عايز مساعدة يا جماعة أرجوكم

[dodo23]

أنا يا حماعة عندى مشكلة فى وجهى وهى حب الشباب ووجود سواد فى جبهتى خاصة فى اليمين وفى الشمال من جبهتى والحكاية ديه بقالها سنتين على عكس باقى الوجه فهوا لونه عادى فممكن أعرف أيه الحل وأنا عندى 17 سنة وشكرا لكم مقدما وأنا سعيد لأنضمامى لهذا المنتدى.

[vip]

الى العضو الجديد اهلا بيك مرتا اخرى

والله انا حاطت موضوع فى الطب البديل عن حب الشباب

لو دخلت ودورت فى الطب البديل

صدقنى هتلاقى الموضوع سهل وواضح جدا

شكرك جدا لعرضك المشكله دى

ودى اللينك ااهه

الرابط لايظهر فى الأرشيف

[ايناس]

بصراحة يادودو انا مش عندي الحل وممكن محدش يكون عنده الحل لمشكلتك
لان المشكلة دي محتاجة لدكتور جلدية وانصحك انك تروح لدكتور متخصص
لانه الوحيد اللي هيقدر يقولك تعمل اية بالظبط وحب الشباب دا له اسباب كتير اوي
وممكن اقول نصيحة ممكن تفيد المياه مفيدة جدا جدا للبشرة
حاول تشرب ميه كتير وتحافظ علي الوجة من الشمس والتراب
ودايما تخلية نظيف والمرطبات شغاله طبعا
ويارب اكون قدرت اديك حل ولو بسيط للمشكلة
بس اولا واخيرا لازم دكتور جلدية

[la princesse]

حاول تشرب ميه كتير وتحافظ علي الوجة من الشمس والتراب
ودايما تخلية نظيف والمرطبات شغاله طبعا
بس اولا واخيرا لازم دكتور جلدية


برافو ايناس كلامك مظبوط
واضافة على اللى قلتيه
متحطش ايدك على الحبوب ولا تلعب فيها
وتبعد عن استعمال الصابون العادى لانه قلوى
واى مركب قلوى عموما تبعد عنه
وتستعمل لتنظيف البشرة غسول او صابون حمضى او كبريتى
وبالشفا ان شاء الله يا دودو

[كريم يتحدى الملل]

هوه صراحه حب الشباب ده بيبقى بايخ اوى اوى اناكان عندى حب الشباب فى جبهتى بس اكتر سبب

يخليه ينتشر فى الوش والجسم المس يعنى متلمسيش الحبوب خالص علشان متنتشرش

[tota]

نصيحة منى وأنا كان عندى بردوة حب شباب أولاً أنك تروح

للـــــــــــدكتـــــــــــــــور
وهو ممكن يديك ماسك أو كريم تركيبات من ماود طبيعية ومش مضرة

وكمان مضاد حيوى

وأنت عليك تقلل من أكل الحاجات الحادقة والحامية وكمان الشيكولاتة والسودانى

وتسمع كلامه

أة صح وبلاش تحاول تشيلها بإيدك لأنك لما بتشيل واحدة بيطلع فى مكان تانى جمبهاواحدة تانية

[hagar]

:ongue: بصراحة يادودو انا مش عندي الحل وممكن محدش يكون عنده الحل لمشكلتك
لان المشكلة دي محتاجة لدكتور جلدية وانصحك انك تروح لدكتور متخصص وعلشان نوع بشرتك ممكن ميمشيش معاها حاجة معينة