mohamed ali
2007-07-02, 02:40 PM
نهار داخلي/ صالون في بيت مصري أصيل
يجلس "أحمد" بجوار خطيبته "سها" وفي الكرسي المقابل يجلس الأب واضعا ساقا فوق الأخرى وهو يتأملهما باهتمام وكأنه يتابع مباراة كرة قدم مصيرية!
يهمس "أحمد" لخطيبته: هو الحاج مش هيهوينا بقى ولا إيه.. حاسس إني في زيارة لواحد صاحبي في السجن والظابط بيراقبنا!
تضحك "سها" وهي تقول: ماتخافش.. أنا متفقة مع "ماما" بعد عشر دقايق وهتيجي بالظبط.. 1..2...3.. أهي وصلت!
تدخل الأم ثم تطلب من الأب أن يأتي معها إلى الخارج لأنها تريد منه أن يساعدها في عمل المحشي!، يخرج الرجل وهو يبرطم ناظرا إلى ابنته وخطيبها نظرة كلها وعيد وثبور- هلاك يعني!-..
وبعد فاصل من الدلع والحنية تميل "سها" على "أحمد" ثم تقول له وصوتها يرتعش:
"أحمد".. عاوزة أقول لك حاجة بس خايفة قوي.
يرتدي "أحمد" ثوب العشاق والمحبين وهو يقول لها إنه لا شيء في هذه الدنيا يمكن أن يغضبه منها أو يبعده عنها حتى يدفعها لأن تتكلم... فتتكلم!
"أنا كنت أعرف واحد قبلك من كام سنة كده.. ماكنتش بحبه زيك طبعا.. بس اللي حصل بقى.. طيش شباب وكده.. ماكنتش أقصد والله ولا عمري سامحت نفسي.. بس كان لازم أقول لك.. أنا غلطت معاه مرة واحدة.. وحصل اللي حصل.. مش قاردة أخبي عليك واحنا هنكتب كتابنا بعد أسبوع.. مسامحني؟!"
الرابط لايظهر فى الأرشيف
***
نهار خارجي/ كورنيش النيل
وهما يأكلان حمص الشام يقول "تامر" لصديقه "محمود":
- "أنت مجنون يا ابني ازاي تتجوز "داليا" وهي كده؟.. ده البلد كلها عارفة إن فيه واحد اغتصبها من تلات سنين"
- "أديك قلت بلسانك اغتصبها.. يعني مش بمزاجها.. ولا بخاطرها.. يبقى ليه أحملها ذنب هي مش السبب فيه"
- "أنت حر يا عم.. بس استلقى وعدك بقى من الناس.. صدقني عيشتكم هتبقى مرار"
الرابط لايظهر فى الأرشيف
***
نهار خارجي/ مكتب في مصلحة حكومية
"نهى" تقول لصديقتها "مروة" وهي توقع في دفتر الانصراف:
- "إنت هبلة يا بنت إنت؟.. يعني إيه تقولي لخطيبك إن خطيبك الأولاني غلط معاك؟.. مافيش راجل ممكن يتحمل كده".
- " ما أنا مش قادرة أخبي أكتر من كده.. الراجل واثق فيّ وكل شوية قدام الناس يقعد يقول فيّ كلام عن أدبي وأخلاقي.. وأنا بأكون هأموت من جوايا... يبقى لازم أرتاح وأقول له"
- "طب افرضي ما استوعبش هو اللي حصل.. ورفض يكمل معاك"
- "خلاص.. يبقى مش بيحبني أصلا.. وأنا كمان أكون ريحت ضميري"
الرابط لايظهر فى الأرشيف
****
بعد ما قرأت المشاهد اللي فوق دي
تحب تلعب دور مين؟
تلعب يعني هتمثل.. يعني هتتقمص شخصية واحد من الناس اللي اتكلموا فوق..
خلينا نكلم الأولاد الأول...
تخيل أنك هتقوم بدور "أحمد".. وخطيبتك جت واعترفت لك إنها غلطت مع واحد غيرك.. غلط من النوع إياه اللي له علاقة بالشرف وكده.. هي اعتذرت واستغفرت ربنا وما كررتش ده أبدا تاني بعد كده.. بس في نفس الوقت مش حابة تبدأ حياتها معاك بـ"كذبة"... هاه.. لو أنت مكان "أحمد".. رد فعلك هيكون إيه...
مش عاجبك دور "أحمد".. طب جرب كده تلعب دور "محمود"..
حبيت واحدة حب كبير.. وشايف فيها كل الصفات اللي أنت بتتمناها.. بس عرفت منها أو من البلد كلها إنها تعرضت لعملية "اغتصاب" من شوية شباب سكرانين اتحبسوا بعدها...
هاه.. هتطلع على المأذون تكتب كتابك
ولا مش هتقدر وهتلف وترجع على بيتكم؟
الرابط لايظهر فى الأرشيف
الأولاد كده ياخدوا جنب يفكروا هيكتبوا لنا إيه..
وياريت بقى البنات يتقدموا في الصف الأول..
فيه عندنا كذا دور.. "سها" و "مروة" و "داليا"
لو كنت مكان أي واحدة منهم ...
الأولى غلطت مع واحد كانت متصورة إنها بتحبه واستغلها.. برضاها يعني في لحظة ضعف
والتانية تعرضت لمحاولة اغتصاب..
والتالتة غلطت مع خطيبها الأول.. برضاها برضه
هاه.. لنفرض إنك أي واحدة من دول.. وهتتجوزي شخص ما يعرفش أي حاجة عن اللي حصل.. يعني حتى لو تم اغتصابك رحتي مثلا بلد تانية بعيدة عن البلد اللي حصل فيها الموضوع ده- وده بيحصل عادة-...
هتقولي له على اللي حصل..
ولا هتخافي من رد الفعل اللي ممكن يكون نتائجه غير مضمونة؟
الرابط لايظهر فى الأرشيف
****
ياريت اللي هيكتب من الجنسين يتكلم بصراحة..
ومن غير تزويق للحقيقة..
ويعتبر نفسه في الموقف ده بالظبط..
ويجاوب لنا على السؤال..
لما تنوي ترتبط بحد وتتجوزه...
بترفع شعار "بلاش نتكلم في الماضي"..
ولا بترفع شعار "لا مستقبل دون أن أعرف الماضي"؟!
الرابط لايظهر فى الأرشيف
مهما كان الماضي ده صعب ومفزع وفيه حاجات مرعبة ممكن تهدم المستقبل؟
يجلس "أحمد" بجوار خطيبته "سها" وفي الكرسي المقابل يجلس الأب واضعا ساقا فوق الأخرى وهو يتأملهما باهتمام وكأنه يتابع مباراة كرة قدم مصيرية!
يهمس "أحمد" لخطيبته: هو الحاج مش هيهوينا بقى ولا إيه.. حاسس إني في زيارة لواحد صاحبي في السجن والظابط بيراقبنا!
تضحك "سها" وهي تقول: ماتخافش.. أنا متفقة مع "ماما" بعد عشر دقايق وهتيجي بالظبط.. 1..2...3.. أهي وصلت!
تدخل الأم ثم تطلب من الأب أن يأتي معها إلى الخارج لأنها تريد منه أن يساعدها في عمل المحشي!، يخرج الرجل وهو يبرطم ناظرا إلى ابنته وخطيبها نظرة كلها وعيد وثبور- هلاك يعني!-..
وبعد فاصل من الدلع والحنية تميل "سها" على "أحمد" ثم تقول له وصوتها يرتعش:
"أحمد".. عاوزة أقول لك حاجة بس خايفة قوي.
يرتدي "أحمد" ثوب العشاق والمحبين وهو يقول لها إنه لا شيء في هذه الدنيا يمكن أن يغضبه منها أو يبعده عنها حتى يدفعها لأن تتكلم... فتتكلم!
"أنا كنت أعرف واحد قبلك من كام سنة كده.. ماكنتش بحبه زيك طبعا.. بس اللي حصل بقى.. طيش شباب وكده.. ماكنتش أقصد والله ولا عمري سامحت نفسي.. بس كان لازم أقول لك.. أنا غلطت معاه مرة واحدة.. وحصل اللي حصل.. مش قاردة أخبي عليك واحنا هنكتب كتابنا بعد أسبوع.. مسامحني؟!"
