مساعدة فى اختيار المستقبل

[عبدالرحمن م]

سلامو عليكو
ــــــــ

بما أن الأجازة لم تأتى قط بما وعدت به من راحة نفسية تشبه التواجد فى جنة عدن نفسها ولكن أتت بأيام متواصلة من التفكير المتواصل والتدقيق المتواصل والمغص المتواصل أيضاً نتيجة للتفكير فى السؤال الذى يُطرح على صاحبكم عشرين مرة وخمسة فى اليوم "ناوى تدخل ايه يا عبده ؟" أنشأت هذا الموضوع ...

ولأن بسم الله ما شاء الله كلكم "مخلصين" و "مقطعين" أحببت أن اسأل كل من هب ودب

ايه تاريخك مع الكليات ؟

ايه هى الكلية اللى دخلتها وهل الكلية دى كانت بتمثل ميولك فعلاً ؟

هل تعبت على مالقيت شغل ؟

هل ندمت على قرارك ؟

هل شغلك وفرلك حياة كريمة تسمح لك بالقيام بالأنشطة الآدمية الطبيعية ؟

هل انت سعيد ؟

ورجاءً عدم التكلف والتأفف والإمتناع عن وضع كلمة ولو كانت بسيطة وأجوبة وإن كانت مختصرة فكل كلمة ستساعد "طالب حياة" و"ولى أمر طالب الحياة" فى تحريك القدم اليمنى إلى الأمام بشىء من الإطمئنان أثناء إلقاء جملة

بسم الله الرحمن الرحيم

[فجر الاسلام]

ايه تاريخك مع الكليات ؟

انا مدخلتش غير كلية واحدة بس وهى كلية السياحة والفنادق كنت كتباها رغبة تانية


ايه هى الكلية اللى دخلتها وهل الكلية دى كانت بتمثل ميولك فعلاً ؟انا اتصورت نفسى دكتورة ومهندسة ومدرسة وصيدلانية وحاجات كتير لكن عمرى متصورت نفسى سياحة وفنادق
بص هى مجااال السياحة بصفة عامة مجااال مفتوح فى الحلو وفى الوحش
هى يمكن كمجال عمل تتوافق فى ميولى فى التعامل مع الناس انا بحب اتعامل مع الناس جدا وكمجال عمل بتعتمد على مهارات بتكتسبها التسويق والعملاء حاجات زى كداا وحاجات من التنمية البسرية وانا بحب المجال دا
بس بالنسبة لشخصيتى انا هتأمر لو جالى شغل فى السياحة لانى انا مش ناوية اقبل اى شغل والسلام فى مجال السياحة بالذااات
عايزة شغل يناسب مع فجر وشخصيتهااا

بس خد بالى قلتلك كمجال عمل
لكن كمجال دراسة فاحب اقولك ان مجال دراستها معظمهااا مواد اقتصاد وتنمية وتطوير وتخطيط وكدااا
مش بتأهلك انك لما تتخرج تشتغل على طووول
يعنى لازم لما تتخرج تضرب كورس اى كلام تبع مصر للطيران عشان يتحط فى السى فى
لكن بقى لو ناوى تتفوق بقه وتطلع طيران مثلا بره مصر يعنى سعودى وقطرى دا برضوو بتاخدلها كورسات تبع لاياتا بمبلغ وقدره
لاحظ برضووو ان كلامى عن قسمى وتخصصى

لان كليتنى 2 اقسام
سياحة وفنادق وارشاد

بس هقولك على حاجة برضووو عشان اكون صريحة معااااك

ممكن اى حد يشتغل فى مجال السياحة مدام واخد كورسات ومظبط نفسه كمهارات شخصية وكداا
وكتييييييييييييييييييير من كليات تانية بيتفوقواا عننا احنا خريجين سياحة

بالنسبة بقه لكليتى فهى امكانيات ضعيفة فى اسكندرية بس جام عة القاهرة اقوى

بصفة عامة يا عبد الر حمن مجال الدراسة فاحسنها كلية بتختلف عن مجال العمل
يعنى هى بتديك شهادة فيها مبادىء بسيطة لكن مجااال العمل مختلف بيعتمد على الشخص اكتر
ودا حتى فى كليات القمة زى هندسة وكدااا



هل تعبت على مالقيت شغل ؟

هل ندمت على قرارك ؟

هل شغلك وفرلك حياة كريمة تسمح لك بالقيام بالأنشطة الآدمية الطبيعية ؟انا طولت علييييييييييك فى السؤالين اللى فوووق عشان مش هجاوب على طووول عشان لسه على اجابة الاسئلة دى خطوة

[فجر الاسلام]

بص يا عبد الرحمن انا ملقتش اكتر من الكليب دا يوريك مستوى التعليم والمستقبل الباهر فى المدارس والجامعات


الرابط لايظهر فى الأرشيف

[Muhamed]

بص يا عبده بعيدا عن الاسئله فى بعض الحاجات لازم تكون فاهمها واظن انى قلتهالك قبل كده

اى كليه من التجاره الى الطب تستطيع ان تنجح بداخلها او تفشل

تفرق اوقات فى الطموح اوقات فى الظروف

عندك كليه تجاره ممكن تجيب فيها تقدير كويس وتشتغل فى شركه كويسه اوبنك او وزاره كبيره زى الاستثمار

فى حين ممكن تجيب تقدير الشعب وتدور سنه او اتنين على وظيفه وفى الاخر تلاقى شركه عاديه بمرتب عادى

لو حتى وصلت للمرحله دى من خلال الشركه العاديه لو عندك طموح هتتعلم اكتر وتبنى لنفسك خبره تساعدك انك تقدر تتحرك لمكان تانى افضل

او ممكن تستلم وتفضل محلك سر فى نفس الشركه او الهيئه الحكوميه

حل اخر انك تفتح مشروع خاص بيك انت وزملائك اللى من نفس ظروفك وتشرفوا عليه وتطوروره ويكسب او يخسر طبقا للظروف

وممكن وممكن وممكن

لكل احتمال سلسله من الاحتمالات

علشان كده انا عايز منك طلب من واحد عنده شويه خبره فى سوق العمل بره

متتعبش تفكيرك كتير

اختار احسن كليه ليها سوق عمل ومجموعك يقدر يدخلك ليها

بعدها انت اللى هتختار ما اذا كنت عايز تريح نفسك بعد الكليه بانك تذاكر وتجيب تقدير او تسيبها لبعد الكليه وتشوف حياتك خلالها