون رقم سرى

[Sir.7amato]

يا فجر والله انا مش عارف اقولك ايه بس الكلام الى انا جايبه ده مش من دماغى ده من موقع التنسيق نفسه وكلام اكيد بس انت المفروض بيجيلك ورقه فيها بطاقه الترشيح ودى بيكون فيها الرقم السرى ورقم الجلوس ده الى انا اعرقه ولو مكنش جالك بقى تروحى مكتب التنسيق فى الفاهره وتعملى كل الى انت عاوزاه وتسيبك من الكلام الفاضى ده وربنا يعينك ويوفقك يارب وتدخلى الكليه الى انت عاوزاها انت والطيب احسن والله انا نفسى اساعدك بس مش عارف اعمل ايه وعلى العموم انا معاكى للنهايه لحد متخلصى كل ورقك ان شاء الله ومش عاوزك تقلقى وانا والله من نحيتى هشوفلك الموضوع ده وهسال حد مختص علشان متلفيش كتير وهرد عليكى فى اسرع وقت ولو انت عاملتى اى حاجه بلغينى علطول علشان اعرف واطمن وربنا يستر ان شاء الله وكله يبقى تمام وهتقدمى فى الكليه الى انت عاوزاها ان شاء الله

[فجر الاسلام]

يا فجر والله انا مش عارف اقولك ايه بس الكلام الى انا جايبه ده مش من دماغى ده من موقع التنسيق
والله انا عارفه ان الكلام ده مش من دماغك ده موجود فى الجرايد وفى موقع التنسيق

بس انت المفروض بيجيلك ورقه فيها بطاقه الترشيح ودى بيكون فيها الرقم السرى ورقم الجلوس ده الى انا اعرقه

مفيش حاجة جتلى بس موضوع بطاقة الترشيح دى بتوصل بعد ظهور نتيجة الترشيح ده اللى انا اعرفه

وتدخلى الكليه الى انت عاوزاها انت والطيب احسن والله انا نفسى اساعدك بس مش عارف اعمل ايه وعلى العموم انا معاكى للنهايه لحد متخلصى كل ورقك ان شاء الله ومش عاوزك تقلقى وانا والله من نحيتى هشوفلك الموضوع ده وهسال حد مختص علشان متلفيش كتير وهرد عليكى فى اسرع وقت

شكرا ليك 7amato على جهدك وعلى ردك الجميل وعلى محاولة مساعدتك ليا يارب الحق ادخل كلية وعلىفكرة الطيب احسن فى كلية الهندسة
ودى اخر اخبار مشكلتى انا بعت ايميل وطبعا لم يصل الرد الى الان والخط الساخن وجوده زى عدمه
المهم رحت النهاردة كلية التربية ودخلت للدكتور المسئول عن التنسيق فى الكلية والحقيقة كان راجل طيب وزوق هو واللى شغالين معاه وقال لنا ان الكلام اللى قاله الخط الساخن ده غلط مينفعش اى مكتب تنسيق يجيب الرقم السرى وامر واحد من مساعديه ان يحاول يجيب اسم المسئول عن التنسيق فى الاسكندرية وفعلا بعد فترة طويلة استطاع هذا المساعد ان يجيب الايميل الخاص بالمسئول المهم هذا المساعد بعت ايميل لهذا المسئول وبعت فكس وقالولنا استنوا شوية لغاية اما الرد يجى مفيش دقيقتين والمسئول ده بيتصل بالصدفة على موبايل الدكتور عشان يطمن على الامور ماشية ازاى
قالوا الدكتور ماشية حلو ما عدا حالة واحدة معندهاش رقم سرى
المهم طلب منى اسمى لا اعلم من حسن حظى ولا من سوء حظى ان لقب العيلة بتاعة المسئول ده يطلع هو نفس لقب العيلة بتاعتى المهم اعد المسئول والدكتور على التليفون يضحكوا شوية عالموضوع ده وطلب رقم جلوسى وقال لى بكرة الساعة واحدة اروح لنائب رئيس جامعة الاسكندرية وهو هيديلك الرقم السرى
ادعولى اللى دى تكون اخر محطة للعذاب

[amirelarab]

مشكووووووور يا حمتو على الموضوع الجامد ده
وانشاء الله يا فجر تكون دى أخر محطة عذاب
ربنا يوفقك ويدخلك الكلية اللى تتمنيها

[فجر الاسلام]

الحمد لله وبعد عذاب خد الرقم السرى غلط وبعد كده جبت الصح وقدمت
وجالى الترشيح بتاعى كلية سياحة وفنادق

[Muhamed]

موضوع ممتاز 7amato جزاك الله كل خير


فجر الاسلام


صدقينى الموضوع ده مش بيتكرر كتير ها بس النيه


واهو زنوب ناس بتطلع فى الكلام ده :bm:


كمان الحمد لله انه جالك فى الاخر الكليه اللى نفسك فيها


بس ابقى نوهيلنا الكليه هتولعيها امتى علشان نبقى نيجى نتفرج

[فجر الاسلام]

صدقينى الموضوع ده مش بيتكرر كتير ها بس النيه


واهو زنوب ناس بتطلع فى الكلام ده :bm:


كمان الحمد لله انه جالك فى الاخر الكليه اللى نفسك فيها


بس ابقى نوهيلنا الكليه هتولعيها امتى علشان نبقى نيجى نتفرج

ايه ده بيظهروا امتى دول؟؟؟؟؟

الحمد لله نيتى خير والدليل اللى كل لما حد يعرف انا جبت الرقم السرى ازاى يقولى ربنا بيحبك
ربنا بيحبنى لان سيادة المسئول اتصل فى الوقت اللى انا كنت موجودة فيه بالكلية
وقالى روحى خديه من نائب رئيس الجامعة رحت تانى يوم ودخلت بكل سهولة
وادولى الرقم الاصلى بتاعى
ولكن هم اصلا لم بيوصل لهم بلاغ ان الرقم السرى فى حاجة بيعملوا رقم جديد
ولما رحت الكلية دخلت الرقم الاصلى قالى الرقم السرى خطأ
شوف بقى ربنا بيحبنى ازاى واحد جمبى بالصدفة سمع ان الرقم الجلوس بتاعى ضايع قالى اتصلى بالرقم ده وهو هيديلك على طول رقم سرى جديد وكانت النمرة نمرة موبايل بس للاسف اليوم ده بالذات البشمهندس الطيب احسن نسى الموبايل بتاعه
بص برضه ربنا بيحبنى ازى الولد ده ادى الموبايل لماما واتصلت بالرقم والها الرقم السرى


انا كان نفسى فى كلية اثار بس الحمد لله جالى سياحة وفنادق الاسكندرية يعنى كلهم تقريبا مجال واحد شوية
ان شاء الله لما الكلية دى تتشرف بانضمامى لها هقولك يا بشمهندس ماندوز

[WebCraker]

خير ان شاء الله خير ...

[totaaaa]

معلومات جميله قوووووووي يا حماتُّو
وجزاك الله كل خير

والف مبروووك يا فجر للحصول علي الكليه التي ترغبي فيها
سوري جات متأخره

علي فكره يا جماعه انا كنت مقدمه عن طريق التنسيق الألكتروني وكان سهل جداااا
بس لازم يجي للطالب ظرف فيه الرقم السري وازاي يعرف يدخل البيانات علي النت

شكرا والي الجميع التوفيق

[Sir.7amato]

صدقينى الموضوع ده مش بيتكرر كتير ها بس النيه
واهو زنوب ناس بتطلع فى الكلام ده
بس ابقى نوهيلنا الكليه هتولعيها امتى علشان نبقى نيجى نتفرج

ايه ده مش فاهم ؟

الحمد لله يا فجر على كل الى حصل ودا على فكره مش نيه ولا حاجه زى ما ماندوز بيقول كل الحكايه ان ربنا عاوز كده وانا اساسا مش فاهم قصد ماندوز ايه فى الكلام الى بيقوله ده ؟:wub:


المهم يا فجر يكون مزاجك بقى حلو :18::18: اصل انت كنت حاسس انك شايله هم كبير اوى والحمد لله ربنا خلصك منه والحمد لله جالك كليه حلوه برضه هى مش الى انت كنت عاوزاها اه بس الحمد لله على كل حال ... وزى منتى قولتى برضه هى تقريبا نفس المجال ومفيش فرق كتير المهم انت بقى تشدى حيلك فيها علشان ربنا يوفقك ان شاء الله


عاوز اقولك الف مبروك على الكليه ويارب ربنا يوفقك فيها بس على فكره انا مشربتش الحاجه السائعه بتاع النجاح ولا بتاع الكليه فأنتى بقى ضميهم على بعض وهتيلى لتر كبير ههههههههههههههههههه:ongue::ongue:

[فجر الاسلام]

المهم يا فجر يكون مزاجك بقى حلو :18::18: اصل انت كنت حاسس انك شايله هم كبير اوى والحمد لله ربنا خلصك منه والحمد لله جالك كليه حلوه برضه هى مش الى انت كنت عاوزاها اه بس الحمد لله على كل حال ... وزى منتى قولتى برضه هى تقريبا نفس المجال ومفيش فرق كتير المهم انت بقى تشدى حيلك فيها علشان ربنا يوفقك ان شاء الله


الحمد لله عدى الموضوع ده على خير انا كان خوفى احسن ميعاد التنسيق ينتهى من غير اما اقدم فيه
بس الحمد لله هم وانزاح


عاوز اقولك الف مبروك على الكليه ويارب ربنا يوفقك فيها بس على فكره انا مشربتش الحاجه السائعه بتاع النجاح ولا بتاع الكليه فأنتى بقى ضميهم على بعض وهتيلى لتر كبير ههههههههههههههههههه:ongue:

ههههههههههههه بلاش طمع هى ازازة واحدة صاروخ وكفاية كده

[Sir.7amato]

هو فين لا شوفت
لا لصاروخ
ولا حتى عربيه كارو
:18::18::18::18:
ع العموم اعتبريها وصلت يا جميل
:clap::clap::clap::clap::clap::clap:
مبرووووووووووووووووووووووووك

:thumbup1::thumbup1::thumbup1:

[كده تمام أوى]

هو الموضوع ده ماتثبتش ليه ع الأقل لحد ما الدراسة تبدأ
بس مش عارف الردود دى والمشاهدات دى كلها ما لافتتش نظر المشرف ع المنتدى العام
لك الله يا 7amato