اخيرا صدرنا للغرب 3 اشيااء ... مبرووك و افرح بكونك عربي ..

[black rose]

بسم الله الرحمن الرحيم

الموضوع ده هيفرحنا كلنااااااااا:thumbup1:

انا جايباهلكوا بشري كده علشان نطلع من الكآبة اللى احنا عايشين فيها

خبر جمييل


اخيرا اخيرا اخيرا


العرب اخترعوا 3 اختراعات فى الوهلات الاخيرة............

وتميزت تلك الاختراعات بانها فريدة من نوعها

وتم تصديرها الى العالم اجمع

وبجد الغرب بيشكرونا عليها وبيمدحوا فى عقلنا .........






صعبان عليا احرقهم كده

حد يحاول يفكر ايه هما ويقول اللى جه على باله

وبعدين هكمل الموضوع على طول


انا فى انتظار مشاركة واحده ؟؟

[la princesse]

اكيد اكيد وحدة فى التلاتة هتبقى الرقاصات
ماهى دى اكتر حاجة احنا متفوقين ونابغين فيها

[mody123]

يا ريت يا برنسيسه الرقاصات بتوعنا حتى فلحين فيها

دي في اخر مسابقة الرقص الشرقي اتعملت في مصر كمان

مصر مطلعتش من ال خمسه الاوائل حتى

والله احنا غلابه بس احنا اللي عملين كدا في نفسنا كله بيشوف هما بيعملو ايه ونقلدهم

المفروض نجدد بقى ونشوف حاجه هما اللي يقلدونا فيها


زي الفل .......

[heroshima]

كلامك صح والله يا مودي

[Muhamed]

طبعا هوا احنا بنصدر بترول خام وغاز طبيعى


بس مدام الموضوع ليه علاقه بالعقل والتفكير


يبقى اظن ان ممكن تكون الشيشه (الجوزه يعنى) اصل احنا اللى اخترعناها بس دى من زمان يعنى:18:



وهبقى افكر فى كام حاجه تانى واجى اقلكم :bm:

[3aShe2]

مش عارف انت

تقصدى اشياء مادية

ولا افكار

بس اعتقد ان هتكون واحدة من التلاته

التفاهه و اللامبالاة

[Muhamed]

بس اعتقد ان هتكون واحدة من التلاته

التفاهه و اللامبالاة


دول اتنين بس يا عاشق مش 3:bm:

[3aShe2]

دول اتنين بس يا عاشق مش 3:bm:






مانا اعتقد ان التفاهه مرتبطة يالامبالة

يعتلا بتصدرهم مع بعض

مش بينفع نصدر كل حاجة منهم لواحدها

زى الكشرى والصلصة

لازم يتصدروا مع بعض
:bm: :bm:

[الطيب احسن]

انا جبت واحده من التلاته عارفين ايه هى ...........................
قله الضمير بدليل ان مفيش ضمير فى المعامله عندنا
الغرب بينفذو كده معانا

[la princesse]

على فكرة يا black rose
انتى طرحتى الموضوع بطريقة ذكية جدا
وخليتى الناس من غير ما يقصدوا شرحوا عيوب ومساوىء المجتمع
بس عايزة اقول يا جماعة مش مجتمعنا كله وحش اوى كده زى مانتو فاكرين
هى العيوب دى موجودة فعلا بس مش بالانتشار ده
وزى ما عندنا عيوب عندنا بردو مميزات مش موجودة عند ناس تانية كتير
وعموما شكرا ليكى يا black rose
ويا ريت تقولى انتى بقى ايه هى الحاجات اللى قصدتيها

[black rose]

على فكرة ما شااااء الله عليكوا جبتوا 2 منهم على طول :thumbup1: فعلا اهم 3 حاجات بارزة نحن صدرناها للغرب :

على فكرة الكلام ده جه على لسان احمد الشقيرى على قناة الرسالة يعنى مش انا اللى مكتشفاه...

بس انا اللى بحاول اشرحه :

المهم التلات حاجات هما :

اولا : الشيشة :a033:

الشيشة اختراع مصري يشكرنا عليه الغرب بشده

تقريبا احترمونا علشانها وعلشان الاهرامات

وعند تواجدهم فى بلد عربي تجدهم يتهافتون على المقاهى بشدة ويطلبون الاختراع الذكى الفريد من نوعه والذى من خلاله ادركوا اننا قد تخطيناهم فى مجال ما اخيرا ...... نحمدك يا رب

فلك ان تفخر بكونك عربي

ثانيا :الرقص الشرقي

الرقص الشرقي هو فن تميز به العرب خاصة المصريين (( اللهم لا حسد )):yikes3:

والامثلة حاليا كثيرة اولها وابرزها سعد الصغير ولقد استحق لقب راقصة مصر الاولى بجدارة بالاضافة الى فيفي عبده الراقصة القديرة ودينا والكثير ........

تقريبا خلال ال30 سنة الاخيرة تم بناء 500 مدرسة خارج الوطن العربي

ذلك الفن الراقي محترفوه يجب ان يكون رقصهم قد اشرف عليه راقصو مصر اولا

ثم بعد ذلك على المحترف الاتجاه الى بلده لكى يحمل رسالة الرقص الشرقي الى ابناء موطنه كى يتسني لهم التطلع الى كل ما هو مستحدث وجديد

وبذلك بدا فن الرقص الشرقي بالتطور خارج موطنه

وقد سمعنا بانهم قد تخطونا ((انت لسه قاعد يا معدوم الوطنية قوم وروح اتعلم ازاى تكون رقاصة لكى نثبت لهم ان الرقص الشرقي هو نحن ونحن هو الرقص الشرقي)) :045:

لذا فعليك ان تفخر بكونك عربي مصري .....

ثالثا : طرق اعداد الطعام

لم اقل الطعام بل قلت طرق اعداده .....

تجد المطاعم اللبنانيه والمغربية واحيانا المصرية فى الخارج تتمتع برواج عالى

ولك ان تتوقع ان من يتوافد على تلك المطاعم هم من نفس جنسيتها ولكن قد ثبت العكس حيث انا اغلب من يتوافد عليها هم من الاجانب وليس لهم لهم اى علاقة بالبلد الذى ينتمى اليه الطعام

وطبعا فذلك انجاز باهر ان يعترفوا هم بعبقريتنا التى ليس لها مثيل فى تقديم مختلف انواع الطعام

.................................................. ..............................................

اذا انت ان لم تفخر بكونك عربي فانت جاحد :nono: ...

ولكن عذرا على سرد تلك الايجابيات المعدوده فقد كان بودى سرد الكثير لكن تقريبا لقد ذكرت الاكثر رواجا ......


الى الامام يا عرب:015:


اعلم انك الان فى غاية من السعاده لانك اكتشفت ان الشيشة والرقص الشرقي والطفح هو اهم ما يميزنا كمسلمون....
وليس امامك الا طريق واحد مسلكه سهل لكى تحمد الله وهو الدعاء




عذرا على الاطاله ولكن وجبت التوعيه

[black rose]

طبعا لازم اشكر كل اللى مروا على موضوعى

la princesse

مودى

هيروشيما

عاشق الجنة

ماندوز

الطيب احسن

..............................

اما عن المعنويات ردا على الطيب احسن و عاشق الجنة ........

فتقريبا فعلا هما خدوا اخلاق الاسلام وتعاملوا بها فيما بينهم وخدوا اخلاقنا احنا علشان يتعاملوا بيها بس معانا

.............................

يا جماعه انا كان فى بالى اكتب الموضوع بطريقة غير كده بس اعذرونى بكره اول يوم راجعين المدرسة تاااااانى
والواحد متلخبط .. فسامحونىبقي

............................

دمتم سالمين