طب قولولى تتصرف ازاى ؟؟؟؟؟؟؟

[totaaaa]

السلام عليكم ورحمه الله وبركانه

انتوا عارفين ان المشاكل كتير

ومعايا دلوقتي مشكله للناس مش مهم يعني تعرفوا مين

المهم ياريت طبعا رايكم

المشكله


هوة ولد يا جماعة اكبر من البنت اللى بيحبها بسنة
اوك هوة كلية عسكرية كمان

المهم هوة الولد التالت فاخواتة

هوة مش علاقتو كويسة اوى باخواتة هما كلهم ولاد
بس اخوات بس
مش اخوات وصحاب

هوة اعد كتير يحاول يكلم البنت دى
كانت زيملتو
يعنى حوالى 4 شهور
المهم
ياجماعة المشكلة (هيا بعد موافقت على الارتباط هوة كويس اوى ومودب ومتدين وكل الحاجات الحلوة)
مش عارفة تتعامل معاة
هوة عصبى جدا
كتوم كمان يعنى مش بيحكيلها على حاجة
والمشكلة
انو بيتكلم بمزاجو
على حسب حالتو
يعنى مبسوط وفايق بتكلم معاها وهوة مبسوط واخر تمام
متعكنن ومدايق يكلمها ويخليها تكرهة العيشة واللى عايشينها
لو هيا غلطت واتصلت مثلا
_(هوة اللى متعود يتصل ديما)_
تبقا مكالمة سودة لو هوة مكانش حالتو النفسية تسمحلو بالكلام



رغم كل الارف دة هيا سعات بتحس انو طيب اوى
ومحتاج حد يسمعو ويستحملو
بس سعات بيبقا بارد
وكمان مش بيحب يبين مشاعرو ليها
يعنى ممكن يتكلمو كل يوم
او حتا لو شافو بعض
هيا مش بتحس انو بيحبها بتحس انهم صحاب حلوين وكويسين
انما حاجة تانية مينفعوش


بس كمان هيا اتعلقت بية ولما يعد يوم ميرنش بيتجنن
هيا سالت من صحابو
قالولها حرام عليكى تقولى انو مش بيحبك
دة جت علية ايام وكان بيعيط انك انتى مش بتحبية وهوة اللى بيحبك

البنت حاسة ان فى حلقة مفقودة
بينهم وهوة مش بيتكلم ودة طابعو


طب يا جماعة تعمل اية؟؟؟؟؟؟؟؟؟؟

[totaaaa]

الموضوع بسيط شكلا بس مش موضوعا
ازاي بقى
الحل بسيط جدا من الناحية النظرية بس التطبيق عملية صعبة جدا
وفيها ضغط كبير جدا على البنت
بس لو هيه شايفة نفسها قد الموضوع وعايزة فعلا الولد ده يبقى أكيد هتقدر تنفذ المهمة بنجاح
ازاي بقى
انا برده صادفت نفس الموضوع قدامي بس كانت الأدوار معكوسة

النوع ده بيحتاج انه يشعر بالامان
ياريت البنات تحس بيه في كل حاجة وتديله اهتمام زايد ومن ناحية تانية لازم تعرف ان هييجي عليه اوقات هيحسسها انه بيكرهها فعلا بس ده مش حقيقي والموضوع ده هياخد وقت طويل حسب مدى انغلاق هذه الشخصية بس في النهاية لو هيه صممت يبقى هتنجح


الحالة اللي كانت قدامي نجحت بس بعد عمل مكثف لمدة شهرين تقريبا وبعد كدة البنت بقت رائعة ومتفهمة للحياة وبتتعامل مع الولد كويس جدا لدرجة انه بقى أقرب ليها من أهلها تصوري دي؟؟!!


الحب + الارادة = المعجزات

وده مجرد حل وياريت اكون ساعد واكيد في حلول تانيه ان شاء الله

[mraheem2004]

بصراحة المشكلة بسيطة جدا... الولد مؤدب وكل حاجة ماشي... بس فيه عيب وهو العصبية... وسببها بيكون غالبا الكلية اللي هو فيها... لأن الكليات العسكرية كل اللي فيها محكومين ومضغوطين وكل حياتهم اعطاء أوامر لمن هم أقل منهم وتنفيذ أوامر الأكبر منهم في الرتبة... هي دي حياتهم... نرفذة * نرفذة.... فاسألي زميلتك لو ممكن تستحمل تتكل على الله وتكمل.... لو لا تدوس على قلبها وتنفصل عنه لان ما فيش أمل خالص انه يبطل عصبية لأن هي أساس شغله... وعرفيها انه هايفضل عصبي للأبد بحكم دراسته وعمله المستقبلي... وهايكون دايما دقيق في كلامة وتصرفاته... وبرضه هايحبها دقيقة في كل حاجة زيه... تصحى وتنام بمواعيد... تنفذ اللي يقولها عليه بالحرف واي تركة غلط عقابها يسير ... وهكذا..........

والقرار أولا وأخيرا لها


شكررررررررررررررررررا

[منون]

لاياقمر الموضوع صعب هي مش هتقدر تكمل حياتها معاه كدا
لانه زي مابتقولي عصبي طب التفاهم هيبقا ازاي
وازاي بردك بيخبي عليها ومش يحكي

[قمر الليالى]

يا توتا يا حبيبتى

اذا كانت معاملتة ليها بالطريقة دة دلوقتى حتى قبل ما يحصل ما بينهم اى ارتباط

تخيلى بقة شكل العلاقة الى ما بينهم بعد الزواج مثلا او الخطوبة

هتبقى عيشة صعبة جدا جدا

وهى حاليا مندفعة وراء عواطفها

فانا انصحها انها متمشيش ورا قلبها بل تمشى ورا عقلها

لانة هو الى هيوصلها للطريق الصحيح

وهى لو كانت فى فترة المراهقة فزى ما انت عارف فى الفترة دة البنت ممكن ان تتعلق باى شاب بس بيكون مجرد اعجاب بس هى بتحس انة كل حياتها وممكن تنساة بشخص اخر
بيدلها حب وحنان اكتر

فانا بجد بنصحها انها تبعد عنة

واسفة ان كنت طولت عليكم