ايران هلى هى صديقه ام عدوه؟؟؟؟؟؟؟

[الطيب احسن]

بسم الله الرحمن الرحيم
انا النهارده كنت قاعد اسمع لقاء خاص مع محمد هيكل على قناه الجزيره
واللقاء ده فعلا حيرنى
كان اللقاء بيتكلم عنا يقال عنه الخطر النووى الايرانى فى المنطقه
المهم هو قال فيما معناه ان هو لازم نستفيد من ايران كقوه سياسيه
يعنى احنا العرب المفروض منهاجمش ايران من ناحيه النووى بتاعها ونسيب اسرائيل اللى على حدودنا ومعاها 200 قنبله نوويه
كمان هو بيقول انه ملاحظ ان الهجوم العربى على ايران خوفا من المد الشيعى فى المنطقه
بس قال فيما معناه ان احنا لازم نايد ايران ونترك خلافتنا المذهبيه جانبا
لغايه مانخلص من الهم الكبير طبعا اللى هو اسرائيل
وقال كمان بصراحه مالشيعه بيقرو القرآن واحنا بنقرا القرآن
بعد كده نبقى نحل مشاكلنا مع بعض
انا بقى اللى عايز افهمه
1-هل الشيعه مسلمون
2-عامه هل من الاولى ان احنا نعزز مبدا عدو عدوى يبقى صديقى لو الشيعه دول كفره
3-لو نفترض فرض جدلا ان دوله غربيه هى اللى واقفه ضد اسرائيل
هل العرب هيقفو مع الدوله دى ولا لاء؟؟؟؟؟؟؟ اكيد هيقفو جمبها

[محمد إبراهيم]

1- مسلمون لكن بعضهم لا
2- لا
3-طبعا علشان هى قوية

[la princesse]

برافو عليك يا طيب والله بتاخد بالك من حاجات خطيرة
بس فى الموضوع ده بقى لو ركزت هتلاقى ان سبب المشكلة اساسا
والسبب اللى خلى اسرائيل اقوى من العرب كلهم هو التفكك والتحزب اللى احنا فيه
والتحزب لازم يولد خلافات وكل ده ضعف يصب فى مصلحة الصهاينة
يعنى لو كنا كلنا دولة اسلامية موحدة من الاول مكناش نخاف من اسرائيل
ومساندة ايران ضد اسرائيل مش معناه اننا هنتخلى عن مبادئنا ولا عقيدتنا
بس هى الفرة ان عدونا مشترك وزى مانت قلت لو كانت دولة كتابية حتى
بس عدونا مشترك كان هيبقى مفيش مشكلة اننا نساعدها
فما بالك انها دولة مسلمة بغض النظر عن اختلاف المذاهب
ولو فى حد هيتضرر من الاتحاد ده هيبقى مذهبهم هم مش مذهبنا احنا
لاننا على الحق والرسول عليه الصلاة والسلام كان اتكلم فى حديث
عن المذاهب الكتير اللى هتطلع وقال ان السنة هى بس اللى صحيحة
وده معناه اننا على الحق ولا شيء يزهق الحق او يهزمه
بالعكس يمكن الاتحاد ده هو اللى يخليهم يقربوا اكتر من السنة ويؤمنوا بيها
واعذرنى اخى الطيب للاطالة

[Muhamed]

1-الاتحاد السوفيتى افغانستان امريكا


2-الاتحاد السوفيتى= شيوعى لا يؤمن بالله

3-افغانستان وامريكا= دوله مسلمه ودوله مسيحيه يؤمنون بوجود الله مع اختلاف مذهبى


4-امريكا تساند افغانستان ضد الاتحاد السوفيتى وكانت القوى الاكبر


5-افغانستان تستطيع اخراج الاتحاد السوفيتى من اراضيها


6-امريكا تقوم باحتلال افغانستان تحت اى مسمى دولى


7- يبقى التزكير بانه كما يوجد حلم من النيل الى الفرات هناك حلم الخليج الفارسى


ياريت تكونوا فهمتوا قصدى

[الطيب احسن]

,طبعا يا ماندوزز انا فاهم قصدك
ان ايران ممكن تقوينا لغايه ما تحقق اهدافها
بعد كده ممكن تتسلى بينا
بس انا رايى بصراحه من راى اميره
ان احنا بدل منخليهم اعداء لينا نحاول نكسب صداقتهم مدام احنا على السنه يعنى احنا الصح
وبكده بتمسكنا بعقيدتنا ممكن ان احنا ناثر فيهم ونغير فيهم
وفىنفس الوقت نخليهم فى صالحنا ونحاول نلغى فكره الخليج الفارسى دى من دماغهم
وربنا يعيننا

[Muhamed]

انا معاك يا رامى بس هل تظن ان اولويات ايران هيا القضاء على اسرائيل ام حلمها بالخليج الفارسى


على فكره المشكله الاكبر ان النشاط الشيعى فى دول الخليج بدا يقوى واصبح لهم مكان قوى هناك


كمان ليا استفسار بجد عايز اعرفه


ما هيا طبيعه العلاقات العربيه الايرانيه الان


سؤال تانى

طب ايه المفروض تكون عليه تلك العلاقات

سؤال كمان

ما نوعيه الصداقه اللى اميره طرحتها مع ايران يعنى نساعد بعض ازاى ايه وجه المساعدات اللى ممكن نديها لبعض وهيا هتاخد مننا ايه


قبل ان نسعى لصداقه احد يجب ان نعلم مصاالحه فى الصداقه معنا حتى لا تتكرر قصه العم سام مره اخرى

[الطيب احسن]

انا معاك يا ماندوز فى كل اللى انت بتقوله
بس انا بقول ان مفهاش حاجه ان احنا نتعامل مع ايران فى خلال اللى بيخصنا بس
ولما نتعامل معاهم نتعامل بحذر وبحرص شديد
عشان نقدر ناخد اللى احنا عايزينه
وانا بؤمن ان احنا لوعايزيين نتغير يبقى احنا نعمل اللى يغيرنا
بس مفيش مانع من بعض من المساعدات الخارجيه اللى فى صالحنا

[أحمد سلطان]

بسم الله الرحمن الرحيم
و
السلام عليكم ورحمة الله وبركاته

أولا
أشكرك أخى الطيب على طرح الموضوع
ثانيا
هو سؤال للأخ الغالى ماندوز
ماذا تختار
- خصم يهودى ينكر برمة عقيدة ومذهبك بكاملها ؟
- أما خصم له نفس العقيده وان كان هناك اختلافات مذهبيه ؟

أنتظر الإجابه لإكمال الرأى ..!

[Muhamed]

طيب كل ده كويس


ممكن حد يقلى بقى سبل التعاون العربى الايرانى


يعنى مثلا نساعد ايران على امتلاك سلاح نووى مثلا


وهيا مثلا تساعدنا فى امدادنا بالاسلحه الايرانيه الخارقه للعاده

ولا مثلا نعمل تعاون ثقافى وننشر الثقافه الاسلاميه(السنيه) هناك والعكس صحيح

على فكره قبل محد يفكر عندهم العراق ولبنان احسن مثال للتعامل الثقافى بين السنه والشيعه ومدى تاثرهم الواضح ببعض:bm:


طب بلاش ثقافى ولا عسكرى


نقول سياسى مثلا

يعنى العرب يقوموا يقولوا احنا مع ايران ضد الاتحاد الاوروبى والامم المتحده وامريكا وايران تعلن تنديدها بما تفعله اسرائيل


انا ممكن اكون متحامل شويه

بس بجد مش عارف الاقى سبب يدعونا للتعاون معاهم


لانى شايف ان تطبيع العلاقات مع ايران زيها زى التطبيع مع اسرائيل


اظن ان عيوبها ستكون اكثر من مميزاتها

على فكره حتى يتزكر الجميع

تزكروا ماذا فعل وزير خارجيه ايران عندما زار السعوديه وهوا ما سبب ان مشايخ السعوديه الكبار حثوا على اهدار دمه وكانت هتحدث مشكله كبيره

فلو حد عنده اسباب او طرق للتطبيع مع ايران يقلى

على فكره انا مسمعتش عن جواسيس عرب قبل كده فى مصر لانى مظنش انهم محتاجين يتتجسوا على اختهم الكبيره مصر لكن ممكن حد يفسرى ليه ان الحرس الثورى الايرانى اخباره تنافس الموساد الاسرائيلى فى مصر وعملائه يتم القبض عليهم بشكل ينافس عدد من تخابر مع اسرائيل

[أحمد سلطان]

أخى الكريم الغالى /
فى كلمات أجيب دون أن أطيل عليكم
1- إنما يكفينا أنها دوله مسلمه الأن
2- اننا نرفض بشكل قاطع تطبيع العلاقات مع اسرائيل كما نرفض مشابهاتها بدولة مسلمه (إيران)
3- ايران دوله مسلمه مختلفه عنا مذهبيه ولكنها فى النهايه مسلمه
4- الأختلاف بين الشعوب هو سنه كونيه إلهيه وليست مستحدثه بشيعيتى إيران
5- رداً عليك أجيب بقول الله تعالى :
{يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }

ختاماً أتمنى أن تكون وصلت الصورة إليكم

[Muhamed]

مشكور يا احمد على ردك المقنع

ولى بعض الملحوظات وان كانت لى بعض الملحوظات


إنما يكفينا أنها دوله مسلمه الأن



وما اركان الاسلام

اليس شهاده ان لا اله الا الله وان محمد عبده ورسوله واقامه الصلاه واتاء الزكاء وحج البيت لمن استطاع ابيه سبيلا

وولو سقط احدهم لسقط الباقون


وانا شايف ان

1- التشهد تستطيع معرفه الاختلاف عند سماع اذان الشيعه وممكن تلقطه عند السفر الى احد المدن الساحليله فى مصر

2- الصلاه واظن صوره هنيه عندما كان فى طهران وكان يصلى بطريقه وهم يصلوا بطريقه اخرى

3- وماذا عن تحريف القراءن واضافت سور والغاء اخرى (قراءن فاطمه)

4- هل احد يمكن ان يقول لى ما هوا تفكير الشيعى الايرانى تجاه السنى العربى (لاحظوا انى قلت شيعى وايرانى )

2- اننا نرفض بشكل قاطع تطبيع العلاقات مع اسرائيل كما نرفض مشابهاتها بدولة مسلمه (إيران)
3- ايران دوله مسلمه مختلفه عنا مذهبيه ولكنها فى النهايه مسلمه
4- الأختلاف بين الشعوب هو سنه كونيه إلهيه وليست مستحدثه بشيعيتى إيران
5- رداً عليك أجيب بقول الله تعالى :
{يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }


الا ترى معى ان اسرائيل مؤمنه بوجود الله

الا ترى ان الايه الكريمه تطبق على اليهود مثلما تطبق على الشيعه



ولو تجاوزنا عن كل هذا

فحد ممكن يفهمنى بقه نوعيه التعاون المطروح بينا وايضا مصالح ايران فى هذا التعاون

لان درس امريكا لسه فى مخنا ومتمسحش لسه

[كريم يتحدى الملل]

والله يا روم كلامك جميل وفي اسئله على الشيعه وانا من راى الخاص والمتواضع ان اجابت السؤال الاول وهوه هل الشيعه مسلمون ؟
والرد من تحليلى الشخصى لا لا لا لاسباب وهى عدم اتمام الشهاده بعينها بل بتحرف جزء منها بغض النظر الى وحدانيه الله
السؤال التانىواجبته انه فى السؤال ده فى رايين الراى الاول اننا نعزز ايران ونسندها ونبقى تمام معاها علشان العدو الاكبر وهوه امريكا واسرائيل اما الراى التانى وهوه الى بايده ان الخوف هيبقى اكتر من ايران لو اصبحت فى يدها القوه المطلقه يعنى كان فى مثل علق معيا زمان (تخاف من الفقير عند غناه) يعنى زى مبيكون واحد عطشان عطشان ويلاقى ميه بوفره هيشرب لغايه ميشبع وايران تعتبر فى حاله عطش يمكن كلماتى متكنش معبره كفايه بس ايران دوله يتخاف منها ومن طغينهاويمكن لو الذئب الصغير اكلناه وكبرناه علشان يحرس المكان من الالوحوش الضعيفه الذئب ده هيكبر ويطرد الوحوش وبعد كده هياكل اهل البيت !

[كريم يتحدى الملل]

اما السؤال التالت والاخير وهو ان مظنش ان كل الدول العربيه هتتجمع وهتتحد يمكن بعض الدول و اكيد طبعا احنا مش منهم