اخبار الجو عندكم ايه

[فجر الاسلام]

ازيكم يا تيفاوية عاملين ايه

عاملين ايه فى الجو دا
انا عن نفسى خلاص اتجمدت الجو هوا برررررررد وتلج وبرق ورعد وشتااا جو مخيف

بس انا بقه لفت نظرى حاجة غريبة
انا النهاردة منزلنيش اروح الكلية غير الشديد القوى كان عندى تسليم بحث واخر ميعاد لتسليمه كان يوم الخميس مع انى مخلصاه من كذا يوم بس نسيت اسلمه الخميس وكان معايا رحت اسلمه كان المكتبة قفلت
ههههههههههههههههههههه
شغل طلبة متفوقين بعيد عنكم

المهم نزلت الكلية قلت اروح اسلم البحث ومش هحضر محاضرات عشان الجو سقعة وتلج

طبعا اللى مش من الاسكندرية مش عارف ان مجمع الكليات ورا مكتبة الاسكندرية ومكتبة الاسكندرية عالبحر مباشرة
المهم طبعا ركبت المشروع اللى بيمشى عالبحر
بجد عمرى مشفت البحر بالمنظر دا الموووج عالى جدا بدرجة مش معقولة
تصوروا ان مفيش شواطىء
عارفين الرملة اللى بنعد عليها دى عبارة عن موج
والموج عدى سور الكورنيش ووصل للعربيات
لدرجة من شدة الموج مع الهوا فى اماكن سور الكورنيش وقع وطار فى لوران تصوروا السور دا مكملش سنتين
دا ان دل يدل على الغش والمناقصات اللى ..................
غير كمان الاعلانات الكبيرة للى عالبحر وعماويد الانارة وقعت
والمشوار ميخدش نص ساعة خدته فى ساعة ونص عشان الطريق واقف بسبب الميه وبسبب ان له سايقوعمال يتفرج
الناس كانت عمالة تصور البحر كان شكله متوحش جدا
والجزيرة اللى فى سيدى بشر فى وسط الميه باينة بالعافية
على فكرة كل دا بسبب التوسعات اللى حصلت فى طريق الكورنيش عشان هم ردموا جزء من البحر عشان يوسعوا طريق الكورنيش طبعا وكالعادة فى مص اى حاجة بتتم من غير دراسة او تخطيط
فالردم انت اكنك بتاخد جزء من حق البحر مش من حقك وبعدين الردم بيسبب رتفاع فى مستوى البحر
وعشان قال يعنى دا ميحصلش كنتحاطتلى حواجز امواج فى نص البحر بتخلى البحر فى الصيف اكنه ترعة
شوف بقه فى الشتا الحواجز دى مكنش لها وجود ادام الموج
فعلا تحس من المنظر دا

البحر حاسس بالظلم فقرر ان يثور النهاردة على اللى خدوا حقه


بصو الصراحة انا كنت هموووت واصورلكم المناظر دى
بس الجووو كان جامد جدااا
فخفت ان الهوا يطيرنى

بس قدرت اجبلكم صورتين ناس صورتهم

دى منطقة القلعة



الرابط لايظهر فى الأرشيف 869_n.jpg



المعتاد أن يوم المطر بيكون من أجمل أيام أسكندرية ..
بس للأسف الشديد طريق البحر أنهارده فعلا طريق الموت !!!
حصلت حوادث كتير جدا .. أعمدة الأنارة سقطت فوق السيارات ..
حتى رصيف البحر (المفروض جديد) في لوران تخيلوا .. طار على السيارات ..
ودي صورة للعمال وهم بيرفعوا الأحجار وبينظفه شارع البحر في منطقة لوران الساعة 4 بعد العصر ..
وطبعا المرور واقف لحد ما يخلصوا ..
ربنا يسترها ويعدي النوه دي على خير













الرابط لايظهر فى الأرشيف pg




جــــــليــم

الرابط لايظهر فى الأرشيف 470_n.jpg



وانتو يا تيفاوي قولنا الجو كان عندكم ازاى

[فجر الاسلام]

الرابط لايظهر فى الأرشيف!

