مشكله لواحد صاحبى وعايز حلها

[الطيب احسن]

يا جماعه انا صاحبى واقع فى مشكله مع اهله
المشكله هى ان اهله مبيثقوش فيه يعنى والكلام ده من وهو فى تانيه ثانوى (هو دلوقتى عنده 20 سنه) والسبب انه راح يلعب بلاى ستيشن من وراهم ومن يومها وهم شاكين فى اى تصرف هو بيعمله كمان كل مايحصل مشكله مع اخوه الاصغر منه يقفو جمب اخوه حتى لو اخوه صح او غلط واللى زود المشكله اكتر ان هو اساسا من اسكندريه وجتله الكليه فى الزقازيق فاضطر انه يعد فى الزقازيق سنتين(انا كنت معاه) المهم انه حصل فى مره واحنا راجعين فى القطار كانت الدنيا زحمه وكان فى ناس كتير بتشرب سجاير فبالطبع كانت ريحه هدومنا كلها سجاير فلما روح البيت وسلمو عليه شمو ريحه السجاير اللى طالعه من هدومه فقالولو ان انت بتشرب سجاير وقعده يزعقوله
ولما حول اسكندريه بداو يحاصروه فى البيت يعنى على اساس انه شريب سجاير وبتاع بنات لدرجه انهم بداو يقللوله المصروف
ده كمان غير انهم بيتلككولو على كل حاجه بيعملها سواء صح او غلط ده غير ان هو رد وقال حاضر وطيب يزعقولو ويقولولو انت قليل الادب لانك رديت لو مردش يبقى بارد
لدرجه انه بيقولى انه كره امه وابوه
اه وافتكرت موقف كمان هو مره راح يبات مع زميله ايام الامتحانات عشان يزاكر وراح عادى ومفيش مشاكل فجاه يتصلو بيه يقلولو لو مجتش حالا تعالى خد شنطه هدومك وحاجات بقى زى كده كتير اوى
قولولى بقى المفروض يعمل اييييييييييييييه؟؟؟؟؟؟؟؟؟؟؟؟

[MafiawwY]

الله يعينه على المشكله دى ........... بس اللى ممكن تحل المشكله دى هيا توتا اكيد لانها عندها خبره

بالتوفيق ان شاء الله لصاحبك يا الطيب احسن وربنا يعينه يا رب على اللى هوا فيه

[mohamed ali]

ممكن اقول راي واكيد مستني راي توتا يا استاذ MafiawwY


احب اطرح حل بسيط وواقعي

لو علاقته باحد قرايبه الكبار سواء عم او خال كويسه يكلمه ويشكيه وهو يكلم ابوه

علي فكره حاول تكون سيرتك في المنطقه اللي انت عايش فيها كويسه لان الوالدين ساعات بيتاثروا بكلام الناس





بعيدا عن تصرف الوالدين في جمله انت قلتها ( لدرجة انو بدا يكره ابوه وامه )

بسم الله الرحمن الرحيم (ولا تقل لهما اف ولا تنهرهما وقل لهما قولا كريما )


واترك الباقي لتوتا

[totaaaa]

السلام عليكم ورحمه الله وبركاته

أخي رامي
بس هي فعلا مشكله بس هم في الاول والاخر ابوه وامه

انه يكرهم دي مش حل وحرام طبعا وهو كمان عمره ما هيبقي مبسوط بحاجه زي ديه

هو يفكر دلوقتي ازاي يرجه الثقه ويفهموا انهم غلطنين

هو فعلا لازم التعاملات مع الناس تكون كويسه ومع ابوه وامه كمان

ينجح في الدراسه ويثبيت انه كويس

يعمل اي حاجه قدامهم مش من وراهم اوكي

ممكن يتكلم معاهم براحه مره علي مره هم ممكن يقدروا ده

وبلاش يعمل مشاكل مع اي حد من العائله اليومين دول لحد ما يصلح الامور

ولو منفعش كل ده ممكن يلجئ لحد كبير الشخص ده ليه كلمه معاهم يعني بيحترموا

وهو يكلمهم وتشوف النتيجه

ولو منفعش كل ده اعتمد علي نفسك لحد ما تكون نفسك وتتجوز ويبقي ليك بيت

وده حل .

