تحذير هام قبل ان تشترك فى المنتدى الاسلامى

[فجر الاسلام]

السلام عليكم ورحمة الله وبركاته

نظرا لكثرة الفتاوى التى انتشرت فى السنوات الاخيرة بعضها يكون على دراسة والبعض الاخر اجتهاد بدون اى دراسة

لذلك ارجو لمن يريد ان ينشر فتوى هنا فى القسم الاسلامى ان يتبع تلك الشروط

1- ان يذكر اسم العالم او الشيخ الذى قال تلك الفتوى.

2- ان يذكر مصدر حصوله لتلك الفتوى سواء كان موقع على النت او قناة فضائية او كتاب قراه .

3- التاكد من صحة الفتوى قبل نشرها.

4- التاكد من ان الذى قال تلك الفتوى من ذوى العلم ويكون دارس لاسس الفتوى يعنى مش من اى شيخ على قناة فضائية تاخد منه الفتوى يجب ان تتاكد اولا من ان هذا الشيخ مؤهل لذلك ام لا لان يوجد بعض الشيوخ على قنوات فضائية غير مؤهلين للفتوى كما انتشرت فى الفترة الاخيرة كتب للفتوى ليست قائمة على اسس صحيحة.

5- من يخالف تلك الشروط سوف يتم حذف موضوعه وارسال مخالفة له.

[فجر الاسلام]

انا عملت كده فى الفتوى لانها ممكن ان تبنى امه بحالها لو كانت صحيحة وممكن تهدم امه لو كانت خاطئة
يا ريت لو حد عنده اى ملحوظة او اضافة بشان المنتدى الاسلامى يقول

[WebCraker]

اللهم صلى على النبى ... انتى بتقرأى افكارى :)
تمام علم وينفذ

[كريم يتحدى الملل]

هوه صراحه مفيش ملحوظه او اى اضافه على الكلام ده احنا كلنا فعلا المفروض نعمل كده علشان فى الفتره الى فاتت ظهرت فتاوى مشينه جدا لعلماء مصر والازهر وزى مقال كراكر علم وسينفذ

[ملكة الرومنسية]

شكرا ليكى

يافجر وهنلتزم بكدة ان شاء الله

[la princesse]

انا عملت كده فى الفتوى لانها ممكن ان تبنى امه بحالها لو كانت صحيحة وممكن تهدم امه لو كانت خاطئة




:clap::clap::clap:

[la princesse]

الكلام ده انا كنت هكتبه كرد على احد الموضوعات فى المنتدى لكن خفت محدش ياخد باله
ركزوا معايا جدا يا جماعة لو سمحتوا
الاخت فجر الاسلام كانت قالت قبل كده ان اللى يجيب اى فتوى لازم يذكر المصدر والا هتبقى فوضى
وانا عايزة اكرر الحكاية دى لانكم عملتوها من غير قصد طبعا بس لازم الفت نظركم
كان فى موضوع بيتكلم عن الفرق بين انشاء الله وان شاء الله وبيقول ان اللى هيكتبها غلط
سيذهب الى النار والى الجحيم وكلام زى كده وانا عارفة ان الموضوع ده انتشر فى منتديات كتير
وانا شفت الموضوع ده متثبت فى منتديات اسلامية كتييييير
بس اسمحولى اوضح الفرق الحقيقي بين ان شاء الله وانشاء الله
انشاء الله لا تحمل اى معنى حرام
اى نعم ليست هى الكلمة المقصودة ولكن معناها لا يحمل اى حرمانية
فلا يجوز ان نتهم قائلها بأنه فعل حراما
معنى كلمة انشاء هو الخلق
فاذا قلنا سأرجع الى البيت ان شاء الله
او سأرجع الى البيت انشاء الله
ما الفرق فى المعنى ؟؟؟؟؟؟؟
سأرجع الى البيت ان شاء الله = سأرجع الى البيت اذا أراد الله (بمشيئة الله)
سأرجع الى البيت انشاء الله = رجوعى الى البيت سيكون من انشاء الله = من خلق الله = من صنع الله = من بناء الله
ايه الحرام فيها؟؟؟
هو رجوعى مش من خلق الله فعلا؟؟؟


