اليوميات وصلت يا أحبابي [الأرشيف]

مشاهدة النسخة كاملة : اليوميات وصلت يا أحبابي

totaaaa

2007-06-17, 07:37 PM

:wub:الرابط لايظهر فى الأرشيف
__________________
طبعا الزعل مرفوض :wub::wub:
وهي عباره عن كل أعضاء ومشرفين المنتدي في فيلا وعايشين مع بعض ونشوف بقي الحوارات واللعب اللي هيحصل من الأعضاء :icon26::icon26::icon26::icon26::icon26:

وطبعا ياريت اشوف التعليق بعد كل حلقه من الحلقات :bc::bc:

!! GoldeN BoY !!

2007-06-17, 07:43 PM

انا معاكى يا توتااااااااااااااااااا وابداى يالا بس ياريت تستنى لما اختنا ايناس ترجع

totaaaa

2007-06-17, 07:46 PM

المشهد الاول ..بحديقة الفيلا ..

شجرة زيزفون كبيرة يجلس تحتها ma852003 ممسكا بقفص صغير ..

ma852003يغني بصوت عالي : تعالي تعالي تعالي ..ياضفدع يامكلبظ تعالي ..

البرنسيسه تعبث بيديها بالماء وتسترسل في ذكرياتهاوبعين نصف مغلقة تذهب في الحلم ثم تستيقظ

علي صوت غناء ma852003 فتذهب اليه وهي غاضبة والشرر يتطاير من عينيها زي عين البوتجاز لما ينزل عليه حتة سمنة ..

ويدور بينهما الحوار التالي .

البرنسيسه : ايه يا ma852003 هو انا معرفش ارجع للهدوء شوية ايه الصوت ده اللي بيفكرني بصوت ذكر الضفدع ايام موسم التزاوج .

ma852003 وهو متأفف : ايه يا ميرووو بصطاد ضفادع بلاش ..

البرنسيسه: ولا تصطاد ولا تتنيل يااخي روح ذاكر احسن ولا يعني المذاكرة مقطعة بعضها ..

ma852003 : الحق عليا ان غلطان اني بلملكم الفطار طيب مفيش ضفادع .

البرنسيسه وعلي ملامحها علامات الاستنكار : ضفادعانت عايز تأكلنا ضفادع وديني لا اوريك ..

وتخلع البرنسيسه عود زيزفوني محترم وتجري ورا ma852003اللي رمي القفص وطلع يجري ..

توتاااا منهمكة في دراسة حفل زواج طحلبشيطاني مع طحلب ابن ناس خريج معامل اجنبية وهي

منحنية ومنهمكة في الدراسة يصطدم بهاma852003بقوة ويقع الاثنان بالارض..

توتااااااا: ايه يا ma852003 بتجري ليه هو انت شديت شعرالعروسه بتاع نانيس تانى

ma852003 : لا البرنسيسه هتضربني ..

البرنسيسه تصل وبانفاسمتقاطعة: اديك وقعت تحت ايدي

توتااااا ترفع يديها لتحمي ma852003 : فيه ايه بس يا برنسيسه

البرنسيسه :ma852003 عايز يأكلنا ضفادع تخيلي لا و ايه على الفطار

توتااااا تصرخ بأعل يصوت: ضفادع .. ضفادع يا ma852003 .. انا مليش دعوة انا عايزة صراصير ..

:icon26::icon26::icon26::icon26::icon26::icon26::i con26::icon26::icon26::icon26:

المشهد الثاني .. بجوار النافورة .

عاشق الجنه و أمير الحب يتبادلان حوار

هوووووووووووب تصطدم بوجه كرة صاروخية موجهة

من قدم امير الحب مشرف منتدي الفرفشه

عاشق الجنه وقد احمرت اذنيه: انت يا أمير الحب انت يازفت انا مش قولتلك متلعبش كرة هنا

أمير الحب وهو يمصص اصابعه : ده مش انا ده مفياوي

عاشق الجنه : مفياوي هو فين مفياوي انا مش شايفه .

أمير الحب : ماهو قالي شوط انت شوطة باسمك

وشوطة باسمي وانا كتبت اسمه فيالشوطة دي ..

عاشق الجنه يفقد هدوءه ويمسك برقبة أمير الحب ثم يهب باغراقه في النافورة ..

وفجأة يظهر فيب ( أحمد ) وهو مرتدي الطربوش وماسك في ايده بطيختين

ياتري ايه اللي حصل ؟؟؟وهل نجح عاشق الجنه في اغراق أمير الحب ؟؟؟ماهوسر ارتداء فيب للطربوش ؟؟؟الي اللقاء في الحلقه الثانيه ...

!! GoldeN BoY !!

2007-06-17, 07:49 PM

لو سمحت يا توتااااااااااااا هوة انا مش معاكوا خالص ولا مش معاكوااااااااااااااااااااااا

totaaaa

2007-06-17, 07:51 PM

سوري يا عبدوووو كلمتك كانت بعد ما انا نزلت

وبعدين ايناس انا أجلت دوره لحد مترع ان شاء الله

أول ما ترجع هنزل الحلقه التانيه

بس ديه كده يعني

عشان الناس متزهقش

واكيد انت معانا طبعا يا عبدوووووو وكل اعضاء المنتدي بس في أجزاء تانيه ده اول جزء بس

!! GoldeN BoY !!

2007-06-17, 07:57 PM

اوك يا توتااااااااااااااا انا عندى فضول اعرف هوة اية دورى بس دا فى الحلقات الى جاية ان شاء الله

اسير القلوب

2007-06-17, 08:51 PM

الحلقه جميله اووووي وانا منتظر بفارغ الصبر تكمله الجزء

أحمد سلطان

2007-06-17, 09:34 PM

ماشاء الله لاقوة الا بالله

جميله جدا

totaaaa

2007-06-17, 09:48 PM

شكرا يا جماعه لمروركم ويارب تعجبكم

WebCraker

2007-06-17, 11:51 PM

متتظرين الجزء اللى بعديه ....
وحلوة اوى اليوميات دى ...

3aShe2

2007-06-18, 12:12 PM

هههههههه

الله عليكى يا توتااااا

جامدة اوى بجد

:clap::clap::clap::clap:

فى انتظار بقية الحلقات

تم تثبيت المووضع
:icon26::icon26::icon26::icon26:

la princesse

2007-06-18, 12:49 PM

ههههههه حلوة يا توتاااا
فى انتظار بقية الحلقات

totaaaa

2007-06-18, 03:58 PM

الحمد لله

شكرا لردودكم وان شاء الله الحلقه التانيه قريب ان شاء الله

محمد إبراهيم

2007-06-18, 05:15 PM

يلا يا توتاااااااااااااااااااااااااا

بسرعة ... أمير مات ولا لسه
؟؟؟؟؟

وايه اللي فى بركةالميه يلا

totaaaa

2007-06-19, 02:12 PM

tالحلقة الثانية ..

فيب : اهدي يا عاشق فيه ايه بس..
عاشق : أمير الحب خبطني بالكرة في وشي ..
فيب : معلش انت الطويل ولد يا أمير الحب مش قولتلك متلعبس بالكورة في الجنينة .
أمير الحب وهو بيمصمص في صوابعه: مانا اعمل ايه بقي عايز العب كوره و عبدوو عزام واخد الكمبيوتر ومش عايز يلعبني فيفا .
فيب : طيب خلاص اجري يالا دخل البطختين دول جوة .
عاشق الجنه : بس قولي يا فيب ايه الطربوش اللي انت لابسه ده ؟؟
فيب وقد بدي الارتباك علي ملامحه : نعم ها اه الطربوش لا ابدا اصلهم طلبوني في الخيمة بتاعت الاوبرا وقولت لازم الطربوش علشان وحي القصبجي .
انوش : والله يا فيب الف مبروك طبعا حاتعزمنا علي اول حلفة .
فيب : ايه اعزمكوا لا طبعا قصدي اه طبعا ..
فيب بيكلم نفسه: اعزمهم فين بس يادي المصيبة لو حد فيهم اكتشف انا بعمل ايه .
عاشق الجنه : هو لسه اد ايه علي الفطار وإلا الغدا ..
انوش :انت جعان انا حاروح اطبخلك بنفسي ..
عاشق الجنه وهو بيصرخ: تطبخيلي لا بلاش تطبخيلي معنديش رصيد اجازات مرضية .
فيب : انا طالع اريح شوية ..
عاشق الجنه : خدني معاك ..
انوش : وانا كمان ماشية ..

المشهد الاول :
التاسعة ص
مطبخ كبير اوي عامل زي المصنع وبنات بتروح وبنات بتيجي و البرنسيسه رابطة راسها باشارب وبتزعق..
البرنسيسه : يالا يابنات عايزين نخلص الاكل بسرعة ...
نانيس : مستعجلة علي ايه لسه كتير على الغدا
ملكه الرومانسيه : يا برنسيسه اللحمة تقريبا مش حاتكفي اعمل ايه ؟؟
توتااا : قولي لايناس تتصرف من المشرحة مش في بواقي جثة من انبارح .
انوش : لا توتااا دي قضية شائكة هل يجوز اننا نااكلهم بقايا الجثة قبل ماتتعفن ..
نانيس : مش مهم حبة بهارات وتبقي العملية في النملية وبعدين دول تيران ياكلم الظلط.
ملكه الرومانسيه : لا يا نانيس حرام ناكلهم بقايا الجثة طيب والطلبة تذاكر علي ايه .
اونش : واحنا حاناكل معاهم جثث ياي ..
البرنسيسه وهي تكشر عن انيابها: هههههههههه جثث ايه ياشابة هو طبيخنا ده صالح للاستهلاك الادمي انا طالبة ديلفري من عند مؤمن .
توتااا : انوش خلصتي حلة الملوخية ؟؟
انوش : ايوة خلصتها بس عايزة حد يشوفلي الملح مظبوط والا لا .
نانيس : عايزين نشوف الملح مظبوط والا لا يابنات يالا حد يتطوع ويدوق ..
يحصل هرج ومرج والبنات بتجري في كل اتجاه ..
البرنسيسه : اهدوا بس يابنات في ايه بس ده عمل بطولي وشرف عظيم والل حايقوم بالعملية البطولية دي حانيدله ميدالية شوكة البدنجان .
انوش : ازاي بس واحنا اللى طابخين ندوق ايه ؟
ملكه الرومانسيه : يابنتي مفيهاش حاجة انتي حاتدوقي بس بطرف لسانك مش حاتبلعي حاجة .
انوش : لا احنا معندناش الا لسان واحد وبعدين العملية دي عايزة واحدة استشهادية .
نانيس وعنيها بتبرق: ايوة هي استشهادية هي البرنسيسه ..
البرنسيسه ادوق لا انا عايزة افجر نفسي مش عايزة اموت بالملوخية ..
توتااا : يابنتي انتي حاتدوقي بس بعد الغدا لما تاكلي الملخية كلها حاتنفجري لوحدك ..
انوش : خلاص لحد يدوق ولا حاجة هي كدة عاجبهم عاجبهم مش عاجبهم يبقي يروحوا ياكلوا برة ..
يالا يابنات نوضب طرابيز السفرة

المشهد الثاني :
الثالثة عصراً
المكان : حجرة السفرة واعضاء المنتدي كلهم قاعدين مع بعض و ma852003 علي رأس المائدة ..
ma852003: كل سنة وجميع اعضاء المنتدي بخير وبصحة وبسعادة واللي عندها حالة ولاده ربنا ينتعها بالسلامة واللي معندهش ربنا يرزقها واللي لسه متجوزتش انشاء الله عنها ماتجوزت وخليها كدة لحد لما تعنس واللي ناوية تتجوز تاخد بالها لان الجواز هباب وزفت ..
البنات في صوت واحد : وانت طيب يا ma852003 وربنا يخليك لينا يارب ..
ma852003: وانتم طيبين يابنات و كل سنة واعضاء المنتدي بخير وسعادة وجمال و الشباب اللي بتتسهوك تبطل سهوكة واللي عايزين يتجوزا بقولهم يعرفوا يعني ايه مسئولية الاول واللي مش عازيين ان شاء الله عنهم ماعازوا وخليهم كدة لحد لما يموتوا لوحديهم والا عيل ولاتيل ياخد باله منهم واللي بيقعدوا علي القهوة يبطلوا يقعدوا واللي مبيقعدوش انشاء الله عنهم ماقعدوا ..
الولاد في صوت واحد : وانت طيب ياحاج وربنا يخليك لينا ..
ma852003 : وانتم طيبين ياولاد حد جعان يقول وهو يرمقهم بنظرة نارية ..
كل اعضاء المنتدي في خوف : لا طبعا جوع ايه احنا اخر حاجة نفكر فيها الاكل .. يقولوها وهم ينظرون للاكل بحسرة ..
ma852003 في رضا : طيب كويس ولحد لما تجوعوا أوى هأقولكوا درس دينى صغير

يحدث هرج ومرج وهمهمة في القاعة .

ma852003 بيبرق ليهم وبيضرب بايده علي الترابيزة : بس سكوت مش عايز اسمع نفس .
محمد ابراهيم : فيه ايه ياحاج انت واخد الموضوع علي صدرك كدة ليه يعني ايه متمسعش ولا نفس مش حانتنفس يعني والا ايه هو انت فاكرنا هنود حاندفن ومش نتنفس ..
عبدوو عزام : ماهو ياحاج لو انت كنت ناوي تقولنا درس كنت عملت حسابك انبارح وقولتهولنا قبل ما ننام كان يادوبك لحقت تخلصه علي الغدا

ma852003 : بس ياد يامسهوك منك ليه وانت يابو شعر ولسان طويل انا حاعلمك تتكلم كويس أمير الحب هاتلي مقص الجنايني ..
أمير الحب : عنيا ياحاج اجيب الفلكة كمان ؟؟
عاشق الجنه : خلاص ياحاج انا بهزر حقك عليا ..
ma852003 : وانت ياعم عبدووو عزام في ايه بس ..
عبدووو عزام : لا ولاحاجة ياحاج ده انت كلامك علي قلبنا زي العسل بس والنبي اختصر علشان نلحق صلاة الفجر ..
ma852003 : لا متخفش انا كمان عايز اصلي العشاء ..
انوش : ياحاج أنا جعانة وانا بقول ناجل الدرس لبعد الغدا ..
عاشق الجنه : لا انا عايزة اشوف الماتشات ..
ma852003 : مفيش تاجيل ولا حاجة انا حاقول كلمتين كدة وخلاص ..
ma852003: بسم الله الرحمن الرحيم الحمد لله الذي هدانا وماكنا نهتدي لولا هدانا الله اما بعد ...
ma852003يتكلم ...
حان الآن آذان المغرب حسب التوقيت المحلى لمدينة القاهرة
ma852003 مازال يتكلم ..
حان الآن آذان المغرب حسب توقيت مدينة بروكسيل
ma852003 مازال يتكلم ..
البرنسيسه انهارت وحاول كل من عاشق الجنه ومحمد ابراهيم مساعدتها ولكن زغرة من ma852003 رجعتهم لمكانهم ..
ma852003 مازال يتكلم ..
الشباب كل واحد ماسك مناخيره وبيبصوا لبعض بقرف و ma852003مازال يتكلم ..
ma852003 حاسس بشئ غريب وبيبص لشباب المنتدي بقرف ومازال يتكلم ..
حان الان موعد اذان العشاء حسب التوقيت المحلي لمدينة القاهرة ma852003 مازال يتكلم..
توتااا بتاكل في صوابعها و ma852003 مازال يتكلم ..
انفجرت مرارة عاشق الجنه و ma852003 مازال يتكلم ..
دقت الساعة الثانية عشر وحان الان موجز الانباء و ma852003 مازال يتكلم ..
فيب عمال يدور علي شعرة في راسه علشان يشدها و ma852003مازال يتكلم ..
حان الان موجز انباء الساعة الثانية ..
زلزال يدق اليابان ومصرع عشرين الف شخص ..
ma852003 مازال يتكلم ..
خبر عاجل .. تغيير حكومة نظيف وتعيين حكومة ابو الليف ..
ma852003 مازال يتكلم ..
مصرع مسئول كبير بالحكومة ضربا بالقباقيب ..
يصمت ma852003 تتصاعد تنهدات الارتياح ..
ma852003: انا تعبت حانقف شوية ....
انوش في لهفة: ايه خلاص ..
ma852003: لا بس حانقف دقيقة حداد علي روح المرحوم ونقرأ الفاتحة ..
الاحباط علي وجه الجميع ..
ma852003 عاد وتكلم ..
وتكلم ...
خبر عاجل انفجار ماسورة الغاز الرئيسية بالعاصمة ..
ma852003 مازال يتكلم ..
ma852003: بس وفي نهاية الدرس تتعلموا من كلامي ده ان خير الكلام ماقل ودل يعني البنات اللي بترغي تبطل رغي والشباب اللي بيلك يبطل لك ..
تنطلق صرخة من اخر الترابيزة ويصمت الجميع ..

ياتري ايه اللي حصل ؟؟؟
مين اللي اتجرأ وصرخ ؟؟
وياتري الاكل كان ايه علي الغدا ؟؟
وايه رأي الناس فيه ؟؟
خليكم معانا الحلقة الجاية علشان تعرفوا ..

!! GoldeN BoY !!

2007-06-19, 02:29 PM

ههههههههههههههههههههههههه

اية يا عم ma852003 اية الكلام دا كلة

بجد يا توتااااااااااااا تحفة الفكر والمشاهد جميلة جدااااااااااااااااا

3aShe2

2007-06-19, 07:37 PM

المشهد الاول :
التاسعة ص
مطبخ كبير اوي عامل زي المصنع وبنات بتروح وبنات بتيجي و البرنسيسه رابطة راسها باشارب وبتزعق..
البرنسيسه : يالا يابنات عايزين نخلص الاكل بسرعة ...
نانيس : مستعجلة علي ايه لسه كتير على الغدا
ملكه الرومانسيه : يا برنسيسه اللحمة تقريبا مش حاتكفي اعمل ايه ؟؟
توتااا : قولي لايناس تتصرف من المشرحة مش في بواقي جثة من انبارح .
انوش : لا توتااا دي قضية شائكة هل يجوز اننا نااكلهم بقايا الجثة قبل ماتتعفن ..
نانيس : مش مهم حبة بهارات وتبقي العملية في النملية وبعدين دول تيران ياكلم الظلط.
ملكه الرومانسيه : لا يا نانيس حرام ناكلهم بقايا الجثة طيب والطلبة تذاكر علي ايه .
اونش : واحنا حاناكل معاهم جثث ياي ..
البرنسيسه وهي تكشر عن انيابها: هههههههههه جثث ايه ياشابة هو طبيخنا ده صالح للاستهلاك الادمي انا طالبة ديلفري من عند مؤمن .
توتااا : انوش خلصتي حلة الملوخية ؟؟
انوش : ايوة خلصتها بس عايزة حد يشوفلي الملح مظبوط والا لا .
نانيس : عايزين نشوف الملح مظبوط والا لا يابنات يالا حد يتطوع ويدوق ..
يحصل هرج ومرج والبنات بتجري في كل اتجاه ..
البرنسيسه : اهدوا بس يابنات في ايه بس ده عمل بطولي وشرف عظيم والل حايقوم بالعملية البطولية دي حانيدله ميدالية شوكة البدنجان .
انوش : ازاي بس واحنا اللى طابخين ندوق ايه ؟
ملكه الرومانسيه : يابنتي مفيهاش حاجة انتي حاتدوقي بس بطرف لسانك مش حاتبلعي حاجة .
انوش : لا احنا معندناش الا لسان واحد وبعدين العملية دي عايزة واحدة استشهادية .
نانيس وعنيها بتبرق: ايوة هي استشهادية هي البرنسيسه ..
البرنسيسه ادوق لا انا عايزة افجر نفسي مش عايزة اموت بالملوخية ..
توتااا : يابنتي انتي حاتدوقي بس بعد الغدا لما تاكلي الملخية كلها حاتنفجري لوحدك ..
انوش : خلاص لحد يدوق ولا حاجة هي كدة عاجبهم عاجبهم مش عاجبهم يبقي يروحوا ياكلوا برة ..
يالا يابنات نوضب طرابيز السفرة

استفسار واحد يا وتا

معلشى استفسار واحد
بس

يا ترى

بعد كل ده

عرفتوا تخصبوا اليورانيوم

دانتوا بنات تجيب الكبد

والحصبة

وتفقع المرارة

والتهاب فى اللوز

:017::017:

المشهد الثاني :
الثالثة عصراً
المكان : حجرة السفرة واعضاء المنتدي كلهم قاعدين مع بعض و ma852003 علي رأس المائدة ..
ma852003: كل سنة وجميع اعضاء المنتدي بخير وبصحة وبسعادة واللي عندها حالة ولاده ربنا ينتعها بالسلامة واللي معندهش ربنا يرزقها واللي لسه متجوزتش انشاء الله عنها ماتجوزت وخليها كدة لحد لما تعنس واللي ناوية تتجوز تاخد بالها لان الجواز هباب وزفت ..
البنات في صوت واحد : وانت طيب يا ma852003 وربنا يخليك لينا يارب ..
ma852003: وانتم طيبين يابنات و كل سنة واعضاء المنتدي بخير وسعادة وجمال و الشباب اللي بتتسهوك تبطل سهوكة واللي عايزين يتجوزا بقولهم يعرفوا يعني ايه مسئولية الاول واللي مش عازيين ان شاء الله عنهم ماعازوا وخليهم كدة لحد لما يموتوا لوحديهم والا عيل ولاتيل ياخد باله منهم واللي بيقعدوا علي القهوة يبطلوا يقعدوا واللي مبيقعدوش انشاء الله عنهم ماقعدوا ..
الولاد في صوت واحد : وانت طيب ياحاج وربنا يخليك لينا ..
ma852003 : وانتم طيبين ياولاد حد جعان يقول وهو يرمقهم بنظرة نارية ..
كل اعضاء المنتدي في خوف : لا طبعا جوع ايه احنا اخر حاجة نفكر فيها الاكل .. يقولوها وهم ينظرون للاكل بحسرة ..
ma852003 في رضا : طيب كويس ولحد لما تجوعوا أوى هأقولكوا درس دينى صغير

يحدث هرج ومرج وهمهمة في القاعة .

ma852003 بيبرق ليهم وبيضرب بايده علي الترابيزة : بس سكوت مش عايز اسمع نفس .
محمد ابراهيم : فيه ايه ياحاج انت واخد الموضوع علي صدرك كدة ليه يعني ايه متمسعش ولا نفس مش حانتنفس يعني والا ايه هو انت فاكرنا هنود حاندفن ومش نتنفس ..
عبدوو عزام : ماهو ياحاج لو انت كنت ناوي تقولنا درس كنت عملت حسابك انبارح وقولتهولنا قبل ما ننام كان يادوبك لحقت تخلصه علي الغدا

ma852003 : بس ياد يامسهوك منك ليه وانت يابو شعر ولسان طويل انا حاعلمك تتكلم كويس أمير الحب هاتلي مقص الجنايني ..
أمير الحب : عنيا ياحاج اجيب الفلكة كمان ؟؟
عاشق الجنه : خلاص ياحاج انا بهزر حقك عليا ..
ma852003 : وانت ياعم عبدووو عزام في ايه بس ..
عبدووو عزام : لا ولاحاجة ياحاج ده انت كلامك علي قلبنا زي العسل بس والنبي اختصر علشان نلحق صلاة الفجر ..
ma852003 : لا متخفش انا كمان عايز اصلي العشاء ..
انوش : ياحاج أنا جعانة وانا بقول ناجل الدرس لبعد الغدا ..
عاشق الجنه : لا انا عايزة اشوف الماتشات ..
ma852003 : مفيش تاجيل ولا حاجة انا حاقول كلمتين كدة وخلاص ..
ma852003: بسم الله الرحمن الرحيم الحمد لله الذي هدانا وماكنا نهتدي لولا هدانا الله اما بعد ...
ma852003يتكلم ...
حان الآن آذان المغرب حسب التوقيت المحلى لمدينة القاهرة
ma852003 مازال يتكلم ..
حان الآن آذان المغرب حسب توقيت مدينة بروكسيل
ma852003 مازال يتكلم ..
البرنسيسه انهارت وحاول كل من عاشق الجنه ومحمد ابراهيم مساعدتها ولكن زغرة من ma852003 رجعتهم لمكانهم ..
ma852003 مازال يتكلم ..
الشباب كل واحد ماسك مناخيره وبيبصوا لبعض بقرف و ma852003مازال يتكلم ..
ma852003 حاسس بشئ غريب وبيبص لشباب المنتدي بقرف ومازال يتكلم ..
حان الان موعد اذان العشاء حسب التوقيت المحلي لمدينة القاهرة ma852003 مازال يتكلم..
توتااا بتاكل في صوابعها و ma852003 مازال يتكلم ..
انفجرت مرارة عاشق الجنه و ma852003 مازال يتكلم ..
دقت الساعة الثانية عشر وحان الان موجز الانباء و ma852003 مازال يتكلم ..
فيب عمال يدور علي شعرة في راسه علشان يشدها و ma852003مازال يتكلم ..
حان الان موجز انباء الساعة الثانية ..
زلزال يدق اليابان ومصرع عشرين الف شخص ..
ma852003 مازال يتكلم ..
خبر عاجل .. تغيير حكومة نظيف وتعيين حكومة ابو الليف ..
ma852003 مازال يتكلم ..
مصرع مسئول كبير بالحكومة ضربا بالقباقيب ..
يصمت ma852003 تتصاعد تنهدات الارتياح ..
ma852003: انا تعبت حانقف شوية ....
انوش في لهفة: ايه خلاص ..
ma852003: لا بس حانقف دقيقة حداد علي روح المرحوم ونقرأ الفاتحة ..
الاحباط علي وجه الجميع ..
ma852003 عاد وتكلم ..
وتكلم ...
خبر عاجل انفجار ماسورة الغاز الرئيسية بالعاصمة ..
ma852003 مازال يتكلم ..
ma852003: بس وفي نهاية الدرس تتعلموا من كلامي ده ان خير الكلام ماقل ودل يعني البنات اللي بترغي تبطل رغي والشباب اللي بيلك يبطل لك ..
تنطلق صرخة من اخر الترابيزة ويصمت الجميع ..

محمد هنا بيفكرنى بسى السيد

بس سى سيد مودرن شوية

ان شاء الله هنتلم عليه فى الاخر

ونديله طريحة

:bm::bm:

بس بجد يا توتا ااااا

يومياتك لذيذة اوى

زى السكر

عليها عثل

بس خلى بالك من النمل

علشان احنا فى الصيف

totaaaa

2007-06-19, 08:18 PM

استفسار واحد يا وتا

معلشى استفسار واحد
بس

يا ترى

بعد كل ده

عرفتوا تخصبوا اليورانيوم

دانتوا بنات تجيب الكبد

والحصبة

وتفقع المرارة

والتهاب فى اللوز

:017::017:

بتقول كده حراااااااااااااام عليك ظلمنا والله
مش كفايه بنعمل الأكل للجيش ده كله
مش نقول الحمد لله

محمد هنا بيفكرنى بسى السيد

بس سى سيد مودرن شوية

ان شاء الله هنتلم عليه فى الاخر

ونديله طريحة

:bm::bm:

وبعدين هضرب البطل ازاي يعني
طب اصبر عليا هخليه في اليوميات يعرفك شغلك يا عاشق هههههههه
بس ايه رايك في دورك والنبي مش حلووو

بس بجد يا توتا ااااا

يومياتك لذيذة اوى

زى السكر

عليها عثل

بس خلى بالك من النمل

علشان احنا فى الصيف

ربنا يخليك يا عاشق والله ده انت اللي سكر والله

وأي خدمات

وباااااااااااي بقي عشان احنا صيف والجو حاررررررر قوووووووووي
هههههههههه

مرسي لرايك يا عاشق

اسير القلوب

2007-06-19, 08:51 PM

والله يا توتااااا اليوميات زي العسل جميله اوووووووووي وانا والله بقدر تعبك في اليوميات دي فعلا بتتعبي جدا جدا

بس انتي مش حطاني معاهم ليه يا ريت تبقي تحطيني معاهم المره الجايه

تحياتي (( اسلام ))

totaaaa

2007-06-19, 09:04 PM

ان شاء الله

معانا الحلقه التالته ان شاء الله

ومتزعلش يا اسير القلوب

اسير الاحزان

2007-06-19, 10:34 PM

شكرااا يا توتااااا اليوميات جميلة جداااااااا

ايناس

2007-06-20, 09:13 PM

ههههههههههههههههههه بجد ياتوتاااااااا انتي عبقريه والله

تنفعي مؤلفه ميه ميه :thumb: :clap:

ايه يابنتي الجمال دا بجد معيشاني جو البيت والعيله فعلا

والمواقف اللي بتحصل فيه

احييكي بجد علي اليوميات وشكلك تعبتي فيها اوي

وعلي راي عاشق محمد عاملنا فيها سي السيد شكلنا في

الاخر هنتلم عليه ونديله علقه تمام عشان خير الكلام ما قل ودل :ongue:

بس المهم في الاخر ياتوتاااااااا تخلي الولاد هما اللي ياكلوا

الاكل لوحدهم خليهم يخفوا من البيت شويه :bm: :bm:

تسام اديكي بجد ومستنين باقي الاجزاء بس مش تتأخري علينا

:icon26::icon26::icon26:

vip

2007-06-20, 09:40 PM

الـبرنـس

2007-06-20, 10:37 PM

بصراحه يا توتااااااااااا

مضحكشى عليكى

انا قرئت اليوميات دى اكتر من خمس مرات

بس جميله جدا

ربنا معاكى بس اوعى تنسى اى عضو عشان محدش بزعل منك

واى خدمه انا تحت امرك

لو فى حاجه تطلب راى اى عضو اخر انا مستعد لاى خدمه

ربنا معاكى من كل قلبى

ربنا يحفظك يا توتااااااا بمواد حافظه

كع كع كع كع

برنس

totaaaa

2007-06-23, 02:59 AM

شكراااااااا لمروركم جميعا
هههههههههههههههههههه

جميل والله يا توتاااااااا كلامك زى العسل

مؤلفه جميله اللى عجبنى طربوشى ومش هقول

لاحد على السر بتاع الطربوش دا لاحد

على فكره خليه سر كدا

حتى فى الحلقه القادمه مش هقول لاحد عليه

اللى يدفع يعرف ايه رايكم هع هع

تحت الطربوش عظماء طبعا انتم عارفين
مرسي لمرورك يا احمد وخلي موضوع الطربوش ده سر
وان مش هجيب سرته الحلقه اللي جايه ههههههههههههههه

بصراحه يا توتااااااااااا

مضحكشى عليكى

انا قرئت اليوميات دى اكتر من خمس مرات

بس جميله جدا

ربنا معاكى بس اوعى تنسى اى عضو عشان محدش بزعل منك

واى خدمه انا تحت امرك

لو فى حاجه تطلب راى اى عضو اخر انا مستعد لاى خدمه

ربنا معاكى من كل قلبى

ربنا يحفظك يا توتااااااا بمواد حافظه

كع كع كع كع

برنس

مرسي يا خالد لمروك وكلامك الرقيق وفعلا انا مبسوطه
اني بسمع رائ أعز اخ لي
شكر يا خالد

ههههههههههههههههههه بجد ياتوتاااااااا انتي عبقريه والله

تنفعي مؤلفه ميه ميه :thumb: :clap:

ايه يابنتي الجمال دا بجد معيشاني جو البيت والعيله فعلا

والمواقف اللي بتحصل فيه

مرسي يا انوش لمرورك ورايكطبعا يهمني لانك غاليه عليا قووووووي

وعلي راي عاشق محمد عاملنا فيها سي السيد شكلنا في

الاخر هنتلم عليه ونديله علقه تمام عشان خير الكلام ما قل ودل :ongue:

بس المهم في الاخر ياتوتاااااااا تخلي الولاد هما اللي ياكلوا

الاكل لوحدهم خليهم يخفوا من البيت شويه :bm: :bm:

ههههههههه اعمل ايه بقي عشان تكون الشخصيه لذيذه لاوم يكون فيها ابتكار يعني

وانا برده خليت الولاد بس هم اللي كلوا احنا بقي يا انوش علطول بقي اكل جاهز ههههههههه

تسام اديكي بجد ومستنين باقي الاجزاء بس مش تتأخري علينا

تسلملي يا انوش لاء طبعا مقدرش اتأخر عليكم

واليكم الحلقه التالت

totaaaa

2007-06-23, 03:21 AM

الحلقة الثالثة ...

ma852003 : مين اللي صرخ ؟؟؟
عاشق الجنه : مش انا والله ياعمو ..
أمير الحب :محمد ابراهيم اللي صرخ ..
كل العيون تتجه نحو محمد ابراهيم و ma852003ينظر له شذرا ..
ma852003 : مين محمد ابراهيم ده ؟؟
البرنس يميل علي اذن ma852003 ويهمس : ده واحد معانا هنا ..

البرنس : قوم يادوك كدة وعرف نفسك ..
محمد ابراهيم : انا شبكتى مبتقطعش وبكم اسعد وبكم قلبي يطرب ..

ma852003 : يطرب اعوذ بالله طرب ومسخرة استغفر الله استغفر الله ..
جميع الاعضاء خلف ma852003 يهزون رؤوسهم ويستغفرون .. حي استغفر الله استغفر الله ..
ma852003 : صرخت ليه يااخ محمد ابراهيم ..
محمد وهو يرتعد خائفا: صوباعي بيوجعني ..
ma852003 : وبيوجعك من ايه ..
محمد ابراهيم : حد داس عليه ..
ma852003 : مين اللي اتحرك وانا بقول كلمتي انت يا ماندوزز ..
ماندوزز هو بيخبي صاروخ في حلة الشوربة: لا مش انا مش انا ده عميل اجنبي ..
محمد ابراهيم : لا مش هو اللي داس علي صبعي ..
ma852003 : اومال مين ؟؟؟
محمد ابراهيم : هو الذي يمشي في الظلام لانه ماشي في الظلام مشافش صبعي فداس عليه ..
ma852003 : نعم يااخويا مين هو اللي انت بتتكلم عليه ؟؟
البرنس يهمس بأذن ma852003 : بيتكلم عن دراكولا ..
ma852003 : دراكولا ايه وجيلي كولا ايه انا مش مؤمن بالخرافات دي ..
فجأه النور ينقطع ..
و ma852003يصرخ الحقوني الحقوني ..
الكل في صوت واحد مالك يا ma852003..
ma852003 وهو يرتعد خوفا: هو الذي يمشي في الظلام داس علي صبعي ..

المشهد الاول :
المكان : حمام البيت الكبير .

ma852003 واقف قدام الحمام وبينظم عمليات دخول الاعضاء للحمام والخروج منه وماسك تذاكر بأيده ومعلق يافتة علي باب الحمام تنص علي الاتي ( في حالة الطواريء يرجي استخدام الكادليز)

أمير الحب ماسك كيس مناديل وواقف جنبه ..
عاشق الجنه : يالا ياحبايبي غسيل الايد خمسين قرش

البرنس : هنا يتم تلبية نداء الطبيعة ويالحسن حظ من تطلبه الطبيعة وتناديه .. نداء عادي 1 جنيه
نداء مخصوص جنيه ونص واللي مستعجل يدفع جنيه زيادة واللي طبيعة وحشاه اوي ممكن يشترك معانا في نادي
اف اس ايه كلاب وده بيديله حق الاولوية في انه يلبي نداء الطبيعة ده غير المميزات الاخري زى علبه بامبرز هديه وورق مناديل فلورا اما ياحبايبي اللي مش حايشترك عليه بقي بورق الشجر .
فيب يأتي متسائلا : ايه الزحمة دي .
عاشق الجنه : ده مكتب وزير الري ..
فيب : اه والله انا عايز اقابله خصوصا بعد الاكلة الجميلة دي ..
عاشق الجنه : اوك يافيب ادفع 150 قرشا شاملة للضرائب ومنديل استخدام مرة واحدة ..
فيب : بس انا معييش غير 50 قرش ..
عاشق الجنه وهو بيمد ايده وبيسحب جردل من جنبه : خمسين قرش هات هات يالا روح قابل السكرتير بتاعه علي جنب ..
فيب : ايه ده جردل !!!!
عاشق الجنه وقد ارتفع صوته : ايوة ياحبيبي جردل مش عاجبك والا ايه علي اد فلوسك ..
فيب : لاخلاص عاجبني اهو يخليني علي تواصل وخلاص ..

المشهد الثاني :
المكان : جونينه الفيلا الكبيره ..
الزمان : مساء..

البرنس و عاشق الجنه و ماندوززز قاعدين بيلعبوا شطرنج .. وفجأه مسكوا في خناق بعض ..
ماندوزز : في ايه يجدعان بتتخانقوا ليه ؟؟؟
البرنس :عاشق الجنه موتلي الملك ..
عاشق الجنه : لاهو اللي ابتدي وسمم الباهيم بتاعتي ..
البرنس ياسلام: انت اللي بتغش وبتقرص علي الزهر ..
عاشق الجنه : انا اللي بغش ليه بقي هو انا اللي قولتك علشان تحرك الحصان لازم تأكله برسيم الاول ؟؟؟
البرنس : لا دي اصول لعب زي ماالاصول بتقول ان الوزير لازم ياخد اذن من الملك قبل مايتحرك خطوة واحدة..
عاشق الجنه: انت كداب..
البرنس : وانت نصاب..
ومسكوا في خناق بعض تاني ..
مندوزز وهو وبيسلك بينهم: خلاص خلاص لاانت كداب ولاانت نصاب متلعبوش مع بعض دومنو تاني ..

فجأه يخش اسير القلوب وهو بيجري : ياجماعة ياجماعة شوفتوا فيب بيعمل ايه ؟؟؟

ياتري فيب بيعمل ايه ؟؟؟؟
اسير القلوب عرف منين اللي بيعمله فيب ؟؟؟
خليكوا معانا الحلقة الجاية لتعرفوا سر فيب والطربوش الاحمر

mandoo

2007-06-23, 10:32 AM

ايه ده يا توتا دانتى ولا احسن مخرج فى مصر
يا سلام لو ده اتعمل مسلسل ها يكسر الدنيا

وها يجيب اعلى ايردات

بس انتى جربى وانا ها اكون المنتج اتفقنا

!! GoldeN BoY !!

2007-06-23, 11:30 AM

ههههههههههههههههههه

شكرااااااااااااااا يا توتا والله جامدة حكاية الحمام دى

ههههههههههههههههه

totaaaa

2007-06-23, 09:41 PM

ايه ده يا توتا دانتى ولا احسن مخرج فى مصر
يا سلام لو ده اتعمل مسلسل ها يكسر الدنيا

وها يجيب اعلى ايردات

بس انتى جربى وانا ها اكون المنتج اتفقنا

مرسي لمروك وزوقك
وانا موافقه يا منتجي يالا بقي نبدأ ههههههههه

ههههههههههههههههههه

شكرااااااااااااااا يا توتا والله جامدة حكاية الحمام دى

ههههههههههههههههه

مرسي يا عبدووو لمرورك واي خدمات

الطيب احسن

2007-06-24, 04:12 AM

يوميات جامده جدا يا توتاااااااااااا

mandoo

2007-06-26, 11:48 AM

اوكى يا توتا يالا نبدأ
بس انتى الى ها تختارى الى ها يمثل
بس يكون من الاعضاء

بس انتى تخدى ربع الايرادت وانا اخد الباقى

لا كده مش ها حش المشروع ده ودورى على حد تانى

ملكة الرومنسية

2007-06-26, 04:59 PM

بجد يوميات جميلة جدا

وعايزين التكملة

black rose

2007-06-27, 03:38 PM

بجد

بجد

انتى مبدعـــــــــــــــــــــــــــــــــــــــــ ــــة !

امير الحب

2007-06-27, 09:06 PM

هيا يوميات رائع بسرعه التكمله يا توتاااااااا

totaaaa

2007-06-30, 01:19 PM

هيا يوميات رائع بسرعه التكمله يا توتاااااااا

شكرا يا امير لمرورك الكريم

ملكة الرومنسية

2007-07-01, 07:43 PM

ياجماعة انا مش عارفةاشوف المشاركات بتاعت الموضوع خالص

ملكة الرومنسية

2007-07-01, 07:50 PM

بيقولى error on page

vip

2007-07-01, 08:08 PM

بيقولى error on page

فى برامج تصفح اخرى

1_ opera

2_ avant

ممكن تنزليه من على جوجل

او ارسلك اى واحد مفيش اى مشاكل

اسير القلوب

2007-07-03, 10:50 AM

جميله اوي اوي يومياتك يا توتاااا وانا هسميكي عبقرينو
اي خدمه
نحياتي اسلام

ايناس

2007-07-07, 02:06 AM

بجد تحفه ياتوتاااااااااااا روعه روعه روعه تسلم اديكي

وبسرعه بقي كمليها

عايزين نعرف سر الطربووووووووش!!!!!

كده تمام أوى

2007-07-18, 09:39 AM

يومياتك بجد مش لاقيها كلام بس ربنا يقدرك بجد وتكمليها ؟
وشكرا بجد ع اليوميات وربنا يدوم المعروف؟

totaaaa

2007-07-21, 05:32 PM

:048:واليكم الجزء الراااااااااااابع :048:

ماندوززز : هيكون بيعمل إيه إخلص وقول ..
اسير القلوب : والله مش عارف ابدأ منين أنا بالصدفة معدى على غرفته لقيته ..
البرنس : ما تنطق يا إبنى سيبت ركبنا
اسير القلوب : لقيته واقف قدام المراية وعمال يقول بقا يا ربى شعرى كله يقع وأنا لسا صغير كده ..
البرنس : قصدك تقول إن فيب لابس الطربوش عشان شعره وقع
اسير القلوب : ممكن بس أنا مستغرب ما الكاسكيتات مالية البلد لازم يعنى الطربوش ..
ويضحك الجميع إلى أن يأتى ma852003 يأمر الجميع بالنوم إستعداداً للعريس اللى راح ييجى يطلب إيد إحدى بنات المنتدى بكرة ..

اليوم التالى ..

:18:المشهد الأول :18:

نهار خارجى
شارع طويل وفى نهايته يقبع البيت الكبير ومن خارج أسواره نرى سيارة متوسطة الحجم تقف وينزل منها شاباً يرتدى بدلة كحلية اللون يمد يده داخل السيارة ويمسك بلفافة أنيقة من الحلويات
الأب : ده بيت كبير أوى يا ياابنى
الشاب : أيوة يا بابا أصلهم عددهم كبير أوى هى وإخواتها دول حوالى ثلاث آلاف أخ واخت
الأب : يالله ودول جابوهم إزاى دول ؟
الأم : جابوهم فى كام سنة دول ياابنى ؟
الشاب : والله يا ماما أنا كل شوية تطلع تقولى إكتشفنا أخ جديد كان فى منتدى عربى شغال هناك
الاب : ودول يا ابنى هانعزمهم إزاى فى حفلة الخطوبة ؟؟؟
الشاب وقد وصل ناحية البوابة ويطرق الجرس : اللمة حلوة يا بابا

:thumb:المشهد التانى:thumb:

امير الحب يفتح الباب ويقول : هييييييه العريس جه العريس جه وجايب حلويات كمان
عبدووو عزام : يابنى انتا اتهد انتا مش لسه مخصوملك مصروف أسبوعين من مصروف الشهر ده وأول امبارح اتخصملك مصروف شهر من مصروف السنة دى ولا الشهر اللى فات مخصوملك مصروف سنة من مصروف القرن اللى إحنا فيه ؟

امير الحب ونسى إنه لسه موقف العريس عالباب : وإنتا مالك إنتا يا خويا اتشطر كده وإطلع الأول زيى بدل ماإنتا بقالك خمس سنين فى السنه اللي انت فيها
عاشق الجنه ييجى على صوت الخناقة : إيه يابنى إنتا وهو سايبين الناس عالباب وواقفين تتخانقوا

عاشق الجنه يشير للضيوف : إتفضلوا ويشير إليهم مصطحبهم إلى غرفة الصالون

:ongue:المشهد التالت :ongue:

ma852003 جالساً فى الحجرة ومن حوله مجموعة من رجال المنتدى يقف محيياً الضيوف ويشير ل لمندوزز إشارة معناها امير الحب و عبدووو عزام فى اودة الفيران

الشاب : السلام عليكم ورحمة الله وبركاته

الجميع فى صوت واحد جهورى : وعليكم السلام ورحمة الله وبركاته
الشاب مرتعباً من ضخامة الصوت موجهاً كلامه لma852003: طبعاً يا عمى ايناس ( انوش ) كلمتنى عن حضرتك كتير وكان نفسى فعلاً تيجى الفرصة اللى أتعرف فيها بحضرتك والحمد لله أهوه جه الوقت اللى أتشرف فيه واجى أقعد مع حضرتك

ma852003 : ياابنى هذا شرف لا ادعيه وأزكى على الله أحد ونعوذ بالله من شرور أنفسنا وسيئات أعمالنا إنه من يهده الله فلا مضل له ومن يضله فلن تجد له هادياً أبداً ،إخوتى فى الله .......

