للمتحرشين فقط

[فجر الاسلام]

حمدى يوسف يكتب: للمتحرشين فقط




عاكس القطه تخربشك
واتحرش بأنثى تهبشك
اشرب لك عصير ينعشك
ولا اسمع نكته حلوه تفرفشك
سيبك م المشاكل تدوشك
اشغل فراغك بكتاب يثقفك
لو شفتها ف ميدان
ولا قابلتها ف دكان
اهرب لأى مكان
لتسمع لفظ يخدشك
متعملش روحك فتوه
لو شفت منظر مش هو
خليك شاب محترم
انسى مرة إنك برم
لتخدها كعب داير
وتقضى عمرك حاير
اللى إنت شايفها
ف الرايحه تشاغلها
والجايه تناغشها
إعمل نفسك مش شايفها
تلاقيها بنت جارك
ولا حتى أخت صاحبك
وإن كنت طول نهارك
خارج بره دارك
امشى مستقيم
أوع تكون لئيم
خليك دايما حكيم
ليطولك العقاب
وتشوف أيام هباب
فى النهاية يا صاحبى
مع حبى وتقديرى
خلينا بعيد عن الميرى
وماتقولش أيه ذنبى
لو البنات عكشوك
بأبو وردة ضربوك
وبأهلك سبوك
على أقرب قسم شرطة
يا خفيف جرجروك

[WebCraker]

لأ حلوة
وعلى رأى المثل امشى مستقيم يحتار عدوك فيك ,,

[The_boss22]

على رأى المثل امشى مستقيم يحتار عدوك فيك

امشي ورا الحيط تلاقي الناس جمبيك .. موووثل انما ايه ... شـُـوعبي شـُـوعبي

[ابن مصر]

لأ حلوة
وعلى رأى المثل امشى مستقيم يحتار عدوك فيك ,,

وقالو في المثل

اقلب القدرة على فومها ، يأرض ما عليكي أدي

[هند]

الله الله جميلة اوى على فكره
تسلم ايديك ع التميز ده
تقبل مرورى

[عاشق الايمان]

اشرب لك عصير ينعشك
ولا اسمع نكته حلوه تفرفشك
سيبك م المشاكل تدوشك





:bomb::bomb::bomb::bomb::bomb: :bm::bm::bm::bm::bm::bm:

[سمو الأحساس]

شعر جامد والله

هههههههههه

شكرا على الكلام الجامد ده

تحياتي