عيوب تيفا نت وازاى نطوره ..؟؟

[حبيبـة ابـوها]

السلام عليكم ورحمة الله وبركاته




كيف أحوالكم ياتيفاويه ؟ ارجو ان تكونوا بألف خير وبأحسن حال


طبيعى لو سألت استفدتوا ايه من تيفا نت هلاقى ردود كتيره منها اكتسبنا صحبه كويسه
ومعلومات ....... وكلام كتير من دا


لكن اكيد لكل حاجه ميزات وعيوب ؛؛ من وجهة نظركم شايفين ايه عيوب تيفا نت ؟؟
ونقدر اننا نطوره ازااااااااى ؟؟

ملاحظ ان عدد معين من الاعضاء هما اللى نشاطهم ملحوظ فى المنتدى ومن غير مااذكر اسماء علشان ميكونش فيه زعل:shutup:

وملاحظ أيضا غياب اعضاء كتير جدا عن المنتدى ومشاركات قليله
( كل واحد مع عذره يعنى )


عايزة رأيكم ومن غير ضرب نااااار :bomb:

والاختلاف فى الراى لا يفسد للود قضيه ..

بانتظار ارائكم وردودكم واللى ضدى بالموضوع مفيش مشكله
:shades:

فى أمان الله

[ملكة الرحمه]

فى بعض الاعضاء لما بترد على مواضيع
بترد لاعضاء معينه مش عشان الموضوع عشان العضو نفسه
ومش بيشجعو الاعضاء الجديده
والمفروض ترد على الاعضاء كلها مش عشان العضو نفسه
عشان الموضوع الى طرحه
ونبعد عن المجاملات شويه

[عبدالرحمن م]

المشكلة فى النقل

قبل كده نوهنا بإنك لو كتبت موضوع بنفسك هتلاقى تقدير كبير جداً

لكن لو خدت موضوع كوبى وبيست صعب إنك تلوم عضو لو ماردش

لأن ده اللى بيفرق من ان المنتدى يكون تابع أو يكون مصدر

وفى حالة إنه مصدر فياسلام بقى لما الموضوع يتنقل لمنتدى تانى ويبقى اسم تيفا عليه

اكتب ماتنقلش

[Muhamed]

ليا وجهه نظر مختلفه شويتين

المنتدى مش هوا الاصل فى الحياه

بمعنى

يجب ان الناس تعرف ان المنتدى رغم مميزاته الكتيره لكنه مش الحياه كلها ومينفعش يبقى الحياه كلها

عالم الانترنت كله واللى المنتدى حاجه صغيره فيه مينفعش يكون الحياه كلها

المنتدى وقته هوا وقت فراغ من يومك بتقضيه فى الحوار او النقاش او الافاده او الاستفاده من المعلومات او حتى الضحك والفرفشه

ولكن باقى اليوم فى حاجات اهم بكتير من ده

فغالبا الناس اللى بطلت او قللت دخولها اكيد ظروفها فى الحياه اختلفت

ولازم نحترم كده

بالاضافه ان افول النجوم هوا ميلاد لنجوم اخرى

المنتدى هنا عاشر سطوع وافول نجوم كتيره فى سماء الموضوعات

بس رغم افولهم لكن بتظهر نجوم جديده كل فتره مبقلش كل يوم ولكن كل فتره

ودى عبره الزمن

النهارده انا معاكم ومشارك بكره مش هتلاقونى وهذا الكلام ينطبق على الجميع

عضو مشرف مدير الجميع فى النهايه بشر لهم مسئولياتهم

يمكن المسئوليه بتبقى خفيفه مع بدايات العمر يعنى الناس اللى بتدرس هنا بيكون مساحه وقت الفراغ اكتر

لكن الناس بعد التخرج بيتخلقلها مشاغل فى اوقات فراغها

المنتدى اتعمل من 2006

لو بصينا على الفتره الزمنيه دى هنلاقى ان ناس كانت اطفال اصبحت شباب

والشباب اصبحوا رجال

طالب المدرسه دلوقتى بقه ثانوى او الجامعه

واللى فى الجامعه اتخرج واشتغل ويمكن اتجوز كمان

اختلافات كتيره مع الوقت بتحصل لكل واحد فينا

فمحبش اقول فتور علاقه او تجاهل ولكن خلينا نقول ظروف الوقت هيا اللى خلتنا نبعد سؤاء على فترات طويله او قصيره

فى النهايه جزء لا يتعلق بافول النجوم وانما يتعلق باتساع المنتدى

ودى اتفق مليون فى الميه مع عبدالرحمن وياما اتكلمنا فى الموضوع ده

قصه الموضوعات الحصريه والموضوعات المنقوله وطريقه نقل الموضوعات

مهو ايه اللى هيخلى فى اعضاء فى المنتدى لو كل موضعاته منقوله بكده اللى فى المنتدى موجود فى كل مكان تانى على النت

الحمد لله فى ناس كتير دلوقتى بتحاول تعمل موضعات حصريه واتمنى ان عددهم يكتر اكتر من كده وده اللى هيدى رواجل لاسم المنتدى

[حبيبـة ابـوها]

فى بعض الاعضاء لما بترد على مواضيع
بترد لاعضاء معينه مش عشان الموضوع عشان العضو نفسه
ومش بيشجعو الاعضاء الجديده
والمفروض ترد على الاعضاء كلها مش عشان العضو نفسه
عشان الموضوع الى طرحه
ونبعد عن المجاملات شويه ألحقيقه انا اول مرة اعرف حاجه زى كدا
بس احيانا فى ناس مثلا بتدخل موضوع لعضو معين علشان عارفه ان موضوعاته اغلبها كويسه
او فيها فكرة ,, ولو فيه زى ماانتى بتقولى كدا يبقى فعلا ملوش لزوم المجاملات


المشكلة فى النقل

قبل كده نوهنا بإنك لو كتبت موضوع بنفسك هتلاقى تقدير كبير جداً

لكن لو خدت موضوع كوبى وبيست صعب إنك تلوم عضو لو ماردش

لأن ده اللى بيفرق من ان المنتدى يكون تابع أو يكون مصدر

وفى حالة إنه مصدر فياسلام بقى لما الموضوع يتنقل لمنتدى تانى ويبقى اسم تيفا عليه

اكتب ماتنقلش




+1
الحقيقه رأيك صائب جدا ياعبد الرحمن :: لما الموضوع يكون اجتهاد شخصى وبأسلوبك
بيكون احسن من الكوبى والباست ونقل الموضوعات ؛؛ مع العلم ان احيانا اعضاء تعمل كدا
بيكونوا قرأوا الموضوع مثلا واستفادوا منه فبيحبوا انهم يفيدوا الاخرين بيه
واحيانا ناس بتنقل لمجرد زيادة المشاركات بس


ليا وجهه نظر مختلفه شويتين

المنتدى مش هوا الاصل فى الحياه

بمعنى

يجب ان الناس تعرف ان المنتدى رغم مميزاته الكتيره لكنه مش الحياه كلها ومينفعش يبقى الحياه كلها

عالم الانترنت كله واللى المنتدى حاجه صغيره فيه مينفعش يكون الحياه كلها

المنتدى وقته هوا وقت فراغ من يومك بتقضيه فى الحوار او النقاش او الافاده او الاستفاده من المعلومات او حتى الضحك والفرفشه

ولكن باقى اليوم فى حاجات اهم بكتير من ده

فغالبا الناس اللى بطلت او قللت دخولها اكيد ظروفها فى الحياه اختلفت

ولازم نحترم كده

بالاضافه ان افول النجوم هوا ميلاد لنجوم اخرى

المنتدى هنا عاشر سطوع وافول نجوم كتيره فى سماء الموضوعات

بس رغم افولهم لكن بتظهر نجوم جديده كل فتره مبقلش كل يوم ولكن كل فتره

ودى عبره الزمن

النهارده انا معاكم ومشارك بكره مش هتلاقونى وهذا الكلام ينطبق على الجميع

عضو مشرف مدير الجميع فى النهايه بشر لهم مسئولياتهم

يمكن المسئوليه بتبقى خفيفه مع بدايات العمر يعنى الناس اللى بتدرس هنا بيكون مساحه وقت الفراغ اكتر

لكن الناس بعد التخرج بيتخلقلها مشاغل فى اوقات فراغها

المنتدى اتعمل من 2006

لو بصينا على الفتره الزمنيه دى هنلاقى ان ناس كانت اطفال اصبحت شباب

والشباب اصبحوا رجال

طالب المدرسه دلوقتى بقه ثانوى او الجامعه

واللى فى الجامعه اتخرج واشتغل ويمكن اتجوز كمان

اختلافات كتيره مع الوقت بتحصل لكل واحد فينا

فمحبش اقول فتور علاقه او تجاهل ولكن خلينا نقول ظروف الوقت هيا اللى خلتنا نبعد سؤاء على فترات طويله او قصيره

فى النهايه جزء لا يتعلق بافول النجوم وانما يتعلق باتساع المنتدى

ودى اتفق مليون فى الميه مع عبدالرحمن وياما اتكلمنا فى الموضوع ده

قصه الموضوعات الحصريه والموضوعات المنقوله وطريقه نقل الموضوعات

مهو ايه اللى هيخلى فى اعضاء فى المنتدى لو كل موضعاته منقوله بكده اللى فى المنتدى موجود فى كل مكان تانى على النت

الحمد لله فى ناس كتير دلوقتى بتحاول تعمل موضعات حصريه واتمنى ان عددهم يكتر اكتر من كده وده اللى هيدى رواجل لاسم المنتدى





بخصوص رايك وبحترمه برضو .. فى الموضوع فوق قلت ان الاعضاء الملاحظ غيابهم
وكتبت تحتها بين قوسين كل واحد ومعاه عذره ..
والمنتدى فعلا ما هو الا مكان لقضاء وقت فراغ مش اكتر
بس كانت الفكرة ان فى الوقت اللى بنقضيه نحاول نطور المنتدى بنفسنا احنا سواء بموضوعات مفيده او موضوعات اجتهاد شخصى اى حاجه ,,