الرابط لايظهر فى الأرشيف
***
نهار خارجي/ كورنيش النيل
وهما يأكلان حمص الشام يقول "تامر" لصديقه "محمود":
- "أنت مجنون يا ابني ازاي تتجوز "داليا" وهي كده؟.. ده البلد كلها عارفة إن فيه واحد اغتصبها من تلات سنين"
- "أديك قلت بلسانك اغتصبها.. يعني مش بمزاجها.. ولا بخاطرها.. يبقى ليه أحملها ذنب هي مش السبب فيه"
- "أنت حر يا عم.. بس استلقى وعدك بقى من الناس.. صدقني عيشتكم هتبقى مرار"
الرابط لايظهر فى الأرشيف
***
نهار خارجي/ مكتب في مصلحة حكومية
"نهى" تقول لصديقتها "مروة" وهي توقع في دفتر الانصراف:
- "إنت هبلة يا بنت إنت؟.. يعني إيه تقولي لخطيبك إن خطيبك الأولاني غلط معاك؟.. مافيش راجل ممكن يتحمل كده".
- " ما أنا مش قادرة أخبي أكتر من كده.. الراجل واثق فيّ وكل شوية قدام الناس يقعد يقول فيّ كلام عن أدبي وأخلاقي.. وأنا بأكون هأموت من جوايا... يبقى لازم أرتاح وأقول له"
- "طب افرضي ما استوعبش هو اللي حصل.. ورفض يكمل معاك"
- "خلاص.. يبقى مش بيحبني أصلا.. وأنا كمان أكون ريحت ضميري"
الرابط لايظهر فى الأرشيف
****
بعد ما قرأت المشاهد اللي فوق دي
تحب تلعب دور مين؟
تلعب يعني هتمثل.. يعني هتتقمص شخصية واحد من الناس اللي اتكلموا فوق..
خلينا نكلم الأولاد الأول...
تخيل أنك هتقوم بدور "أحمد".. وخطيبتك جت واعترفت لك إنها غلطت مع واحد غيرك.. غلط من النوع إياه اللي له علاقة بالشرف وكده.. هي اعتذرت واستغفرت ربنا وما كررتش ده أبدا تاني بعد كده.. بس في نفس الوقت مش حابة تبدأ حياتها معاك بـ"كذبة"... هاه.. لو أنت مكان "أحمد".. رد فعلك هيكون إيه...
مش عاجبك دور "أحمد".. طب جرب كده تلعب دور "محمود"..
حبيت واحدة حب كبير.. وشايف فيها كل الصفات اللي أنت بتتمناها.. بس عرفت منها أو من البلد كلها إنها تعرضت لعملية "اغتصاب" من شوية شباب سكرانين اتحبسوا بعدها...
هاه.. هتطلع على المأذون تكتب كتابك
ولا مش هتقدر وهتلف وترجع على بيتكم؟
الرابط لايظهر فى الأرشيف
الأولاد كده ياخدوا جنب يفكروا هيكتبوا لنا إيه..
وياريت بقى البنات يتقدموا في الصف الأول..
فيه عندنا كذا دور.. "سها" و "مروة" و "داليا"
لو كنت مكان أي واحدة منهم ...
الأولى غلطت مع واحد كانت متصورة إنها بتحبه واستغلها.. برضاها يعني في لحظة ضعف
والتانية تعرضت لمحاولة اغتصاب..
والتالتة غلطت مع خطيبها الأول.. برضاها برضه
هاه.. لنفرض إنك أي واحدة من دول.. وهتتجوزي شخص ما يعرفش أي حاجة عن اللي حصل.. يعني حتى لو تم اغتصابك رحتي مثلا بلد تانية بعيدة عن البلد اللي حصل فيها الموضوع ده- وده بيحصل عادة-...
هتقولي له على اللي حصل..
ولا هتخافي من رد الفعل اللي ممكن يكون نتائجه غير مضمونة؟
الرابط لايظهر فى الأرشيف
****
ياريت اللي هيكتب من الجنسين يتكلم بصراحة..
ومن غير تزويق للحقيقة..
ويعتبر نفسه في الموقف ده بالظبط..
ويجاوب لنا على السؤال..
لما تنوي ترتبط بحد وتتجوزه...
بترفع شعار "بلاش نتكلم في الماضي"..
ولا بترفع شعار "لا مستقبل دون أن أعرف الماضي"؟!
الرابط لايظهر فى الأرشيف
مهما كان الماضي ده صعب ومفزع وفيه حاجات مرعبة ممكن تهدم المستقبل؟