انا عندى مشكله بسيطه

[الطيب احسن]

والله يا جماعه انا عندى مشكله بسيطه
ان انا لما بتجمع مع اصحابى بابقى اقل واحد فيهم كلام
انا مش عارف ليه؟؟؟؟؟؟!!!!!!!!!!!
بس ده مش عشان نقص معلومات ولا حاجه
انا الحمد لله معاوماتى كويسه
وساعات برده معرفش اعبر عن اللى انا عايزه
او اعبر غلط
قولولى يا شباب ايه حل مشكلتى

[la princesse]

اولا طبعا احنا كلنا عارفين يا طيب انك انسان مثقف
ومش معنى ان كلامك قليل يبقى ده نقص ثقافة طبعا
ممكن يكون خجل وانطواء
او عدم ثقة فى النفس
ودى حلها بسيط وهو انك تحاول متبقاش لوحد فترات طويلة
وتحاول تختلط بالناس اكتر وتقرب منهم
وتخلى اغلب نشاطاتك اليومية جماعية مش فردية
يعنى الصلاة مثلا والخروج.......الخ
وممكن يكون كلامى ده غلط بس ده تصورى المتواضع جدا

[totaaaa]

السلام عليكم ورحمه الله وبركاته

مرحبا اخي الطيب احسن
وهو فعلا الطيب احسن

اولا انت مش عندك مشكله ديه حاجه بسيطه بتحصل مع اي حد

يعني انت عايز شويه ثقه في نفسك

ولو انت مش قليل الكلام يعني طبع

يبقي انت عايز شويه ثقه في لبسك في اسلوبك في كل حاجه

بمعني تاني هقولك لو واحد اللبس مش قوي في وسط ناس اللبس العالي
هو حتي لو اللبس مش فارق قوي بس هيحس انه مش واخد حريته في الكلام او الحركه

انت ومع صحابك لازم تفهم نفسك انك احسن واحد فيهم
لو مش في الشكل يبقي في اللبس ولو مش في الاتنين
يبقي في اسلوبك ومعلوماتك او روحك المعبره

يعني ده اضراب اعصاب بس
يعني اكيد في مقارنه مع اي حد في صحابك


اقولك علي حاجه ممكن يكون في اصحابك واحد شايف نفسه قوي وبيحب يحسس اللي حاوليه انه زي ما انت عارف

ولو مش موجود انت بتاخد راحتك

ويا طيب ده بيفرق مع الصحاب اللي انت بتجلس معاهم وطبيعه القاعده

وشوف كده ورد عليه
واتمني اكون ساعدك بقدر المستطاع

[totaaaa]

طبعا يا طيب ده بجانب حلول اميره الاختلاط الاجتماعي والتعامل مع الناس بس ده برضه

هيفضل الثقه تكون موجوده

[الطيب احسن]

شكرا يا جماعه والله انتم اقنعتونى بكلامكو ده

[vip]

السلام عليكم ورحمه الله وبركاته

اخ طيب ممكن تكون انت كده مش شرط اللبس

او كده ده ممكن يكون انك منفرد ممكن متكنش

بتخطلط مع الناس كتير حتى لو اختطلط بيبقى كلامك قليل

او بسيط واهم حاجه موهمش نفسك انك كدا مع اصحابك

لان ده احيانا بيبقى فى نفسك هتاخد على كده مع احترامى لاميره وتوتا


شكرا

[الطيب احسن]

شكرا ليك يا vip على نصيحتك

[mohamed ali]

انا بعد ما قرات الردود مبقاش فيه حاجه اقلها

غير بس

ان احيانا لا يعتبر الصمت قلة حيله بل يعتبر ذكاء
ااحيانا يستطيع الصمت ان يفعل ما لا يستطيع ان يفعله المتكلمون
هذا لا يعني انني اقصد الانطواء لااااااااا فالصمت قد يتطلبه بعض المواقف

هذه مجرد افكار اما الحلول فاتركها لاخوني الذي سبقوني في الرد فقد احاطوا الموضوع بمعلومات جميله

اخوك محمد

[الطيب احسن]

شكرا يا محمد على الكلام اللى انت قلته

[WebCraker]

بسم الله الرحمن الرحيم ...

الاخ الكريم والعزيز الطيب انت طيب .. انا رأيى من راى الاستاذه اميرة وتوتا مع احترامى للجميع وهوا انك تحاول تختلط اكثر بالناس وتؤدى اعمال جماعية زى ما قالت الصلاة المهم الخروج عموما من البيت كتير ومحاولة مساعدة الناس يعنى اللى يحتاجك فى حاجه ما تتاخرش وخليك موجود على طول
وممكن يكون قلة كلامك ده من ان صحابك بيتكلموا فى حاجات انت مش بتفهم فيها فهنا يكون الصمت اولى وافيد
وممكن يكون فيه فى صحابك دول اللى بيحب يعمل عمدة ويتكلم كتير ويكون كبير الاعدة فانت حاول ما تختلطش كتير بصحابك اللى زى دول او ما تطولش فى الاعدة معاهم يعنى وحاول بقدر الامكان تكون انت محور المواقف
يعنى يكون فيه مشكلة او موضوع انت الخبير فيه
وخلى فى ثقة ياشيخ دانت طيب
سلام

[tota]

على فكرة أنا عندى نفس مشكلة الطيب أحسن

باين عليها دى وراثة فى العيلة ولا أية

لكن رأى ويب كراكر عجبنى جدا

بالأخص لما قال إن ممكن يكون اللى قدمنا من أصحابنا عامل فيها معلم ههههههه

أو بيكلم فى حاجت إحنا مش فاهمينها

أو تعتبر ممكن نكون فهمنمها لكن مش بنهتم بيها

[mraheem2004]

ان كلامك يكون قليل دي حاجة كويس... انت زيي بالضبط في الحته دي... أنا بعتبرها ميزة... لان كون ان كلامك قليل فمعناه انك جاد وكلامك وموجز... يعني بتقول كلمتين بكل اللي بيحكيه أصحابك... انت كده 100 100... وخلي بالك اللي بيتكلم كتير بيغلط كتير وبيفضح نفسه كتير وعيوبه بتبان ومشاكلة مع زمايله بتكتر... أما اللي كلامه قليل فبيكون العكس وبيكون غامض... والغموض هو المطلوب في صداقات اليومين دول... ومسك الختام قوله صلى الله عليه وسلم في حديث ما معناه (( اذا كثر الكلام بين اثنين كان الشيبطان ثالثهما))...

شكررررررررررررررررررررررررررررررررا

[كريم يتحدى الملل]

روم حبيب قلبى بص يا روم متحولش انك تتغير لانك انت كده دليل على طيبتك ودليل على حسن خلقك

وكمان انا اعرفك معرفه شخصيه اول حاجه خلنتى اعزك انك ليك طبع معين وليك هدوء فاوعى تغير من

نفسك انت كده عشره على عشره وبجد يا روم اوعى تحس انها مشكله مش بعيد اصحابك دول يمكن

صحبوك على انك طبعك هادى كده فليه تغير من نفسك ادام انت محبوب من الكل اونت كده وكمان

يا روم اول متكون حاسس انك عاوز تقول حاجه قلها متقلقش من انطباع الناس لكلامك وكمان

لازم تثق فى نفسك اكتر من كده لانك جدير بالثقه دى اتكلم شارك برايك ادخل فى مجالات حوار

اتعلم اسلوب الكلام من الى حوليك بس متحولش انك تغير نفسك كليا لانك انت كده محبوب من

الناس وانا بحبك وبعزك وانت بالفرض لو بقيت زى الناسالمتكلمين والى بيحبو يمتلكو الاعده فكرك

هتبقى محبوب زى منتا محبوب دلوقتى!

اسال نفسك وحاول انك تبقى انت وتفضل زى ما انت على حالك

اخوك كريم

[إيما واتسن]

السلام عليكو ورحمة الله وبركاته وبعد
يا أخ طيب انا شايفة إن الموضووووع بسيــــــط أوي كل مافي الموضوع انك لازم تتشجع شويا و لو في حوار بينك وبين أصدقاءك حاول تدخل في المناقشة كده وانت هاتلائي نفسك بتتجاوب معاهم ...
وخليك واثق في نفسك وبعدين ((خير الكلام ما فل ودل )) هو كده ولا لا؟؟!! شكراً لطرح المشكلة ..... أرجو اني أكون ساهمت ولو بشئ بسيط في حلها .... شكراً أخي الغالي يلااا سلامووووووووز:cupidarrow: :cupidarrow:

[mooga]

هايات يا اخويا الطيب


المهم انت كل الي انت عايزه هو حبت جراءه وثقه


فا انا بقترح انك تعمل كل الي انت عايزه وتقول الي انت عايزه



طول ما انت مع اصحابك من غير متحط اعتبرات لاي حاجه انت مع اصحاااااااااااابك يعني اخواتك



يعني تقول الحاجه وش علي طول وتقول كل الي نفسك فيه من غير ما تحط في دماغك



كبر الجمجمه

[heroshima]

انا بقى لي رأي تاني يا طيب أحسن .. أنا حاسس انه مش هيعجبك ... إن أنا أتبع شعار ( إذا كان الكلام من فضة فالسكوت من ذهب )


أما انت لو عاوز تختلط بالناس خليك واد روش .. واثق من نفسه .. واد باشا .... واد مخربش .. من الآخر اعمل فهلوي

:039: :039: :18: