عايز رايكم فى الموضوع المهم ده

[الطيب احسن]

يا جماعه انا عايز اناقشكم فى موضوع مهم جدا
هو الموضوع ده حصل لواحد زميلى
ايه رايكم يا شباب فى ان الولد يحب واحده اكبر منه
او ان البنت تحب واحد اصغر منها
انا عايز اسمع رايكم فى الموضوع ده
لان انا ملاحظ ان فى حالات كتير من النوع ده فى مجتمعنا
وحاسس ان المجتمع مش قابل الوضع ده

[ايناس]

اولا عايزة اشكرك علي طرحك للموضوع

لاني فعلا شايفاه قدامي كتير اوي بس بصراحه انا مش احبذ ان البنت

ترتبط بشخص اصغر منها لاني شايفه ان المفروض لازم يكون في

توافق بينهم في كل حاجه حتي السن لان الحياه فيها كتير مشاكل

وعايزة انسان يقدر يواجه المشاكل دي فلو هو اصغر منها بتهايالي

هتكون هي اللي مسؤله عنه مش هو .


مهما كان هو صغير في السن بردو وانا اعرف معلومه ان عقل البنت

بينضج قبل الولد يعني ممكن مش يتفاهموا في حاجات كتير بس لو

حكم الامر ممكن يكون اصغر منها بس اكتر حاجه سنه بتهايالي سنه مش فرق كبير اوي


وبعدين المجتمع عنده تحفظ من ناحيه الموضوع دا لانه بيقول مدام

البنت اكبر من الولد يبقي هي اللي هتمشيه وهتمشي كلمتها علي

البيت وهتتلغي شخصيه الراجل خالص في كل حاجه .


بس في الاول والاخر علي حسب الشخص نفسه لو حاسس انه هيقدر

يكمل مشوار حياته مع البنت دي وفرق السن بينهم كبير هو ادري

بنفسه.

في النهايه احب اقول ان محدش له دعوة بحد ودي حريه شخصيه وهما

اللي هيعيشوا مع بعض مش المجتمع والناس .

وبعدين سواء كدا ولا كدا الناس مش بتسيب حد في حاله فلو البنت

والولد شايفين انهم هيقدروا يكملوا مع بعض رغم فرق السن خلاص

ربنا يوفقهم وينسوا الدنيا والناس وكلام الناس.


الي الامام ودايما في تألق "الطيب احسن"

ايناس

[WebCraker]

بسم الله الرحمن الرحيم

انا شايف انه عادى ممكن الشاب يرتبط ببنت اكبر منه سنا ولكن لا تكبره بمسافة طويلة تكون ملاحظة يعنى كانه يكون اد والدته مثلا بس لو الفرق بتاع 3 او 4 سنين مش مشكلة
بس ممكن من نواحى اخرى ان يكون هناك بعض الشعور او حالة نفسية لأحدهم من السن :) وتسبب مشاكل على المدى الطويل ...
غير كدا كدا انا رأيى كمان انه لازم يكون الرجل ذو شخصية قوية اقوى من شخصية زوجته طالما الزوجه اكبر عشان يقدر يسيطر على البيت ولا تفلت منه زمام الامور ويصبح كما يقولون ايضا زوج الست :s

بس انا بالنسبة دى مفيش مشاكل ... بس أكيد اما افكر اتزوج ان شاء الله هختار واحدة اصغر منى
إلا لو حصل حاجه وحبيت واحده اكبر منى انتوا عارفين بقى ... فيه حالات ما تقدرش تفكر بعقلك فيها وبيكون قلبك دليلك زى ما بيقولوا

[la princesse]

والله انا مش شايفة فيها مشكلة يعنى
لان الاساس هو التكافؤ الفكرى هو نمرة واحد
وبعدين لو نرجع لورا ونفتكر انجح جواز فى تاريخ البشرية
كان زواج سيدنا محمد عليه الصلاة والسلام بالسيدة خديجة رضى الله عنها
ومن بعده زواج سيدنا محمد بالسيدة عائشة
وفى الحالتين كان الفرق فى السن رهيب
وكلنا عارفين بردو ان اكتر من احب النبي من نساءه
السيدة عائشة والسيدة خديجة
يعنى نجاح الزواج لا يتوقف مطلقا على السن
وادامنا مثال حى
وزى ما قالت ايناس كده او كده الناس مش بتسيب حد فى حاله
بس بصراحة يعنى بصراحة بصراحة
انا عن نفسي
محبش ارتبط بانسان اصغر منى
ومعرفش السبب :bm:
ممكن يكون سبب غريزى
الله اعلم بقى

[mohamed ali]

بسم الله الرحمن الرحيم

السلام عليكم ورحمة الله وبركاته

فكره جميله جدا شكرا لاثارة هذا الموضوع

مش هاطول عليكوا

قد يكون الفرق بينهم يوم او اسبوع واعتقد ان ان ده عادي طالما التوافق الفكري والاجتماعي موجود

اما لو الفرق كبير اعتقد ان الواقع اللي احنا فيه او العادات اللي احنا اتوجدنا فيها مش هايسمحوا بمثل هذا الجواز اللهم الا بعض الحالات الاستثنائيه


في جميع الحالات دي وجهة نظر والسلام ختام

والسلام عليكم ورحمة الله وبركاته

[الطيب احسن]

شكرا على مروركم ياجماعه ورؤيتكم الفاحصه للموضوع

[MafiawwY]

أولا احب اشكر الطيب احسن على وضعه هذا الموضوع .................

وحكاية ان الواحد يحب واحده اكبر منه كتير بتحصل يمكن 60% من الناس بيحبو اكبر منهم بس منهم اللى بيراعى الظروف ويجوز واحده فى سنه او اصغر منه ومنهم اللى بيتحدى الناس والمجتمع وبيجوزو وبيعشو مع بعض بطريقه جميله

بس دا لو فرق السن ميذدش عن 3سنين بالكتير وزى ما ويب بيقول لازم تكون شخصيته قويه وطبعاً يكون قوى الشخصيه معاها وقوى الشخصيه معاها مقصدش انه يضربها مثلاً او ويخالفها الرأى لاء طبعاً بس فى الامور الصحيحه وما إلى ذالك ............

دا رأيي يريت بقى نشوف رأى توتاااا فى الموضوع دا

[كريم يتحدى الملل]

هوه يا روم بجد موضوع مهم وانا لحظته كتير فى الجامعه بس انا صراحه مكنتش عارف اقول ايه لان اراء

اعضائنا الكرام اشتملت كل الحلول ولاكن انا هقول رايى الخاص حتى لو كان مشابه .


وهوه ان الراجل يكون اكبر من البنت علشان حجات كتير منها واهمها نظره الاهل وهنا بقول الاهل مش الناس وحاجه تنيه وهى فكرها هيكون ازاى وممكن حاجه كمان وهى انك تبقى حاسس بنقص وهو انك تبقى اصغر من شريكت حياتك وحجات كتير ممكن تحس انها صغيره ولاكن هى بتبقى مؤثره جدا يعنى مثلا ممكن فى هزار او جد تقال كلمه زى اسمع الكلام انا اكبر منك وانا اعرف اكتر منك ودى اظن كلمه ممكن تكون فى موضع هزار لاكن بتكون جارحه جداجدا فمن رايى ان لازم يكون الرجل اكبر لانه قائد البيت ولازم يكون هوه المرجع الاول والاخير

[الطيب احسن]

شكرا على مرورك يا كريم انت وعادل

[totaaaa]

اولا موضوعك جميل جدا يا رامي
وعلي فكره ديه مش مشكله قوي يعني
بس مش في كل الحالات لان ممكن مش يكون هناك توفق بين الاتنين
عشان اي حد ياخد واحده كبير لازم يشوف حاجه مشتركه بينهم عشان يعرفوا يعيشوا مع بعض
وبعدين الارتباط او الحب مش بينظر الي اذا كان ده اكبر او اصغر
بس المهم يكون التفكير والدماغ زي بعض او مقاربه لبعض عشان زي ما بيقولوا المركب تمشي
المهم السن مش مشكله المهم التفكير
بس برده مفروض الفرق ما يكونش كبير قوي يعني
عشان اختلاف التفكير
وده رائ وفي طبعا اخلاف في الاراء
وشكرا يا رامي علي الموضوع الجامد ده