اوقفوا هالة سرحان_______ برجاء التوقيع

[فجر الاسلام]

إلى الأمير الوليد بن طلال رئيس مجلس إدارة روتانا و أ/حازم عبد العال المدير العام لفرع القاهرة
نطالبكم نحن الموقعين على هذه العريضة بوقف هالة سرحان مقدمة برامج "هالة شو" و"السينما والناس" وتهذيب مثل تلك البرامج نظرا لما تعرضه برامجها من قضايا جنسية مخجلة ولموضوعات مثل "فتيات" الليل والدعارة ونشر الثقافة الجنسية وموضوعات الأفلام الساقطة الخادشة للحياء العام المخالفة للأعراف والتقاليد العربية والإسلامية وما يصاحب ذلك من مخالفات مثل العروض الراقصة الخارجة والخلاعة وما شابه.
أخر هذه "القضايا" عن الداعرات .. كيف يعملن وكم يتقاضين وكيف يتعاملن مع رجال الشرطة لتركهن. ففي أحد المشاهد تتحدث أحدى الساقطات بأنها تتقاضي عشرة ألاف جنيه (أي ما يقارب ألفي دولار) شهريا!! (ترى كيف يكون وقع ذلك على الفتيات الفقيرات أو قليلات التدين؟) وأنها تقدم الخدمة بالمجان
لرجال الشرطة لتركها تقوم "بعملها"!!
السؤال هنا ما الهدف من نشر مثل تلك "القضايا" وبهذا الأسلوب المبتذل المخجل؟ مع الوضع في الاعتبار أن تلك العروض لا تتعلق شكلا ولا مضمونا بحرية التعبير.
بقى أن نذكر أن هالة كانت تشغل منصب المدير التنفيذي لقنوات روتانا سينما مع العلم أنه تم طرد تلك "الإعلامية" مرتين من قبل من راديو وتلفزيون العرب ومن قناة دريم بسبب أسلوبها المتدني والمبتذل في عرض "برامجها".
نظرا لما سبق فنطالبكم نحن الموقعين على هذه العريضة بوقف هالة سرحان مقدمة برنامج "هالة شو" و"السينما والناس" عن الظهور على شاشتكم وتهذيب مثل تلك البرامج ، فإن ما تعرضونه يراه الصغير والكبير وستسألون عنه أمام ربكم
وهذا الرا بط اخوانى وأخواتى
بارك الله فيكم
أرجو نشره ليتم التوقيع من أكبر عدد ممكن
الرابط لايظهر فى الأرشيف
أخوانى وأخواتى أرجوكم لا تتكلسوا

[heroshima]

دي إنسانة تسئ للإسلام ولابد من ردعها

الرابط لايظهر فى الأرشيف

[MafiawwY]

جارى النشر والتوقيع
ومشكوره جدا

[tota]

حسبى الله ونعم الوكيل فيها

وبقولكم اية وقعوا وكل حاجة

لكن

بلاش تغلطوا فيها عشان أحنا منشيلش سيئات بسببها

وهى


اللى تاخد حسنات

يارب اللهم أهدينا فى من هديت وعافنا فى من هديت

[Tefa]

تمام الموضوع دة بس هنعمل اية بس

[Muhamed]

والله انا شايف ان العريضه ملهاش لازمه وهذا ليس لايقاف عملها ولكن لبعض الامور التى يطرحها عقلى

اولا هل الامير الوليد بن طلال سيسمح ان تخرج هاله سرحان من عنده وهى من جعات لروتانا سينما اسم

ثانيا لو بتتكلموا على المسخره اللى فى برنامجها فده انا بشوفه من ساعه ما شوفت الاخت هاله سرحان فى روتانا

ثالثا القناه نفسها بتقدم برامج غير محترمه مثلا نشره الاخبار اظنكم جميعا فاهمين مين اللى بيقدمها وانا متاكد هما جابوا اللى بيقدموها دول منين

رابعا لو فى مشكله فى الحلقه اللى فاتت عن الدعاره طب متشوفوا الكوارث لما تجتمع هيا والضلع الثانى من الفساد ايناس الدغيدى ويا سلام لو الاخت يسرا معاهم(على فكره هم اصحاب اوى) ولا تعالوا شوفوا الكارثه اللى كانت من شهر تقريبا والراجل المجنون اللى جايباه بيقول انه حلال جوازالمسلمه من غير المسلم وعامل يحط فى اسانيد كتيره مش عارف جايبهم منين

خامسا فيه برامج تانيه على نفس القناه برضه مسخره لدرجه انى النهارده شايف حلقه البرنامج الفضيحه(يوم من عمرى) وجايبين مين بقه المحجبه سابقا (ميرنا المهندس) اللى كان عندى على الكمبيوتر حلقه معاها على قناه اقرا بتقول ان ربنا هداها رغم انها كانت بتعمل ادوار محترمه الكارثه لو شوفتوا الحلقه انها طالعه معظم الحلقه بما يشبه المايوه وقعده ترقص على المسرح مع رقاصه والكارثه ان فى بنت محجبه تخش معاهم فى الرقصه مش ممكن حد شاف مسخره اكتر من كده

فا انا شايف ان القناه نفسها مسخره وعلشان اطمنكن(احبطكم) ان لو حتى حصلت المعجزه وخرجت بره القناه هتلاقى العملاق الجديد (التى تتحدى الممل واظنكم فاهمين) هتفتحلها ابوابها وساعتها مش بعيد تصور الحلقه فى بيت الدعاره نفسه

على العموم الموضوع كويس بس ملهوش فايده لان هاله سرحان مش هتقدر تغمض عينيك سواء دريم او روتانا او اى هبابه تانيه

[فجر الاسلام]

رايك مقبول ماندوزززز وفعلا راى كويس وشكرا على ردك وعلى فكرة ناس كتير مش بيحبوها وبالرغم كده هى ناجحة عند اصحاب قناة روتانا برغم ان اسلوبها استفزازى جدا ومواضعها مش جديدة فى ناس تانية على قنوات اخرى بتناقش نفس مواضيعها باسلوب مهذب عن اسلوبها

[heroshima]

يا فجر الإسلام الناس مش زي ما أنت فاكرة الناس فيها الأبيض والأسود فيها الحميد والخبيث

[محمد إبراهيم]

أنا رقم 22691 يلا بأه

[mohamed ali]

شالوا اندو جابوا شاهين

انا ببص لقيت جابوا ايناس الدغيدي

مكان هاله

واديها حريه

:bm::bm::bm:

[فجر الاسلام]

فعلا ايناس الدغيدى مكان هالة اكنهم معملوش حاجة ده يمكن هالة ارحم من ايناس
وطبعا اظن كلنا نعرف مين هى ايناس الدغيدى وشخصيتها واضحة جدا من افلامها

[islamy]

اللهم اهدى نساء المسلمين

اللهم ارحم ضعف المسلمين

اللهم اجبر كسر المسلمين

انا مش عارف احنا فى ايه ولا ايه

احنا مسلمين ولا احنا ايه

احنا مؤمنين ولا احنا ايه

الدنيا لسه بخير ومش عايزينكو تقلقوا من الكلام

بس احنا نفسنا نكون مسلمين بجد

والكلام ده بقولوا لنفسى والله قبل ما أقوله لكم

[la princesse]

فعلا ايناس الدغيدى مكان هالة اكنهم معملوش حاجة ده يمكن هالة ارحم من ايناس


وطبعا اظن كلنا نعرف مين هى ايناس الدغيدى وشخصيتها واضحة جدا من افلامها


رغم ان هالة سرحان مش فى بجاحة ووقاحة وقلة تربية ايناس
لكن كمان ايناس مش فى غباء هالة
ايناس الدغيدى ذكية جدا وده معناه انها انها اخطر من هالة وانها ممكن تستمر اكتر
لانها مش هتوقع نفسها فى غلط غبى زى اللى هالة عملته
لكن عمايلها السودا وفضايحها هتوديها فى ستين دهية لو متعدلتش وعرفت ان الله حق
لان الناس صحصحت شوية من بعد موضوع هالة سرحان
بس يا خوفى من ذكائهااااااااا

[ملكة الرومنسية]

اساسا مش محترمة فى لبسها او مواضيعها


ربنا يهدى

[اسير الاحزان]

فعلا و الله البرنامج دة وحش خالص

وانا مش بحبة خالص ولا بحب اسمعة

ولحد الان بردة و مهما غيروا الشخصية كلهم زى بعض