إصابة 53 طالبا في انهيار مدرج خلال حفل لعمرو دياب في القطامية

[عيون الحب]

القاهرة - أخبار مصر


تولت النيابة العامة التحقيق في الحادث الذي أصيب فيه 53 طالبا وطالبة جراء انهيار مدرج أثناء المشاركة فى حفل للمطرب عمرو دياب داخل جامعة جيل المستقبل بالقطامية ليل الجمعة، فيما تم نقل المصابين إلى مستشفى البنك الأهلى واليوم الواحد لتلقى العلاج.


وتلقى اللواء حسن السوهاجى مدير مباحث حلوان، إخطارا بإصابة 53 طالبا من جامعة جيل المستقبل أثناء قيام المطرب عمرو دياب بإحياء حفل غنائي داخل الجامعة.


وتبين انهيار المسرح على مساحة كبيرة نتيجة تكدس الطلاب عليه خلال الحفل الذي شهد حضورا مكثفا تعدى الـ50 ألف شخص، بحسب بوابة الاهرام السبت.


وقد انتقلت 30 سيارة إسعاف لمكان الحادث لنقل الطلاب، وجرى إخطار النيابة التي تولت التحقيق.

[Muhamed]

50 الف علشان عمرو دياب

كل واحد دفعله تذكره على الاقل 100 جنيه

يعنى بنتكلم فى 5 مليون جنيه فى ساعتين اغانى

لا حول ولا قوه الا بالله

[Sir.7amato]

50 الف علشان عمرو دياب
كل واحد دفعله تذكره على الاقل 100 جنيه
يعنى بنتكلم فى 5 مليون جنيه فى ساعتين اغانى
لا حول ولا قوه الا بالله



الحفل خيرى يا ريس
والعائد بتاعها رايح لمستشفى سرطان الأطفال الجديده فى 6 أكتوبر
هو عمرو بياخد أكتر من كده
بس المرادى الخمسه مليون مش رايحين ليه
رايحين للمستشفى :

[Muhamed]

لو شركات الخمور قالت انها هتدى 10% من عائد الخمور الى مستشفى السرطان او اى مشروع خيرى

هل ده يكون سبب ان الناس تشربها!!!

المشكله يا حمتو فى الشاب اللى يدفع فلوس لحفله وميروحش يدفعها من بره بره للمستشفى واللى انا واثق انه من غير الحفله مكنش هيدفع للمستشفى

[عيون الحب]

أصيب أكثر من 66 شابا وفتاة خلال الحفل الذي أحياه عمرو دياب يوم الجمعة بجامعة المستقبل الذى فاق عدده قدرة منظمي الحفل على السيطرة حتى أن عددا من الشباب تسلق أسوار الجامعة لحضور الحفل الذي شهد الطريق المؤدي إليه ارتباكا مروريا طيلة المساء وقر عدد الحضور بأكثر من 50 الف شخص. وتردد أن عدد المصابين في الحفل بلغ 66 طالبا وطالبة وان كانت بعض المصادر صرحت ان المصابين عددهم يفوق 200 مصاب من الشباب والبنات بعضهم اصابات خطيرة وكان هذا عقب انهيار مدرج مخصص للجمهور في حين أوردت مصادر أخرى أن معظم المصابين وقعوا في حفرة كانت مغطاة بالأخشاب وسط مكان الحفل وأن الخشب لم يتحمل فانهارت الحفرة فجأة.,وقد استاء الكثير من الشباب والبنات واولياء الامور من سوءالتنظيم وعدم السيطرة على الحفل الذى تخلله الكثير من التحرشات بالفتيات ومجموعة من "البودي جارد" أقل ما يوصفون به أنهم "بلطجية" يستعينون بعدد من الكلاب الشرسة التى كانت مخصصة لإرهاب الشباب والفتيات علاوة على التلويح بالصواعق الكهربائية

[SIMO]

الحفل خيرى يا ريس
والعائد بتاعها رايح لمستشفى سرطان الأطفال الجديده فى 6 أكتوبر

ياريت بس ياجماعه نكون فاهمين زي الراجل ده
يعني قبل مانقول اي كلام نشوف الفلوس رايحه او جايه منين
علي العموم ربنا يقدر كل الناس في فعل الخير
بس فيه مشكله في البلد دي ولسه مش هتتصلح والله
يلاخير

[WebCraker]

ماندوز له وجهة نظر واضحة اتفق معه

يعنى لو واحد من اللى وقعوا واتعوروا دول كان مات

هيقول لربنا يارب انا كنت فى حفلة أغانى وفيها بنات رايحة جايه عمال اتفرج عليهم وبسمع اغانى فى جو كله هرج ومرج

أصل انا كنت بتبرع للمستشفى ... :bm: