la princesse will be back

[la princesse]

السلااااااااااام عليكم ورحمة الله وبركاته

والله وحشنى جدا المنتدى الجميل بتعنا والاعضاء اللى مفيش زيهم
بس هنعمل ايه بقى حكم القوى
ربنا ياخد الامتحانات يااااارب
عموما هانت كلها اقل من شهر وهتلاقونى نطيت تانى
وانا اسفة لو كنت اتاخرت عن المنتدى الفترة اللى فاتت بجد زعلانة من نفسي
بس متفكروش ان انتو هترتاحوا منى بردو الفترة دى
هتلاقونى داخلة ارخم على اى حد فيكو كل كام يوم
وادعولى بالنجاح
وانتظروا عودتى قريبا جداااا بافضل ما عندى
:wub: :wub: :wub: :wub: :wub:

[MafiawwY]

ان شاء الله ربنا يوفقك يا اميره فى الامتحنات ويوفقنا جميعاً
ترجعى بالسلامه

[الـبرنـس]

ربنا يوفقك يا اميره


وترجعى وانتى من الاوائل وطبعا من الناجحين


عشان نغرمك ونشرب على حسابك انتى عارفه بقاااااااا

فتره غياب باذن الله بنجاح وتفوق


امين يا رب انتى وكل اللى ذيك

[SHeetOs]

اهم شئ تفكرى فى مذكرتك

والله بدعيلك ربنا يوفاك وترجعلنا اميرة الى مبتفراش المنتدى

[ايناس]

ربنا بوفقك يارب ياميرو وترجعي تنوري المنتدي تاني

وان شاء الله الامتحانات تعدي علي خير

[كريم يتحدى الملل]

مستنينك طبعا ومنتظرين الرخامه بس والله على قلبنا زى العسل وانشاء الله تنجحى وانشاء الله ننجح احنا كمان وكما قال الاديب المعروف لمعى ابو الخير نام وارتاح ياتيك النجاح

[islamy]

سنفتقدك يا أختى كثيرا

تعرفين لماذا لأنك تدافعين عنى عندما يحاول بعض الزملاء الهجوم على

أسأل الله أن يوفقك إلى ما يحبه ويرضاه

وأن يعينك على المذاكرة وأن يفتح عليك

ولو أنى لا أشارك كثيرا فى المنتدى بسبب الشغل وكده

وسلامى لكل أعضاء المنتدى

[la princesse]

والله عندما رايت ردودكم تذكرت على الفور المثل القائل: رب اخ لك لم تلده امك
جزاكم الله خيرا اخوانى الكرام
فانتم حقا اخوانى
سورى هضطر اقلب لهجة عامية علشان اقول ربنا ميحرمنا من بعض ابدا يارب
ويخلينا كلنا لبعض
وعلى فكرة يا اخ اسلامى كلنا اخواتك وبنعزك
ومحدش هاجمك ولا حد يفكر فى كده لا سمح الله
انت اخ عزيز وغالى عندنا كلنا بس هى كانت مناقشات من اخوانك
ومفيش غرض وحش منها لا سمح الله
المناقشة شيء مطلوب وهدف فى حد ذاتها
واتمنى انك متكونش زعلان من اى حد كلنا اخواتك وانت نعم الاخ

وانتو يا بهوات ايه حكايتكو
اغيب اسبوع ارجع الاقى الاسلامى فاضى
ايه الكسل اللى انتو فيه ده
يلا يا عضو انت وهو
كل واحد يدخل الاسلامى ويورينا الشغل
والا هطلع عينيكو لما ارجع
:017: :017: :017:
:039: :039:
:bomb:

[la princesse]

يلا عملتلكو شوية حاجات حلوة فى الاسلامى ادخلوا اتفرجوا
وعايزة كل الناس تدخل تشارك وتحط موضوعات مش ردود
عايزين شغل
:048: :048: :048:
:bc: :bc:
:039:

[vip]

تروحى وترجعى بالسلامه

يا اميره قولى بس يارب ربنا يو فقنا

وننجح احنى كمان مستنين رزلتك:bm:

لما ترجعى وانا كمان مبخشش المنتدى كتير

برده علشان الامتحانات ربنا يو فقنا

[!! GoldeN BoY !!]

اميرة ولا يهمك وباذن الله ترجعى لينا ناجحة

تحياتى

عبدو عزام