ماذا تفعل لو كنت مكاني......؟(للجادين فقط)

[totaaaa]

ماذا تفعل عندما يرحل عنك أملك.......؟

ماذا تفعل عندما تجد أن كل شيئ ينهار أمامك.......؟

ماذا تفعل عندما تجد نفسك في طريق لم تكن تريده .......؟؟

ماذا تفعل عندما تجد أعز أصدقائك لا تنطبق عليهم معني الصداقة........؟

ماذا تفعل عندما تشعر أنك بعيداً عن الله.....؟

ماذا تفعل عندما تشعر بالندم كثيراً.........؟؟

ماذا تفعل إن لم يعد هناك هدف تسعي من أجلة ........؟

ماذا تفعل إن لم تجد من تجلس وتشكو إلية ......؟

ماذا تفعل عندما تشعر أنك وحيداً ويوجد الكثير من حولك..........؟؟

ماذا تفعل عندما تشعر بمعني الألم بداخلك.......؟

ماذا تفعل عندما تتخلي عن أجمل شيئ في حياتك وهو مازال متمسك بك.....؟

ماذا تفعل عندما يعتقد الكل أنك لا تعاني من شيئ بسبب ابتسامة كاذبة سقمت منها.....؟؟

ماذا تفعل لو لم تستطيع أن تعبر عما بداخلك إلا بالبكاء كالأطفال........؟

ماذا تفعل لو كنت مكاني.......؟؟









أنا في الغالب مبحبش أظهر أني ضعيف أمام أي شخص........

لكن لما خلاص تحس أنك ملكش أي قيمة ..ممكن تدور علي اللي يساعدك....

وأتمني أنكم تساعدوني....

[FREEDOM]

موضوع رائع يا توتا

السؤال دة

ودا السؤال اللى اثر فيا

ماذا تفعل عندما تشعر بالندم كثيراً.........؟؟

واجابتة

السؤال دة
ماذا تفعل عندما تشعر أنك بعيداً عن الله....؟

[Muhamed]

اظن اول خطوه لازم تتعمل


ماذا تفعل عندما تشعر أنك بعيداً عن الله.....؟




انك تقرب من ربنا


لانها اهم واسهل خطوه ممكن تتعمل



بعد كده


اظن ان كله ممكن يتحل

[totaaaa]

رايك جميل جدا يا دموع الخشيه وشكرا لمرورك

المهم طبعا في الحياه انك تقرب لله هو الوحيد اللي تفرح بقربه

[totaaaa]

شكرا يا مندوز لمرورك ورايك

والحمد لله ان احنا في الاول بنفتكر ربنا

سبحانك ربي اني كنت من الظالمين

[الطيب احسن]

بصراحه ممكن اى حد يتعرض للظروف دى عشان كده مش لازم نياس اهم حاجه البعد عن الياس
ولازم نعاند مع الظروف دى ومنرضخش ليها

[tota]

جميل موضوعك وأسئلتك قوى يا totaaaaa

ومش عندى كلام قولوا بعد ردود الأعضاء الأفاضل اللى ردوم

فعلاً هو التقرب من الله هو اللى هيحل كل دة

اللهم اجعلنا نتقى الله دائماً

ومن يتق الله يجعل له مخرجاً

[كريم يتحدى الملل]

انا على ما اعتقد ان توتا بتطرح الاسئله علشان نرد عليها وانشاء الله

هحاول ارد عليها باجبات منطقيه ومفيده ويا رب تكونى سعيده ديما فى

حياتك يا توتا .



ماذا تفعل عندما يرحل عنك أملك.......؟

احاول التفكير فى امل كى اسعى اليه من جديد واذا لم يتحقق سافكر فى امل اخر كى اسعى اليه والكلام ده بقوله عن تجربه شخصيه

ماذا تفعل عندما تجد أن كل شيئ ينهار أمامك.......؟

انا مش فاهم بخصوص ايه بس لو بخصوص التجاره :احاول انقذ ما يمكن انقاذه واحاول بناء نفسى من جديد كى اصعد لما اتمناه وده بردو عن تجربه شخصيه فى تجارتى
اما لو المقصود فى الحياه العامه احاول الاصلاح فيها بدون استسلام

ماذا تفعل عندما تجد نفسك في طريق لم تكن تريده..؟
هحاول انى اسلك طريق اخر حتى لو كان اصعب بس لو الخروج من الطريق ده مستحيل هكمله لان الانسان مش كل الى بيتمناه بيلقاه

ماذا تفعل عندما تجد أعز أصدقائك لا تنطبق عليهم معني الصداقة........؟
هحاول تكوين صداقات جديده ولو الصدقات الجديده بردو متنطبقش عليهم معنى الصداقه ولا ازعل لان الصداقه هى شىء مهم اه لاكن ممكن نعيش من غير صداقه

ماذا تفعل عندما تشعر أنك بعيداً عن الله.....؟
اقوم اصلى واكثر من الدعاء والاستغفار واطيل السجده

ماذا تفعل عندما تشعر بالندم كثيراً.........؟؟
هحاول بقدر الامكان انى ارجع واستعيد الشىء الى انا نادم عليه وان لم استطع فان الله من على الانسان بنعمه النسيان كى لا يكون بقلبه الام


ماذا تفعل إن لم يعد هناك هدف تسعي من أجلة ........؟
استحاله لان الانسان ا ان كان عمره او سنه لابد ان يكون له هدف او شىء يرغب فيه فكرى كويس واكيد هتلاقى حجات كتير اوى ممكن تبقى هدفك الاول

ماذا تفعل إن لم تجد من تجلس وتشكو إلية ......؟
ايجاد صديق من اصدقائك المقربين لك من النت او من المنتدى والى ممكن تثقى فيها ممكن تكلمو مش شرط على النت ممكن يبقى فى اتصالات بالتليفون او الموبيل واظن فى انسات كويسه جدا معانا وعلى قدر من الدين

ماذا تفعل عندما تشعر أنك وحيداً ويوجد الكثير من حولك..........؟؟
انا مريت بالاحساس ده بس اكتشفت ان الخطاء من عندى وحاولت بعد كده انى اندمج بمواضيع وفتح مجال ونقاشات حتى اصل انى اكون محبوب من الناس لان حب الناس عمره مهيشعرك بالوحده

ماذا تفعل عندما تشعر بمعني الألم بداخلك.......؟
مش هحاول الهى نفسى واخرج من الحزن والالم الى انا فيه لانى اول مبكون حزين جدا بيطلع نهار جديد والاقى نفسى نسيت الحزن والزعل والالم وبلاقى وجههى مبتسم مشرق


ماذا تفعل عندما تتخلي عن أجمل شيئ في حياتك وهو مازال متمسك بك.....؟
...............لانى فى نفس المشكله

ماذا تفعل عندما يعتقد الكل أنك لا تعاني من شيئ بسبب ابتسامة كاذبة سقمت منها.....؟؟
دى حاجه كويسه ان محدش يعرف انى بعانى من شىء علشان مزعلش غيرى بحجات هوه ملهوش ذنب انى انا فيها

ماذا تفعل لو لم تستطيع أن تعبر عما بداخلك إلا بالبكاء كالأطفال........؟
فى راى بيقول ان البكاء بيريح وراى تانى بيقول انه بينضف العين بس انا رايى ان البكا مش بيحل حاجهبل بيوتر الاعصاب وبيعيش الانسان فى جو من الكابه

ماذا تفعل لو كنت مكاني.......؟؟

هوه الى حاسه من اغلب الاسئله انك مش بتحولى تحلى المشكله بتستنى لما تحصل وبتستنيها لما تمر وتخلص وبعد كده بتحزنى لاكن انا راى انك تتحلى بالايمان والصبر والتفكير
وانك تبتسمى دائما للحياه وعلى فكره فى فبعض اسالتك بحس انك مش قدره تقومى بس انا رايى فى كده ان الانسان بيعش حياته بيقع ويقوم بيقع ويقوم زى الطفل الصغير بيقع ويقوم وفى الاخر بيمشى على رجله وبيجرى وبيستمتع بحياته

اخر حاجه بتمناها انك تكونى سعيده فى حياتك ووالله انا بتمنى كده لكل الناس وبتمنى ان كلنا نبقى عيشين سعداء ومبسوطين فى حيتنا واتمنى من الله ان يشرح صدورنا وان يصبرنا على ما ابتلانا اللهم امين

واتمنى انى اكون قدرت انى افيدك بردى




اخوكم كريم

[Love Massari]

اجابة السؤال ده
ماذا تفعل عندما يعتقد الكل أنك لا تعاني من شيئ بسبب ابتسامة كاذبة سقمت منها.....؟؟
استمر فيها علشان مش ادخل حد في مشاكلي
واجابة السؤال ده
ماذا تفعل لو لم تستطيع أن تعبر عما بداخلك إلا بالبكاء كالأطفال........؟
انا كده اسهل حاجة عندي اني ابكي بس بيريحني كتييييير

[الطيب احسن]

انا برده حابب اجاوب عالاسئله
ماذا تفعل عندما يرحل عنك أملك.......؟
احاول القى امل اخر اجرى وراه

ماذا تفعل عندما تجد أن كل شيئ ينهار أمامك.......؟
ابنى نفسى من جديد يعنى عمرى ماهياس

ماذا تفعل عندما تجد نفسك في طريق لم تكن تريده .......؟؟
احاول ااقلم نفسى فى هذا الطريق

ماذا تفعل عندما تجد أعز أصدقائك لا تنطبق عليهم معني الصداقة........؟
ابعد عنه لان من اول ماكتشفت انه مفهوش معنى للصداقه خلااااص انتهت الصداقه

ماذا تفعل عندما تشعر أنك بعيداً عن الله.....؟
احاول انى اقترب اليه وادعوه انه يهدينى

ماذا تفعل عندما تشعر بالندم كثيراً.........؟؟
اصلح من اخطائى

ماذا تفعل إن لم يعد هناك هدف تسعي من أجلة ........؟
احاول الاقى هدف تانى واجرى وراه

ماذا تفعل إن لم تجد من تجلس وتشكو إلية ......؟
اكلم نفسى

ماذا تفعل عندما تشعر أنك وحيداً ويوجد الكثير من حولك..........؟؟
اتاقلم مع اللى حوليا

ماذا تفعل عندما تشعر بمعني الألم بداخلك.......؟
احاول انساه

ماذا تفعل عندما تتخلي عن أجمل شيئ في حياتك وهو مازال متمسك بك.....؟
احاول اتمسك بيه

ماذا تفعل عندما يعتقد الكل أنك لا تعاني من شيئ بسبب ابتسامة كاذبة سقمت منها.....؟؟
اغير تعبيرات وجهى وابين ان انا مهتم

ماذا تفعل لو لم تستطيع أن تعبر عما بداخلك إلا بالبكاء كالأطفال........؟
اقفل على نفسى الاده

ماذا تفعل لو كنت مكاني.......؟؟
احب الناس