[عبدالرحمن م]

أنا النهارده ماكنتش مصدق إنى هقوم كده طبيعى واروح المدرسة

لبست تقيل وأول ما خرجت من الباب لقيت الدنيا بتقولى ارجع تانى

ولإنى بحب البرد والمطر و الجو ده ماهمنيش حاجة ورحت خارج من البيت

"بسم الله توكلت على الله ولا حول ولا قوة إلا بالله العلى العظيم"

وطول الطريق مش مستحمل والجاكت اللى أنا لبسه ولا ليه أى لزمة لإن الهوا خلاه عامل زى ما يكون باراشوت وطاير ورايا

وكل ما الهوا يخبط فى وشى أقول الله يسامحك ياللى فى بالى

الرابط لايظهر فى الأرشيف
ابتسامتك بتقتلنى

المهم وصلت المدرسة رحت مسلم على مدرس الإنجليزى "ازيك يا أستاذ حسنين ... عامل ايه فى الحر ده"

وببص عالمدرسة لقيتهم واقفين طابور وكله عمال يجرى فى مكانه وينفخ فى إيديه ... وبتاع التربية الرياضية شغال فى الميكروفون "يلا اكتر نطوا لفوق ادفى يابنى انت وهو "

وطبعاً لإنى وقور زيادة عن اللزوم وقفت ولا على بالى واكتفيت بقول "لا حول ولا قوة إلا بالله"

حبة ولقينا المدير هيمسك الميكروفون وهيفتح فى الكلام "اخلص يا عم الحران"

ماصدقت إنى طلعت الفصل روحت داخل فى الدكة الدفيانة بتاعتى وكأنه لقاء الأحبة

صوت الهوا برا عامل زى صوت الصحرا "فوووووووووووووووفوو"

الحصة الخامسة كانت امتحان ولذلك دفينا حبتين

وأنا مروح لقيت نص ورق الشجر بقى على الأرض والجو باااااارد زى ما نكون الساعة 6 الصبح (فى يوم طبيعى طبعاً)

وصلت البيت واستمتعت بالدفيان اللى متخزن جوه

وبعدين قلت أشوف أخبار تيفا ايه لقيت واحدة اسمها فجر زهقانة من الجو عندهم فى إسكندرية فقلت افتح فى الكلام !!

:=:=:=:=:تحديث للكومنت:=:=:=:=:

حالياً الدنيا صفرا :bm:

[ابن مصر]

الجو عندناحار الرابط لايظهر فى الأرشيف ومشغليين المكيفات الرابط لايظهر فى الأرشيف

[Sir.7amato]

الجو عندناحار الرابط لايظهر فى الأرشيف ومشغليين المكيفات الرابط لايظهر فى الأرشيف

يعنى انت مكتفتش إنك تقول الجو حر بتزودها علينا وتقول مشغلين التكيفات
حرام عليك يا أخى داحنا هنا متكتكين
والله الجو صعب جداً

مش عاوز غير قاعدة تحت البطانيه وكوباية السحلب أو الكابتشينو اللذيذه
ونتفرج على التليفزيون وتقفل التليفونات وتنفض للبشرية كلها :)

الله عليكى يا فجر والله عيشتينا فى جو اسكندرانى بالتقرير الجميل بتاعك /

[فجر الاسلام]

وببص عالمدرسة لقيتهم واقفين طابور وكله عمال يجرى فى مكانه وينفخ فى إيديه ... وبتاع التربية الرياضية شغال فى الميكروفون "يلا اكتر نطوا لفوق ادفى يابنى انت وهو "

ياااه طابور انا مشفتهوش من 2 ثانوى كنت بوصل على الحصة التانية :shades::bm:

الجو عندناحار الرابط لايظهر فى الأرشيف ومشغليين المكيفات الرابط لايظهر فى الأرشيف

ممنوع دخول المصيفين :bomb::039:



مش عاوز غير قاعدة تحت البطانيه وكوباية السحلب أو الكابتشينو اللذيذه
ونتفرج على التليفزيون وتقفل التليفونات وتنفض للبشرية كلها :)


انا كاكاو باللبن مشروب الطاقة بتاعى

الله عليكى يا فجر والله عيشتينا فى جو اسكندرانى بالتقرير الجميل بتاعك /

هههههههههههه بلاش افتكر انى قلتلك بلاش
بكرة عندى امتحان ونازلة وبيقولو ان كليتنا غرقانة فى الميه ولسه طريق البحر مقفول وعواميد النور والاعلانات لسه بتقع عالعربيات وسور البحر لسه بيطير عالعربيات والطريق مليان حوادث وواقف
ربنا يستر

[فجر الاسلام]

الاسكندرية غرقانة بجد


الرابط لايظهر فى الأرشيف


الرابط لايظهر فى الأرشيف

[فجر الاسلام]

اليوم السابع

شهدت محافظة الإسكندرية موجة هى الأسوأ فى شتاء 2010 حتى الآن، حيث الطقس السيئ وعواصف ممطرة وتساقط قطع من الثلج الصغير، مما أدى إلى شلل مرورى فى مناطق عديدة واقتلاع الأشجار والمظلات على طريق الكورنيش وانهيار بعض الشرفات، حيث تسبب سوء الأحوال الجوية فى مصرع شاب فى العقد الثالث من عمره بعد سقوط سور أحد العقارات من الطابق الحادى عشر فى شارع سينما ليلى بمنطقة باكوس، مما أدى إلى مصرعه فى الحال.

