مصري اكل حمارين وكلب ثم مات مكتئبا

[la princesse]

لم يتحمل الحاج لطفي خيانة صديق عمره الذي ظل يستغفله طوال أكثر من 15 سنة ويطعمه لحم حمير وكلاب مؤكداً له أنه كباب شعبي لا يزيد ثمن الكيلو علي 12 جنيها فمات مكتئباً بعد ان لازم الفراش طيلة شهرين.
بدأت المأساة عندما ذهب الحاج لطفي البواب في منطقة باب الشعرية بالقاهرة منذ شهرين الي المطعم الشعبي الذي يمتلكه صديقه لتناول وجبة العشاء فوجد المحل مغلقاً بالشمع الأحمر وعندما استفسر من الأهالي عن سبب إغلاق المحل أخبروه ان صاحب المطعم كان يقدم لزبائنه لحوم كلاب وحمير فسقط مغشياً عليه ليدخل في حالة اكتئاب حاد لازمته شهرين بعدما أكد لأقربائه أن صديقه صاحب المطعم ظل يستغفله طوال 15 سنة بعدما ظل يتردد أيام الأسبوع لتناول ربع كيلو كباب بثلاثة جنيهات مع السلطات فاكتشف أن ما أكله يزيد في مجموعه على حمارين وكلب.

[3aShe2]

طب كويس انها جت على اد حمارين وكلب

بس يعنى محسش بفرق الطعم بين الحمار والكلب

اكيد يعنى فى فرق

يلا كله بثوابه

:shutup::shutup::shutup:



فكرتينى بفيلم محمد هنيدى

اكي دصاحبه ده كان بيستخدم الحمير دى فى الديلفرى
:bm::bm:

[فجر الاسلام]

ههههههههههههههاهىء اهىء اهىءههههههههاهىء اهىء اهىء اهىء اهىء
انا مش عارفه اضحك ولا اعيط
لو كانت نكنة اضحك ههههههههههههههه
لو كانت حقيقة اعيط اهىء اهىء اهىء
اضحك لانها نكتة دمها خفيف
اعيط لانها تدل على عدم ضمير انسان انعدم ضميره وصار يحقق مكاسبه الشخصية على حساب اقرب الناس اليه كمان اعيط على الاهمال ازاى المسئولين لم يكتشفوا تلك الجريمة الا بعد 15 سنة
كام رخل وامراة وشيخ وطفل وشاب وفتاة اكلوا من عند ذلك الرجل
طب كويس انها جت على اد حمارين وكلب
على رايك يا احمد الحمد لله مكنتش قد اسطبل حمير وكلية الكلاب

[la princesse]

طب غير كل اللى قلتوه ده
محدش ملاحظ حاجة غريبة فى الموضوع
اللى يلاحظها يقولها وهكافئه :shades:

[بات مان]

:ongue:شكراً لقد تعلمت اشياء كثيرة:thumbup1:

[ملكة الرومنسية]

انا اقول اللى لاحظته


ان طوووووووووول 15 سنة مكلش غير


حمارين وكلب


بس


ليه كل يوم قطمة

[ملكة الرومنسية]

:ohmy::ohmy:ده لو كان كل يوم قطمة كان كل


مية وى:wacko::wacko:

[ايناس]

ياحول الله يارب

للدرجه دي وصل الانسان للجشع حتي صحابه بيضحك عليهم اللع اعلم بقي كان بيقدم

للي مش يعرفه لحم ايه ربنا يحفظنا

[الطيب احسن]

طبعا ملاحظها
انه قعد 15 سنه ياكل لحم حميلر وكلاب وفى الاخر يموت من الاكتئاب
وده ان دل بيدل على قوة المصرى
وكراهيته للخيانه
مش كمده ولا اييييييييه؟

[la princesse]

شكرا لكل من مر وقرأ
لكن للأسف :thmbdn: محدش فهم ايه هى الحاجة الغريبة :thumbdown:
عموما هسيبلكم فرصة لغايت بكرة لو محدش عرفها هقول

[WebCraker]

هههههههه انا بصراحة مش ملاحظ حاجة
بس اللى ممكن اقوله انه 15 سنه بياكل لحم حمير وكلاب المجموع يبقى حمارين وكلب بس
او احتمال الراجل كان بيبيع لحمة بصحيح فى الاول وبعدين اللحمة سعرها زاد قام شغال فى الحمير عشان كدا مجموع ما اكله حمارين وكلب بس
ياللا بالهنا والشفا دا حتى الكباب غالى

[كريم يتحدى الملل]

الغريب ان الراجل فضل شغال طول الفتره دى فى الكلاب والحمير ومشتغلش فى

الحصنه صح ولا غلط

:36_1_51[1]: :chat09:

[محمد إبراهيم]

أقلك يا برنسيسة الغريب


ظل يتردد أيام الأسبوع لتناول ربع كيلو كباب بثلاثة جنيهات مع السلطات فاكتشف أن ما أكله يزيد في مجموعه على حمارين وكلب.

[la princesse]

طبعا ملاحظها
انه قعد 15 سنه ياكل لحم حميلر وكلاب وفى الاخر يموت من الاكتئاب
وده ان دل بيدل على قوة المصرى
وكراهيته للخيانه


معلش يا جماعة الظاهر انى كنت بقرا وانا نايمة ومخدتش بالى من رد رامى
هو الوحيد اللى اخد باله ان الراجل فى الاخر مات مكتئب مش من لحم الكلاب والحمير
وفعلا ده دليل على قوة المصرى وكرهه لخيانة
يعنى الخيانة تقتله والسم لا
ودليل كمان على بشاعة الموقف اللى خلى الراجل يكتئب لمجرد معرفته انه اكل
برافووووووو الطيب احسن :clap::clap::clap::clap::clap:

[الطيب احسن]

اى خدمه يا برنسيسه
انا مستنى المكافاه

[محمد إبراهيم]

ههههههههههههههههههه
لا جامد يا طيب

:ongue:


والجايزه بأه بالنص عشان أنا غششتك

يلا بقه


:048::048::048: