ليه المصريين مينفعوش يبقوا أرهابيين

[la princesse]

10 اسباب ليه المصريين مينفعوش يبقوا أرهابيين

اولا – دايما حا نوصل متاخر علي ميعاد الطيارة و الرحلة حا تفوتنا

ثانيا – البنات الحلوة الي في المطار يا ما ممكن نمشي وراهم و نركب طيارة تانية او برده يفوتوا علينا الرحلة , ده بقي غير لو غير لو كانوا معانا في نفس الرحلة يبقي محدش حا يعرف يعمل حاجة

ثالثا – ممكن نكلم بصوت عالي و نجذب الأنتباه لينا

رابعا – الأكل و الشرب الي علي الطيارة ممكن اوي ينسينا احنا جيين نعمل ايه ، ده غير الأكل الي احنا جيين بيه اساسا

خامسا – اكيد اكيد حنسيب الأسلحة من ادينا علشان نعرف نتكلم كويس بادينا

سادسا – كلنا حا نبقي عيزين نطير بالطيارة

سابعا – ممكن اوي نختلف في الرأي مع بعضينا و نتعارك و نسيب الليلية الي احنا فيها

ثامنا – طبعا محدش حا يقدر يكتم السر و حتلاقي امة لا الله إلا الله عارفة الموضوع قبل ميعاد العملية بأسبوع

تاسعا – ممكن اوي نحط علي البلد علي الأزجاج بتاع الطيارة علشان امور الروشنة بتاعت سواقين المشاريع ديه

عاشرا – اكيد طبعا حا نتزاحم و نزق في بعضينا و نقع فوق بعض علشان كلنا عايزين نطلع في الصورة الي واحد من المخطوفين بيصورهلنا

[SHeetOs]

هههههههههههههههههههههه


من اجمل الموضيع

[FREEDOM]

عسل والله يا اميرة
:cupidarrow:
شكرا على الموضوع الجميل
:ongue:
وربنا يكرمك ونشوفك تانى
:010:

[3aShe2]

شوفتى ازاى وقال ايه بيقولوا علينا ارهابيين



:yawn: :yawn: :yawn:

[فجر الاسلام]

ههههههههههههههههه حلوة اوى
براءة يا باشا من تهمة الارهاب
والمتهم برىء حتى تثبت ادانته
ومفيش احسن من الدليل ده يعنى براءة من الارهاب كبراءة الذئب من دم ابن يعقوب

[قمر الليالى]

ههههههههههههههه

حلوة قوى يا اميرة

تسلم ايديكى

[Muhamed]

حا

مش عارف مكتوبه كده ليه ومتكرره كمان

الالف دى جت منين:bm:


ثانيا – البنات الحلوة الي في المطار يا ما ممكن نمشي وراهم و نركب طيارة تانية او برده يفوتوا علينا الرحلة , ده بقي غير لو غير لو كانوا معانا في نفس الرحلة يبقي محدش حا يعرف يعمل حاجة

:bm:


كلنا حا نبقي عيزين نطير بالطيارة


مش فاهم:011:

طبعا محدش حا يقدر يكتم السر و حتلاقي امة لا الله إلا الله عارفة الموضوع قبل ميعاد العملية بأسبوع


هيا صح لفظيا بس انا بسمع الناس تقول لا اله الا الله:walkman:


تاسعا – ممكن اوي نحط علي البلد علي الأزجاج بتاع الطيارة علشان امور الروشنة بتاعت سواقين المشاريع ديه



اهى دى بالتحديد مش فاهمها بجد ياريت شويه توضيح :bm:

[Muhamed]

على فكره برضه لو اللى كتب الموضوع ده واحد مش مصرى كان رد الفعل هيكون مختلف تماما:18:


دا حال المصريين يتريقوا على نفسهم عادى زى العسل

لكن حد غريب يقولهم تلت التلاته كام يكلوه :bm:

وافتكروا موضوع عاشق فلسطين :walkman:

[اميرة]

السلام عليكم.......:017::017::017:
انا معاكى فى ان المصريين مش ارهابيين ولكن بلاش التريقة لما احنا نتريق على نفسنا الغرب هيعملوا فينا ايه وبعدين المصريين اللى مش عاجبين دول خدى منهم: خفة دم,اخلاق:039::039::039:

[عاشق فلسطين]

ههههههههههههههههههههه

مشكور يا اميرة

[la princesse]

على فكره برضه لو اللى كتب الموضوع ده واحد مش مصرى كان رد الفعل هيكون مختلف تماما:18:



دا حال المصريين يتريقوا على نفسهم عادى زى العسل

لكن حد غريب يقولهم تلت التلاته كام يكلوه :bm:


وافتكروا موضوع عاشق فلسطين :walkman:


السلام عليكم.......:017::017::017:
انا معاكى فى ان المصريين مش ارهابيين ولكن بلاش التريقة لما احنا نتريق على نفسنا الغرب هيعملوا فينا ايه وبعدين المصريين اللى مش عاجبين دول خدى منهم: خفة دم,اخلاق:039::039::039:

الموضوع مش تريقة ولو حد اتريق على المصريين ان شاء الله اكون اول وحدة اقفله
الموضوع نقد ساخر لبعض السلوكيات الخاطئة المنتشرة بين الشعب المصرى
وده مش غلط ولا عيب لاننا مش هنتصلح الا لو واجهنا نفسنا وعرفنا عيوبنا وعالجناها والا هنفضل سلبيين طول عمرنا
ودى طبعا حاجة مختلفة عن ان واحد غريب ياخد الموضوع كوبي بيت من غير ميقراه ولا يفهمه لمجرد انه عرف انه تريقة على المصريين

[عبدالرحمن م]

ههههههههههه

دى احسن حاجة فى المصريين

وده احسن موضوع شفته النهارده

عبدالرحمن...