كما تسبب ارتفاع الأمواج فى غرق بعض الكافيتريات المنتشرة على البحر مباشرة، حيث تسبب الطقس السيئ فى غرق كافية لاتينو بمنطقة جليم، بعد أن ارتفع منسوب البحر بفعل الأمواج وأغرق الكافية من الداخل والخارج.

يذكر أن الإسكندرية تمر حاليا بنوة قاسم التى تهب على الإسكندرية فى هذا الوقت كل عام، إلا أنها تأخرت عدة أيام لتحلق بالنوة التى تليها وهى نوة "باقى قاسم" يفصلهما 7 أيام، وتعرف هذه النوة بأنها ممطرة، وتكون الرياح بها جنوبية غربية ثم شمالية غربية، وتصل سرعة الرياح بها إلى من 18 إلى 30 عقدة فى الساعة.

الشروق

أدى سوء الأحوال الجوية بالإسكندرية وهطول الأمطار بغزارة وزيادة سرعة الرياح إلى وفاة مزارع بمنطقة المنتزه شرق الإسكندرية نتيجة هبوط شجرة عليه.

كما توفي طالب بمنطقة الرمل شرق المدينة بعد سقوط جزء من سطح عقار عليه ووفاة عامل منطقة المنتزه إثر سقوط لوح معدني عليه.

تلقى مدير إدارة الحماية المدنية بالإسكندرية اللواء سامي سعيد، بلاغا بحدوث كسر في (الساري) المخصص لإرشاد السفن بمنطقة المكس غرب الإسكندرية، والتابع لهيئة المواني والمنائر.

كما غمرت المياه قاعة الحفلات ومركز الخدمات بنادي المهندسين بكورنيش الإسكندرية، وأحدثت تلفيات بالأثاث وسقط جزء من سور أحد الفنادق بمنطقة العطارين بكورنيش المدينة، وتلقت إدارة الحماية المدنية بالإسكندرية بإشراف العميد نادر الشافعي، وكيل الإدارة، 28 بلاغا بسقوط أجزاء من عقارات وحدوث تلفيات في 9 سيارات نتيجة سقوط أجزاء من عقارات عليها، و14 بلاغا بسقوط أشجار و4 لوحات إعلانات، و58 بلاغا بحدوث ماس كهربائي.

وأدت الأمطار كذلك إلى تعطيل حركة مرور السيارات والمشاة في عدة مناطق، وتم تعزيز الخدمات المرورية لتسيير حركة مرور السيارات وقامت السيارات التابعة لهيئة الصرف الصحي بشفط المياه لتسهيل حركة المشاة.

[عبدالرحمن م]

وعواميد النور والاعلانات لسه بتقع عالعربيات وسور البحر لسه بيطير عالعربياتكله يحاسب على راسه :bm:

[ابن مصر]

الرابط لايظهر فى الأرشيف


الرابط لايظهر فى الأرشيف

الرابط لايظهر فى الأرشيف الرابط لايظهر فى الأرشيف

الرابط لايظهر فى الأرشيف

[Muhamed]

هيا بيارات الميه اللى على الطريق اتسدت ولا ايه !!!

موضوع شيق الصراحه ويستاهل كوبايه الشاى السخنه اللى الواحد يشربها وهوا ملفوف باى حاجه علشان البرد ويتفرج على المنظر فى اسكندريه

جزئيه مد البحر شر ولابد منه

اسكندريه فى الصيف حاذت على اهتمام كبير الصيف اللى فات عكس 10 سنين فاتوا كانت اسكندريه مدينه اكثر منها مصيف

وكونها مصيف فى 3 او 4 شهور من السنه والمكاسب الغريبه اللى بترجع على المحافظه ففى ستين داهيه الحاجات اللى بتحصل واللى بتؤدى الى خسائر بشريه وماديه ولكن للمواطن السكندرى وليس للدوله اللهم الا اصلاح الكورنيش وده تكلفته بتكون اقل بكتير من اللى بتلمه الدوله فى الصيف



اما عبده باشا حبيبى اللى حاطط سوره الراجل الطيب او ابتسامه ملائكيه :wub:

فده الحال يخويا

من 10 سنين كده كان عندى درس عربى الساعه 6 الصبح وفى اليوم ده المطر كان نازل اكتر من يوم شفته فى حياتى

مطر زى حنفيه الميه ورحنا وعاتشى جدا :048:

انت بس احتسب مجهودك عند ربنا وان شاء الله تعبك فى البرد والمطر مش هيروح من غير ما ربنا يجزيك عليه اجر فى الدنيا او فى الاخره


اما الاستاذ اللى قاعد على البسين فابعدوه من وشى الساعه دى انا احتمال ادلق عليه 2 طن جليد وهوا بلبس السباحه اللى لابسه وقاعدلى بيه على البسين :011:


اما عن القاهره فالدنيا مظهرلهاش شمس النهارده تقريبا

ولاول مره فى التاريخ الحديث انزل الموقع وانا لابس جاكيت :bm:

على العموم على غرار عبده اللى الدنيا عنده اصفرت

احنا عندنا الدنيا كانت شويه رمادى وشويه برتقانى (مش اصفر) :walkman:

يعنى شويه كده وشويه كده على حسب المنطقه

مرحبا بقدوم فصل الشتاء:icon26:

[فجر الاسلام]

هو بصراحة منظر البحر بيكون راائع وانا بحب الشتا وبحب اجرى تحته لان دا الوقت الوحيد اللى عادى اجرى فيه ومحدش يستغرب وكمان متعرفش تفرق ان كان دى ميه شتا ولا مزاريب ولو عالبحر بقه البحر يعد يطرطش عليك والهوا يزققك
اغيظكم بقه يا تيفاوية
بس كل دا ياريت يكون من غير عواميد تقع فوق راس الناس

اسكندرية فى الشتااااااااا اروع واجمل بكتير من الصيف

مزيد من الصور



هو بصراحة منظر البحر بيكون راائع وانا بحب الشتا وبحب اجرى تحته لان دا الوقت الوحيد اللى عادى اجرى فيه ومحدش يستغرب وكمان متعرفش ترق ان كان دى ميه شتا ولا مزاريب



مزيد من الصور



الرابط لايظهر فى الأرشيف .jpg [/QUOTE]

دى كلية التربية فى المجمع
الرابط لايظهر فى الأرشيف .jpg



العصاااااااااااااااااااااااااااااااافرة مسقط رأسى غرقت يا رجالة
الشاطىء اللى شاف طفولتى وانا ببلبط فى الميه
الصورة دى من ادام فندق وردة العصافرة
دى العصافرة بحرى انا سكانة فى قبلى السكة تصوروا بقه المنظر اكتر مليون مرة



من امام فندق وردة العصافرة

واخدين بالكم من الرملة فين




الرابط لايظهر فى الأرشيف .jpg




الصيادين خافو عالمراكب فى سيدى بشر وطلعوها بره









الرابط لايظهر فى الأرشيف jpg

[فجر الاسلام]

أعلنت غرفة العمليات بمحافظة الإسكندرية عن انهيار عدد من العقارات نتيجة لهطول الأمطار بغزارة بالإسكندرية حيث انهار مصنع فرز بيض بمنطقة الحضرة مكون من أربع طوابق يعمل به 60 عامل فيما لم تفلح قوات الدفاع المدني في استخراج سوى اثنين من العمال في حالة حرجة والثالث قد لقي حتفه ، فيما تواصل قوات الإنقاذ عملها في استخراج جثث العمال تحت الأنقاض .
و أعلنت غرفة العمليات انهيار 4 عقارات بأماكن مختلفة من الإسكندرية فيما لم يتم الإعلان عن العدد النهائي للقتلى تحت الأنقاض .
وفى نفس السياق تسببت نوة الشتاء في تصدع كورنيش الإسكندرية وهو ما أدى إلى إنهيار أجزاء من سور الكورنيش وخروج مياه البحر إلى الطريق العام إضافة إلى تساقط أعمدة الإنارة على طريق كورنيش الإسكندرية نظرا لضغط الرياح الشديد والأمطار الغزيرة .
وأعلنت غرفة العمليات رفع حالة الطوارئ لمواجهة الانهيارات حتى انتهاء نوة الشتاء ، كما سيتم إعلان قائمة نهائية بالخسائر الناجمة عن الحالة الجوية، وعزف آلاف السكندريين من الخروج إلى أعمالهم اليومية كما خلت المدارس من غالبية الطلاب نظرا للانخفاض الشديد في درجة الحرارة فضلا عن هطول الأمطار والثلج (واخد بالك يا عبد الرحمن)

[فجر الاسلام]

الرابط لايظهر فى الأرشيف _n.jpg

الرابط لايظهر فى الأرشيف _n.jpg





الرابط لايظهر فى الأرشيف _n.jpg












Click on people's faces in the photo to tag them.

الرابط لايظهر فى الأرشيف _n.jpg










الرابط لايظهر فى الأرشيف 3_n.jpg

[فجر الاسلام]

الرابط لايظهر فى الأرشيف _n.jpg



ايه اللى جاب المركب جمب النفق:ohmy::nono:


الرابط لايظهر فى الأرشيف jpg