موصفات فارس الاحلام او فتاة الاحلام

[كريم يتحدى الملل]

موضعنا النهرده مش انا الى هتكلم فيه لا بل سيادتكم الى هتكلمو فيه والموضوع هوه ان كل واحد يقول مواصفات فتاة الاحلام الى بيتمناها فى خياله وكل انسه بردو تقول مواصفات فارس الاحلام الى هيجى بالحصان الابيض (طبعا مفيش حصان ابيض دلوقتى ممكن نبدله بعربيه بيضه ) وانا هبتدى باول مواصفات لشريكه حياتى

موصفات شريكه حياتى طبعا مش كلهها هلقيها بس دى الصوره الى بتمناها انى القيها

1-ان تكون على قدر من الدين وعلى قدر من التعليم وعلى قدر من الاخلاق

2-ان تكون لماحه وسريعه البديهه وتفهم الامور كما هى

3-وطبعا اكيد لازم تكون على قدر من الجمال

4- اتمنى من الله ان لا تحب المشاكل وتعشق الجدال

5- الا يسبق لها الارتباط فيما سبق وده شرط اساسى

6- لا يكون صوتها مرتفع ولا بها دا العصبيه

7-ان تكون رومنسيه ومتواضعه

ومظنش انى هخلص لانى بتمنا فى الانسانه دى انها تكون اجمل انسانه فى الكون فى كل شىء لانها هتكون جزء منى وشريكت حياتى

واتمنى كمان ان الموضوع يجبكم وانا فى انتظار ردودكم

[ايناس]

بصراحة ياكيمو انت انسان في منتهي الجمال وان شاء الله تلاقي البنت اللي بتتمناها

بس عندي سؤال ليك وياريت تجاوب عليا بالصراحة اللي متعودينها منك

ليه عايز بنت مالهاش تجربه سابقه مع انكم بتبقي ليكم تجااارب كتير اوي

وممكن البنت تحب قبل كدا وتكون محترمة

ايه المشكله يعني؟؟؟؟؟؟؟؟

اما عن مواصفات شريك حياتي فهي:

انه يكون طيب وحنين ورومانسي وبيحب التفاهم ويستحملني لاني عصبيه شويه ويكون كريم مش بخيل

وبيعرف ربنا ويحبني اووووووووي ويخاف عليا ومش تكون عينه زايغه ويحترمني ويحترم تفكيري وأرائي

ويكون لذيذ ومفرفش مش بحب المعقدين بس كدا

اما عن الشكل فأحبه مناسب في الطول ويكون قمحي البشرة عنيه حلوة مش تخين ولا رفيع

بس كدا

اشكرك جدا علي الموضوع الجميل دا

الي الامام دائما

[كريم يتحدى الملل]

اقلك ليه يا ايناس وعلى فكره الاجابه دى انا وصلتلا بعد تحليل جامد

وهى ان الولد فى البدايه قبل مدخل فى الاجابه قلبه كبير وممكن يسيع اكتر من بنت اما البنت فقلبها

صغير وميسعش الا واحد والشخص الى بترتبط بيه وبتحبه بجد ممكن تقدمله حيتها كلها ودى كانت

حقيقه علميه سمعتها فى برنامج القاهره اليوم ندخل بقه فى الاجابه



الولد اول مبيرتبط مره واتنين دا ليه فيده كبيره جداوهى انه بيعرف يتعامل مع الانسانه الاخيره الى

هتبقى شريكه حياته فى اسلوب التعامل وفى الحجات الى بتحبها وفى الحجات الى بتزعل وحجات

كتير فانا بسمى ان الولد اول مبيرتبط بسميها خبره


اما بالنسبه للبنت فا المره الى بترتبط فيها مش هتنساها بسهوله او صعب نسينها وكمان اول ما

البنت ترتبط اكتر من مره بيسبب عندها تجلد بعض الشىءفى المشاعر والاحاسيس وكمان دا غير

انها هتقول فى بلها دا فلان كان طرقته فى الكلام احسن من كده وفلان الى قبله كان جميل عن ده


اما الولد


لو لقى البنت الى تنسبه من جميع النواحى وانه مرتاح لطبعها وطرقتها حتى لو عصبيه وفيها بعض

الصفات الغير مرغوبه فمش ممكن يسبها بس المهم انه يلقيها وزى مقلت فى البدايه ان مش ممن

نلاقى كل الى احنا بنتمناه

[mooga]

وبصراحه انا علشان اكتب مواصفاتها عايز مجلدات



وهي دي الحقيقه ان مفيش اي انسان بيوصل الي حد الكمال لان الكمال لله وحده




الموضوع دا شديد اوي


انا عايزها تبقي ضربا زيي يعني وخدا الحياه ببساطه


ومفيش في دمغها اي حاجه


وتبقي علي قدر كبير من العلم

وتبقي فرررري
وعنيها تبقي ملونه

[كريم يتحدى الملل]

هههههههههههه

انشاء الله ربنا هيوعدك بالى بتتمناهه وربنا يكون فى عونكم

[islamy]

إيه يا شباب الكلام ده أنا حاسس اللى أنتم بتكلموا كلام مش مظبوط خالص

أتأكدوا من الكلام وبعدين أكلموا

حديثين :