هو وقت بس ده اخر الحلول

بس المهم اوع تنسي انهم ابوك وامك وراضي الاب والام لازم وده امر ربنا سبحانه وتعاله

وانت يا رامي صديق قريب منه خليك جانبه ولا تساعده علي ارتكاب اي معاصيه

وشكرا ويارب اكون قدرت احل جزء بسيط من المشكله

[la princesse]

لو علاقته باحد قرايبه الكبار سواء عم او خال كويسه يكلمه ويشكيه وهو يكلم ابوه

علي فكره حاول تكون سيرتك في المنطقه اللي انت عايش فيها كويسه لان الوالدين ساعات بيتاثروا بكلام الناس





بعيدا عن تصرف الوالدين في جمله انت قلتها ( لدرجة انو بدا يكره ابوه وامه )

بسم الله الرحمن الرحيم (ولا تقل لهما اف ولا تنهرهما وقل لهما قولا كريما )





تمام يا محمد
ومش لاقية كلام بعد كلامك وكلام توتاااا
الا انهم لازم يشوفوا تصرفاته بعنيهم علشان معاملتهم معاه تتغير
يعنى لازم يثبت انه انسان كويس بالتصرفات الملموسة مش بالكلام
وتقريبا توتاااا وضحت هيعمل كده ازاى

[الطيب احسن]

شكرا ليكو يا جماعه عالنصايح اللى انتو قولتوها ياجماااااااعه

[WebCraker]

استغفر الله العظيم يارب ...
لأ بصراحة لو انا كنت اخت الشنطه مشيت فعلا ايه الهباب ده :) ؟؟
شوفتوا ان حلال عقد إزاى

[totaaaa]

اخي كراكر ممكن اعرف ايه علاقه الرد ده بالموضوع

وشكرا لاشتراك والمرور

[Muhamed]

لأ بصراحة لو انا كنت اخت الشنطه مشيت فعلا ايه الهباب ده :) ؟؟



اخي كراكر ممكن اعرف ايه علاقه الرد ده بالموضوع



هوا كان قصده على الجزئيه الاخيره لما اهله اتصلوا بغرابه وقالوا تعاله خد شنطه هدومك


يعنى كراكر كان بيعبر عن الخنقه اللى الولد ده وصل لها من تصرفات اهله معاه


وانا بقله معلش هوا يصبر وخلاص كلها كام سنه ويتخرج ويشتغل ويستقل بزاته


بس عليه انه ميناسش انهم اهلوا مهما حصل


وعليه انه يقطنع ان فى الاول والاخر ان اهله بيحبوه ويخافوا عليه


لانه لو مش خايفين عليه مكنوش عملوا التصرفات دى


فعليه انه يفهم كده


علشان متتولدش مشاعر عكسيه تؤدى الى قطعه لصله الرحم عندما يستقل بحياته

[totaaaa]

شكرا يا مندوز لتوضيح

وشكرا لرايك ومرورك

[MR.S]

وانا من رأيي انه يقول يارب ....... فالشكوي لغير الله مزله ..

ودا مع احترامي لكلامكو يعني

وبعدين موش هو لواحده اللي بيحصلو دا في بردك ناس اكبر م العشرين كمان بيتعملو بااكتر من كدا


شرح كلامي انه يتقرب من ربه وهو يدله ..

[ايناس]

انا ممكن اقول رأيي بصراحة ومحدش يزعل مني؟؟؟ انا شايفة ان مفيش اب وام في الدنيا ممكن يكرهوا ولادهم او يعاملوهم بطريقة مش كويسة كل اب وام عايزين ولادهم تبقي احسن ناس في الدنيا ومفيش حد احسن منهم وبالتالي ممكن المعامله دي لصاحبك وراها هدف معين عايزين يوصلوا ابنهم ليه.ممكن تكون طريقتهم غلط بس كل واحد بيعامل ولاده حسب طريقة تربيتة لو كان مقتنع بيها.ومش تزعل يارامي مني انت مش مع صاحبك علي طول عشان تعرف هو بيعمل اية .ممكن يكون بيعمل بعض الامور قدام اهلة او بتوصل لاهلة بيشوفوا من خلالها انة انسان غير مسؤول وبكدة بيحاولوا معاه بجميع الطرق عشان يلفتوا نظره لحاجة ويفهموه غلطته وبحكم ان احنا شباب واغلبنامش بيحب التسلط او انه ياخد تويجهاته من حد فلازم نحس ان احنا متضايقين منهم وانهم بيكرهونا بس دة اكيد مش صحيح وانا طبعا اتمني له انه يحاول يفهمهم كويس ولو فعلا هو انسان كويس ومش بيعمل التصرفات دي فأنا اؤيد رأي توتا انه يخلي اي حد من اقاربة يكلمهم ويتفاهم معاهم بس ياريت يحاول معاهم هو لوحده الاول عشان برده يحسوا انه محترمهم وخايف علي مشاعرهم ومهما كان في الاول وفي الاخر دول والديه
قال تعالي"ووصينا الانسان بوالديه احسانا"صدق الله العظيم

[الطيب احسن]

لاء ابدا مش زعلان وشطرا على مرورك الطيب

[mraheem2004]

صديقي مافياوي.... من كلامك انت قلت ان سبب الانقلاب المفاجئ على زميلك من قبل والديه انه راح يلعب مرة بلاي استيشن من وراهم.... أنا راضي ذمتك... ده سبب يخلي أب وأم يقلبوا بالطريقة السودا دي على ابنهم لمدة 4 سنين؟؟ ... ده اذا افترضنا انه عمل الحركة دي وهو عند 16 سنة لما كان في تانية ثانوي... أنا بصراحة السبب ده مش داخل دماغي خالص... وأكيد في أشياء تانية ألعن وأضل من كدة هو قام بيها... زميلك حكى لك القصة ناقصة وبناء علية أنا ما قدرش أديك الحلول المناسبة... ياريت تسألة وأنا مستني ردك على كلامي....

شكررررررررررررررررررررا

[mraheem2004]

أنا اااااااااااااااااااااااااااااسف

كنت فاكر مافياوي هو اللي كاتب المشكلة

الرسالة دي للطيب أحسن ..... وأرجوا ان محدش يزعل من صراحتي

شكرررررررررررررررررا

[كريم يتحدى الملل]

نداء من كريم للاخ روم
اوكى انت اكيد دلوقتى شايف كلامى رأيى كا التالى وهو ان

الموضوع مع احترام لجميع الاراء المنطقيه الى انطرحت وهوه ان الاب والام محتاجين

شخص يكونو بيثقو فيه و يعرفوه ويكون من اصحابه الى اهله يعرفوه وشفوه ومرتحنلو وعرفين انه كويس ومهذب وعلى فكره الشخص الى اقصده هوه انت وعلى فكره كمان

انا مش بجاملك انت فى أديك حل المشكله لو انت رحت لاهله وحولت تتكلم معاهم

وتشرحلهم حققته وقلتلهم انه مظلوم اكيد هيقتنعو بكلامك او لو الامور متوصله مع الاهل تخلى الوالد او الوالده يتكلمو معاهم ويتفهمو بعقل وياهم ولو متعرف اهله ممكن تخلى اى حد من صحابه يكونو يعرف اهله واهله يعرفو وهوه ممكن يقدر يساعده على انهم يحسو ان ابنهم ظلمينو
وانا نصيحتى للشاب ده انه

يحاول يرضيهم على قدر ما استطاع وعلى فكره مفيش ابن بيكره اهله اى كان عملو

فيه وانشاء الله غمه وهتعدى وكل الامور هترجع كما كانت


بس الدعاء الى الله اهم من كل شىء فدعوه المظلوم لا ترد ابدا عند الله

[الطيب احسن]

شكرا يا كريم على مرورك

[bocy]

انا متفقه مع راى ايناس وتوتا وبرده مش المفروض انه يكره ابوة وامه لانهم بيبقوا خايفين عليه وعاوزين يوصلوه لاحسن مستوى.وانا من رايى انه هو االللى يحاول يستعيد ثقتهم فيه تانى ويقعد يتكلم معاهم يتقرب منهم ويقربهم منه علشان يعرفهم اانه حد كويس مش طايش وكمان هو هيقدر يعرف هما بيفكروا ازاى وصدقنى لما يعرف هما بيعملوا كده ليه هيعذرهم.وهيجى يوم ويكون فى مكانهم وهيقدر كميه القلق اللى هما بيحسوا بيه.
وبرضوا مش فى مانع لو يقوللهم انه رايح فين. ومش لازم ياخد كل حاجه بيعملوها على طول كده بانهم بيراقبوه
وبعدين اى اهل عندهم شباب او بنات فى السن ده لازم طبعا يقلقوا عليهم