ساعدووووووووني مش هاستحمل....

[إيما واتسن]

انا عندي مشكلة كبيييرة جدا جدا .. وللأسف لسة عارفة أريب أوي إنها كبيرة هي (( من لم يهتم بأمر المسلمين فليس منهم )) ديه مشكلتي السياسة مش بفهم فيها حاجة أنا يادوب أعرف كام شخصية بس هم بيعملوا ايه مش عارفة ؟؟؟ والله انا عارفة انها مشكلة ودلوأتي لما أحاول أتابع الأخبار أو أتفرج على النشرة أو أقرأ جرايد مابفهمش حاجة :thmbdn: :thmbdn: :thmbdn: أعمل إيه ؟؟ انا عارفة انتوا دلوأتي بتؤولوا عليا إيه بس ساااعدووووني ... I neeed sooome help no alot of help
أرجووو المساعدة يلااا مع السلااامة....

[la princesse]

ايما يا حبيبتى


انتى مش عندك مشكلة كبيرة ولا حاجة زى مانتى متصورة
بالعكس انتى ما شاء الله عليكى فى حاجات كتير وانا متابعاكى من خلال المنتدى
وبعدين المشكلة دى مش كبيرة للدرجادى بالنسبة لسنك الصغير
تعالى شوفى اغلب شباب الجامعات اللى اقصى حدودهم الثقافية لا تتعدى اخبار الفنانين
ده لو اعتبرنا دى ثقافة يعنى وهى مش كده
وعموما لو عايزة تفهمى اكتر فى السياسة يبقى الاول تقراى كتير فى التاريخ
لان السياسة ماهى الا بناء اساسه على التاريخ
وتابعى برامج صحفية لانك هتفهمى منها كتير
وقبل كل ده تسالى ومتبقيش محرجة من السؤال عن اى حاجة انتى مش فهماها
لانك لما تسالى ده معناه انك لماحة وذكية وبتحبى تفهمى اى حاجة غريبة
والدليل واضح اهو انك بمجرد انك حسيتى ان الحاجة دى غريبة وانك مش فهماها
مستحملتيش الوضع ده وجيتى تسالى بسرعة
وطبعا لما تسالى هتسالى ماما وبابا او اخواتك الكبار
او اخواتك من المنتدى طبعا واحنا عندنا مجموعة عقليات ما شاء الله فى المنتدى
وان شاء الله تقدرى تستفيدى منهم
وفى الاخر احب اسجل اعجابى بيكى وبشجاعتك وحبك للاطلاع والثقافة يا ايما

[إيما واتسن]

السلام عليكم :
حبيبتي برينسس:
أولاً بحب أشكرك جداً جداً جداً على المساعدة المهـمة ديه مش عارفة أقوللك ايه؟؟!!وإن شاء الله أعمل بنصيحتك ديه أما بالنسبة لأخبار الفنانين وكده أنا الخبرة عندي منعدمة برده الحمد لله :18: :18: :18: ههههههههههههههههههههههه
شكراً ليكـ مرة تانية وان شاء الله اعمل بنصائحك شكراً يلااااااااا مع السلامة....:wub: :wub: :wub: :wub: :wub: :wub:

[totaaaa]

السلام عليكم ورحمه الله وبركاته

ايما بجد انتي لذيذه مووووووووووووووت

واحب اقولك مش زي ما انتي فاكره احنا مش بنفكر في اي حاجه واحنا بنقرأ رسالتك

المهم عايزه اقولك علي حاجه مش عيب انك متعرفيش حاجه عن السياسه انتي لسه صغير وحب استطلاعك ده يدل علي انك عايزه تعرفي وده مش عيب ولا خطأ وانت زي ما قالت اختي اميره اقرأي في الكتب التاريخيه

هتفيدك كتير قوي عشان تعرفي الحكم ماشي ازاي

وبعدين انتي عايزه ايه في السياسه هتعريفها هتعريفها ده امر واقعي
ولو عايزه اي حاجه في السياسه تعالي عندي خبيره يعني

وعلي فكره مشكلتك لذيذه زيك

وشكرا يا ايما لطرحك المشكله بشجاعه وشكرا لمجهودك في موضوعيك

[كريم يتحدى الملل]

بصى يا ستى نمره واحد محدش بيقول عليكى حاجه ونمرة اتنين وهى الافاده انك تفتحى التلفزيون على قناة الجزيره وانتى ممكن تفهمى حجات كتير من الى بيحصل فى العالم والحاجه الافضل انك تتفرجى على عمرو اديب بيجى كل يوم معدا الخميس والجمعه الساعه 10ونص والبرنامج ده بيطرح قضايا كتير عن البلد الى احنا عيشين فيه وعن احوال العالم وكمان اى حاجه تعوزيها ممكن تبقى تطرحيها وانشاء الله ارد عليكى فيها وكمان ايه مش انا بس اسره المنتدى كلها هترد وهنشارك وكلنا نستفاد من بعض و على فكره احب اقول ملحوظه انا مش بحب اتفرج على الجزيره كتير بس كلام فى سركم انا ولدى سياسى جداجدا ومش بيتفرج غير على الجزيره وعلى القنوات الاخباريه ونا بكون على الكمبيوتر وبضطر انى اتابع كل حاجه لدرجه انى سعات ولدى مش بيبقى موجود ونا ببقى بتفرج على القنوات دى واتمنى انى مكنش طولت عليكم


الرابط لايظهر فى الأرشيف

[كريم يتحدى الملل]

نسيت اقلك انه بيجى على قناه اليوم والبرنامج اسمه القاهره اليوم

[إيما واتسن]

شكرا كريم توتا آند برينسس والله بإذن الله هاعمل بنصيحتكو وهابقى أجيلك يا تووتاا علشان تديني درس ..هههههههههههههههههههههههه:18: :18:
يلا مع حبي وتقديري..

[!! GoldeN BoY !!]

ايما
الله يكون فى عونك حقيقى

بس الواحد بجد بيتفاعل معاهم بس فى ايدنا اية غير الدعاء للشعب الفلسطينى والعراقى

ادعيلهم بجد من فلبك

شكرااااااااااا

[منون]

حبيبة قلبي الموضوع انتي بدئتي تحليه وهو انك تتابعي الاخبار والجرايد
دي بداية المشوار وبأذن الله مشكلتك تتحل

[mohamed ali]

سياسة ايه اللي تهتم بيها خلينا في الفن والكوره :ongue:

خدوا بالكوان انا بقول كده عشان سمعت ان النت متراقب :011:

اشتاتا اشتوت :bm:

تخش في الموضوع

السياسه بحرها واسع جدا

في اكتر من وسيله ممكن تتاعيها

الجزيره
والقنوات الاخباريه
والبيت بيتك :nono:

انا عن نفسي بتفرج علي اخبار الساعه 9 :thumbup1:

[الطيب احسن]

ايما انا مش هازود عن اللى قالوه اصدقائى فى المنتدى من متابعه برامج وقراءه تاريخ وغيره وغيره
غير ان اى شخصيه او مصطلح او مدينه مش عارفاها ممكن تسالينا او تبحثى عالنت وهتلاقيها ان شاء الله