* تنكح المرأة لأربع لمالها وجمالها ونسبها ودينها فاظفر بذات الين تربت يداك

* من جاءكم ترضون دينه وخلقه فزوجوه

انتهى الموضوع على كده

[la princesse]

حديثين :

* تنكح المرأة لأربع لمالها وجمالها ونسبها ودينها فاظفر بذات الين تربت يداك

* من جاءكم ترضون دينه وخلقه فزوجوه


انتهى الموضوع على كده


صدق رسول الله صلى الله عليه وسلم
وبارك الله فيك يا islamy
لانك كده حسمت النقاش فعلا

[كريم يتحدى الملل]

هما فعلا حديثين صريحين ولا جدال فيهم بس انا راى انالمراءه زمان تختلف تمام عن دلوقتى يعنى ايام الرسول صلى الله عليه وسلمك مكنش الحال زى دلوقتى البنت بترتبط اكتر من مره والولد بيرتبط اكتر من مره ومكنتش الصفات زى دلوقتى كانت اقل وكمان زمان زى مقال رسولنا الحبيب اربع المال والجمال والنسب ودينها لان زمان كانت المراءه فى البيت لا تجاوره لاكن الوضع دلوقتى بقه صعب الاختيار لانه مبقاش ينحصر بين الاربعه دول بقى فى حجات كتير الواحد بيبصلها

انا عارف انها جراه منى انى اتكلم فى حاجه زى دى ومعنى كلامى ده انى مش بغالط فى الحديث او بلغيه بس الحديث ده فى وقت من الزمان ودلوقتى وقت تانى من زمان اخر يحتل فيه الجشع والقسوه والكفر والمعتقدات الخاطئه وشكرا لمرورك اخى الكريم وعلى الحديثين المفيدين وصلى وسلم وبارك على اشرف الخلق نبينا وحبيبنا وشافعا يوم تذهبل المرضعه عن ما ارضعت ويوم يفر المرا من اهله ويقول نفسى نفسى الا رسولنا الحبيب يقول امتى امتى وصلى وسلم على حبيبى رسول الله

[كريم يتحدى الملل]

ولو الموضوع يخالف الدين او موضوع غير مرغوب فيه ممكن تتفضل الاداره بحذف الموضوع

[ايناس]

لو تسمحلي انا عايزة اقول رأئي بصراحه جميل اووووووووووي اللي انت قولتله اخي اسلامي بس لو بصيت للكلام

هتلاقي اني مش قولت كلام غلط او مخالف للي جه في الحديث مش معني اني قولت الكلام دا اني عايزةة واحد

مش محترم او مش عارف ربنا لا بالعكس لو المواصفات دي في شخص ان شاء الله هيكون كويس جدا وهيكون عارف

ربنا كويس وهيعملني بما يرضي اللهومش معني ان احنا مش قولنا الحديثين ان احنا بنقول كلام غير المكتوب فيهم

انت لو تفسر الديث هتلاقي حاجات كتيييييييييير من اللي قولتها وبعدين دا موضوع ممكن يكون موضوع تسليه او بجد

وكل واحد بيقول رأيه مش معني كدا اننا بنخالف الشريعه ولا حاجة دي كلها مجرد اراء


مع احترامي للجميع

ايناس

[كريم يتحدى الملل]

وكمان انا ليه راى يعنى اول متحب توجه حد يريت يكون فى طريقه افضل من كده مش كلمكم مش مظبوط واتاكدو منه وبعد كده انتهى الموضوع لا انت لازم تتحلى بالطريقه الطيبه فى الارشاد لانك مسمى نفسك اسلامى والاسلام يقيدك ان يكون كلامك فيه لين اكتر من كده ولو حد شايف انى غلطان فى كلامى يريت ميتاخرش فى الرد

[mohamed ali]

إيه يا شباب الكلام ده أنا حاسس اللى أنتم بتكلموا كلام مش مظبوط خالص




أتأكدوا من الكلام وبعدين أكلموا

حديثين :

* تنكح المرأة لأربع لمالها وجمالها ونسبها ودينها فاظفر بذات الين تربت يداك

* من جاءكم ترضون دينه وخلقه فزوجوه


انتهى الموضوع على كده


كلامك جميل جدا واعجبني الاستدلال بالاحاديث النبويه الشريفه

بس ليه كلامهم غلط ؟؟؟

انا من قرائتي للردود شايف ان كل المواصفات تنحصر في الجمال والخلق وهذا هو المذكور في الحديثين

بصراحه يا اسلامي مشفتش اي لفظ مش كويس

وبعدين مش شرط اذا كان العريس اللي متقدم متدين وعلي خلق ان لازم نوافق عليه لا عادي ممكن يترفض

والدليل علي كده سلمان الفارسي احد الذين تشتاق لهم الجنه لما بعث اخوه في الاسلام ابو الدرداء ليخطب له ولكن والد العروسه رفض وقال لها اريدك انت

اذا فهناك مواصفات بالاضافه للتدين والاخلاق

تقبل مروري

اخوك محمد

نسيت اقلك انت اثرت موضوع واغلقته من غير اي نقاش

وشاورهم في الامر