البرنس مشيراً لma852003: يا ma852003 النهاردة التلات مش الجمعة إنتا طلعت عالمنبر بدرى اوى

ma852003 ينظر شزراً للبرنس ويشير لمندوزز نظرة معناها : إبقى فكرنى باللى الواد ده عمله

وموجهاً كلامه لوالد الشاب : بقى حضرتك قلتى إنك شغال فى وزارة التربية والتعليم على كده تعرف محسن بيه عبد القادر ؟

والد الشاب : لاوالله مااتشرفتش حضرتك ياترى كان موقعه إيه فى الوزارة

ma852003 وكأنه بهت بالسؤال الموجه : مش عارف انا فاكر إنه كان حاجة كبيرة كده أوى هناك المهم ماعلينا

والد الشاب : انا إبنى ماشاء الله عليه إتخرج من حوالى تلات سنين من كلية الهندسة جامعة الزقازيق فرع بنها

الطيب احسن ( رامي ) : أيوة ياعمى دى فى شبرا عندنا دى جنب مدرسة ناصر الثانوية بنات انا كنت اعرف أصحاب ليا هناك زمان أصلى كنت بعدى عليها لما كنت بروح أجيب البنت صاحبتى من المدرسة وأنا فى أولى كلية

والد الشاب يكمل كلامه مبتسماً : اهوه طلعنا معرفة قديمة وأنا يسعدنى ويشرفنى اطلب إيد بنتك انوش لإبنى .

ma852003 : وأنا بقول الولد إبنك والبنت بنتك بس برضه لازم تسيبلى يومين اخد رأى البنت إنتا عارف إن الشرع فرض الأخذ بالرأى فى الزواج أينعم لا زواج لقاصر إلا بوكيل والزواج من العبادات والحماية للفتى قبل الفتاة فى زمن عز علينا أن نرى فيه شبابنا وقد عانوا الأمرين من متطلبات الزواج الضرورية ...... ويستمر فى كلامه

:010:سنعود بعد الفاصل :010:
انتظرونا
نشوف بقي
:clap::wacko:هيحصل ايه تاااني :clap::wacko:

totaaaa

2007-07-21, 05:37 PM

اولا : طبعا كل الأعضاء عرفت موضوع سر احمد ( فيب )
ربنا يرجعوا للمنتدي ان شاء الله

ثانيا : لسه في بقيت الجزء الأول أصل اليوميات ديه جزء بينزل اهو ولسه بقي الجزء التاني
استنوا بقي وتابعوا معايا

ثالثا : وانا عارفه ان ايناس عايزه تضربني بس يا انوش انا نفسي افرح بيكي
وانتي عارفه بقي قلب الأم
معلشي جوزتك في اليوميات اعقبال الحقيقي يارب

انتظروا باقي الجزء الرابع

اسير الاحزان

2007-07-21, 05:48 PM

شكرااااااااااااااااا ليكى

بس يا ريت اشوف اسمى و لو مرة واحدة

totaaaa

2007-07-21, 05:51 PM

المشهد الرابع

غرفة انوش وقد إزدحمت ببنات المنتدى ويظهر فى الكادر توتااا واقفة بجوار انوش

توتااا : أنا قلتلك بلاش كوافير وأنا أظبطلك شعرك شوفى انا اللى عاملة شعر البرنسيسه

انوش تنظر إلى البرنسيسه وقد إصطبغ شعرها بلون غير معروف فى الأوساط الكيمائية ويظهر وكأنه تم ضربه فى الخلاط ( شعرها طبعاً مش اللون ) وتحمد ربها فى سرها ان ألهمها الذهاب إلى الكوافير بدلاً من الوقوع فى اللي حصل لأختها
ملكه الرومانسيه : معلش يا ستى المرة اللى جاية
توتااا : إمسكى يا برنسيسه أنا سرقت شوية كركاديه من أودة الخزين وطحنتهم خدى حطى اوش منهم
توتااا : أيوة أنا قريت فى مجلة روسية إن الكركاديه مفيد جداً فى الخطوبة خصوصاً لو كان مسروق
نانيس عمالة تشاور لملكه الرومانسيه وانا يا توتااا مش هاتحطيلى ميك آب إنتى وعدتينى أول إمبارح وأنا سمعت كلامك وماجبتش سيرة لحد إنك بتهربى البطاطس وتبعيها لعم عبده اللى عامل عربية كبدة على ناصية الشارع .

المشهد الخامس

البرنسيسه تسيبهم فى عملية تزويق انوش وتنزل على المطبخ تشوف هاتقدم إيه للضيوف
البرنسيسه : ياعينى عليا أنا الى مظلومة دايماً هما يقعدوا يتزوقوا وأنا الى أشوف المطبخ وسنين المطبخ تفاجأ بأقفاص الفيران متكسرة ومافيش ولا فار فى القفص بتاعه ترقع بالصوت الحيانى وتجرى على فجر الأسلام إلحقينى يا فجر أقفاص الفيران كلها متعضعضة ومافيش ولا فار محترم نفسيته وقاعد فى القفص بتاعه ولا كراتين الضفاضيع كلها مقلوبة على ضهورها والضفاضيع كلها هربانة وصفايح الصراصير المخلية مافيهاش صرصار يوحد ربك أنا قلقانة يا فجر لأحسن يكون حد سرقهم

فجر : يانهار أبيض سرق إيه بس إحنا عندنا حرامية فى البيت لا يا برنسيسه تلاقي بس عندهم رحلة مدرسية النهاردة ولا حاجة ولا يمكن النهاردة شم النسيم وإحنا مش واخدين بالنا أقولك إكفى على الخبر ماجور وإرجعى المطبخ ولا كأن أيوتها حاجة حصلت إعملى الشربات خلينا نخلص ونبقى ندور على الأشياء المذكورة دى بعدين لما الضيوف يمشوا

فجر الأسلام : طيب بالحقة يابرنسيسه الواد امير الحب وعبدووو عزام محبوسين فى الأودة الضلمة إبقى كلفى خاطرك كده وكلمى الحج حسام يخرجهم أهوه برضه النهاردة يوم خطوبة اختهم ويفرحوا معانا

البرنسيسه : طيب أنا هاشوف الموضوع ده بس يلا شهلى إنتى كمان لأحسن لو ma852003 إستعجل المشاريب ومالقاهاش هايخرب بيتك ويكب زيتك

المشهد السادس

البرنسيسه تنزل للحج ma852003 هامسة فى أذنه : إلاهى يخليهوملك يا ma852003ماتخلى الواد امير الحب و عبدووو عزام يطلعوا يهيصوا مع إخواتهم ماتكتمش على نفس العيال كده يا اخويا فى يوم مفترج زى النهاردة وإنتا كلك زوق ياأبو الزوق

ma852003 يفرح بالكلمتين اللى إتقالوا فى حقه ويشاور لمندوززز يروح يفك حبس الإتنين
يرجع مندوزز هو وامير الحب وعبدووو عزام يلاقوا الرجالة كلها راكبة على نفس العريس وكل واحد بسؤال

ma852003 : وانت فى المرحلة الجامعية هل كنت تتبع أي تيار فكرى أو سياسى أو ثقافى وإذا لم تكن هل عملت مرشداً لمباحث أمن الدولة ؟
العريس مذهولاً يكاد يفتح فمه ليعترض يلاحقه
امير الحب : ياترى تقدر تقولى الفرق بين شعر نزار قبانى وشعر زكى جمعة ؟
عاشق الجنه إنتا بتشجع نادى إيه ؟
عبدووو عزام : تعرف مين فى شبرا ؟
ويب كراكر : حافظ أد إيه من القرآن ؟
فيب : معاك تواصل ماركته إيه ؟
البرنس : سمعت آخر شريط لاليسا وممكن رقم موبايلك من اجل تعارف شفاف ؟
..........

نترك العريس وهو يكاد ينفجر من ملاحقة الرجالة له بالأسئلة ونقترب من والده الذى بدا عليه أن ma852003 لم يترك له أية مساحة من
الوقت حتى يستطيع مجاراته فى الكلام يلحظه البرنس ويكاد ينفجر من الضحك ويغمز لعاشق الجنه : إلحق ياعم اخوك الكبير ماسك المكرفون من صباحية ربونا ومش مدى الراجل فرصة إنه يتكلم ده تقريبا بيقول كل الكلام بتاعه وكمان بيزود عليه وهو اللى بيقول الكلام اللى المفروض إن الراجل يقوله والراجل ياعينى مسلم خالص زى مايكون قاله إتفضل ودانى اهى خد اتعامل انتا بيها ينفجر الإثنان من الضحك عاشق الجنه يقول للبرنس : بقولك إيه أنا عاوز أزوغ من هنا تفتكر أخوك هاياخد باله إنى مش موجود
البرنس : ياعم صهين ياعم ياخد باله من مين بس داإحنا ماشاء الله علينا تلات آلاف أخ وأخت ده على ماييجى يعدنا نافاااار نافااااار هايحتاج تلات ايام على مايخلصنا كلنا انا كمان هاطلع أعمل تليفون فى السريع كده
عاشق الجنه : اموت فيك إنتا يا بتاع التليفونات حاجة جديدة دى يا واد

البرنس : إسكت يا واد يا عاشق يااخويا دى باين عليها مسك الختام اللى هاختم بيها حياتى الغرامية فى ملاعب القلوب وأعمل ماشت إعتزال بقى وأشوط وأجيب جوووووون

و البرنسيسه بقى ماسكة ودان والدة الشاب وهات يا رغى من هنا لبعد بكرة : لا بقى إنتى تلاقيكى مادوقتهاش بالحبهان والمستكة والزعفران حاجة كده زى العسل ألا صحيح قوليلى جربتى تعمل شوربة ضفاضيع مع طبق صراصير بيضا بانيه ولا إسكالوب السحالى هابقى أكتبلك الوصفة

فجر الأسلام تميل على ماندوزز وتقوله : شايف طبق الحلويات اللى جايبه ..
ماندوززز : يافجر يا ريته كان جاب تمر ده التمر ده سنة عن النبى عليه الصلاة والسلام وبعدين إنتى متخيلة إن فيه محل حلويات فى البلد دى هايكفى إخواتك داإحنا لو جبنالهم مصنع حلو الصمدى كله هاياكلوه ويقولوا كااماااااان

فجأة ينتبه الجميع على دخول انوش شايلة صنية الشربات وتسلم على العريس ومافيش مانع إنها تدلق عليه كوباية الشربات الفراورة والبدلة طبعا كحلى وبقى عليها بقعة حمرا أد كده بس الموضوع عدى عادى

وبدأ ma852003 يتكلم : بص بقى حضرتك عملية المقابلات دى فى المناسبات القومية بس يعنى فى عيد العمال يوم الفلاح عيد الجلاء وطبعاً لو حب يخرج معاها يفسحها مش هايكونوا لوحدهم لازم يكون معاهم محرم كده حوالى 250 أخ من إخواتها إتفقنا

والد الشاب وهو يتحسر على مستقبل إبنه الغارق : موافقين
ma852003 : على بركة الله نقرا بقى سورة البقرة
فى نص سورة البقرة تنقطع الكهربا وتبدأ احداث جديدة فى جو الكهربا المقطوعة والفيران والصراصير الهربانة

عايز تعرف المقابلة خلصت على إيه ..
وتحب تعرف الرحلة اللى هيطلعا البيت الكبير فى أول الصيف
كل ده وأكتر فى الحلقات القادمة
إنتظرونا ..

totaaaa

2007-07-21, 05:57 PM

شكرا لمرورك يا اسير الاحزان

سوري والله بس كل ما في الأمر اني من مده متدخلتش المنتدي
ولسه حالا عارفه انك غيرت اسمك

متزعلش يا سيدي انت معايا ان شاء الله في الحلقات اللي جايه

اسير الاحزان

2007-07-21, 06:53 PM

شكرا ليكى يا totaaaaaaaaa

ايناس

2007-07-22, 02:09 AM

الطيب احسن

2007-07-22, 03:10 AM

اسير القلوب

2007-07-22, 11:21 AM

والله يا توتاااااااا انتي بتتعبي جدا وانا مش عارف اقولك ايهعلي يويمياتك الرائعه دي شكرا جدا ليكي يا توتااااااااااااااا

كده تمام أوى

2007-07-22, 12:01 PM

بجد يا توتا إنتى بتتعبى أوى أوى بس متهيألى ان تعبك ده جه بفايده ولاقى إقبال وإعجاب أكثر من روعه وده فحد ذاته مسؤلية أكبر وأكبر وأنتى أمام تحدى كبير لسد هذه الأفواه الجائعه؟

totaaaa

2007-07-22, 12:47 PM

شكرا يا اسير الأحزان بمرورك الكريم
:18:نورت الموضوع :18:

totaaaa

2007-07-22, 12:53 PM

اولا عايزة اشكرك جدا جدا بجد بتتعبي اوي ومجهودك الجميل واضح جدا في اليوميات بجد تسلم اديكي وربنا يوفقك دايما

ثانيا : عايزة اديكي علقه تمام :039::039: لانك مش قولتيلي اسم العريس ايه وعايزة مواصفات كامله عنه وبعدين انا مضربه اساسا عن الجواز تقومي تخطبيني وايه كمان واحد شغال في التربيه والتعليم عايزاني اطلع علي المعاش بدري بدري ولا ايه :wacko::wacko: ولا شكلكم كدا زهقتوا مني وعايزين توزعوني علشان البيت يخف شويه لا والف لالالالالا انا علي قلبكم مش هسيبكم ابدا ابدا :wub::icon26::icon26:

ربنا يوفقك ياقمر ومتنظرين باقي الحلقات بس مش تتأخري علينا

شكرا لمرورك يا احلي انوش في الدنيا كله
طبعا انا سعيده برايك لانك اختي الكبيره ( مش كبيره قوووي يعني )
بس انا بحترمك واتمني طبعا انك تكوني اختي الكبيره
المهم يعني انت عشان اختي انا لازم افرح بيكي ولا ايه وبعدين يا انوش انا اللي جايبه العريس
وانت عارفه بقي اختيار توتاااااا عامل ازاي مش هحكيلك

هي ديه المفأجاه يا انوش ايه رايك بس ارجوكي من غير ضرب
ههههههههههههههه

totaaaa

2007-07-22, 12:59 PM

توتااااااااااااااااااااااااااا
بجد انتى رائعه رائعه رائعه
عليا رائعه بالتلاته
بصى انا مستنى اليوميات على احر من الجمر
ويلا كترى من ابداعك
ده انتى حقك تطبيعهم وتنشريهم
ويكون اسم الكتاب
حكاياة منتدى دمه خفيف
يلا مستنى بقيت الاجزاء ومتتاخريش

أخي رامي منور الموضوع والله شكرا لمرورك يا رامي ويارب تعجبك اليوميات
وان شاء الله هنزل الباقي علطول

انزل ايه بس يا رامي ده احنا لسه في الأول هطبع علطول كده كتاب

والله يا توتاااااااا انتي بتتعبي جدا وانا مش عارف اقولك ايهعلي يويمياتك الرائعه دي شكرا جدا ليكي يا توتااااااااااااااا

شكرا يا اسير القلوب لمرورك طبعا وجودك شرف للموضوع
والحمد لله علي التقديركم ليا

بجد يا توتا إنتى بتتعبى أوى أوى بس متهيألى ان تعبك ده جه بفايده ولاقى إقبال وإعجاب أكثر من روعه وده فحد ذاته مسؤلية أكبر وأكبر وأنتى أمام تحدى كبير لسد هذه الأفواه الجائعه؟

شكرا يا احمد لمرورك للموضوع وكلامك الجميل وانا سعيده فعلا بوجودك في الموضوع
وان شاء الله تستمر علي متابعه الموضوع
شكرا بجد لكلامك الرقيق

totaaaa

2007-08-02, 11:10 PM

النور قطع من هنا
وتعالت الأصوات والصراخ
البرنس : بقولك إيه يارامي ( الطيب احسن ) تيجى نعمل مقلب سخن
الطيب احسن :ma852003 لو عرف هيومتنا
البرنس : وma852003هيعرف منين النور قاطع والدنيا كحل وكله عمال يتكلم محدش هيآخد باله ..
الطيب احسن : معاك يا صاحبى
البرنس : قشطة يا رامي أنا معايا حبل أهو هنربط رجل أبو العريس ومامته فى رجل العريس
الطيب احسن : يا واد يا جن طاب يالله بسرعة قبل ما النور ييجى
وبالفعل ينفذون خطتهم الجهنمية ..
وفجأة الكهربا جت
وينظر ma852003 للأولاد : اللى قاعد على رجل ده واللى بيلعبوا إستغماية فى الضلمة ..
والبنات : اللى بتشد شعر أختها ..
ولكن الجميع إستعاد ترتيبه فى هدوء وإنتظروا العقاب الحاسم من ma852003 اللى هيطين عيشتهم
وفجأة
يقع العريس ووالدته ووالدته أرضاً ولا يستطيعون الحراك
يقع البرنس من الأرض ضاحكاً
ويردد الجميع : العجل وقع هاتوا السكينة ..
وانوش تكاد أن تنفجر غيظاً فى الجميع لولا وقوف ma852003 .. الذى أخفى إبتسامته بقدر ما يملك من ثبات
ويقول ma852003 : مندوززز , امير الحب , اسير الأحزان ساعدوهم يقوموا ..
ويجرى الثلاثة وساعدوا العريس وأسرته فى الوقوف ..
ويصيح العريس : إنتا بتهزئونى .. بناقصها جوازة .. يللا يا بابا .. يللا يا ماما .. ويجرى مسرعاً
انوش تصرخ فى أخواتها
فيصيح فيها ma852003 زعلانة على إيه ده قدمه نحس ده أول لما جينا نقرأ سورة البقرة النور قطع بلا وكسة عليكم ..
( ويفكر ma852003 فى خطة خبيثة )
ده أنا كمان هأكافأ العيال اللى ربطت رجليهم كده ده عريس بومة
مين يا أولاد الشطار اللى عامله كده عشان يآخدوا وسام الشجاعة ..
البرنس : فريكيكووووووووو أنا يا ma852003والواد رامي ( الطيب احسن ) عشان تعرف إن إحنا أرجل إتنين هنا ..
ma852003: ويب كراكر
ويب كراكر : الفلكة جاهزة يا ma852003 ..
مندوززز : أكتفهملك يا ma852003..
وبالفعل يتناول البرنس و الطيب احسن طريحة محصلتش ويترحلوا على قودة الفيران وحكم بالحبس ..

ثم ينظرma852003 للواقفين جميعاً

أخوكم فيب

إيه ياجماعة ماحدش خد باله ولا ايه الراجل قال رايح يصلى العصر و يرجع على طول
ولغاية دلوقتى لا حس و لا حبر
اللهم اجعله خير
انا قلبى واكلنى على الواد فيب
روح شوف يا ماندوزز

اخوك فين ليكون جراله حاجة
م الأكل إلى أخواتك بيهببوه فى المطبخ من يوم امكم ما سابت البيت وهما هارينناصراصير وضفاضيع وكلام فارغ
وانت عارف الواد فيب دة علشان ما هو يعنى اخ غير شقيق ليهم عايزين يخلصوا منه
وطول عمرهم بيغيروا منه
ومش بيقدر على اكل الطبقة ................الى بتاكلوهوله دة

واخوك الطيب احسن راخر راح فين المنيل على عينه ده
روح شوفهولى فين .............بسرعةاتحرك...................غور من وشى انت وهما الساعادى

مندوزز راجع يلهث من البحث و التنقيب عن أخيه فيب
وقابلma852003 فى البهو الكبير للبيت عمال يشخط وينطر فى العيال (إلى بيلعب بكورة وإلى ماسكة عصفورة وإلى بتشد شعر أختها وحاجات كدة مخليا الراجل هيتجنن)
أيوة ياma852003 .............لا لا لا لقيته .....بس ....بس ما ...ما ,,,,ما عرفتش احصله

ع ع ع علشان ك ك ك ككان بيجرى و معاه المحمول بتاع حضرتك و عمال يسهوك فى التليفون
مع واحدة بنت من منتدى تانى مش عارف اسمها ايه
وفضلت اقوله ma852003 عايزك
ma852003 بيدور عليك ......................يبص لى ويطلع لسانه و يهز كتافه ياma852003ويقولى" قديمة..إلعب غيرها
أناعارف إنك إنت إلى عايز المحمول علشان تحب إنت كمان شوية
ولماعرفت إن أخوك فيب تايه و بيدورواعليه قلت أعملها حجة
واكلمها و اقولهاانا هعمل نفسى خارج أدور على فيب واقابلك فى دريم بارك .........
وووو قعد ياma852003 يغيظنى ويلعبلى حجوابوا ويبص لى من تحت النضارة.....

ma852003 ....بينفخ من الغيظ....العيال دول (علشان هما الكبار ) عيارهم فلت منه ومش عارف يلمهم

فجأة يظهرالطيب احسن ....و هو مطأطى الرأس و يقول لma852003 (بأدب )
بعد لما شاف فى عينيه الغدر ومندوززز واقف وراء ma852003 بيشاوروله ويقوله أنا قلت لma852003على كل حاجة.................

أنت كنت فاكرنى فين ياma852003 ولا باعمل ايه .... إنت صدقت كلام مندوزز برضة ياma852003
إنت مش عارف مندوزز وخياله الواسع ,,,,دة تلاقيه ألفلك قصو ياma852003 وٌال إيه أنا بسهوك فى التليفون....و.................
أبداً ياma852003 دا انا كنت بأتكلم مع واحد منادى وبأتفق معاه نروح أنا وهو ندور على أخونا فيب

علشان أناعارف ياma852003 إن حضرتك قلقان عليه خالص(ويشاور لمندوزز بإيديه ويقوله إستنى عليا بس لماma852003 يمشى ___هطلع عينك)

البنات كلها ملمومة فى غرفة أختهم الكبيرة
وعمالين يخططوا للإستيلاء على عقل وقلب ma852003

علشان فساتين الصيف
وعمالين يحلموا بالفسحة فى االصيف وعلشان كدة
كل واحدة فيهم ماسكة أخ من إخواتها وعمالة تهنن فيه علشان هما عارفين اوامر ma852003
مافيش بنت هتعتب باب الشارع من غيرأخ من إخواتها مايكون معاها

وهى دى الفرصة الذهبية للأولاد علشان يعيشولهم يومين فى بغددة على حساب البنات

امير الحب وعبدووو عزام عايزين سجاير ....والمصروف مش مكفى ....و الحاج لما شم خبر عن شربهم للسجاير ,,,,طين عيشتهم

البرنس بيسأل توتااا ...........
أختى ...حبيبتى ....عايزة تروحى فين فى الصيف يانور عينى ..يا ....وهات ياغزل

انا يا عينى ما صدقت
أخويا .....هتخرجنى فى الصيف .....صحيح و النبى ....طب من عندى....علبتين سوبر

البرنس : الله عليكى يا أحلى أخت فى الدنيا
الطيب احسن ماسك ودن انوش أخته : انوش - انوشتي ..حبيبتى ...
مش عايزة تخرجى فى الصيف يا أخت يا حبيبتى ؟؟؟؟

انوش بكل تعقل وتعفف: لا ياخويا ....روح إلعب غيرها مع حد تانى ياشاطر
إنت فاكر الصيف إلى فات ......... لما إشتريتلك السجاير و قلتلى معلش علشان خارج مع صحابى ورايحين سينما
لا يا عم أنا قاعدة الصيف دة فى البيت .(الوش أبو لسان)...........

وباقى الاخوة
كل واحد له قصة مع اخت من اخواته علشان رحلة الصيف
نلتقى قريباً
وحلقة جديدة
ورحلة البيت الكبير ..

الطيب احسن

2007-08-03, 02:10 AM

يلا يا توتااااااااااااا مستنيين بقيت الحلقات

ايناس

2007-08-03, 05:07 AM

جميل ياتوتااااا بجد والله روعه روعه ربنا يعينك ياحبيبتي ومستنين باقي اليوميات

امير الحب

2007-08-03, 09:11 AM

هههههههههههههههههههههه جميله جدااااااااااا جدااااااا الحلقه دى شكرااااااااا يا توتا

الـبرنـس

2007-08-04, 06:58 PM

البرنس بيسأل توتااا ...........
أختى ...حبيبتى ....عايزة تروحى فين فى الصيف يانور عينى ..يا ....وهات ياغزل

انا يا عينى ما صدقت
أخويا .....هتخرجنى فى الصيف .....صحيح و النبى ....طب من عندى....علبتين سوبر

البرنس : الله عليكى يا أحلى أخت فى الدنيا

طبعا هنخرج ونروق ويكون مزجنا ميه ميه

احنا الجنتله طبعناااااااا

والفسح شغلتنا

بس يا توتا مبلاش سوبر

السيجاره اللى زى اللمبه النيلون دى

هههههههههههههههههه

بس تسلم ايدك يا توتى

ربنا معاكى والله

جميل جميل جميل جميل

فوق الرائع

ربنا معاكى من كل قلبى

برنس

totaaaa

2007-08-05, 05:02 PM

شكرا لمروركم ده مروركم شرف كبير ليا

شكرا ليك يارامي وانوش شكرا لمرورك
وشكرا يا امير الحب ولأخي العزيز خالد شكرا لمروركم

وبعدين يا خالد انت بتتقمر علي ايه خد اللي انا بتهولك واخلص

كده تمام أوى

2007-08-06, 11:16 AM

أولا : عليه أفضل الصلاة والسلام

ثانيا : مهما قلت ومهما الناس دى كلها قالت مفيش حد هيقدر يقول ولا يقدر يشكرك لأنك بجد تستحقى التكريم فعلا ليس لفكرة موضوعك ولكن لتعبك وسهرك وتفكيرك الذى أقل ما يقال عليه أنه تفكير رجل عاش الدنيا دهرا وجلس ليكتب ما رأى وما شاهد وليس مجرد عقلة فتاة فى مقتبل عمرها ........

:18::18::18:

ربنا يوفقك ويسعدك فحياتك يارب على قد ما خليتنا ملهوفين كل يوم على حاجة نستناها برغم قلة سطورها ........

شكرا كتير أوى ليكى يا تــــــــوتــــــــــــا

:clap: :clap: :clap:

اسير القلوب

2007-08-15, 03:57 PM

لا بجد يا توتاااااااا لازم كل واحد في المنتدي يقدر تعبك لانك فعلا بتتعبي اووووي وشكرا ليكي جدا يا توتاااااااااا والحلقه رائعه ومستنيين باقي اليوميات بفارغ الصبر

MERAMADA

2007-08-19, 07:36 AM

هههههههههههههههههههههههه
والله حرام عليكى يا توتااا
ده انا من كتر الضحك جالى استبحس فى الاعصاب
ده حتى الكيبورد باظت من كتر ماوقعت عليها من الضحك
حرام عليكى اللى انتى عمليه فى اعضاء المنتدى ده
بس بصراحه انتى موهوبه
وانتى اكيد عارفه انى من زمان مدخلتش المنتدى
وبالصدفه وانا داخل اكتب موضوع لقيت يومياتك
قلت اما اشوف ايه اليوميات دى وقراتها كلها بس تنفعى مؤلفه عظيمه
لو تعرفى تكتبى قصص غير دى قولى انا ممكن اكلملك السينارست "احمد البيه" ياخد قصه من بتوعك يعملها فيلم

البورسعيدى

2008-04-21, 01:53 AM

هههههههههههههههههههه

جميلة بس فين التكملة

ياريت التكلمة يا توتا

ShoSho

2008-04-22, 09:43 PM

نايس كتير الحلقات

انتظر الجديد

يسلمو

الله يعطيك العافيه

JOMANJO

2008-04-23, 10:34 PM

على قولة shosho

ننتظر منك الجديد

من الحلقات

الرابط لايظهر فى الأرشيف (الرابط لايظهر فى الأرشيف)