واللى بيقولوا كلمة بناء حرام
اتفضلوا الآية دى "أَأَنتُمْ أَشَدُّ خَلْقًا أَمِ السَّمَاء بَنَاهَا(27) رَفَعَ سَمْكَهَا فَسَوَّاهَا"النازعات
صدق الله العظيم

ياريت نبطل نصدق اى حاجة من غير دليل من القرآن أو السنة النبوية المطهرة
يا جماعة موضوعات كتير من المنتشرة على النت مغلوطة ومتفبركة
والهدف منها تضليل المسلمين واظهار الاسلام بشكل الدين المتشدد المتعصب وتنفير الناس منه
ياريت بلاش نستجيب لاى كلمة من اى حد حتى لو كانت مقنعة فى ظاهرها
ممكن يكون اساسها غلط
ولا نقبل اى دليل الا من القرآن والسنة


هذا والله أعلم

[الطيب احسن]

جزاكى الله خيرا
ويا جماعه الاعمال بالنيات

[MafiawwY]

فعلاً والله يا اميره كلامك كله معقول

بس يريت زى مانتى بتقولى تذكرى المصدر .......

وانا عن نفسى شايف ان كل واحد بيقولها ومش قاصد طبعاً اى معنى غير اللى بيقوله فأكيد مش حرام لان ليس لديه علم ...

[la princesse]

جزاكى الله خيرا
ويا جماعه الاعمال بالنيات

طبعا يا رامى انما الاعمال بالنيات واللى بينشر الموضوعات دى مش بيكون قاصد
بس لازم بردو يا جماعة نبقى ناخد بالنا بعد كده
ومنصدقش اى كلمة الا الا لما نقتنع ونشوف عليها دليل قوى
والا هتنتشر البدع والفتن

[la princesse]

فعلاً والله يا اميره كلامك كله معقول

بس يريت زى مانتى بتقولى تذكرى المصدر .......

وانا عن نفسى شايف ان كل واحد بيقولها ومش قاصد طبعاً اى معنى غير اللى بيقوله فأكيد مش حرام لان ليس لديه علم ...

انا قلت يا مافياوى وبقولها تانى ان الواحد مش بيكون قاصد وليس عليه اثم
لكن على الاقل مينشرش حاجة خطيرة وعقائدية الا لما يكون متاكد
يعنى على الاقل لازم نلفت نظره علشان ميتخدعش تانى
وانا مش بتكلم عن حد معين والله دنا بتكلم عن خطأ بنقع فيه كلنا وبنصدق اللى بيتقال بحسن نية

وبعدين انت طالب منى دليل بس الكلام ده لو كنت انا جبت معلومة جديدة " البينة على من ادعلى"
انا مجبتش معلومة جديدة من عندى انا بس شرحت الكلمة لغويا
ولو عايز دليل بردو لو تاخد بالك هتلاقيه فى كلامى وهقوله تانى


سأرجع الى البيت ان شاء الله = سأرجع الى البيت اذا أراد الله (بمشيئة الله)
سأرجع الى البيت انشاء الله = رجوعى الى البيت سيكون من انشاء الله = من خلق الله = من صنع الله = من بناء الله
ايه الحرام فيها؟؟؟
هو رجوعى مش من خلق الله فعلا؟؟؟


واللى بيقولوا كلمة بناء حرام
اتفضلوا الآية دى "أَأَنتُمْ أَشَدُّ خَلْقًا أَمِ السَّمَاء بَنَاهَا(27) رَفَعَ سَمْكَهَا فَسَوَّاهَا"النازعات
صدق الله العظيم


ده دليل من القران ومعاه دليل منطقى مفيش حد يقدر يثبت عكسه

[كده تمام أوى]

شكرا يا أميرة ع الموضوع وده فعلا بجد هو اللى لازم يحصل ولازم نتأكد من الفتوى أو النصيحه اللى احنا بنقدما ونستند إلى القرآن الكريم فيها , وفعلا ( مايلفظ من قول إلا لديه رقيب عتيد) وأتمنى جعل هذا الموضوع فى واجهه المنتدى وأقترح إن الموضوع ده يروح فرساله خاصه لكل عضو جديد قبل ما يهل علينا بمواضيعه؟

الرابط لايظهر فى الأرشيف

[ملكة الرومنسية]

شكرا ليكى لا برنسيس


انا ملاحظتش كدة خالص

[Muhamed]

ويا جماعه الاعمال بالنيات


:thumb::thumb::thumb::thumb::thumb::thumb::thumb:: thumb::thumb::thumb:

[rado]

شكرا ياأميره وكلامك فيه جانب كبير من المنطق اللى يفهمه أى عقل طبيعى

بشكرك جدا على التوضيح الجميل ده لشيئ مهم فى حياتنا

[la princesse]

شكرا ياأميره وكلامك فيه جانب كبير من المنطق اللى يفهمه أى عقل طبيعى

بشكرك جدا على التوضيح الجميل ده لشيئ مهم فى حياتنا

شكرا يا رادو على كلامك الجميل منور الموضوع
بس عايزة اوضح حاجة كمان يا جماعة انا عارفة ان الاعمال بالنيات
بس الكلام ده لما اعمل حاجة غلط وانا مكنتش اعرف انها غلط
لكن مينفعش احلل واحرم على مزاجى ومن غير دليل واقول الاعمال بالنيات
ومينفعش انشر حاجة خاصة بالعقيدة وانا مش متاكدة منها واقول الاعمال بالنيات
ومفيهاش حاجة لما نلفت نظر بعض يعنى علشان اللى بيغلط ياخد باله
ومش معنى ان الاعمال بالنيات يبقى نسيبه يغلط ومنلفتش نظره

[اسير الاحزان]

شكرا ليكى يا برنسيسة على التوضيح دة

و انا اللى كنت كاتب موضوع ((الفرق بين انشاء الله و شاء الله ))

و يا ريت الموضوع دة يتثبت للاهمية

و يا ريت اى كلام فى الدين قبل ما يتكتب اول بتنقل

نتاكد الاول منه جامد

علشان ممكن يسبب الموضوع مشاكل فى الدين

[la princesse]

شكرا ليكى يا برنسيسة على التوضيح دة

و انا اللى كنت كاتب موضوع ((الفرق بين انشاء الله و شاء الله ))

و يا ريت الموضوع دة يتثبت للاهمية

و يا ريت اى كلام فى الدين قبل ما يتكتب اول بتنقل

نتاكد الاول منه جامد

علشان ممكن يسبب الموضوع مشاكل فى الدين


والله انا مكنتش فاكرة بالظبط مين اللى كتب الموضوع لان ناس كتير كتبته
بس عموما شكرا لتفهمك يا اسير وشكرا انك قهمت قصدى

[mohamed ali]

ان شاء الله كلنا نلتزم

[اسير الاحزان]

الله عليكى يا فجر

كدا بقى اجنا وضعنا حد للفتاوى و الحاجات دى

و فعلا لو كانت صحيحة تبمى بلد باكملها و لو خاطئة تهدم بلد باكملها

و حكاية الفتاوى دى انتشرت فى الايام دى

كتيييييييييييييييير

لذا احب اشكرك مرة ثانية على الموضوع دة


و باذن الله الكل يلتزم

و شكرااااااااااااااااااااا

[محمد إبراهيم]

والله يا فجر كلامك ده أوحى لي بقكره جديده وجميله جداً

هروح اكتبها وبعدين أجيبلكم الرابط

:ongue::ongue::ongue::ongue:

[محمد إبراهيم]

تفضلوا الرابط
:ongue::ongue::ongue::ongue:









الرابط لايظهر فى الأرشيف





سلام بقى عشان أنزل أصلي الغرب وهجيلكم بكره ان شاء الله اشوف الرد

[The_boss22]

تم التثبيــــت مره اخري للأهمية

[مـــــلآك]

شكرا فجر وهنلتزم بكدة
اميييييين